Philippians 1:12 Cross References - Wycliffe

¹² For, britheren, Y wole that ye wite, that the thingis that ben aboute me han comun more to the profit of the gospel,

¹¹ now Y knowe that the Lord is greet aboue alle goddis, for `thei diden proudli ayens hem.

¹ Therfor in the thrittenthe dai of the tweluethe monethe, which we seiden now bifore to be clepid Adar, whanne sleyng was maad redi to alle Jewis, and her enemyes settiden tresoun to blood, ayenward Jewes bigunnen to be the hiyere, and to venge hem of aduersaries.

¹⁰ Ethir schal God foryete to do mercy; ethir schal he withholde his mercies in his ire?

⁴ And thei that weren scaterid, passiden forth, prechynge the word of God.

¹⁹ And thei that weren scaterid of the tribulacioun that was maad vndir Steuene, walkiden forth to Fenyce, and to Cipre, and to Antioche, and spaken the word to no man, but to Jewis aloone. ²⁰ But sum of hem weren men of Cipre, and of Cirenen; whiche whanne thei hadden entride in to Antioche, thei spaken to the Grekis, and prechiden the Lord Jhesu. ²¹ And the hond of the Lord was with hem, and myche noumbre of men bileuynge was conuertid to the Lord.

²⁸ and crieden, Men of Israel, helpe ye vs. This is the man, that ayens the puple and the lawe and this place techith euery where alle men, more ouer and hath led hethene men in to the temple, and hath defoulid this hooli place. ²⁹ For thei seyen Trofimus of Effesi in the citee with hym, whom thei gessiden that Poul hadde brouyt in to the temple. ³⁰ And al the citee was moued, and a rennyng togider of the puple was maad. And thei token Poul, and drowen him out of the temple; and anoon the yatis weren closid. ³¹ And whanne thei souyten to sle hym, it was teld to the tribune of the cumpany of knyytis, that al Jerusalem is confoundid. ³² Which anoon took knyytis, and centuriens, and ran to hem. And whanne thei hadden seen the tribune, and the knyytis, thei ceessiden to smyte Poul. ³³ Thanne the tribune cam, and cauyte hym, and comaundide, that he were boundun with twei cheynes; and axide, who he was, and what he hadde don. ³⁴ But othere crieden other thing among the puple. And whanne he miyte `knowe no certeyn thing for the noise, he comaundide hym to be led in to the castels. ³⁵ And whanne Poul cam to the grees, it bifel that he was borun of kniytis, for strengthe of the puple. ³⁶ For the multitude of the puple suede hym, and criede, Take hym awei.

