Mark 11 Cross References - Wycliffe

¹ And whanne Jhesus cam nyy to Jerusalem and to Betanye, to the mount of Olyues, he sendith tweyne of hise disciplis, and seith to hem, ² Go ye in to the castel that is ayens you; and anoon as ye entren there ye schulen fynde a colt tied, on which no man hath sete yit; vntie ye, and brynge hym. ³ And if ony man seye ony thing to you, What doen ye? seie ye, that he is nedeful to the Lord, and anoon he schal leeue hym hidir. ⁴ And thei yeden forth, and founden a colt tied bifor the yate with out forth, in the metyng of twei weies; and thei vntieden hym. ⁵ And summe of hem that stoden there seiden to hem, What doen ye, vntiynge the colt? ⁶ And thei seiden to hem, as Jhesus comaundide hem; and thei leften it to hem. ⁷ And thei brouyten the colt to Jhesu, and thei leiden on hym her clothis, and Jhesus sat on hym. ⁸ And many strewiden her clothis in the weie, othere men kittiden braunchis fro trees, and strewiden in the weie. ⁹ And thei that wenten bifor, and that sueden, crieden, and seiden, Osanna, ¹⁰ blissid is he that cometh in the name of the Lord; blessid be the kyngdom of oure fadir Dauid that is come; Osanna in hiyest thingis. ¹¹ And he entride in to Jerusalem, in to the temple; and whanne he `hadde seyn al thing aboute, whanne it was eue, he wente out in to Betanye, with the twelue. ¹² And anothir daye, whanne he wente out of Betanye, he hungride. ¹³ And whanne he hadde seyn a fige tree afer hauynge leeues, he cam, if happili he schulde fynde ony thing theron; and whanne he cam to it, he foonde no thing, out takun leeues; for it was not tyme of figis. ¹⁴ And Jhesus answeride and seide to it, Now neuer ete ony man fruyt of thee more. And hise disciplis herden; ¹⁵ and thei camen to Jerusalem. And whanne he was entrid in to the temple, he bigan to caste out silleris and biggeris in the temple; and he turnede vpsodoun the bordis of chaungeris, and the chayeris of men that selden culueris; ¹⁶ and he suffride not, that ony man schulde bere a vessel thorou the temple. ¹⁷ And he tauyte hem, and seide, Whether it is not writun, That myn hous schal be clepid the hous of preyng to alle folkis? but ye han maad it a denne of theues. ¹⁸ And whanne this thing was herd, the princis of prestis and scribis souyten hou thei schulden leese hym; for thei dredden hym, for al the puple wondride on his techyng. ¹⁹ And whanne euenyng was come, he wente out of the citee. ²⁰ And as thei passiden forth eerli, thei sayn the fige tree maad drye fro the rootis. ²¹ And Petir bithouyte hym, and seide to hym, Maister, lo! the fige tree, whom thou cursidist, is dried vp. ²² And Jhesus answeride and seide to hem, Haue ye the feith of God; ²³ treuli Y seie to you, that who euer seith to this hil, Be thou takun, and cast in to the see; and doute not in his herte, but bileueth, that what euer he seie, schal be don, it schal be don to hym. ²⁴ Therfor Y seie to you, alle thingis what euer thingis ye preynge schulen axe, bileue ye that ye schulen take, and thei schulen come to you. ²⁵ And whanne ye schulen stonde to preye, foryyue ye, if ye han ony thing ayens ony man, that youre fadir that is in heuenes, foryyue to you youre synnes. ²⁶ And if ye foryyuen not, nether youre fadir that is in heuenes, schal foryyue to you youre synnes. ²⁷ And eftsoone thei camen to Jerusalem. And whanne he walkide in the temple, the hiyeste prestis, and scribis, and the elder men camen to hym, ²⁸ and seyn to hym, In what power doist thou these thingis? or who yaf to thee this power, that thou do these thingis? ²⁹ Jhesus answeride and seide to hem, And Y schal axe you o word, and answere ye to me, and Y schal seie to you in what power Y do these thingis. ³⁰ Whether was the baptym of Joon of heuene, or of men? answere ye to me. ³¹ And thei thouyten with ynne hem silf, seiynge, If we seien of heuene, he schal seie to vs, Whi thanne bileuen ye not to him; ³² if we seien of men, we dreden the puple; for alle men hadden Joon, that he was verili a prophete. ³³ And thei answeryden, and seien to Jhesu, We witen neuer. And Jhesu answerde, and seide to hem, Nether Y seie to you, in what power Y do these thingis.

³⁰ Forsothe Dauid stiede on the hil of olyue trees, stiynge and wepynge, with the heed hilyd, and `goynge with nakid feet; but also al the puple that was with hym, stiede with the heed hilid, and wepte.

⁴ And hise feet schulen stonde in that dai on the hil of olyues, that is ayens Jerusalem at the eest. And the hil of olyues schal be coruun of the myddil part therof to the eest and to the west, bi ful greet biforbrekyng; and the myddil of the hil schal be departid to the north, and the myddil therof to the south.

¹ And whanne Jhesus cam nyy to Jerusalem, and cam to Bethfage, at the mount of Olyuete, thanne sente he his twei disciplis, and seide to hem, ² Go ye in to the castel that is ayens you, and anoon ye schulen fynde an asse tied, and a colt with hir; vntien ye, and brynge to me. ³ And if ony man seie to you ony thing, seie ye, that the Lord hath nede to hem; and anoon he schal leeue hem. ⁴ Al this was doon, that that thing schulde be fulfillid, that was seid bi the prophete, seiynge, Seie ye to the douyter of Syon, Lo! ⁵ thi kyng cometh to thee, meke, sittynge on an asse, and a fole of an asse vnder yok. ⁶ And the disciplis yeden, and diden as Jhesus comaundide hem. ⁷ And thei brouyten an asse, and the fole, and leiden her clothis on hem, and maden hym sitte aboue. ⁸ And ful myche puple strewiden her clothis in the weie; othere kittiden braunchis of trees, and strewiden in the weie. ⁹ And the puple that wente bifore, and that sueden, crieden, and seiden, Osanna to the sone of Dauid; blessid is he that cometh in the name of the Lord; Osanna in hiy thingis. ¹⁰ And whanne he was entrid in to Jerusalem, al the citee was stirid, and seide, Who is this? ¹¹ But the puple seide, This is Jhesus, the prophete, of Nazareth of Galilee.

¹⁷ And whanne he hadde left hem, he wente forth out of the citee, in to Bethanye; and there he dwelte, and tauyte hem of the kyngdom of God.

³ And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world.

³⁰ And whanne the ympne was seid, thei wenten out in to the mount of Olyuete.

⁷ And he clepide togidere twelue, and bigan to sende hem bi two togidere; and yaf to hem power of vnclene spiritis,

³ And whanne he sat in the mount of Olyues ayens the temple, Petir and James and Joon and Andrew axiden hym bi hem silf,

¹³ And he sendith tweyn of hise disciplis, and seith to hem, Go ye in to the citee, and a man berynge a galoun of watir schal meete you; sue ye hym.

²⁹ And it was don, whanne Jhesus cam nyy to Bethfage and Betanye, at the mount, that is clepid of Olyuete, he sente hise twei disciplis, and seide, ³⁰ Go ye in to the castel, that is ayens you; in to which as ye entren, ye schulen fynde a colt of an asse tied, on which neuer man sat; vntye ye hym, and brynge ye to me. ³¹ And if ony man axe you, whi ye vntien, thus ye schulen seie to hym, For the Lord desirith his werk. ³² And thei that weren sent, wenten forth, and fonden as he seide to hem, a colt stondynge. ³³ And whanne thei vntieden the colt, the lordis of hym seiden to hem, What vntien ye the colt? ³⁴ And thei seiden, For the Lord hath nede to hym. ³⁵ And thei ledden hym to Jhesu; and thei castynge her clothis on the colt, setten Jhesu on hym. ³⁶ And whanne he wente, thei strowiden her clothis in the weie. ³⁷ And whanne he cam nyy to the comyng doun of the mount of Olyuete, al the puple that cam doun bygunnen to ioye, and to herie God with greet vois on alle the vertues, that thei hadden sayn, ³⁸ and seiden, Blessid be the king, that cometh in the name of the Lord; pees in heuene, and glorie in hiye thingis. ³⁹ And sum of the Farisees of the puple seiden to hym, Maister, blame thi disciplis. ⁴⁰ And he seide to hem, Y seie to you, for if these ben stille, stoonus schulen crye.

¹ But Jhesus wente in to the mount of Olyuete.

¹⁴ And Jhesus foond a yonge asse, and sat on hym, ¹⁵ as it is writun, The douytir of Syon, nyle thou drede; lo! thi kyng cometh, sittynge on `an asse fole. ¹⁶ Hise disciplis knewen not first these thingis, but whanne Jhesus was glorified, thanne thei hadden mynde, for these thingis weren writun of hym, and these thingis thei diden to hym. ¹⁷ Therfor the puple bar witnessyng, that was with hym, whanne he clepide Lazarus fro the graue, and reiside hym fro deth. ¹⁸ And therfor the puple cam, and mette with hym, for thei herden that he hadde don this signe. ¹⁹ Therfor the Farisees seiden to hem silf, Ye seen, that we profiten no thing; lo! al the world wente aftir hym.

¹² Thanne thei turneden ayen to Jerusalem, fro the hille that is clepid `the hille of Olyuete, which is bisidis Jerusalem an halidaies iourney.

² Go ye in to the castel that is ayens you, and anoon ye schulen fynde an asse tied, and a colt with hir; vntien ye, and brynge to me. ³ And if ony man seie to you ony thing, seie ye, that the Lord hath nede to hem; and anoon he schal leeue hem.

³⁰ Go ye in to the castel, that is ayens you; in to which as ye entren, ye schulen fynde a colt of an asse tied, on which neuer man sat; vntye ye hym, and brynge ye to me. ³¹ And if ony man axe you, whi ye vntien, thus ye schulen seie to hym, For the Lord desirith his werk.

