Proverbs 19 Cross References - Wycliffe

¹ Betere is a pore man, that goith in his simplenesse, than a riche man bitynge hise lippis, and vnwijs. ² Where is not kunnyng of the soule, is not good; and he that is hasti, in feet hirtith. ³ The foli of a man disseyueth hise steppis; and he brenneth in his soule ayens God. ⁴ Richessis encreessen ful many freendis; forsothe also thei ben departid fro a pore man, whiche he hadde. ⁵ A fals witnesse schal not be vnpunyschid; and he that spekith leesingis, schal not ascape. ⁶ Many men onouren the persoone of a myyti man; and ben frendis of hym that deelith yiftis. ⁷ The britheren of a pore man haten hym; ferthermore and the freendis yeden awei fer fro hym. He that sueth wordis oonli, schal haue no thing; ⁸ but he that holdith stabli the mynde, loueth his soule, and the kepere of prudence schal fynde goodis. ⁹ A fals witnesse schal not be vnpunyschid; and he that spekith leesyngis, schal perische. ¹⁰ Delices bicomen not a fool; nether `it bicometh a seruaunt to be lord of princes. <sup>11</sup> The teching of a man is knowun bi pacience; and his glorie is to passe ouere wickid thingis. <sup>12</sup> As the gnasting of a lioun, so and the ire of the king; and as deewe on eerbe, so and the gladnesse of the kyng. <sup>13</sup> The sorewe of the fadir is a fonned sone; and roofes droppynge contynueli is a womman ful of chiding. <sup>14</sup> Housis and richessis ben youun of fadir and modir; but a prudent wijf is youun propirli of the Lord. <sup>15</sup> Slouth bringith in sleep; and a negligent soule schal haue hungur. <sup>16</sup> He that kepith the comaundement of God, kepith his soule; but he that chargith not his weie, schal be slayn. <sup>17</sup> He that hath mercy on a pore man, leeneth to the Lord; and he schal yelde his while to hym. <sup>18</sup> Teche thi sone, and dispeire thou not; but sette thou not thi soule to the sleyng of hym. <sup>19</sup> Forsothe he that is vnpacient, schal suffre harm; and whanne he hath rauyschid, he schal leie to anothir thing. <sup>20</sup> Here thou counsel, and take thou doctryn; that thou be wijs in thi laste thingis. <sup>21</sup> Many thouytis ben in the herte of a man; but the wille of the Lord schal dwelle. <sup>22</sup> A nedi man is merciful; and betere is a pore iust man, than a man liere. <sup>23</sup> The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste. ²⁴ A slow man hidith his hond vndur the armpit; and putteth it not to his mouth. ²⁵ Whanne a man ful of pestilence is betun, a fool schal be wisere. If thou blamist a wijs man, he schal vndurstonde techyng. ²⁶ He that turmentith the fadir, and fleeth fro the modir, schal be ful of yuel fame, and schal be cursid. ²⁷ Sone, ceesse thou not to here techyng; and knowe thou the wordis of kunnyng. ²⁸ A wickid witnesse scorneth doom; and the mouth of vnpitouse men deuourith wickidnesse. ²⁹ Domes ben maad redi to scorneris; and hameris smytynge ben maad redi to the bodies of foolis.

¹⁷ Wherfor biholde thou, and thenke, what thou schalt do; for malice is fillid ayens thin hosebonde, and ayens `thin hows; and he is the sone of Belial, so that no man may speke to him.

²⁵ Y preie, my lord the kyng, sette not his herte on this wickid man Nabal, for bi his name he is a fool, and foli is with hym; but, my lord, Y thin handmayde siy not thi children, whiche thou sentist.

¹¹ Lord, sette thou a lawe to me in thi weie; and dresse thou me in thi path for myn enemyes.

²⁶ He that dispisith harm for a frend, is a iust man; but the weie of wickid men schal disseyue hem.

² A man goynge in riytful weie, and dredinge God, is dispisid of hym, that goith in a weie of yuel fame.

¹⁶ Betere is a litil with the drede of the Lord, than many tresouris and vnfillable.

⁸ Betere is a litil with riytfulnesse, than many fruytis with wickidnesse.

²² A nedi man is merciful; and betere is a pore iust man, than a man liere.

⁷ Forsothe a iust man that goith in his simplenesse, schal leeue blessid sones aftir hym.

⁶ Betere is a pore man goynge in his sympilnesse, than a riche man in schrewid weies.

³ For whi youre hondis ben defoulid with blood, and youre fyngris with wickidnesse; youre lippis spaken leesyng, and youre tunge spekith wickidnesse.

³¹ Therfor I seie to you, al synne and blasfemye shal be foryouun to men, but `the spirit of blasfemye shal not be foryouun. <sup>32</sup> And who euere seith a word ayens mannus sone, it shal be foryouun to him; but who that seieth a word ayens the Hooli Goost, it shal not be foryouun to hym, nether in this world, ne in `the tothir. ³³ Ethir make ye the tree good, and his fruyt good; ether make ye the tree yuel and his fruyt yuel; for a tree is knowun of the fruyt. ³⁴ Ye generacioun of eddris, hou moun ye speke goode thingis, whanne ye ben yuele? For the mouth spekith of plente of the herte.

