Matthew 24:50 Cross References - Wycliffe

⁵⁰ the lord of that seruaunt schal come in the dai which he hopith not, and in the our that he knowith not, ⁵⁰ and schal departe hym, and putte his part with ypocritis; there schal be wepyng, and gryntyng of teeth.

¹ Sodeyn perischyng schal come on that man, that with hard nol dispisith a blamere; and helth schal not sue hym.

⁴² Therfor wake ye, for ye witen not in what our the Lord schal come. ⁴³ But wite ye this, that if the hosebonde man wiste in what our the thefe were to come, certis he wolde wake, and suffre not his hous to be vndurmyned. ⁴⁴ And therfor be ye redi, for in what our ye gessen not, mannus sone schal come.

² For ye silf witen diligentli, that the dai of the Lord schal come, as a theef in the niyt. ³ For whanne thei schulen seie pees is, and sikirnesse, thanne sudeyn deth schal come on hem, as sorewe to a womman that is with child, and thei schulen not scape.

³ Therfor haue thou in mynde, hou thou resseyuedist, and herdist; and kepe, and do penaunce. Therfor if thou wake not, Y schal come as a nyyt theef to thee, and thou schalt not wite in what our Y schal come to thee.