¹² thou art Lord of alle; in thin hond is vertu, and power, and in thin hond is greetnesse, and lordschipe of alle. ¹³ Now therfor, oure God, we knoulechen to thee, and we herien thi noble name. ¹⁴ Who am Y, and who is my puple, that we moun bihete alle these thingis to thee? Alle thingis ben thine, and we han youe to thee tho thingis, whiche we token of thin hond. ¹⁵ For we ben pilgrimes and comelyngis bifor thee, as alle oure fadris; oure daies ben as schadewe on the erthe, and `no dwellyng is. ¹⁶ Oure Lord God, al this plentee which we han maad redi, that an hows schulde be byldid to thin hooli name, is of thin hond; and alle thingis ben thin. ¹⁷ My God, Y woot, that thou preuest hertis, and louest symplenesse of herte; wherfor and Y, in the symplenesse of myn herte, haue offrid gladli alle these thingis; and Y siy with greet ioye thi puple, which is foundun here, offre yiftis to thee. ¹⁸ Lord God of Abraham, and of Ysaac, and of Israel, oure fadris, kepe thou with outen ende this wille of her hertis; and this mynde dwelle euere in to the worschipyng of thee.

¹ The title of the foure and twentithe salm. To Dauid.

³ His werk is knoulechyng and grete doyng; and his riytfulnesse dwellith in to the world of world.

¹⁵ And he schal schewe to you a grete soupyng place arayed, and there make ye redi to vs.

²⁴ And thei preieden, and seiden, Thou, Lord, that knowist the hertis of alle men, schewe whom thou hast chosun of these tweyne,

³⁶ God sente a word to the children of Israel, schewinge pees bi Jhesu Crist; this is Lord of alle thingis.

²⁵ nethir is worschipid bi mannus hoondis, nether hath nede of ony thing, for he yyueth lijf to alle men, and brethinge, and alle thingis;

⁹ And ye witen the grace of oure Lord Jhesu Crist, for he was maad nedi for you, whanne he was riche, that ye schulden be maad riche bi his nedynesse.

⁷ Thou hast maad hym a litil lesse than aungels; thou hast corowned hym with glorie and onour; and thou hast ordeyned him on the werkis of thin hondis. ⁸ Thou hast maad alle thingis suget vndur hise feet. And in that that he sugetide alle thingis to hym, he lefte no thing vnsuget to him. But now we seen not yit alle thingis suget to hym; ⁹ but we seen hym that was maad a litil lesse than aungels, Jhesu, for the passioun of deth crowned with glorie and onour, that he thorouy grace of God schulde taste deth for alle men.

⁶ And the disciplis yeden, and diden as Jhesus comaundide hem. ⁷ And thei brouyten an asse, and the fole, and leiden her clothis on hem, and maden hym sitte aboue.

¹⁹ And the disciplis diden, as Jhesus comaundide to hem; and thei maden the paske redi.

³² And thei that weren sent, wenten forth, and fonden as he seide to hem, a colt stondynge. ³³ And whanne thei vntieden the colt, the lordis of hym seiden to hem, What vntien ye the colt? ³⁴ And thei seiden, For the Lord hath nede to hym.

⁵ His modir seith to the mynystris, What euere thing he seie to you, do ye.

⁸ By feith he that is clepid Abraham, obeiede to go out in to a place, whiche he schulde take in to eritage; and he wente out, not witinge whidur he schulde go.

¹³ Therfor thei hastiden, and ech man took his mentil, and puttide vndir hise feet bi the licnesse of a trone. And thei sungen with a trumpe, and seiden, Hieu schal regne.

⁹ Thou douyter of Sion, make ioie withoutforth ynow, synge, thou douyter of Jerusalem; lo! thi kyng schal come to thee, he iust, and sauyour; he pore, and stiynge on a sche asse, and on a fole, sone of a sche asse.

⁴ Al this was doon, that that thing schulde be fulfillid, that was seid bi the prophete, seiynge, Seie ye to the douyter of Syon, Lo! ⁵ thi kyng cometh to thee, meke, sittynge on an asse, and a fole of an asse vnder yok.

⁷ And thei brouyten an asse, and the fole, and leiden her clothis on hem, and maden hym sitte aboue. ⁸ And ful myche puple strewiden her clothis in the weie; othere kittiden braunchis of trees, and strewiden in the weie.

³⁵ And thei ledden hym to Jhesu; and thei castynge her clothis on the colt, setten Jhesu on hym. ³⁶ And whanne he wente, thei strowiden her clothis in the weie.

¹² But on the morew a myche puple, that cam togidere to the feeste dai, whanne thei hadden herd, that Jhesus cam to Jerusalem, ¹³ token braunchis of palmes, and camen forth ayens hym, and crieden, Osanna, blessid is the kyng of Israel, that cometh in the name of the Lord. ¹⁴ And Jhesus foond a yonge asse, and sat on hym, ¹⁵ as it is writun, The douytir of Syon, nyle thou drede; lo! thi kyng cometh, sittynge on `an asse fole. ¹⁶ Hise disciplis knewen not first these thingis, but whanne Jhesus was glorified, thanne thei hadden mynde, for these thingis weren writun of hym, and these thingis thei diden to hym.

⁴⁰ And ye schulen take to you in the firste day fruytis of the faireste tree, and braunchis of palm trees, and braunchis of a `tree of thicke boowis, and salewis of the rennynge streem, and ye schulen be glad bifor youre Lord God;

²⁵ Mi soule cleuede to the pawment; quykine thou me bi thi word. ²⁶ I telde out my weies, and thou herdist me; teche thou me thi iustifiyngis.

⁹ And the puple that wente bifore, and that sueden, crieden, and seiden, Osanna to the sone of Dauid; blessid is he that cometh in the name of the Lord; Osanna in hiy thingis.

³⁹ And Y seie to you, ye schulen not se me fro hennus forth, til ye seien, Blessid is he, that cometh in the name of the Lord.

³⁷ And whanne he cam nyy to the comyng doun of the mount of Olyuete, al the puple that cam doun bygunnen to ioye, and to herie God with greet vois on alle the vertues, that thei hadden sayn, ³⁸ and seiden, Blessid be the king, that cometh in the name of the Lord; pees in heuene, and glorie in hiye thingis.

¹³ token braunchis of palmes, and camen forth ayens hym, and crieden, Osanna, blessid is the kyng of Israel, that cometh in the name of the Lord.

¹⁵ But thei crieden, and seiden, Take awei, take awei; crucifie him. Pilat seith to hem, Schal I crucifie youre king? The bischops answeriden, We han no king but the emperour.

¹ The `title of the hundrid and eiyte and fourtithe salm. Alleluya. Ye of heuenes, herie the Lord; herie ye hym in hiye thingis.

⁶ Forsothe a litil child is borun to vs, and a sone is youun to vs, and prinsehod is maad on his schuldre; and his name schal be clepid Wondurful, A counselour, God, Strong, A fadir of the world to comynge, A prince of pees. ⁷ His empire schal be multiplied, and noon ende schal be of his pees; he schal sitte on the seete of Dauid, and on the rewme of hym, that he conferme it, and make stronge in doom and riytfulnesse, fro hennus forth and til in to with outen ende. The feruent loue of the Lord of oostis schal make this.

¹⁵ In tho daies, and in that tyme, Y schal make the seed of riytfulnesse to buriowne to Dauid, and he schal make doom and riytfulnesse in erthe. ¹⁶ In tho daies Juda schal be sauyd, and Israel schal dwelle tristili; and this is the name which thei schulen clepe hym, Oure riytful Lord. ¹⁷ For the Lord seith these thingis, A man of Dauid schal not perische, that shal sitte on the trone of the hous of Israel;

²⁶ sotheli and Y schal caste awei the seed of Jacob, and of Dauid, my seruaunt, that Y take not of the seed of hym princes, of the seed of Abraham, of Isaac, and of Jacob; for Y schal brynge ayen the conuersioun of hem, and Y schal haue merci on hem.

²³ and Y schal reise on tho o sheepherde, my seruaunt Dauid, that schal fede tho; he schal fede tho, and he schal be `in to a sheepherde to hem. ²⁴ Forsothe Y the Lord schal be in to God to hem, and my seruaunt Dauid schal be prince in the myddis of hem; Y the Lord spak.

²⁴ And my seruaunt Dauid schal be kyng on hem, and o scheepherde schal be of alle hem; thei schulen go in my domes, and thei schulen kepe my comaundementis, and schulen do tho. ²⁵ And thei schulen dwelle on the lond, which Y yaf to my seruaunt Jacob, in which youre fadris dwelliden; and thei schulen dwelle on that lond, thei, and the sones of hem, and the sones of her sones, til in to with outen ende; and Dauid, my seruaunt, schal be the prince of hem with outen ende.

⁵ And after these thingis the sones of Israel schulen turne ayen, and schulen seke her Lord God, and Dauid, her king; and thei schulen drede at the Lord, and at the good of him, in the laste of daies.

¹¹ In that dai Y schal reise the tabernacle of Dauith, that felle doun, and Y schal ayen bilde openyngis of wallis therof, and Y schal restore the thingis that fellen doun; and Y schal ayen bilde it, ¹² as in olde daies, that thei welde the remenauntis of Idume, and alle naciouns; for that my name is clepun to help on hem, seith the Lord doynge these thingis.

³¹ Lo! thou schalt conceyue in wombe, and schalt bere a sone, and thou schalt clepe his name Jhesus. ³² This schal be greet, and he schal be clepid the sone of the Hiyeste; and the Lord God schal yeue to hym the seete of Dauid, his fadir, and he schal regne in the hous of Jacob with outen ende, ³³ and of his rewme schal be noon ende.

¹⁴ and seiynge, Glorie be in the hiyeste thingis to God, and in erthe pees be to men of good wille.

⁹ And he seide to me, Entre thou, and se the worste abhomynaciouns, whiche these men doon here.

¹² And it schal be, in that tyme Y schal seke Jerusalem with lanternes, and Y schal visite on alle men piyt in her darstis, whiche seien in her hertis, The Lord schal not do wel, and he schal not do yuele.