²⁶ For what profitith it to a man, if he wynne al the world, and suffre peiryng of his soule? or what chaunging schal a man yyue for his soule?

⁵ Heere ye, my moost dereworthe britheren, whethir God chees not pore men in this world, riche in feith, and eiris of the kyngdom, that God bihiyte to men that louen him? ⁶ But ye han dispisid the pore man. Whether riche men oppressen not you bi power, and thei drawen you to domes?

⁵ If Y yede in vanyte, and my foot hastide in gile,

¹⁶ For the feet of hem rennen to yuel; and thei hasten to schede out blood.

²¹ The lippis of a iust man techen ful manye men; but thei that ben vnlerned, schulen die in nedinesse of herte.

²⁹ He that is pacient, is gouerned bi myche wisdom; but he that is vnpacient, enhaunsith his foli.

⁵ The thouytis of a stronge man ben euere in abundaunce; but ech slow man is euere in nedynesse.

⁸ Brynge thou not forth soone tho thingis in strijf, whiche thin iyen sien; lest aftirward thou maist not amende, whanne thou hast maad thi frend vnhonest.

²⁰ A feithful man schal be preisid myche; but he that hastith to be maad riche, schal not be innocent.

²² A man that hastith to be maad riche, and hath enuye to othere men; woot not that nedinesse schal come on hym.

²⁰ Thou hast seyn a man swift to speke; foli schal be hopid more than his amendyng.

⁹ Forsothe the ende of preyer is betere than the bigynnyng. A pacient man is betere than a proud man.

⁹ And whanne Ecclesiastes was moost wijs, he tauyte the puple, and he telde out the thingis whiche he dide,

¹¹ In the drynesse of ripe corn therof wymmen comynge, and thei that techen it, schulen be al to-brokun. Forsothe it is not a wijs puple, therfor he that made it, schal not haue mercy on it; and he that formyde it, schal not spare it.

¹⁶ Therfor the Lord God seith these thingis, Lo! Y schal sende in the foundementis of Sion a corner stoon preciouse, preuyd, foundid in the foundement; he that bileueth, schal not haaste.

⁶ My puple was stille, for it hadde not kunnyng; for thou hast putte awei kunnyng, Y schal putte thee awei, that thou vse not presthod to me; and for thou hast foryete the lawe of thi God, also Y schal foryete thi sones.

³ And thei schulen do to you these thingis, for thei han not knowun the fadir, nether me.

² But Y bere witnessyng to hem, that thei han loue of God, but not aftir kunnyng.

⁹ And this thing Y preie, that youre charite be plenteuouse more and more in kunnyng, and in al wit;

⁶ Therfore the womman seiy that the tre was good, and swete to ete, and fair to the iyen, and delitable in bi holdyng; and sche took of the fruyt therof, and eet, and yaf to hir hosebande, and he eet. ⁷ And the iyen of bothe weren openid; and whanne thei knowen that thei weren nakid, thei sewden the leeues of a fige tre, and maden brechis to hem silf. ⁸ And whanne thei herden the vois of the Lord God goynge in paradijs at the wynd after myddai, Adam and his wijf hidden hem fro the face of the Lord God in the middis of the tre of paradijs. ⁹ And the Lord God clepide Adam, and seide to hym, Where art thou? ¹⁰ And Adam seide, Y herde thi vois in paradijs, and Y drede, for Y was nakid, and Y hidde me. ¹¹ To whom the Lord seide, Who forsothe schewide to thee that thou were nakid, no but for thou hast ete of the tre of which Y comaundide to thee that thou schuldist not ete? ¹² And Adam seide, The womman which thou yauest felowe to me, yaf me of the tre, and Y eet.

⁵ sotheli he bihelde not to Cayn and to hise yiftis. And Cayn was wrooth greetli, and his cheer felde doun. ⁶ And the Lord seide to hym, Whi art thou wrooth, and whi felde doun thi face? ⁷ Whether not if thou schalt do wel, thou schalt resseyue; but if thou doist yuele, thi synne schal be present anoon in the yatis? but the desir therof schal be vndur thee, and thou schalt be lord therof. ⁸ And Cayn seide to Abel his brother, Go we out. And whanne thei weren in the feeld, Cayn roos ayens his brother Abel, and killide him. ⁹ And the Lord seide to Cayn, Where is Abel thi brother? Which answerde, Y woot not; whether Y am the kepere of my brothir? ¹⁰ And God seide to Cayn, What hast thou do? the vois of the blood of thi brother crieth to me fro erthe. ¹¹ Now therfor thou schalt be cursid on erthe, that openyde his mouth, and resseyuede of thin hond the blood of thi brothir. ¹² Whanne thou schalt worche the erthe, it schal not yyue his fruytis to thee; thou schalt be vnstable of dwellyng and fleynge aboute on erthe in alle the daies of thi lijf. ¹³ And Cayn seide to the Lord, My wickidnesse is more than that Y disserue foryyuenesse; lo! ¹⁴ to dai thou castist me out fro the face of the erthe; and Y schal be hid fro thi face, and Y schal be vnstable of dwellyng and fleynge aboute in erthe; therfore ech man that schal fynde me schal slee me.