¹ Britheren and fadris, here ye what resoun Y yelde now to you. ² And whanne sum herden that in Ebrew tunge he spak to hem, thei yauen the more silence. ³ And he seide, Y am a man a Jew, borun at Tharse of Cilicie, nurischid and in this citee bisidis the feet of Gamaliel, tauyt bi the treuthe of fadris lawe, a louyere of the lawe, as also ye alle ben to dai. ⁴ And Y pursuede this weie til to the deth, byndynge and bitakinge `in to holdis men and wymmen, <sup>5</sup> as the prince of prestis yeldith witnessyng to me, and alle the grettest in birth. Of whom also Y took pistlis to britheren, and wente to Damask, to bring fro thennys men boundun in to Jerusalem, that thei schulden be peyned. <sup>6</sup> And it was don, while Y yede, and neiyede to Damask, at myddai sudeynli fro heuene a greet plente of liyt schoon aboute me. <sup>7</sup> And Y felde doun to the erthe, and herde a voice fro heuene, seiynge to me, Saul, Saul, what pursuest thou me? It is hard to thee to kike ayens the pricke. <sup>8</sup> And Y answeride, Who art thou, Lord? And he seide to me, Y am Jhesu of Nazareth, whom thou pursuest. <sup>9</sup> And thei that weren with me sien but the liyt, but thei herden not the vois of hym, that spak with me. <sup>10</sup> And Y seide, Lord, what schal Y do? And the Lord seide to me, Rise thou, and go to Damask; and there it schal be seid to thee, of alle thingis which it bihoueth thee to do. <sup>11</sup> And whanne Y saye not, for the clerete of that liyt, Y was led bi the hond of felowis, and Y cam to Damask. <sup>12</sup> And a man, Ananye, that bi the lawe hadde wytnessyng of alle Jewis dwellinge in Damask, <sup>13</sup> cam to me, and stood niy, and seide to me, Saul, brother, biholde. And Y in the same our biheelde in to hym. <sup>14</sup> And he seide, God of oure fadris hath bifor ordeyned thee, that thou schuldist knowe the wille of him, and schuldist se the riytful man, and here the vois of his mouth. <sup>15</sup> For thou schalt be his witnesse to alle men, of tho thingis that thou hast seyn and herd. <sup>16</sup> And now, what dwellist thou? Rise vp, and be baptisid, and waische awei thi synnes, bi the name of hym clepid to help. <sup>17</sup> And it was don to me, as Y turnede ayen in to Jerusalem, and preyede in the temple, that Y was maad in rauysching of soule, <sup>18</sup> and Y siy him seiynge to me, Hiye thou, and go out faste of Jerusalem, for thei schulen not resseyue thi witnessing of me. <sup>19</sup> And Y seide, Lord, thei witen, that Y was closing togidir `in to prisoun, and betinge bi synagogis hem that bileueden `in to thee. ²⁰ And whanne the blood of Steuene, thi witnesse, was sched out, Y stood niy, and consentide, and kept the clothis of men that slowen hym. ²¹ And he seide to me, Go thou, for Y schal sende thee fer to naciouns. ²² And thei herden him til this word; and thei reiseden her vois, and seiden, Take awei fro the erthe siche a maner man; for it is not leueful, that he lyue. ²³ And whanne thei crieden, and kesten awei her clothis, and threwen dust in to the eir, ²⁴ the tribune comaundide hym to be led in to castels, and to be betun with scourgis, and to be turmentid, that he wiste, for what cause thei crieden so to him. ²⁵ And whanne thei hadden boundun hym with cordis, Poul seide to a centurien stondinge niy to hym, Whether it is leueful to you, to scourge a Romayn, and vndampned? ²⁶ And whanne this thing was herd, the centurien wente to the tribune, and telde to hym, and seide, What art thou to doynge? for this man is a citeseyn of Rome. ²⁷ And the tribune cam niy, and seide to hym, Seie thou to me, whether thou art a Romayn? ²⁸ And he seide, Yhe. And the tribune answeride, Y with myche summe gat this fredom. And Poul seide, And Y was borun a citeseyn of Rome. ²⁹ Therfor anoon thei that schulden haue turmentid hym, departiden awei fro hym. And the tribune dredde, aftir that he wiste, that he was a citeseyn of Rome, and for he hadde boundun hym. ³⁰ But in the dai suynge he wolde wite more diligentli, for what cause he were accusid of the Jewis, and vnbounde hym, and comaundide prestis and al the counsel to come togidir. And he brouyte forth Poul, and sette hym among hem.