¹ Lo! Y sende myn aungel, and he schal make redi weie bifor my face; and anoon the lordshipere, whom ye seken, schal come to his hooli temple, and the aungel of testament, whom ye wolen. Lo! he cometh, seith the Lord of oostis;

¹⁰ And whanne he was entrid in to Jerusalem, al the citee was stirid, and seide, Who is this? ¹¹ But the puple seide, This is Jhesus, the prophete, of Nazareth of Galilee. ¹² And Jhesus entride in to the temple of God, and castide out of the temple alle that bouyten and solden; and he turnede vpsedoun the bordis of chaungeris, and the chayeris of men that solden culueris. ¹³ And he seith to hem, It is writun, Myn hous schal be clepid an hous of preier; but ye han maad it a denne of theues. ¹⁴ And blynde and crokid camen to hym in the temple, and he heelide hem. ¹⁵ But the princis of prestis and scribis, seynge the merueilouse thingis that he dide, and children criynge in the temple, and seiynge, Osanna to the sone of Dauid, hadden indignacioun, ¹⁶ and seiden to hym, Herist thou what these seien? And Jhesus seide to hem, Yhe; whether ye han neuer redde, That of the mouth of yonge children, and of soukynge childryn, thou hast maad perfit heriyng? ¹⁷ And whanne he hadde left hem, he wente forth out of the citee, in to Bethanye; and there he dwelte, and tauyte hem of the kyngdom of God.

⁴¹ And whanne he neiyede, `he seiy the citee, ⁴² and wepte on it, and seide, For if thou haddist knowun, thou schuldist wepe also; for in this dai the thingis ben in pees to thee, but now thei ben hid fro thin iyen. ⁴³ But daies schulen come in thee, and thin enemyes schulen enuyroun thee with a pale, and thei schulen go aboute thee, and make thee streit on alle sidis, ⁴⁴ and caste thee doun to the erthe, and thi sones that ben in thee; and thei schulen not leeue in thee a stoon on a stoon, for thou hast not knowun the tyme of thi visitacioun. ⁴⁵ And he entride in to the temple, and bigan to caste out men sellynge ther inne and biynge,

³⁷ And in daies he was techynge in the temple, but in nyytis he yede out, and dwellide in the mount, that is clepid of Olyuet. ³⁸ And al the puple roos eerli, to come to hym in the temple, and to here hym.

¹ But Jhesus wente in to the mount of Olyuete. ² And eerli eft he cam in to the temple; and al the puple cam to hym; and he sat, and tauyte hem.

² And whanne he hadde fastid fourti daies and fourti nyytis, aftirward he hungride.

¹⁸ But on the morowe, he, turnynge ayen in to the citee, hungride. ¹⁹ And he saye a fige tree bisidis the weie, and cam to it, and foond no thing ther ynne but leeues oneli. And he seide to it, Neuer fruyt come forth of thee, in to with outen eende, And anoon the fige tre was dried vp. ²⁰ And disciplis `sawen, and wondriden, seiynge, Hou anoon it driede. ²¹ And Jhesus answeride, and seide to hem, Treuli Y seie to you, if ye haue feith, and douten not, not oonli ye schulen do of the fige tree, but also if ye seyn to this hil, Take, and caste thee in to the see, it schal be don so. ²² And alle thingis what euere ye bileuynge schulen axe in preyer, ye schulen take.

² and was temptid of the deuel, and eet nothing in tho daies; and whanne tho daies weren endid, he hungride.

⁶ And the welle of Jacob was there; and Jhesus was weri of the iourney, and sat thus vpon the welle. And the our was, as it were the sixte. ⁷ And a womman cam fro Samarie, to drawe watir. And Jhesus seith to hir, Yyue me drynk.

³¹ In the mene while hise disciplis preieden hym, and seiden, Maistir, ete. ³² But he seide to hem, Y haue mete to ete, that ye knowen not. ³³ Therfor disciplis seiden togidir, Whether ony man hath brouyt him mete to ete?

²⁸ Aftirward Jhesus witynge, that now alle thingis ben endid, that the scripture were fulfillid, he seith, Y thirste.

¹⁷ Wherfor he ouyte to be likned to britheren bi alle thingis, that he schulde be maad merciful and a feithful bischop to God, that he schulde be merciful to the trespassis of the puple.

³ Therfor `sche yede, and gaderide eeris of corn after the backis of reperis. Forsothe it bifelde, that `thilke feeld hadde a lord, Booz bi name, that was of the kynrede of Elymelech.

⁹ And ye schulen biholde, and sotheli if it stieth ayens Bethsames bi the weie of `hise coostis, `he dide to you this greet yuel; but if nay, we schulen wite `for his hond touchide not vs, but `if it bifelde bi hap.

⁷ Forsothe the vyner of the Lord of oostis is the hous of Israel, and the men of Juda ben the delitable buriownyng of hym. Y abood, that it schal make doom, and lo! wickidnesse; and that it schulde do riytfulnesse, and lo! cry.

¹⁹ And he saye a fige tree bisidis the weie, and cam to it, and foond no thing ther ynne but leeues oneli. And he seide to it, Neuer fruyt come forth of thee, in to with outen eende, And anoon the fige tre was dried vp.

³¹ And it bifel, that a prest cam doun the same weie, and passide forth, whanne he hadde seyn hym.

⁶ Whether fyue sparowis ben not seld for twei halpens; and oon of hem is not in foryetyng bifor God? ⁷ But also alle the heeris of youre heed ben noumbrid. Therfor nyle ye drede; ye ben of more prijs than many sparowis.

⁶ And he seide this liknesse, A man hadde a fige tre plauntid in his vynyerd, and he cam sekynge fruyt in it, and foond noon. ⁷ And he seide to the tilier of the vynyerd, Lo! thre yeeris ben, sithen Y come sekynge fruyt in this fige tre, and Y fynde noon; therfor kitte it doun, whereto ocupieth it the erthe? ⁸ And he answerynge seide to hym, Lord, suffre it also this yeer, the while Y delue aboute it, and Y schal donge it; ⁹ if it schal make fruyt, if nay, in tyme comynge thou schalt kitte it doun.

⁴ Thou Israel, here, thi Lord God is o God. ⁵ Thou schalt loue thi Lord God of al thin herte, and of al thi soule, and of al thi strengthe. ⁶ And these wordis whiche Y comaunde to thee to dai, schulen be in thin herte; ⁷ and thou schalt telle tho to thi sones, and thou schalt thenke on tho, sittynge in thin hows, and goynge in the weie, slepynge, and rysinge. ⁸ And thou schalt bynde tho as a signe in thin hond; and tho schulen be, and schulen be moued bifor thin iyen; and thou schalt write tho in the lyntel,

²⁶ Lo! Y sette forth in youre siyt to day blissyng and cursyng; ²⁷ blessyng, if ye obeien to the heestis of youre Lord God, whiche Y comaunde to you to dai; ²⁸ cursyng, if ye heren not the heestis of youre Lord God, but goen awei fro the weie which Y schewe now to you, and goen after alien goddis whiche ye knowen not. ²⁹ Sotheli whanne thi Lord God hath brouyt thee in to the lond, to which to enhabite thou goist, thou schalt sette blessyng on the hil Garisym, cursyng on the hil Hebal, whiche hillis ben biyende Jordan, ³⁰ aftir the weie that goith to the goyng doun of the sunne, in the lond of Cananey, that dwellith in the feeldi places ayens Galgala, which is bisidis the valey goynge and entrynge fer. ³¹ For ye schulen passe Jordan, that ye welde the lond which youre Lord God schal yyue to you, and that ye haue and welde that lond.

⁵ And now Y schal schewe to you, what Y schal do to my vyner. Y schal take awei the hegge therof, and it schal be in to rauyschyng; Y schal caste doun the wal therof, and it schal be in to defoulyng; and Y schal sette it desert, ⁶ ether forsakun. It schal not be kit, and it schal not be diggid, and breris and thornes schulen `growe vp on it; and Y schal comaunde to cloudis, that tho reyne not reyn on it.

¹⁰ And now the ax is put to the roote of the tree; therfore euery tree that makith not good fruyt, shal be kit doun, and shal be cast in to the fier.

¹⁹ Euery tre that makith not good fruyt, schal be kyt doun, and schal be cast in to the fier.

³³ Ethir make ye the tree good, and his fruyt good; ether make ye the tree yuel and his fruyt yuel; for a tree is knowun of the fruyt. ³⁴ Ye generacioun of eddris, hou moun ye speke goode thingis, whanne ye ben yuele? For the mouth spekith of plente of the herte. ³⁵ A good man bryngith forth good thingis of good tresoure, and an yuel man bringith forth yuel thingis of yuel tresoure.

³³ Here ye another parable. There was an hosebonde man, that plauntide a vynyerd, and heggide it aboute, and dalfe a presour ther ynne, and bildide a tour, and hiride it to erthe tilieris, and wente fer in pilgrimage.

⁴⁴ And he that schal falle on this stoon, schal be brokun; but on whom it schal falle, it schal al tobrise hym.

²⁰ And as thei passiden forth eerli, thei sayn the fige tree maad drye fro the rootis. ²¹ And Petir bithouyte hym, and seide to hym, Maister, lo! the fige tree, whom thou cursidist, is dried vp.

⁶ If ony man dwellith not in me, he schal be caste out as a braunche, and schal wexe drie; and thei schulen gadere hym, and thei schulen caste hym in to the fier, and he brenneth.

²⁰ For if men forsaken the vnclennessis of the world, bi the knowyng of oure Lord and sauyour Jhesu Crist, and eftsone ben wlappid in these, and ben ouercomun, the lattere thingis ben maad to hem worse than the formere.

¹¹ He that noyeth, noye he yit; and he that is in filthis, wexe foul yit; and a iust man, be iustified yit, and the hooli, be halewid yit.