¹⁹ and thei hadden gaderid al the multitude to the `dore of the tabernacle ayens hem, the glorie of the Lord apperide to alle. <sup>20</sup> And the Lord spak to Moises and Aaron, <sup>21</sup> and seide, Be ye departid fro the myddis of this congregacioun, that Y leese hem sodeynli. <sup>22</sup> Whiche felden lowe on the face, and seiden, Strongeste God of the spiritis of al fleisch, whethir `thin yre schal be fers ayens alle men, for o man synneth? ²³ And the Lord seide to Moises, ²⁴ Comaunde thou to al the puple, that it be departid fro the tabernaclis of Chore, and of Dathan, and of Abiron. ²⁵ And Moises roos, and yede to Dathan and Abiron; and while the eldre men of Israel sueden hym, ²⁶ he seide to the cumpeny, Go ye awey fro the tabernaclis of wickid men, and nyle ye touche tho thingis that parteynen to hem, lest ye ben wlappid in the synnes of hem. ²⁷ And whanne thei hadden gon awei fro the tentis `of hem bi the cumpas, Dathan and Abiron yeden out, and stoden in the entryng of her tentis, with wyues, and fre children, and al the multitude. <sup>28</sup> And Moises seide, In this ye schulen wite that the Lord sente me, that Y schulde do alle thingis whiche ye seen, and Y brouyte not forth tho of myn owne herte. <sup>29</sup> If thei perischen bi customable deeth of men, and wounde visite hem, bi which also othere men ben wont to be visitid, <sup>30</sup> the Lord sente not me; but if the Lord doith a newe thing, that the erthe opene his mouth, and swolewe hem, and alle thingis that perteynen to hem, and thei goen doun quyke in to helle, ye schulen wite that thei blasfemeden the Lord. <sup>31</sup> Therfor anoon as he cesside to speke, the erthe was brokun vndur her feet, <sup>32</sup> and the erthe openyde his mouth, and deuowride hem, with her tabernaclis, and al the catel `of hem; ³³ and thei yeden doun quike in to helle, and weren hilid with erthe, and perischiden fro the myddis of the multitude. ³⁴ And sotheli al Israel that stood bi the cumpas, fledde fro the cry of men perischinge, and seide, Lest perauenture the erthe swolewe also vs. ³⁵ But also fier yede out fro the Lord, and killide tweyn hundrid and fifti men that offriden encense. ³⁶ And the Lord spak to Moises, and seide, ³⁷ Comaunde thou to Eleasar, sone of Aaron, preest, that he take the censeris that liggen in the brennyng, and that he schatere the fier hidur and thidur; for tho ben halewid in the dethis of synneris; ³⁸ and that he bringe forth tho in to platis, and naile to the auter, for encense is offrid in tho to the Lord, and tho ben halewid, that the sonis of Israel se tho for a signe and memorial. ³⁹ Therfor Eleazar, preest, took the brasun senseris, in whiche censeris thei whiche the brennyng deuouride hadden offrid, and he `brouyt forth tho in to platis, and nailide to the auter; ⁴⁰ that the sones of Israel schulden haue thingis aftirward, bi whiche thei schulden remembre, lest ony alien, and which is not of the seed of Aaron, neiy to offre encense to the Lord, lest he suffre, as Chore sufferide, and al his multitude, while the Lord spak to Moises. ⁴¹ Forsothe al the multitude of the sones of Israel grutchide in the dai suynge ayens Moises and Aaron, and seide, Ye han slayn the puple of the Lord.

¹² Forsothe the sones of Israel seiden to Moises, Lo! we ben wastid, alle we perischiden; ¹³ who euer neiyeth to the tabernacle of the Lord, he dieth; whethir we schulen be doon awei alle `til to deeth?

¹³ And Samuel seide to Saul, Thou hast do folili, and thou `keptist not the heestis of thi Lord God, whiche he comaundide to thee; and if thou haddist not do this thing, riyt now the Lord hadde maad redi thi rewme on Israel with outen ende;

²³ for it is as the synne of mawmetrie to `fiyte ayens Goddis heest, and it is as the wickidnesse of ydolatrie to nyle `ascente to Goddis heest. Therfor for that, that thou castidist awey the word of the Lord, the Lord castide thee awei, that thou be not kyng.

