Matthew 27:12 Cross References - Wycliffe

¹² Jhesus seith to hym, Thou seist. And whanne he was accusid of the princis of prestis, and of the eldere men of the puple, he answeride no thing.

¹³ Lord, here thou my preier and my bisechyng; perseyue thou with eeris my teeris. ¹⁴ Be thou not stille, for Y am a comelyng at thee; and a pilgrime, as alle my fadris.

⁷ He was offrid, for he wolde, and he openyde not his mouth; as a scheep he schal be led to sleyng, and he schal be doumb as a lomb bifore hym that clippith it, and he schal not opene his mouth.

⁶³ But Jhesus was stille. And the prince of prestis seide to hym, Y coniure thee bi lyuynge God, that thou seie to vs, if thou art Crist, the sone of God.

¹⁴ And he answeride not `to hym ony word, so that the iustice wondride greetli.

³ And the hieste prestis accusiden hym in many thingis. ⁴ But Pilat eftsoone axide hym, and seide, Answerist thou no thing? Seest thou in hou many thingis thei accusen thee? ⁵ But Jhesus answeride no more, so that Pilat wondride.

⁹ And he wente in to the moot halle eftsoone, and seide to Jhesu, Of whennus art thou? But Jhesus yaf noon answere to him. ¹⁰ Pilat seith to him, Spekist thou not to me? Woost thou not, that Y haue power to crucifie thee, and Y haue power to delyuere thee? ¹¹ Jhesus answeride, Thou schuldist not `haue ony power ayens me, but it were youun to thee from aboue; therfor he that bitook me to thee, hath the more synne.

³² And the place of the scripture that he redde, was this, As a scheep he was led to sleyng, and as a lomb bifor a man that scherith him is doumb with out vois, so he openyde not his mouth.

²³ And whanne he was cursid, he curside not; whanne he suffride, he manasside not; but he bitook hym silf to hym, that demyde hym vniustli.