²⁵ thou schalt sille alle thingis, and schalt turne in to prijs, and thou schalt bere in thin hond, and thou schalt go to the place which thi Lord God chees; ²⁶ and thou schalt bie of the same money what euer thing plesith to thee, ethir of droues, ether of scheep; also thou schalt bie wyn, and sidur, and al thing that thi soule desirith; and thou schalt ete bifor thi Lord God, and thou schalt make feeste,

¹² And Jhesus entride in to the temple of God, and castide out of the temple alle that bouyten and solden; and he turnede vpsedoun the bordis of chaungeris, and the chayeris of men that solden culueris. ¹³ And he seith to hem, It is writun, Myn hous schal be clepid an hous of preier; but ye han maad it a denne of theues. ¹⁴ And blynde and crokid camen to hym in the temple, and he heelide hem. ¹⁵ But the princis of prestis and scribis, seynge the merueilouse thingis that he dide, and children criynge in the temple, and seiynge, Osanna to the sone of Dauid, hadden indignacioun, ¹⁶ and seiden to hym, Herist thou what these seien? And Jhesus seide to hem, Yhe; whether ye han neuer redde, That of the mouth of yonge children, and of soukynge childryn, thou hast maad perfit heriyng?

⁴⁵ And he entride in to the temple, and bigan to caste out men sellynge ther inne and biynge, ⁴⁶ and seide to hem, It is writun, That myn hous is an hous of preyer, but ye han maad it a den of theues. ⁴⁷ And he was techynge euerydai in the temple. And the princis of prestis, and the scribis, and the princis of the puple souyten to lese hym;

¹³ And the pask of Jewis was nyy, and Jhesus wente vp to Jerusalem. ¹⁴ And he foond in the temple men sillynge oxun, and scheep, and culueris, and chaungeris sittynge. ¹⁵ And whanne he hadde maad as it were a scourge of smale cordis, he droof out alle of the temple, and oxun, and scheep; and he schedde the money of chaungeris, and turnede vpsedoun the boordis. ¹⁶ And he seide to hem that selden culueris, Take awei fro hennus these thingis, and nyle ye make the hous of my fadir an hous of marchaundise. ¹⁷ And hise disciplis hadden mynde, for it was writun, The feruent loue of thin hous hath etun me.

⁴¹ Ferthermore and whanne an alien, which is not of thi puple Israel, cometh fro a fer lond for thi name; for thi grete name, and thi strong hond, ⁴² and thin arm `holdun forth schal be herd euery where; therfor whanne he cometh, and preieth in this place, ⁴³ thou schalt here in heuene, in the firmament of thi dwellyng place, and thou schalt do alle thingis, for whiche the alien clepith thee, that alle puplis of londis lerne to drede thi name, as thi puple Israel doith, and preue, that thi name is clepid on this hows, which Y bildide. ⁴⁴ If thi puple goith out to batel ayens hise enemyes, bi the weie whidir euer thou sendist hem, thei schulen preye thee ayens the weie of the citee which thou hast chose, and ayens the hows which Y bildide to thi name, ⁴⁵ and thou schalt here in heuene the preyeris of hem, and the bisechyngis of hem, and thou schalt make the doom of hem. ⁴⁶ That if thei synnen to thee, for no man is that synneth not, and thou art wrooth, and bitakist hem to her enemyes, and thei ben led prisoneris in to the lond of enemyes, ⁴⁷ fer ether nyy, and thei doon penaunce in her herte in the place of prisonyng, and ben conuertid, and bisechen in her prisonyng, and seien, We han synned, we han do wickidli, we han do vnfeithfuli; ⁴⁸ and thei turnen ayen to thee in al her herte and al her soule, in the lond of her enemyes, to which thei ben led prisoneris, and thei preyen thee ayens the weie of her lond which thou hast youe to her fadris, and of the citee which thou hast chose, and of the temple which Y bildide to thi name, thou schalt here in heuene,

⁷ Y schal brynge hem in to myn hooli hil, and Y schal make hem glad in the hous of my preier; her brent sacrifices and her slayn sacrifices schulen plese me on my auter; for whi myn hous schal be clepid an hous of preier to alle puplis,

⁷ Ech scheep of Cedar schal be gaderid to thee, the rammes of Nabaioth schulen mynystre to thee; thei schulen be offrid on myn acceptable auter, and Y schal glorifie the hous of my maieste.

¹¹ Whether therfor this hous, wherynne my name is clepid to help bifore youre iyen, is maad a denne of theues? I, Y am, Y siy, seith the Lord.

⁷ Chanaan louyde fals caleng, a gileful balaunce in his hond.

⁴⁶ and seide to hem, It is writun, That myn hous is an hous of preyer, but ye han maad it a den of theues.

¹⁶ And he seide to hem that selden culueris, Take awei fro hennus these thingis, and nyle ye make the hous of my fadir an hous of marchaundise.

¹⁷ And whanne he hadde seyn Elie, he seide, Whether thou art he, that disturblist Israel? ¹⁸ And he seide, Not Y disturble Israel, but thou, and the hows of thi fadir, whiche han forsake the comaundementis of the Lord, and sueden Baalym, `disturbliden Israel.

²⁰ And Achab seyde to Elie, Whether thou hast founde me thin enemy? Which Elie seide, Y haue founde, for thou art seeld that thou schuldist do yuel in the siyt of the Lord.

⁸ And the kyng of Israel seide to Josephat, O man, Mychee, sone of Hiemla, is left, bi whom we moun axe the Lord; but Y hate hym, for he prophesieth not good to me, but yuel. To whome Josephat seide, Kyng, spek thou not so.

¹⁸ Therfor the kyng of Israel seide to Josaphat, Whethir Y seide not to thee, that he prophecieth not good to me, but euere yuel?

⁷ The Lord, ayenbiere of Israel, the hooli therof, seith these thingis to a dispisable soule, and to a folk had in abhomynacioun, to the seruaunt of lordis, Kyngis schulen se, and princes schulen rise togidere, and schulen worschipe, for the Lord, for he is feithful, and for the hooli of Israel, that chees thee.

²⁸ And it was doon, whanne Jhesus hadde endid these wordis, the puple wondride on his techyng;

¹⁵ But the princis of prestis and scribis, seynge the merueilouse thingis that he dide, and children criynge in the temple, and seiynge, Osanna to the sone of Dauid, hadden indignacioun,

³⁸ But the erthe tilieris, seynge the sone, seiden with ynne hem silf, This is the eire; come ye, sle we hym, and we schulen haue his eritage. ³⁹ And thei token, and castiden hym out of the vynyerd, and slowen hym.

⁴⁵ And whanne the princes of prestis and Farisees hadden herd hise parablis, thei knewen that he seide of hem. ⁴⁶ And thei souyten to holde hym, but thei dredden the puple, for thei hadden hym as a prophete.

³ Than the princes of prestis and the elder men of the puple were gaderid in to the halle of the prince of prestis, that was seid Cayfas, ⁴ and maden a counsel to holde Jhesu with gile, and sle him;

²² And thei wondriden on his teching; for he tauyte hem, as he that hadde power, and not as scribis.

⁶ Sotheli Farisees yeden out anoon, and maden a counsel with Erodians ayens hym, hou thei schulden lese hym.

²⁰ And Eroude dredde Joon, and knewe hym a iust man and hooli, and kepte hym. And Eroude herde hym, and he dide many thingis, and gladli herde hym.

³² if we seien of men, we dreden the puple; for alle men hadden Joon, that he was verili a prophete.

¹² And thei souyten to holde hym, and thei dredden the puple; for thei knewen that to hem he seide this parable; and thei leften hym,

¹ Pask and the feest of therf looues was after twei daies. And the hiyest preestis and scribis souyten, hou thei schulden holde hym with gile, and sle. ² But thei seiden, Not in the feeste dai, lest perauenture a noyse were maad among the puple.

²² And alle men yauen witnessyng to hym, and wondriden in the wordis of grace, that camen forth of his mouth. And thei seiden, Whether this is not the sone of Joseph?

⁴⁷ And he was techynge euerydai in the temple. And the princis of prestis, and the scribis, and the princis of the puple souyten to lese hym;

¹⁹ And the princis of prestis, and scribis, souyten to leye on hym hoondis in that our, and thei dredden the puple; for thei knewen that to hem he seide this liknesse.

⁴⁶ The mynystris answeriden, Neuere man spak so, as this man spekith.

⁵³ Therfor fro that day thei souyten for to sle hym. ⁵⁴ Therfor Jhesus walkide not thanne opynli among the Jewis; but he wente in to a cuntre bisidis desert, in to a citee, that is seid Effren, and there he dwellide with hise disciplis. ⁵⁵ And the pask of the Jewis was niy, and many of the cuntrey wenten vp to Jerusalem bifor the pask, to halewe hem silf. ⁵⁶ Therfor thei souyten Jhesu, and spaken togidere, stondynge in the temple, What gessen ye, for he cometh not to the feeste day? For the bischopis and Farisees hadden youun a maundement, that if ony man knowe where he is, that he schewe, that thei take hym.

²⁵ And while he disputide of riytwisnesse, and chastite, and of dom to comynge, Felix was maad tremblinge, and answerde, That perteneth now, go; but in tyme couenable Y schal clepe thee.

⁵ And if ony man wole anoye hem, fier schal go out of the mouth of hem, and schal deuoure her enemyes. And if ony wole hirte hem, thus it bihoueth hym to be slayn. ⁶ These han power to close heuene, that it reyne not in the daies of her prophesie; and thei han power on watris, to turne hem in to blood; and to smyte the erthe with euery plage, and as ofte as thei wolen. ⁷ And whanne thei schulen ende her witnessing, the beeste that stieth vp fro depnesse, schal make batel ayens hem, and schal ouercome hem, and schal sle hem. ⁸ And the bodies of hem schulen ligge in the stretis of the greet citee, that is clepid goostli Sodom, and Egipt, where the Lord of hem was crucified. ⁹ And summe of lynagis, and of puplis, and of langagis, and of hethene men, schulen se the bodies of hem bi thre daies and an half; and thei schulen not suffre the bodies of hem to be put in biriels. ¹⁰ And men enhabitynge the erthe schulen haue ioye on hem; and thei schulen make myrie, and schulen sende yiftis togidere, for these twei prophetis turmentiden hem that dwellen on the erthe. ¹¹ And he entride in to Jerusalem, in to the temple; and whanne he `hadde seyn al thing aboute, whanne it was eue, he wente out in to Betanye, with the twelue.