¹³ Which answeride, Lord, Y am redi. And Saul seide to hym, Whi hast thou conspirid ayens me, thou, and the sone of Ysai, and yauest looues and a swerd to hym, and councelidist the Lord for hym, that he schulde rise ayens me, and he dwellith a tretour `til to dai? <sup>14</sup> And Achymelech answeride to the kyng, and seide, And who among alle thi seruauntis is as Dauid feithful, and the sone in lawe `of the kyng, and goynge at thi comaundement, and gloriouse in thin hows? ¹⁵ Whether Y bigan to dai to counsele the Lord for hym? Fer be this fro me; suppose not the kyng ayens his seruaunt `siche a thing in al `the hows of my fadir; for thi seruaunt knew not ony thing, ether litil ethir greet, of this cause. ¹⁶ And the kyng seide, Achymelech, thou schalt die bi deeth, thou, and al the hows of thi fadir. ¹⁷ And the kyng seide to men able to be sent out, that stoden aboute hym, Turne ye, and sle the preestis of the Lord, for the hond of hem is with Dauid; and thei wisten that he fledde, and thei schewiden not to me. Sotheli the seruauntis of the kyng nolden holde forth her hond in to the preestis of the Lord. ¹⁸ And the kyng seide to Doech, Turne thou, and hurle in to the preestis of the Lord. And Doech of Ydumee turnede, and hurlide in to the preestis, and stranglide in that dai foure score and fyue men, clothid with `ephoth of lynnun cloth. <sup>19</sup> Forsothe he smoot Nobe, the citee of preestis, by the scharpnesse of swerd, men and wymmen, litle children and soukynge, and oxe, and asse, and sheep, bi the scharpnesse of swerd. <sup>20</sup> Forsothe o sone of Achymelech, sone of Achitob, ascapide, of which sone the name was Abiathar; and he fledde to Dauid, <sup>21</sup> and telde to hym that Saul hadde slayn the preestis of the Lord. <sup>22</sup> And Dauid seide to Abiathar, Sotheli Y wiste, `that is, Y coniectide, ether dredde, in that dai, that whanne Doech of Ydumee was there, he wolde telle with out doute to Saul; Y am gilti of alle the lyues of thi fadir. ²³ Dwelle thou with me, drede thou not; if ony man sekith thi lijf, he schal seke also my lijf, and thou schalt be kept with me.

⁴² Which seide to the kyng, The Lord seith these thingis, For thou deliueridist fro thin hond a man worthi the deeth, thi lijf schal be for his lijf, and thi puple `schal be for his puple. ⁴³ Therfor the kyng of Israel turnede ayen in to his hows, and dispiside to here, and cam wod in to Samarie.

⁹ Therfor the kyng of Israel, and the kyng of Juda, and the kyng of Edom, yeden forth, and cumpassiden bi the weie of seuene daies; and `watir was not to the oost, and to the beestis, that sueden hem. ¹⁰ And the kyng of Israel seide, Alas! alas! alas! the Lord hath gaderide vs thre kyngis to bitake vs in the hond of Moab.

³³ And yit `while he spak to hem, the messanger that cam to hym apperide; and the kyng seide, Lo! so greet yuel is of the Lord; sotheli what more schal Y abide of the Lord?

⁹ For the iyen of the Lord biholden al the erthe, and yyuen strengthe to hem, that with perfit herte bileuen in to hym. Therfor thou hast do folili, and for this, yhe, in present tyme batels schulen rise ayens thee. ¹⁰ And Asa was wrooth ayens the prophete, and comaundide hym to be sent in to stockis. Forsothe the Lord hadde indignacioun greetli on this thing, and killide ful many of the puple in that tyme.

¹ The title of the seuene and thrittithe salm. `The salm of Dauid, to bythenke on the sabat.

⁷ I am maad a wretche, and Y am bowid doun til in to the ende; al dai Y entride sorewful.

³ The simplenesse of iust men schal dresse hem; and the disseyuyng of weiward men schal destrie hem.

²¹ And it schal passe bi that, and it schal falle doun, and it schal hungre. And whanne it schal hungre, it schal be wrooth, and schal curse his kyng and his God, and it schal biholde vpward. ²² And it schal loke to the erthe, and lo! tribulacioun, and derknessis, and vnbyndyng, ether discoumfort, and angwisch, and myist pursuynge; and it schal not mow fle awei fro his angwisch.

⁴⁵ And Jewis sien the puple, and weren fillid with enuye, and ayenseiden these thingis that weren seyd of Poul, and blasfemyden. ⁴⁶ Thanne Poul and Barnabas stidfastli seiden, To you it bihofte first to speke the word of God; but for ye putten it awei, and han demyd you vnworthi to euerlastinge lijf, lo! we turnen to hethen men.

⁹ And men swaliden with greet heete, and blasfemyden the name of God hauynge power on these plagis, nether thei diden penaunce, that thei schulden yyue glorie to hym. ¹⁰ And the fifte aungel schedde out his viol on the seete of the beeste, and his kyngdom was maad derk; and thei eten togidere her tungis for sorewe, ¹¹ and thei blasfemyden God of heuene, for sorewis of her woundis; and thei diden not penaunce of her werkis.

¹⁵ My britheren passiden me, as a stronde doith, that passith ruschyngli in grete valeis. ¹⁶ Snow schal come on hem, that dreden frost. ¹⁷ In the tyme wherynne thei ben scaterid, thei schulen perische; and as thei ben hoote, thei schulen be vnknyt fro her place. ¹⁸ The pathis of her steppis ben wlappid; thei schulen go in veyn, and schulen perische. ¹⁹ Biholde ye the pathis of Theman, and the weies of Saba; and abide ye a litil. ²⁰ Thei ben schent, for Y hopide; and thei camen `til to me, and thei ben hilid with schame. ²¹ Now ye ben comun, and now ye seen my wounde, and dreden. ²² Whether Y seide, Brynge ye to me, and yiue ye of youre catel to me? ethir, ²³ Delyuere ye me fro the hond of enemy, and rauysche ye me fro the hond of stronge men?

