Philippians 1:6 Cross References - Wycliffe

⁶ tristenynge this ilke thing, that he that bigan in you a good werk, schal perfourme it til in to the dai of Jhesu Crist.

⁸ If Y schal stie in to heuene, thou art there; if Y schal go doun to helle, thou art present.

²⁹ Jhesus answerde, and seide to hem, This is the werk of God, that ye bileue to hym, whom he sente.

¹⁸ Whanne these thingis weren herd, thei helden pees, and glorifieden God, and seiden, Therfor also to hethene men God hath youun penaunce to lijf.

¹⁴ And a womman, Lidda bi name, a purpuresse of the cite of Tiatirens, worschipinge God, herde; whos herte the Lord openyde to yyue tente to these thingis, that weren seid of Poul.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis. ²⁹ For thilke that he knewe bifor, he bifor ordenede bi grace to be maad lijk to the ymage of his sone, that he be the first bigetun among many britheren. ³⁰ And thilke that he bifore ordeynede to blis, hem he clepide; and whiche he clepide, hem he iustifiede; and whiche he iustifiede, and hem he glorifiede.

⁸ which also schal conferme you in to the ende with outen cryme, in the dai of the comyng of oure Lord Jhesu Crist.

¹⁵ And in this tristyng Y wolde first come to you, that ye schulden haue the secounde grace,

³ And this same thing Y wroot to you, that whanne Y come, Y haue not sorewe on sorewe, of the whiche it behofte me to haue ioie. And Y triste in you alle, that my ioye is of alle you.

¹⁶ Y haue ioye, that in alle thingis Y triste in you.

⁴ Lest whanne Macedonyes comen with me, and fynden you vnredi, we be schamed, that we seien you not, in this substaunce.

¹⁰ I trust on you in oure Lord, that ye schulden vndurstonde noon other thing. And who that disturblith you, schal bere dom, who euere he be.

⁴ but God, that is riche in merci, for his ful myche charite in which he louyde vs, ⁵ yhe, whanne we weren deed in synnes, quikenede vs togidere in Crist, bi whos grace ye ben sauyd, and ayen reiside togidere, ⁶ and made togidere to sitte in heuenli thingis in Crist Jhesu; ⁷ that he schulde schewe in the worldis aboue comynge the plenteuouse ritchessis of his grace in goodnesse on vs in Crist Jhesu. ⁸ For bi grace ye ben sauyd bi feith, and this not of you; for it is the yifte of God, ⁹ not of werkis, that no man haue glorie. ¹⁰ For we ben the makyng of hym, maad of nouyt in Crist Jhesu, in good werkis, whiche God hath ordeyned, that we go in tho werkis.

¹² to the ful endyng of seyntis, in to the werk of mynystrie, in to edificacioun of Cristis bodi,

¹⁰ that ye preue the betere thingis, that ye be clene and without offence in the dai of Crist;

²⁹ but to you cause of heelthe. And this thing is of God. For it is youun to you for Crist, that not oneli ye bileuen in hym, but also that ye suffren for hym;

¹³ For it is God that worchith in you, bothe to wilne, and to performe, for good wille.

¹² and ye ben biried togidere with hym in baptim, in whom also ye han rise ayen bi feith of the worching of God, that reiside hym fro deth.

³ hauynge mynde of the werk of youre feith, and trauel, and charite, and abyding of the hope of oure Lord Jhesu Crist, bifor God and oure fadir.

²³ And God hym silf of pees make you hooli bi alle thingis, that youre spirit be kept hool, and soule, and bodi, without pleynt, in the comyng of oure Lord Jhesu Crist. ²⁴ God is trewe, that clepide you, which also schal do.

¹¹ In which thing also we preien euere more for you, that oure God make you worthi to his cleping, and fille al the wille of his goodnesse, and the werk of feith in vertu;

¹³ in which also he clepide you bi oure gospel, in to geting of the glorie of oure Lord Jhesu Crist. ¹⁴ Therfor, britheren, stonde ye, and holde ye the tradiciouns, that ye han lerud, ethir bi word, ethir bi oure pistle.

⁴ And, britheren, we trusten of you in the Lord, for what euere thingis we comaunden to you, bothe ye don and schulen do.

⁴ But whanne the benygnyte and the manhed of oure sauyour God aperide, ⁵ not of werkis of riytwisnesse that we diden, but bi his merci he made vs saaf, bi waischyng of ayen bigetyng, and ayen newyng of the Hooli Goost, ⁶ whom he schedde into vs plenteuousli bi Jhesu Crist,

²¹ Y tristnynge of thin obedience wroot to thee, witynge that thou schalt do ouer that that Y seie.

³⁵ Therfor nyle ye leese youre trist, which hath greet rewarding.

² biholdinge in to the makere of feith, and the perfit endere, Jhesu; which whanne ioye was purposid to hym, he suffride the cros, and dispiside confusioun, and sittith on the riythalf of the seet of God.

²⁰ And God of pees, that ladde out fro deth the greet scheepherd of scheep, in the blood of euerlastinge testament, oure Lord Jhesu Crist, ²¹ schape you in al good thing, that ye do the wille of hym; and he do in you that thing that schal plese bifor hym, bi Jhesu Crist, to whom be glorie in to worldis of worldis. Amen.

¹⁶ Therfor, my most dereworthe britheren, nyle ye erre. ¹⁷ Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward. ¹⁸ For wilfulli he bigat vs bi the word of treuthe, that we be a bigynnyng of his creature.

² of Asye, and of Bitynye, bi the `bifor knowyng of God, the fadir, in halewyng of spirit, bi obedience, and springyng of the blood of Jhesu Crist, grace and pees be multiplied to you. ³ Blessid be God, and the fadir of oure Lord Jhesu Crist, which bi his greet merci bigat vs ayen in to lyuynge hope, bi the ayen risyng of Jhesu Crist fro deth,

¹⁰ And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

¹⁰ For the dai of the Lord schal come as a theef, in which heuenes with greet bire schulen passe, and elementis schulen be dissoluyd bi heete, and the erthe, and alle the werkis that ben in it, schulen be brent.