³⁷ And in daies he was techynge in the temple, but in nyytis he yede out, and dwellide in the mount, that is clepid of Olyuet.

³⁶ While ye han liyt, bileue ye in liyt, that ye be the children of liyt. Jhesus spak these thingis, and wente, and hidde hym fro hem.

¹⁶ The rootis of hym be maad drie bynethe; sotheli his ripe corn be al to-brokun aboue. ¹⁷ His mynde perische fro the erthe; and his name be not maad solempne in stretis.

⁵ that the preisyng of wickid men is schort, and the ioie of an ypocrite is at the licnesse of a poynt. ⁶ Thouy his pride `stieth in to heuene, and his heed touchith the cloudis, ⁷ he schal be lost in the ende, as a dunghil; and, thei that sien hym, schulen seie, Where is he?

⁴ What is it that Y ouyt to do more to my vyner, and Y dide not to it? whether that Y abood, that it schulde bere grapis, and it bare wielde grapis?

²⁴ And sotheli whanne the stok of hem is nether plauntid, nether is sowun, nether is rootid in erthe, he bleew sudenli on hem, and thei drieden vp, and a whirle wynd schal take hem awei as stobil.

⁶ But whanne the sonne was risun, thei swaliden, and for thei hadden not roote, thei drieden vp.

¹³ And he answeride, and seide, Eueri plauntyng, that my fadir of heuene hath not plauntid, shal be drawun vp by the roote.

¹⁴ And Jhesus answeride and seide to it, Now neuer ete ony man fruyt of thee more. And hise disciplis herden;

⁸ But that that is bringinge forth thornes and breris, is repreuable, and next to curs, whos endyng schal be in to brennyng.

¹² These ben in her metis, feestynge togidere to filthe, with out drede fedinge hemsilf. These ben cloudis with out watir, that ben borun aboute of the wyndis; heruest trees with out fruyt, twies deed, drawun vp bi the roote;

³³ Nedinesse is sent of the Lord in the hous of a wickid man; but the dwelling places of iust men schulen be blessid.

³ And he seide to me, This is the curs, that goith on the face of al erthe; for ech theef schal be demed, as it is writun there; and ech man swerynge, schal be demyd of this also. ⁴ Y schal lede out it, seith the Lord of oostis, and it schal come to the hous of a theef, and to the hous of hym that swerith falsli in my name; and it schal dwelle in myddil of hys hous, and schal waaste hym, and hise trees, and hise stoonys.

⁷ and salutaciouns in chepyng, and to be clepid of men maystir.

⁴¹ Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels.

²² If ony man loueth not oure Lord Jhesu Crist, be he cursid, Maranatha.

²⁰ And whanne thei hadden rise eerli, thei yeden not bi the deseert of Thecue; and whanne thei `hadden gon forth, Josaphat stood in the myddis of hem, and seide, Juda and alle the dwelleris of Jerusalem, here ye me; bileue ye in `youre Lord God, and ye schulen be sikur; bileue ye to hise prophetis, and alle prosperitees schulen come.

⁸ for thou were myn helpere. And in the keueryng of thi wyngis Y schal make `ful out ioye, my soule cleuede after thee;

⁹ and Samarie shal faile to be the heed of Effraym, and the sone of Romelie `schal faile to be heed of Samarie. Forsothe if ye schulen not bileue, ye schulen not dwelle.

²³ And anoon the fadir of the child criede with teeris, and seide, Lord, Y bileue; Lord, helpe thou myn vnbileue.

¹ Be not youre herte afraied, ne drede it; ye bileuen in God, and bileue ye in me.

¹² and ye ben biried togidere with hym in baptim, in whom also ye han rise ayen bi feith of the worching of God, that reiside hym fro deth.

¹ Poul, the seruaunt of God, and apostle of Jhesu Crist, bi the feith of the chosun of God, and bi the knowing of the treuthe,

⁴ Noon helthe is in my fleisch fro the face of thin ire; no pees is to my boonys fro the face of my synnes.

¹³ And whanne Jhesus hadde herd this thing, he wente fro thennus in a boot, in to desert place bisides. And whanne the puple hadde herd, thei folewiden hym on her feet fro citees.

²⁰ but this kynde is not caste out, but bi preiyng and fastyng.

²¹ And Jhesus answeride, and seide to hem, Treuli Y seie to you, if ye haue feith, and douten not, not oonli ye schulen do of the fige tree, but also if ye seyn to this hil, Take, and caste thee in to the see, it schal be don so.

⁶ And the Lord seide, If ye han feith as the corn of seneuei, ye schulen seie to this more tre, Be thou drawun vp bi the rote, and be ouerplauntid in to the see, and it schal obeie to you.

¹³ And what euere thing ye axen the fadir in my name, Y schal do this thing, that the fadir be glorified in the sone.

⁷ If ye dwellen in me, and my wordis dwelle in you, what euer thing ye wolen, ye schulen axe, and it schal be don to you.

¹⁸ Which Abraham ayens hope bileuede in to hope, that he schulde be maad fader of many folkis, as it was seid to hym, Thus schal thi seed be, as the sterris of heuene, and as the grauel that is in the brenke of the see. ¹⁹ And he was not maad vnstidfast in the bileue, nether he biheelde his bodi thanne nyy deed, whanne he was almost of an hundrid yeer, ne the wombe of Sare nyy deed. ²⁰ Also in the biheeste of God he doutide not with vntrist; but he was coumfortid in bileue, ²¹ yyuynge glorie to God, witynge moost fulli that what euere thingis God hath bihiyt, he is myyti also to do. ²² Therfor it was arettid to hym to riytwisnesse. ²³ And it is not writun oneli for him, that it was arettid to hym to riytwisnesse, ²⁴ but also for vs, to whiche it schal be arettid, that bileuen in him that reiside oure Lord Jhesu Crist fro deeth. ²⁵ Which was bitakun for oure synnes, and roos ayen for oure iustefiyng.

² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt.

¹⁷ Bi feith Abraham offride Ysaac, whanne he was temptid; and he offride the oon bigetun, whych had takun the biheestis; ¹⁸ to whom it was seid, For in Ysaac the seed schal be clepid to thee. ¹⁹ For he demyde, that God is myyti to reise hym, yhe, fro deth; wherfor he took hym also in to a parable.

⁵ And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym. ⁶ But axe he in feith, and doute no thing; for he that doutith, is lijk to a wawe of the see, which is moued and borun a boute of wynde.

⁷ Axe ye, and it schal be youun to you; seke ye, and ye schulen fynde; knocke ye, and it schal be openyd to you. ⁸ For ech that axith, takith; and he that sekith, fyndith; and it schal be openyd to hym, that knockith. ⁹ What man of you is, that if his sone axe hym breed, whethir he wole take hym a stoon? ¹⁰ Or if he axe fische, whether he wole take hym an edder? ¹¹ Therfor if ye, whanne ye ben yuele men, kunnen yyue good yiftis to youre sones, hou myche more youre fadir that is in heuenes schal yyue good thingis to men that axen hym?

¹⁹ Eftsoone Y seie to you, that if tweyne of you consenten on the erthe, of euery thing what euer thei axen, it schal be don to hem of my fadir that is in heuenes.

²² And alle thingis what euere ye bileuynge schulen axe in preyer, ye schulen take.

⁹ And Y seie to you, axe ye, and it schal be youun to you; seke ye, and ye schulen fynde; knocke ye, and it schal be openyd to you. ¹⁰ For ech that axith, takith, and he that sekith, fyndith; and to a man that knockith, it schal be openyd. ¹¹ Therfor who of you axith his fadir breed, whether he schal yyue hym a stoon? or if he axith fisch, whether he schal yyue hym a serpent for the fisch? ¹² or if he axe an eye, whether he schal a reche hym a scorpioun? ¹³ Therfor if ye, whanne ye ben yuel, kunnen yyue good yiftis to youre children, hou myche more youre fadir of heuene schal yyue a good spirit to men that axith him.

¹ And he seide to hem also a parable, that it bihoueth to preye euer more, and not faile; ² and seide, There was a iuge in a citee, that dredde not God, nether schamede of men. ³ And a widowe was in that citee, and sche cam to hym, and seide, Venge me of myn aduersarie; ⁴ and he wolde not longe tyme. But aftir these thingis he seide with ynne hym silf, Thouy Y drede not God, and schame not of man, ⁵ netheles for this widewe is heuy to me, Y schal venge hir; lest at the laste sche comynge condempne me. ⁶ And the Lord seide, Here ye, what the domesman of wickidnesse seith; ⁷ and whether God schal not do veniaunce of hise chosun, criynge to hym dai and nyyt, and schal haue pacience in hem? ⁸ Sotheli Y seie to you, for soone he schal do veniaunce of hem. Netheles gessist thou, that mannus sone comynge schal fynde feith in erthe?

²³ And in that day ye schulen not axe me ony thing; treuli, treuli, `Y seie to you, if ye axen the fadir ony thing in my name, he schal yyue to you. <sup>24</sup> `Til now ye axiden no thing in my name; `axe ye, `and ye schulen take, that youre ioie be ful. ²⁵ Y haue spokun to you these thingis in prouerbis; the our cometh, whanne now Y schal not speke to you in prouerbis, but opynli of my fadir Y schal telle to you. ²⁶ In that dai ye schulen axe in my name; and Y seie not to you, that Y schal preye the fadir of you; ²⁷ for the fadir hym silf loueth you, for ye han loued me, and han bileued, that Y wente out fro God.