¹³ He made fer my britheren fro me; and my knowun as aliens yeden awei fro me. ¹⁴ My neiyboris forsoken me; and thei that knewen me han foryete me. ¹⁵ The tenauntis of myn hows, and myn handmaydis hadden me as a straunger; and Y was as a pilgrym bifor her iyen. ¹⁶ Y clepide my seruaunt, and he answeride not to me; with myn owne mouth Y preiede hym. ¹⁷ My wijf wlatide my breeth; and Y preiede the sones of my wombe.

¹⁵ The catel of a riche man is the citee of his strengthe; the drede of pore men is the nedynesse of hem.

²⁰ A pore man schal be hateful, yhe, to his neiybore; but many men ben frendis of riche men.

⁶ Many men onouren the persoone of a myyti man; and ben frendis of hym that deelith yiftis. ⁷ The britheren of a pore man haten hym; ferthermore and the freendis yeden awei fer fro hym. He that sueth wordis oonli, schal haue no thing;

¹³ And not aftir many daies, whanne alle thingis weren gederid togider, the yonger sone wente forth in pilgrymage in to a fer cuntre; and there he wastide hise goodis in lyuynge lecherously. ¹⁴ And aftir that he hadde endid alle thingis, a strong hungre was maad in that cuntre, and he bigan to haue nede. ¹⁵ And he wente, and drouy hym to oon of the citeseyns of that cuntre. And he sente hym in to his toun, to fede swyn.

¹ Thou schalt not resseyue a vois of leesyng, nether thou schalt ioyne thin hond, that thou seie fals witnessyng for a wickid man.

¹¹ Thou schalt not mystake the name of thi Lord God in veyn, for he schal not be vnpunyschid, that takith the name of God on a veyn thing.

¹⁶ If a fals witnesse stondith ayens a man, and accusith hym of brekyng of the lawe, bothe, ¹⁷ of whiche the cause is, schulen stonde bifor the Lord, in the siyt of preestis, and of iugis, that ben in tho daies. ¹⁸ And whanne thei sekynge moost diligentli han founde that the fals witnesse seide a leesyng ayens his brothir, ¹⁹ thei schulen yelde to hym, as he thouyte to do to his brother; and thou schalt do awey yuel fro the myddis of thee, that othere men here, ²⁰ and haue drede, and be no more hardi to do siche thingis. ²¹ Thou schalt not haue mercy on hym, but thou schalt axe lijf for lijf, iye for iye, tooth for tooth, hond for hond, foot for foot.

⁹ nyle thou suffre hym to be vnpunyschid; forsothe thou art a wise man, and thou schalt wite what thou schalt do to hym, and thou schalt lede forth hise hoor heeris with blood to hellis.

³ The Lord yyue not thi foot in to mouyng; nether he nappe, that kepith thee. ⁴ Lo! he schal not nappe, nether slepe; that kepith Israel.

¹⁹ a man bringynge forth lesingis, a fals witnesse; and him that sowith discordis among britheren.

⁹ A fals witnesse schal not be vnpunyschid; and he that spekith leesyngis, schal perische.

²⁸ A fals witnesse schal perische; a man obedient schal speke victorie.

²⁴ Forsothe the kyng comaundide, tho men, that accusiden Danyel, weren brouyt, and weren sent in to the lake of liouns, thei, and the sones of hem, and the wyues of hem; and thei camen not `til to the pawment of the lake, til the liouns rauyschiden hem, and al to-braken alle the boonys of hem.

²⁰ whanne ye fynden hym, and ye schulen adde, Also Jacob hym silf thi seruaunt sueth oure weie. For Jacob seide, Y schal plese Esau with yiftis that goon bifore, and aftirward Y schal se hym; in hap he schal be mercyful to me.

⁶ And Joseph was prince of Egipt, and at his wille whetis weren seeld to puplis. And whanne hise britheren hadden worschipid hym,

¹⁵ Therfor the men token yiftis, and double monei, and Beniamyn; and thei yeden doun in to Egipt, and stoden bifore Joseph.

