Luke 9:50 Cross References - Wycliffe

⁵⁰ And Jhesus seide to hym, Nyle ye forbede, for he that is not ayens vs, is for vs.

¹⁴ Therfor `the sones of Israel token of the metis of hem, and thei axiden not `the mouth of the Lord.

⁵ Haue thou trist in the Lord, of al thin herte; and triste thou not to thi prudence. ⁶ In alle thi weies thenke thou on hym, and he schal dresse thi goyngis.

³⁰ He that is not with me, is ayens me; and he that gaderith not togidere with me, scaterith abrood.

²⁸ And he seide to hem, An enemy hath do this thing. And the seruauntis seiden to him, `Wolt thou that we goon, and gaderen hem? ²⁹ And he seide, Nay, lest perauenture ye in gaderynge taris drawen vp with hem the whete bi the roote. ³⁰ Suffre ye hem bothe to wexe in to repyng tyme; and in the tyme of ripe corne Y shal seie to the reperis, First gadere ye to gidere the taris, and bynde hem to gidere in knytchis to be brent, but gadere ye whete in to my berne.

²⁴ And he seide, Yhis. And whanne he was comen in to the hous, Jhesus cam bifor hym, and seide, Symount, what semeth to thee? Kyngis of erthe, of whom taken thei tribute? of her sones, ether of aliens?

²⁶ But that we sclaundre hem not, go to the see, and caste an hook, and take thilke fisch that first cometh vp; and, whanne his mouth is opened, thou schalt fynde a stater, and yyue for thee and for me.

⁴¹ And who euer schal sclaundre oon of these litle that bileuen in me, it were betere to hym that a mylne stoon `of assis were don aboute his necke, and he were cast in to the see.

²³ He that is not with me, is ayens me; and he that gederith not togidir with me, scaterith abrood.

¹³ No seruaunt may serue to twei lordis; for ether he schal hate `the toon, and loue the tothir; ethir he schal drawe to `the toon, and schal dispise the tothir. Ye moun not serue to God and to ritchesse.

³ Therfor Y make knowun to you, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost.

¹⁵ But summe for enuye and strijf, summe for good wille, prechen Crist; ¹⁶ and summe of charite, witinge that Y am put in the defense of the gospel. ¹⁷ But summe of strijf schewen Crist not cleneli, gessynge hem to reise tribulacioun to my boondis. ¹⁸ But what? the while on al maner, ethir bi occasioun, ethir bi treuthe, Crist is schewid; and in this thing Y haue ioye, but also Y schal haue ioye.