¹⁵ and the preier of feith schal saue the sijk man, and the Lord schal make hym liyt; and if he be in synnes, thei schulen be foryouun to hym. ¹⁶ Therfor knouleche ye ech to othere youre synnes, and preye ye ech for othere, that ye be sauyd. For the contynuel preyer of a iust man is myche worth. ¹⁷ Elye was a deedli man lijk vs, and in preier he preiede, that it schulde not reyne on the erthe, and it reynede not thre yeeris and sixe monethis. ¹⁸ And eftsoone he preiede, and heuene yaf reyn, and the erthe yaf his fruyt.

²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym.

¹⁴ And this is the trist which we han to God, that what euer thing we axen aftir his wille, he schal here vs. ¹⁵ And we witen, that he herith vs, what euer thing we axen; we witen, that we han the axyngis, which we axen of hym.

¹ And the Lord schewide to me the greet prest Jhesu, stondynge bifore the aungel of the Lord; and Sathan stood on his riythalf, that he schulde be aduersarie to hym.

²³ Therfor if thou offrist thi yifte `at the auter, and ther thou bithenkist, that thi brothir hath sum what ayens thee,

⁵ And whanne ye preyen, ye schulen not be as ipocritis, that louen to preye stondynge in synagogis and corneris of stretis, to be seyn of men; treuli Y seie to you, thei han resseyued her meede.

¹² and foryyue to vs oure dettis, as we foryyuen to oure dettouris; and lede vs not in to temptacioun,

¹⁴ Amen. For if ye foryyuen to men her synnes, youre heuenli fadir schal foryyue to you youre trespassis. ¹⁵ Sotheli if ye foryyuen not to men, nether youre fadir schal foryyue to you youre synnes.

²³ Therfor the kyngdom of heuenes is licned to a kyng, that wolde rekyn with hise seruauntis. ²⁴ And whanne he bigan to rekene, oon that ouyte ten thousynde talentis, was brouyt to hym. ²⁵ And whanne he hadde not wherof to yelde, his lord comaundide hym to be seld, and his wijf, and children, and alle thingis that he hadde, and to be paied. ²⁶ But thilke seruaunt felde doun, and preiede hym, and seide, Haue pacience in me, and Y schal yelde to thee alle thingis. ²⁷ And the lord hadde merci on that seruaunt, and suffride hym to go, and foryaf to hym the dette. ²⁸ But thilke seruaunt yede out, and foonde oon of his euen seruauntis, that ouyte hym an hundrid pens; and he helde hym, and stranglide hym, and seide, Yelde that that thou owest. ²⁹ And his euen seruaunt felle doun, and preyede hym, and seide, Haue pacience in me, and Y schal quyte alle thingis to thee. ³⁰ But he wolde not; but wente out, and putte hym in to prisoun, til he paiede al the dette. ³¹ And hise euen seruauntis, seynge the thingis that weren don, soreweden greetli. And thei camen, and telden to her lord alle the thingis that weren don. ³² Thanne his lord clepide hym, and seide to hym, Wickid seruaunt, Y foryaf to thee al the dette, for thou preiedist me. ³³ Therfor whether it bihouede not also thee to haue merci on thin euen seruaunt, as Y hadde merci on thee? ³⁴ And his lord was wroth, and took hym to turmentouris, til he paiede al the dette. ³⁵ So my fadir of heuene schal do to you, if ye foryyuen not euery man to his brother, of youre hertes.

³⁷ Nyle ye deme, and ye schulen not be demed. Nyle ye condempne, and ye schulen not be condempned; foryyue ye, and it schal be foryouun to you.

¹¹ And the Farisee stood, and preiede bi hym silf these thingis, and seide, God, Y do thankyngis to thee, for Y am not as other men, raueinouris, vniust, auoutreris, as also this pupplican;

³² and be ye togidere benygne, merciful, foryyuynge togidere, as also God foryaf to you in Crist.

¹³ and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.

¹³ For whi dom with out merci is to hym, that doith no mercy; but merci aboue reisith dom.

⁴ These ben tweyne olyues, and twei candilstikis, and thei stonden in the siyt of the Lord of the erthe.

¹ Whi gnastiden with teeth hethene men; and puplis thouyten veyn thingis? ² The kyngis of erthe stoden togidere; and princes camen togidere ayens the Lord, and ayens his Crist? ³ Breke we the bondis of hem; and cast we awei the yok of hem fro vs. ⁴ He that dwellith in heuenes schal scorne hem; and the Lord schal bimowe hem. ⁵ Thanne he schal speke to hem in his ire; and he schal disturble hem in his stronge veniaunce.

²³ And whanne he cam in to the temple, the princis of prestis and elder men of the puple camen to hym that tauyte, and seiden, In what power doist thou these thingis? and who yaf thee this power? ²⁴ Jhesus answeride, and seide to hem, And Y schal axe you o word, the which if ye tellen me, Y schal seie to you, in what power Y do these thingis. ²⁵ Of whennys was the baptym of Joon; of heuene, or of men? And thei thouyten with ynne hem silf, ²⁶ seiynge, If we seien of heuene, he schal seie to vs, Whi thanne bileuen ye not to hym? If we seien of men, we dreden the puple, for alle hadden Joon as a prophete. ²⁷ And thei answeriden to Jhesu, and seiden, We witen not. And he seide to hem, Nether Y seie to you, in what power Y do these thingis.

¹ Pask and the feest of therf looues was after twei daies. And the hiyest preestis and scribis souyten, hou thei schulden holde hym with gile, and sle.

¹ And it was don in oon of the daies, whanne he tauyte the puple in the temple, and prechide the gospel, the princis of preestis and scribis camen togidere with the elder men; ² and thei seiden to hym, Seie to vs, in what power thou doist these thingis, or who is he that yaf to thee this power? ³ And Jhesus answeride, and seide to hem, And Y schal axe you o word; answere ye to me. ⁴ Was the baptym of Joon of heuene, or of men? ⁵ And thei thouyten with ynne hem silf, seiynge, For if we seien, Of heuene, he schal seie, Whi thanne bileuen ye not to hym? ⁶ and if we seien, Of men, al the puple schal stoone vs; for thei ben certeyn, that Joon is a prophete. ⁷ And thei answeriden, that thei knewen not, of whennus it was. ⁸ And Jhesus seide to hem, Nether Y seie to you, in what power Y do these thingis.

²³ And Jhesus walkide in the temple, in the porche of Salomon.

²⁰ Jhesus answerde to hym, Y haue spokun opynli to the world; Y tauyte euermore in the synagoge, and in the temple, whider alle the Jewis camen togidere, and in hiddlis Y spak no thing.

⁵ And amorewe it was don, that the princis of hem, and eldre men and scribis weren gadirid in Jerusalem; ⁶ and Annas, prince of preestis, and Caifas, and Joon, and Alisaundre, and hou manye euere weren of the kynde of preestis. ⁷ And thei settiden hem in the myddil, and axiden, In what vertue, ether in what name, han ye don this thing? ⁸ Thanne Petre was fillid with the Hooli Goost, and seide to hem, Ye pryncis of the puple, and ye eldre men, here ye.

²⁷ For verili Eroude and Pounce Pilat, with hethene men, and puplis of Israel, camen togidre in this citee ayens thin hooli child Jhesu, ²⁸ whom thou anoyntidist, to do the thingis, that thin hoond and thi counsel demyden to be don.

¹⁴ Which answeride, Who ordeynede thee prince, ether iuge on vs? Whether thou wolt sle me, as thou killidist yisterdai the Egipcian? Moises dredde, and seide, Hou is this word maad opun?

³ And whanne `thei hadden stonde ayens Moises and Aaron, thei seiden, Suffice it to you, for al the multitude is of hooly men, and the Lord is in hem; whi ben ye reisid on the puple of the Lord?

¹³ Whethir is it litil to thee, that thou leddist vs out of the lond that flowide with mylk and hony, to sle vs in the deseert, no but also thou be lord of vs?

²⁷ But he that dide the wronge to his neiybore, puttide hym awey, and seide, Who ordeynede thee prince and domesman on vs? ²⁸ Whethir thou wolt sle me, as yistirdai thou killidist the Egipcian?

³⁸ This it is, that was in the chirche in wildirnesse, with the aungel that spak to hym in the mount of Syna, and with oure fadris; which took words of lijf to yyue to vs. ³⁹ To whom oure fadris wolden not obeie, but puttiden hym awei, and weren turned awei in hertis in to Egipt,

⁵¹ With hard nol, and vncircumcidid hertis and eris ye withstoden eueremore the Hooli Goost; and as youre fadris, so ye.

¹³ Lo! my seruaunt schal vndirstonde, and he schal be enhaunsid, and he schal be reisid, and he schal be ful hiy.

²⁴ Jhesus answeride, and seide to hem, And Y schal axe you o word, the which if ye tellen me, Y schal seie to you, in what power Y do these thingis.

¹ In tho daies Joon Baptist cam, and prechide in the desert of Judee, ² and seide, Do ye penaunce, for the kyngdom of heuenes shal neiye. ³ For this is he, of whom it is seid bi Ysaie, the prophete, seyinge, A vois of a crier in desert, Make ye redi the weies of the Lord; make ye riyt the pathis of hym. ⁴ And this Joon hadde clothing of camels heeris, and a girdil of skynne aboute hise leendis; and his mete was honysoukis, and hony of the wode. ⁵ Thanne Jerusalem wente out to hym, and al Judee, and al the cuntre aboute Jordan; ⁶ and thei weren waischun of hym in Jordan, `and knowlechiden her synnes. ⁷ But he siy manye of the Farysees and of Saduceis comynge to his baptym, and seide to hem, Generaciouns of eddris, who shewide to you to fle fro the wraththe that is to come? ⁸ Therfor do ye worthi fruyte of penaunce, ⁹ and nyle ye seie with ynne you, We han Abraham to fadir; for Y seie to you, that God is myyti to reise vp of these stoones the sones of Abraham. ¹⁰ And now the ax is put to the roote of the tree; therfore euery tree that makith not good fruyt, shal be kit doun, and shal be cast in to the fier. ¹¹ Y waische you in water, in to penaunce; but he that shal come after me is strongere than Y, whos schoon Y am not worthi to bere; he shal baptise you in the Hooli Goost and fier. ¹² Whos wynewing cloth is in his hoond, and he shal fulli clense his corn flore, and shal gadere his whete in to his berne; but the chaffe he shal brenne with fier that mai not be quenchid. ¹³ Thanne Jhesus cam fro Galilee in to Jordan to Joon, to be baptised of hym. ¹⁴ And Joon forbede him, and seide, Y owe to be baptisid of thee, and thou comest to me? ¹⁵ But Jhesus answeride, and seide to hym, Suffre nowe, for thus it fallith to vs to fulfille al riytfulnesse. ¹⁶ Thanne Joon suffride hym. And whanne Jhesus was baptisid, anoon he wente up fro the watir; and lo! heuenes weren openyd to hym, and he saie the Spirit of God comynge doun as a dowue, and comynge on hym; and loo! ¹⁷ a vois fro heuenes, seiynge, This is my louyd sone, in which Y haue plesid to me.