¹⁹ My lord the kyng, arette thou not wickidnesse to me, nether haue thou mynde of the wrongis of thi seruaunt in the dai, in which thou, my lord the kyng, yedist out of Jerusalem, nether sette thou, kyng, in thin herte; for Y thi seruaunt knoleche my synne; ²⁰ and therfor to dai Y cam the firste of al the hows of Joseph, and Y cam doun in to the meetyng of my lord the kyng. ²¹ Forsothe Abisai, the sone of Saruye, answeride and seide, Whether Semei, that curside the crist of the Lord, schal not be slayn for these wordis? ²² And Dauid seide, What is to me and to you, ye sones of Saruye? Whi ben ye maad to me to dai in to Sathan? Therfor whether a man schal be slayn to dai in Israel? Whether Y knowe not me maad kyng to dai on Israel? ²³ And the kyng seide to Semey, Thou schalt not die; and the kyng swoor to hym. ²⁴ Also Myphibosech, sone of Jonathas, sone of Saul, cam doun with vnwaischun feet, and with berd vnclippid, in to the comyng of the kyng. And Mysphibosech hadde not waische hise clothis, fro the dai in which the kyng yede out of Jerusalem til to the dai of his turnyng ayen in pees. ²⁵ And whanne at Jerusalem he hadde come to the kyng, the kyng seide to him, Myphibosech, whi camest thou not with me? ²⁶ And he answeride and seide, My lord the kyng, my seruaunt dispiside me; and Y thi seruaunt seide to hym, that he schulde sadle the asse to me, and Y schulde stie, and Y schulde go with the king; for Y thi seruaunt am crokid. ²⁷ More ouer and he accuside me, thi seruaunt, to thee, my lord the kyng; forsothe thou, my lord `the kyng, art as the aungel of God; do thou that, that is plesaunt to thee. <sup>28</sup> For the hows of my fadir was not no but gilti of deeth to my lord the kyng; sotheli thou hast set me thi seruaunt among the gestis of thi boord; what therfor haue Y of iust pleynt, ether what may Y more crye to the kyng? <sup>29</sup> Sotheli the kyng seide to hym, What spekist thou more? that that Y haue spoke is stidefast; thou and Siba depart possessyouns. <sup>30</sup> And Myphibosech answeride to the kyng, Yhe, take he alle thingis, aftir that my lord the kyng turnede ayen pesibli in to his hows. <sup>31</sup> Also Berzellai of Galaad, a ful eld man, cam doun fro Rogelym, and ledde the kyng ouer Jordan, redi also to sue hym ouer the flood. <sup>32</sup> Forsothe Berzellai of Galaad was ful eld, that is, of foure score yeer, and he yaf metis to the kyng, whanne the kyng dwellyde in castels; for Berzellai was a ful riche man. <sup>33</sup> Therfor the kyng seide to Berzellai, Come thou with me, that thou reste sikirli with me in Jerusalem. <sup>34</sup> And Berzellai seide to the kyng, Hou manye ben the daiest of yeeres of my lijf, that Y stie with the kyng in to Jerusalem? <sup>35</sup> Y am of foure score yeer to dai; whether my wittis ben quike to deme swete thing ethir bittir, ether mete and drynk may delite thi seruaunt, ether may Y here more the vois of syngeris ether of syngsters? Whi is thi seruaunt to charge to my lord the kyng? <sup>36</sup> Y thi seruaunt schal go forth a litil fro Jordan with thee, Y haue no nede to this yeldyng; <sup>37</sup> but Y biseche, that Y thi seruaunt turne ayen, and die in my citee, and be biried bisidis the sepulcre of my fadir and of my modir; forsothe Chamaam is thi seruaunt, my lord the kyng, go he with thee, and do thou to hym that that semeth good to thee. <sup>38</sup> Therfor the kyng seide to hym, Chamaam passe with me; and Y schal do to hym what euer thing plesith thee, and thou schalt gete al thing, which thou axist of me. <sup>39</sup> And whanne al the puple and the kyng hadden passid Jordan, the kyng abood; and `the kyng kisside Berzellai, and blesside hym; and he turnede ayen in to his place.

²⁴ If ony tyme Y leiyide to hem, thei bileueden not; and the liyt of my cheer felde not doun in to erthe. ²⁵ If Y wolde go to hem, Y sat the firste; and whanne Y sat as kyng, while the oost stood aboute, netheles Y was comfortour of hem that morenyden.

¹² The Lord of vertues is with vs; God of Jacob is oure vptakere.

¹⁵ Lijf is in the gladnesse of the `cheer of the king; and his merci is as a reyn comynge late.

⁸ A preciouse stoon moost acceptable is the abiding of hym that sekith; whidur euere he turneth hym silf, he vndurstondith prudentli.

¹⁶ The yift of a man alargith his weie; and makith space to hym bifore princes.

¹² As the gnasting of a lioun, so and the ire of the king; and as deewe on eerbe, so and the gladnesse of the kyng.

¹⁴ A yift hid quenchith chidyngis; and a yift in bosum quenchith the moost indignacioun.

²⁶ Many men seken the face of the prince; and the doom of alle men schal go forth of the Lord.

¹¹ And thei entriden in to the hous, and founden the child with Marie, his modir; and thei felden doun, and worschipiden him. And whanne thei hadden openyd her tresouris, thei offryden to hym yiftis, gold, encense, and myrre.

¹¹ remoue thou thi woundis fro me.

⁸ God, which is glorified in the counsel of seyntis; is greet, and dreedful ouere alle that ben in his cumpas.

¹⁸ For thou art the glorie of the vertu of hem; and in thi good plesaunce oure horn schal be enhaunsid.

²³ A pore man schal speke with bisechingis; and a riche man schal speke sterneli.

⁴ Richessis encreessen ful many freendis; forsothe also thei ben departid fro a pore man, whiche he hadde.

¹³ He that stoppith his eere at the cry of a pore man, schal crye also, and schal not be herd.

¹⁵ And a pore man and a wijs was foundun ther ynne; and he delyuerede the citee bi his wisdom, and no man bithouyte aftirward on that pore man. ¹⁶ And Y seide, that wisdom is betere than strengthe; hou therfor is the wisdom of a pore man dispisid, and hise wordis ben not herd?