¹ And whanne we hadden ascapid, thanne we knewen that the ile was clepid Militene. And the hethene men diden to vs not litil curtesie. ² And whanne a fier was kyndelid, thei refreschiden vs alle, for the reyn that cam, and the coold. ³ But whanne Poul hadde gederid `a quantite of kittingis of vines, and leide on the fier, an edder sche cam forth fro the heete, and took hym bi the hoond. <sup>4</sup> And whanne the hethene men of the ile siyen the beest hangynge in his hoond, thei seiden togidir, For this man is a manquellere; and whanne he scapide fro the see, Goddis veniaunce suffrith hym not to lyue in erthe. <sup>5</sup> But he schoke awei the beest in to the fier, and hadde noon harm. <sup>6</sup> And thei gessiden that he schulde be turned `in to swellyng, and falle doun sudenli, and die. But whanne thei abiden longe, and sien that no thing of yuel was don in him, thei turneden hem togider, and seiden, that he was God. ⁷ And in tho placis weren maners of the prince of the ile, Puplius bi name, which resseyuede vs bi thre daies benygnli, and foond vs. ⁸ And it bifel, that the fader of Pupplius lai trauelid with fyueris and blodi flux. To whom Poul entride, and whanne he hadde preied, and leid his hondis on hym, he helide hym. ⁹ And whanne this thing was don, alle that in the ile hadden sijknesses, camen, and weren heelid. ¹⁰ Which also onouriden vs in many worschipis, and puttiden what thingis weren necessarie to vs, whanne we schippiden. ¹¹ And after thre monethis we schippiden in a schip of Alisaundre, that hadde wyntrid in the ile, to which was an excellent singne of Castours. ¹² And whanne we camen to Siracusan, we dwelliden there thre daies. ¹³ Fro thennus we seiliden aboute, and camen to Regyum; and aftir oo dai, while the south blew, in the secounde dai we camen to Puteolos. ¹⁴ Where whanne we founden britheren, we weren preied to dwelle there anentis hem seuene daies. And so we camen to Rome. ¹⁵ And fro thennus whanne britheren hadden herd, thei camen to vs to the cheping of Appius, and to the Thre tauernes. ¹⁶ And whanne Poul hadde seyn hem, he dide thankyngis to God, and took trist. And whanne `we camen to Rome, it was suffrid to Poul to dwelle bi hym silf, with a kniyt kepinge him. <sup>17</sup> And after the thridde dai, he clepide togidir the worthieste of the Jewis. And whanne thei camen, he seide to hem, Britheren, Y dide no thing ayens the puple ether custom of fadris, and Y was boundun at Jerusalem, and was bitakun in to the hondis of Romayns. <sup>18</sup> And whanne thei hadden axid of me, wolden haue delyuerid me, for that no cause of deth was in me. <sup>19</sup> But for Jewis ayenseiden, Y was constreyned to appele to the emperour; not as hauynge ony thing to accuse my puple. <sup>20</sup> Therfor for this cause Y preiede to se you, and speke to you; for for the hope of Israel Y am gird aboute with this chayne. <sup>21</sup> And thei seiden to hym, Nether we han resseyued lettris of thee fro Judee, nether ony of britheren comynge schewide, ether spak ony yuel thing of thee. <sup>22</sup> But we preyen to here of thee, what thingis thou felist; for of this sect it is knowun to vs, that euerywhere me ayenseith it. <sup>23</sup> And whanne thei hadden ordeined a dai to hym, many men camen to hym in to the in. To whiche he expownede, witnessinge the kyngdom `of God, and counseilide hem of Jhesu, of the lawe of Moyses, and profetis, for the morewe til to euentid. ²⁴ And summe bileueden to these thingis that weren seid of Poul, summe bileueden not. ²⁵ And whanne thei weren not consentinge togidir, thei departiden. And Poul seide o word, For the Hooli Goost spak wel bi Ysaye, the profete, to oure fadris, ²⁶ and seide, Go thou to this puple, and seie to hem, With eere ye schulen here, and ye schulen not vndirstonde; and ye seynge schulen se, and ye schulen not biholde. ²⁷ For the herte of this puple is greetli fattid, and with eeris thei herden heuyli, and thei closiden togider her iyen, lest perauenture thei se with iyen, and with eeris here, and bi herte vndurstonde, and be conuertid, and Y hele hem. ²⁸ Therfor be it knowun to you, that this helthe of God is sent to hethen men, and thei schulen here. ²⁹ And whanne he hadde seid these thingis, Jewis wenten out fro hym, and hadden myche questioun, ethir musyng, among hem silf. ³⁰ And he dwellide ful twei yeer in his hirid place; and he resseyuede alle that entryden to hym, ³¹ and prechide the kingdom of God, and tauyte tho thingis that ben of the Lord Jhesu Crist, with al trist, with out forbedyng. Amen.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

³⁷ But in alle these thingis we ouercomen, for hym that louyde vs.

⁹ aftir my gospel, in which Y trauele `til to boondis, as worching yuele, but the word of God is not boundun.