¹ The bigynnyng of the gospel of Jhesu Crist, the sone of God. ² As it is writun in Ysaie, the prophete, Lo! Y sende myn aungel bifor thi face, that schal make thi weie redi bifor thee. ³ The vois of a crier in desert, Make ye redi the weie of the Lord, make ye hise paththis riyt. ⁴ Joon was in desert baptisynge, and prechynge the baptym of penaunce, in to remissioun of synnes. ⁵ And al the cuntre of Judee wente out to hym, and alle men of Jerusalem; and thei weren baptisid of hym in the flom Jordan, `and knoulechiden her synnes. ⁶ And Joon was clothid with heeris of camels, and a girdil of skyn was about hise leendis; and he ete hony soukis, and wilde hony, and prechide, ⁷ and seide, A stronger than Y schal come aftir me, and Y am not worthi to knele doun, and vnlace his schoone. ⁸ Y haue baptisid you in watir; but he schal baptise you in the Hooli Goost. ⁹ And it was don in tho daies, Jhesus cam fro Nazareth of Galilee, and was baptisid of Joon in Jordan. ¹⁰ And anoon he wente up of the watir, and saye heuenes opened, and the Hooli Goost comynge doun as a culuer, and dwellynge in hym. ¹¹ And a vois was maad fro heuenes, Thou art my loued sone, in thee Y am plesid.

¹³ And he comynge to hise disciplis, saiy a greet cumpany aboute hem, and scribis disputynge with hem.

¹ In the fiftenthe yeer of the empire of Tiberie, the emperoure, whanne Pilat of Pounce gouernede Judee, and Eroude was prince of Galilee, and Filip, his brothir, was prince of Iturye, and of the cuntre of Tracon, and Lisanye was prince of Abilyn, ² vndir the princis of prestis Annas and Caifas, the word of the Lord was maad on Joon, the sone of Zacarie, in desert. ³ And he cam in to al the cuntre of Jordan, and prechide baptym of penaunce in to remyssioun of synnes. ⁴ As it is wrytun in the book of the wordis of Isaye, the prophete, The voice of a crier in desert, Make ye redi the weie of the Lord, make ye hise pathis riyt. ⁵ Ech valey schal be fulfillid, and euery hil and litil hil schal be maad lowe; and schrewid thingis schulen ben in to dressid thingis, and scharp thingis in to pleyn weies; ⁶ and euery fleisch schal se the heelthe of God. ⁷ Therfor he seid to the puple, which wente out to be baptisid of hym, Kyndlyngis of eddris, who schewide to you to fle fro the wraththe to comynge? ⁸ Therfor do ye worthi fruytis of penaunce, and bigynne ye not to seie, We han a fadir Abraham; for Y seie to you, that God is myyti to reise of these stoonys the sones of Abraham. ⁹ And now an axe is sett to the roote of the tree; and therfor euery tre that makith no good fruyt, schal be kit doun, and schal be cast in to the fier. ¹⁰ And the puple axide hym, and seiden, What thanne schulen we do? ¹¹ He answeride, and seide to hem, He that hath twei cootis, yyue to hym that hath noon; and he that hath metis, do in lijk maner. ¹² And pupplicans camen to be baptisid; and thei seiden to hym, Maister, what schulen we do? ¹³ And he seide to hem, Do ye no thing more, than that that is ordeyned to you. ¹⁴ And knyytis axiden hym, and seiden, What schulen also we do? And he seide to hem, Smyte ye wrongfuli no man, nethir make ye fals chalenge, and be ye apayed with youre sowdis. ¹⁵ Whanne al the puple gesside, and alle men thouyten in her hertis of Joon, lest perauenture he were Crist, ¹⁶ Joon answeride, and seide to alle men, Y baptize you in watir; but a stronger than Y schal come aftir me, of whom Y am not worthi to vnbynde the lace of his schoon; he schal baptize you in the Hooli Goost and fier. ¹⁷ Whos `wynewyng tool in his hond, and he schal purge his floor of corn, and schal gadere the whete in to his berne; but the chaffis he schal brenne with fier vnquenchable. ¹⁸ And many othere thingis also he spak, and prechide to the puple. But Eroude tetrark, whanne he was blamed of Joon for Erodias, ¹⁹ the wijf of his brother, and for alle the yuelis that Eroude dide, ²⁰ encreside this ouer alle, and schitte Joon in prisoun.

⁶ A man was sent fro God, to whom the name was Joon. ⁷ This man cam in to witnessyng, that he schulde bere witnessing of the liyt, that alle men schulden bileue bi hym. ⁸ He was not the liyt, but that he schulde bere witnessing of the liyt.

¹⁵ Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me; ¹⁶ and of the plente of hym we alle han takun, and grace for grace. ¹⁷ For the lawe was youun bi Moises; but grace and treuthe `is maad bi Jhesu Crist. <sup>18</sup> No man sai euer God, no but the `oon bigetun sone, that is in the bosum of the fadir, he hath teld out. ¹⁹ And this is the witnessyng of Joon, whanne Jewis senten fro Jerusalem prestis and dekenes to hym, that thei schulden axe hym, Who art thou? ²⁰ He knoulechide, and denyede not, and he knoulechide, For Y am not Crist. ²¹ And thei axiden hym, What thanne? Art thou Elie? And he seide, Y am not. Art thou a profete? And he answeride, Nay. ²² Therfor thei seiden to hym, Who art thou? that we yyue an answere to these that senten vs. What seist thou of thi silf? ²³ He seide, Y am a vois of a crier in deseert, Dresse ye the weie of the Lord, as Ysaie, the prophete, seide. ²⁴ And thei that weren sent, weren of the Fariseis. ²⁵ And thei axiden hym, and seiden to hym, What thanne baptisist thou, if thou art not Crist, nether Elie, nether a profete? ²⁶ Joon answeride to hem, and seide, Y baptise in watir, but in the myddil of you hath stonde oon, that ye knowen not; ²⁷ he it is, that schal come aftir me, that was maad bifor me, of whom Y am not worthi to louse the thwong of his schoo. ²⁸ These thingis weren don in Bethanye biyende Jordan, where Joon was baptisyng. ²⁹ Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world. ³⁰ This is he, that Y seide of, Aftir me is comun a man, which was maad bifor me; for he was rather than Y. ³¹ And Y knew hym not, but that he be schewid in Israel, therfor Y cam baptisynge in watir. ³² And Joon bar witnessyng, and seide, That Y saiy the spirit comynge doun as a culuer fro heuene, and dwellide on hym. ³³ And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost. ³⁴ And Y say, and bar witnessyng, that this is the sone of God. ³⁵ Anothir dai Joon stood, and tweyne of hise disciplis; ³⁶ and he biheeld Jhesu walkinge, and seith, Lo! the lomb of God.

²⁵ Therfor a questioun was maad of Jonys disciplis with the Jewis, of the purificacioun. ²⁶ And thei camen to Joon, and seiden `to hym, Maister, he that was with thee biyonde Jordan, to whom thou hast borun witnessyng, lo! he baptisith, and alle men comen to hym. ²⁷ Joon answerde, and seide, A man may not take ony thing, but it be youun to hym fro heuene. ²⁸ Ye you silf beren witnessyng to me, that Y seide, Y am not Crist, but that Y am sent bifore hym. ²⁹ He that hath a wijf, is the hosebonde; but the freend of the spouse that stondith, and herith hym, ioieth with ioye, for the vois of the spouse. Therfor in this thing my ioye is fulfillid. ³⁰ It bihoueth hym to wexe, but me to be maad lesse. ³¹ He that cam from aboue, is aboue alle; he that is of the erthe, spekith of the erthe; he that cometh from heuene, is aboue alle. ³² And he witnessith that thing that he hath seie, and herde, and no man takith his witnessing. ³³ But he that takith his witnessyng, hath confermyd that God is sothefast. ³⁴ But he whom God hath sent, spekith the wordis of God; for not to mesure God yyueth the spirit. ³⁵ The fadir loueth the sone, and he hath youun alle thingis in his hoond. ³⁶ He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

⁷ And whanne thei weren goon awei, Jhesus bigan to seie of Joon to the puple, What thing wenten ye out in to desert to se? a reed wawed with the wynd? ⁸ Or what thing wenten ye out to see? a man clothid with softe clothis? Lo! thei that ben clothid with softe clothis ben in the housis of kyngis. ⁹ But what thing wenten ye out to se? a prophete? Yhe, Y seie to you, and more than a prophete. ¹⁰ For this is he, of whom it is writun, Lo! Y sende myn aungel bifor thi face, that shal make redi thi weye bifor thee. ¹¹ Treuli Y seie to you, ther roos noon more than Joon Baptist among the children of wymmen; but he that is lesse in the kyngdom of heuenes, is more than he. ¹² And fro the daies of Joon Baptist til now the kyngdom of heuenes suffrith violence, and violent men rauyschen it. ¹³ For alle prophetis and the lawe `til to Joon prophecieden; and if ye wolen resseyue, ¹⁴ he is Elie that is to come.