³⁸ And he criede, and seide, Jhesu, the sone of Dauyd, haue mercy on me. ³⁹ And thei that wenten bifor blamyden hym, that he schulde be stille; but he criede myche the more, Thou sone of Dauid, haue mercy on me. ⁴⁰ And Jhesus stood, and comaundide hym to be brouyt forth to hym. And whanne he cam nyy, he axide hym,

⁶ But ye han dispisid the pore man. Whether riche men oppressen not you bi power, and thei drawen you to domes?

¹⁵ And if a brother ethir sister be nakid, and han nede of ech daies lyuelode, ¹⁶ and if ony of you seie to hem, Go ye in pees, be ye maad hoot, and be ye fillid; but if ye yyuen not to hem tho thingis that ben necessarie to bodi, what schal it profite?

¹⁷ He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym? ¹⁸ Mi litle sones, loue we not in word, nethir in tunge, but in werk and treuthe.

¹ Mi sone, if thou resseyuest my wordis, `and hidist myn heestis anentis thee; ² that thin eere here wisdom, bowe thin herte to knowe prudence. ³ For if thou inwardli clepist wisdom, and bowist thin herte to prudence; ⁴ if thou sekist it as money, and diggist it out as tresours; ⁵ thanne thou schalt vndirstonde the drede of the Lord, and schalt fynde the kunnyng of God. ⁶ For the Lord yyueth wisdom; and prudence and kunnyng is of his mouth. ⁷ He schal kepe the heelthe of riytful men, and he schal defende hem that goen sympli. ⁸ And he schal kepe the pathis of riytfulnesse, and he schal kepe the weies of hooli men. ⁹ Thanne thou schalt vndirstonde riytfulnesse, and dom, and equytee, and ech good path.

¹⁸ It is a tre of lijf to hem that taken it; and he that holdith it, is blessid.

²¹ My sone, these thingis flete not awey fro thin iyen; kepe thou my lawe, and my counsel;

⁴ And my fadir tauyte me, and seide, Thin herte resseyue my wordis; kepe thou myn heestis, and thou schalt lyue.

⁶ Forsake thou not it, and it schal kepe thee; loue thou it, and it schal kepe thee.

²¹ Go not tho awei fro thyn iyen; kepe thou hem in the myddil of thin herte.

³⁵ He that fyndith me, schal fynde lijf; and schal drawe helthe of the Lord. ³⁶ But he that synneth ayens me, schal hurte his soule; alle that haten me, louen deeth.

²⁰ A lerned man in word schal fynde goodis; and he that hopith in the Lord is blessid.

¹⁶ What profitith it to a fool to haue richessis, sithen he mai not bie wisdom? He that makith his hous hiy, sekith falling; and he that eschewith to lerne, schal falle in to yuels.

¹⁸ That schal be fair to thee, whanne thou hast kept it in thin herte, and it schal flowe ayen in thi lippis.

²⁶ And Y schal yyue to you a newe herte, and Y schal sette a newe spirit in the myddis of you; and Y schal do awei an herte of stoon fro youre fleisch, and Y schal yyue to you an herte of fleisch,

²⁵ but if it be deed, it bryngith myche fruyt. He that loueth his lijf, schal leese it; and he that hatith his lijf in this world, kepith it in to euerlastynge lijf.

²¹ He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf.

¹⁰ For he that wole loue lijf, and se goode daies, constreyne his tunge from yuel, and hise lippis, that thei speke not gile.

⁵ A fals witnesse schal not be vnpunyschid; and he that spekith leesingis, schal not ascape.

¹⁵ An elde man and onourable, he is the heed, and a profete techynge a leesyng, he is the tail. ¹⁶ And thei that blessen his puple, schulen be disseyueris, and thei that ben blessid, schulen be cast doun. ¹⁷ For this thing the Lord schal not be glad on the yonge men therof, and he schal not haue merci on the fadirles children and widewis therof; for ech man is an ypocrite and weiward, and ech mouth spak foli. In alle these thingis the stronge veniaunce of hym is not turned awei, but yit his hond is stretchid forth;

²⁵ Y herde what thingis the profetis seiden, profesiynge a leesyng in my name, and seiynge, Y dremede dremes. ²⁶ Hou longe is this thing in the herte of profetis, profesiynge a leesyng, and profesiynge the disseite of her herte? ²⁷ Whiche wolen make, that my puple foryete my name for the dremes of hem, which ech man tellith to his neiybore, as the fadris of hem foryaten my name for Baal. ²⁸ A profete that hath a dreme, telle a dreem; and he that hath my word, speke verili my word. What is with chaffis to the wheete? seith the Lord. ²⁹ Whether my wordis ben not as fier brennynge, seith the Lord, and as an hamer al to-brekynge a stoon? ³⁰ Therfor lo! Y am redi to the profetis, seith the Lord, that stelen my wordis, ech man fro his neiybore. ³¹ Lo! Y to the profetis, seith the Lord, that taken her tungis, and seien, The Lord seith. ³² Lo! Y to the profetis, dremynge a leesyng, seith the Lord; which telden tho, and disseyueden my puple in her leesyng, and in her myraclis, whanne Y hadde not sente hem, nether hadde comaundide to hem; whiche profitiden no thing to this puple, seith the Lord.