³¹ Who of the tweyne dide the fadris wille? Thei seien to hym, The firste. Jhesus seith to hem, Treuli Y seie to you, for pupplicans and hooris schulen go bifor you `in to the kyngdom of God. ³² For Joon cam to you in the weie of riytwisnesse, and ye bileueden not to him; but pupplicans and hooris bileueden to hym. But ye sayn, and hadden no forthenkyng aftir, that ye bileueden to hym.

¹⁵ Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me;

²⁹ Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world.

³⁴ And Y say, and bar witnessyng, that this is the sone of God.

³⁶ and he biheeld Jhesu walkinge, and seith, Lo! the lomb of God.

⁵ Thanne Jerusalem wente out to hym, and al Judee, and al the cuntre aboute Jordan; ⁶ and thei weren waischun of hym in Jordan, `and knowlechiden her synnes.

⁹ But what thing wenten ye out to se? a prophete? Yhe, Y seie to you, and more than a prophete.

⁵ And he willynge to sle hym, dredde the puple; for thei hadden hym as a prophete.

⁴⁶ And thei souyten to holde hym, but thei dredden the puple, for thei hadden hym as a prophete.

²⁶ But what wenten ye out to se? a man clothid with softe clothis? Lo! thei that ben in precious cloth and in delicis, ben in kyngis housis. But what wenten ye out to se? a profete? Yhe, Y seie to you, and more than a profete. ²⁷ This is he, of whom it is writun, Lo! Y sende myn aungel bifor thi face, which schal make `thi weie redi bifor thee. ²⁸ Certis Y seie to you, there is no man more prophete among children of wymmen, than is Joon; but he that is lesse in the kyngdom of heuenes, is more than he. ²⁹ And al the puple herynge, and pupplicans, that hadden be baptisid with baptym of Joon, iustifieden God;

² And the princis of preestis and the scribis souyten, hou thei schulden sle Jhesu, but thei dredden the puple.

⁴¹ And manye camen to hym, and seiden, For Joon dide no myracle;

²⁶ Thanne the magistrat wente with the mynystris, and brouyte hem with out violence; for thei dredden the puple, lest thei schulden be stonyd.

¹³ Which takith cautelouse men in the felnesse `of hem, and distrieth the counsel of schrewis.

⁴ Answere thou not to a fool bi his foli, lest thou be maad lijk hym. ⁵ Answere thou a fool bi his fooli, lest he seme to him silf to be wijs.

³ An oxe knew his lord, and an asse knew the cratche of his lord; but Israel knewe not me, and my puple vndurstood not.

⁹ And he seide, Go thou, and thou schalt seie to this puple, Ye herynge here, and nyle ye vndurstonde; and se ye the profesie, and nyle ye knowe. ¹⁰ Make thou blynde the herte of this puple, and aggrege thou the eeris therof, and close thou the iyen therof; lest perauenture it se with hise iyen, and here with hise eeris, and vndurstonde with his herte, and it be conuertid, and Y make it hool.

⁹ Be ye astonyed, and wondre; wake ye, and douyte ye; be ye drunken, and not of wyn; be ye moued, and not with drunkenesse. ¹⁰ For the Lord hath meddlid to you the spirit of sleep; he schal close youre iyen, and schal hile youre profetis, and princes that sien visiouns. ¹¹ And the visioun of alle profetis schal be to you as the wordis of a book aseelid; which whanne thei schulen yyue to hym that kan lettris, thei schulen seie, Rede thou this book; and he schal answere, Y may not, for it is aseelid. ¹² And the book schal be youun to him that kan not lettris, and it schal be seid to hym, Rede thou; and he schal answere, Y kan no lettris. ¹³ And the Lord seide, For that this puple neiyeth with her mouth, and glorifieth me with her lippis, but her herte is fer fro me; and thei dredden me for the comaundement and techyngis of men, therfor lo! ¹⁴ Y schal adde, that Y make wondryng to this puple, in a greet myracle and wondurful; for whi wisdom schal perische fro wise men therof, and the vndurstondyng of prudent men therof schal be hid.

¹⁹ Who is blynd, no but my seruaunt? and deef, no but he to whom Y sente my messangeris? Who is blynd, no but he that is seeld? and who is blynd, no but the seruaunt of the Lord? ²⁰ Whether thou that seest many thingis, schalt not kepe? Whether thou that hast open eeris, schalt not here?

¹⁰ Alle the biholderis therof ben blinde, alle thei knewen not; doumbe doggis, that moun not berke, seynge veyn thingis, slepynge, and louynge dremes;

⁷ A kite in the eir knew his tyme; a turtle, and a swalewe, and a siconye, kepten the tyme of her comyng; but my puple knew not the doom of the Lord. ⁸ Hou seien ye, We ben wise men, and the lawe of the Lord is with vs? Verili the fals writyng of scribis wrouyte leesyng. ⁹ Wise men ben schent, ben maad aferd and takun. For thei castiden awei the word of the Lord, and no wisdom is in hem.

⁶ My puple was stille, for it hadde not kunnyng; for thou hast putte awei kunnyng, Y schal putte thee awei, that thou vse not presthod to me; and for thou hast foryete the lawe of thi God, also Y schal foryete thi sones.

⁷ For the lippis of a prest kepen science, and thei schulen ayen seke the lawe of `the mouth of hym, for he is an aungel of the Lord of oostes. ⁸ But ye wenten awei fro the weie, and sclaundren ful many men in the lawe; ye maden voide the couenaunt of Leuy, seith the Lord of oostis.

¹⁴ Suffre ye hem; thei ben blynde, and leederis of blynde men. And if a blynd man lede a blynd man, bothe fallen doun in to the diche.

⁴ Thanne ye kunne deme the face of heuene, but ye moun not wite the tokenes of tymes. An yuel generacioun and auoutresse sekith a tokene; and a tokene schal not be youun to it, but the tokene of Jonas, the profete. And whanne he hadde left hem, he wente forth.

²⁷ And thei answeriden to Jhesu, and seiden, We witen not. And he seide to hem, Nether Y seie to you, in what power Y do these thingis.

¹⁶ Wo to you, blynde lederis, that seien, Who euer swerith bi the temple of God, it is `no thing; but he that swerith in the gold of the temple, is dettoure. ¹⁷ Ye foolis and blynde, for what is grettere, the gold, or the temple that halewith the gold? ¹⁸ And who euer swerith in the auter, it is no thing; but he that swerith in the yifte that is on the auter, owith. ¹⁹ Blynde men, for what is more, the yifte, or the auter that halewith the yifte? ²⁰ Therfor he that swerith in the auter, swerith in it, and in alle thingis that ben ther on. ²¹ And he that swerith in the temple, swerith in it, and in hym that dwellith in the temple. ²² And he that swerith in heuene, swerith in the trone of God, and in hym that sittith ther on. ²³ Wo to you, scribis and Farisees, ypocritis, that tithen mynte, anete, and cummyn, and han left tho thingis that ben of more charge of the lawe, doom, and merci, and feith. And it bihofte to do these thingis, and not to leeue tho. ²⁴ Blynde lederis, clensinge a gnatte, but swolewynge a camel. ²⁵ Woo to you, scribis and Farisees, ypocritis, that clensen the cuppe and the plater with outforth; but with ynne ye ben ful of raueyne and vnclennesse. ²⁶ Thou blynde Farisee, clense the cuppe and the plater with ynneforth, that that that is with outforth be maad clene.

²¹ In thilk our he gladide in the Hooli Goost, and seide, Y knouleche to thee, fadir, Lord of heuene and of erthe, for thou hast hid these thingis fro wise men and prudent, and hast schewid hem to smale children. Yhe, fadir, for so it pleside bifor thee. ²² Alle thingis ben youun to me of my fadir, and no man woot, who is the sone, but the fadir; and who is the fadir, but the sone, and to whom the sone wole schewe.

⁶⁶ And as the day was come, the eldre men of the puple, and the princis of prestis, and the scribis camen togidir, and ledden hym in to her councel, ⁶⁷ and seiden, If thou art Crist, seie to vs. ⁶⁸ And he seide to hem, If Y seie to you, ye schulen not bileue to me; and if Y axe, ye schulen not answere to me, nethir ye schulen delyuere me. ⁶⁹ But aftir this tyme mannys sone schal be sittynge on the riyt half of the vertu of God.

¹⁰ Jhesus answeride, and seide to hym, Thou art a maister in Israel, and knowist not these thingis?

²⁷ He answerde to hem, Y seide to you now, and ye herden; what wolen ye eftsoone here? whether ye wolen be maad hise discyplis?

¹⁸ as it is writun, For a iust man lyueth of feith. For the wraththe of God is schewid fro heuene on al vnpite and wickidnesse of tho men, that withholden the treuthe of God in vnriytwisnes. ¹⁹ For that thing of God that is knowun, is schewid to hem, for God hath schewid to hem. ²⁰ For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid. ²¹ For whanne thei hadden knowe God, thei glorifieden hym not as God, nether diden thankyngis; but thei vanyschiden in her thouyts, and the vnwise herte of hem was derkid. ²² For thei `seiynge that hem silf weren wise, thei weren maad foolis.

²⁸ And as thei preueden that thei hadden not God in knowyng, God bitook hem in to a repreuable wit, that thei do tho thingis that ben not couenable; that thei ben fulfillid with al wickidnesse,

¹⁵ whanne Moises is red, the veil is put on her hertis.

³ For if also oure gospel is kyuerid, in these that perischen it is kyuerid; ⁴ in which God hath blent the soulis of vnfeithful men of this world, that the liytnyng of the gospel of the glorie of Crist, which is the ymage of God, schyne not.

¹⁰ and grete wondris, false, and in al disseit of wickidnesse, to hem that perischen. For that thei resseyueden not the charite of treuthe, that thei schulden be maad saaf. And therfor God schal sende to hem a worching of errour, that thei bileue to leesing, ¹¹ that alle be demed, whiche bileueden not to treuthe, but consentiden to wickidnesse. ¹² But, britheren louyd of God, we owen to do thankyngis euermore to God for you, that God chees vs the firste fruytis in to heelthe, in halewing of spirit and in feith of treuthe;