¹⁵ And Jeremye, the profete, seide to Ananye, the profete, Ananye, here thou; the Lord sente not thee, and thou madist this puple for to triste in a leesyng. ¹⁶ Therfor the Lord seith these thingis, Lo! Y schal sende thee out fro the face of erthe; in this yeer thou schalt die, for thou spakest ayens the Lord. ¹⁷ And Ananye, the profete, diede in that yeer, in the seuenthe monethe.

³¹ and seide, Sende thou to al the passyng ouer, and seie, The Lord seith these thingis to Semeye Neelamite, For that that Semeye profesiede to you, and Y sente not hym, and he made you to triste in a leesyng; ³² therfor the Lord seith thes thingis, Lo! Y schal visite on Semeye Neelamyte, and on his seed; and no man sittynge in the myddis of this puple schal be to hym; and he schal not se the good, which Y schal do to my puple, seith the Lord, for he spak trespassyng ayens the Lord.

²² For that that ye maden falsli the herte of a iust man to morene, whom Y made not sori; and ye coumfortiden the hondis of a wickid man, that he schulde not turne ayen fro his yuel weie, and lyue.

⁸ And thanne thilke wickid man schal be schewid, whom the Lord Jhesu schal sle with the spirit of his mouth, and schal distrie with liytnyng of his comyng; ⁹ hym, whos comyng is bi the worching of Sathanas, in al vertu, and signes, ¹⁰ and grete wondris, false, and in al disseit of wickidnesse, to hem that perischen. For that thei resseyueden not the charite of treuthe, that thei schulden be maad saaf. And therfor God schal sende to hem a worching of errour, that thei bileue to leesing,

¹ But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie,

¹ Blame thou not an eldere man, but biseche as a fadir, yonge men as britheren; elde wymmen as modris, ² and haue her conscience corrupt,

² yonge wymmen as sistris, in al chastite.

¹ But also false prophetis weren in the puple, as in you schulen be maistris lieris, that schulen bringe in sectis of perdicioun; and thei denyen thilke Lord that bouyte hem, and bringen on hem silf hasti perdicioun. ² And many schulen sue her letcheries, bi whiche the weie of treuthe schal be blasfemyd; ³ and thei schulen make marchaundie of you in coueytise bi feyned wordis. To whiche doom now a while ago ceessith not, and the perdicioun of hem nappith not.

²⁰ And the beeste was cauyt, and with hir the false prophete, that made signes bifor hir; in whiche he disseyuede hem that token the carect of the beeste, and that worschipiden the ymage of it. These tweyne weren sent quyke in to the pool of fier, brennynge with brymstoon.

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.

¹⁵ For with outen forth houndis, and witchis, and unchast men, and manquelleris, and seruynge to idols, and ech that loueth and makith leesyng.

³⁶ Forsothe Abigail cam to Nabal; and, lo! a feeste was to him in his hows, as the feeste of a kyng; and the herte of Nabal was iocounde, for he was `drunkun greetli; and sche schewide not to hym a word litil ether greet til the morewe.

²⁴ And Joab entride to the kyng, and seide, What hast thou do? Lo! Abner cam to thee; whi leftist thou hym, and he yede, and departide? ²⁵ Knowist thou not Abner, the sone of Ner, for herto he cam to thee, that he schulde disseyue thee, and that he schulde knowe thi going out and thin entryng, and schulde knowe alle thingis whiche thou doist?

³⁹ Forsothe Y am `delicat, ether tendir, yit and anoyntid kyng; sotheli these sones of Saruye ben hard to me; the Lord yelde to hym that doith yuel bi his malice.

⁷ Wordis wel set togidere bisemen not a fool; and a liynge lippe bicometh not a prince.

¹ As snow in somer, and reyn in heruest; so glorie is vnsemeli to a fool.

²¹ The erthe is moued bi thre thingis, and the fourthe thing, which it may not susteyne; ²² bi a seruaunt, whanne he regneth; bi a fool, whanne he is fillid with mete;

⁵ An yuel is, which Y siy vndur the sunne, and goith out as bi errour fro the face of the prince; a fool set in hiy dignyte, ⁶ and riche men sitte bynethe. ⁷ I siy seruauntis on horsis, and princes as seruauntis goynge on the erthe.

⁵ And the puple schal falle doun, a man to a man, ech man to his neiybore; a child schal make noyse ayens an eld man, and an vnnoble man ayens a noble man.

¹¹ Wo to you that risen togidere eerli to sue drunkennesse, and to drinke `til to euentid, that ye brenne with wyn. ¹² Harpe, and giterne, and tympan, and pipe, and wyn ben in youre feestis; and ye biholden not the werk of the Lord, nether ye biholden the werkis of hise hondis.

¹² And the Lord God of oostis schal clepe in that dai to wepyng, and to morenyng, and to ballidnesse, and to a girdil of sak; and lo! ¹³ ioie and gladnesse is to sle caluys, and to strangle wetheris, to ete fleisch, and to drynke wyn; ete we, and drynke we, for we schulen die to morewe. ¹⁴ And the vois of the Lord of oostis is schewid in myn eeris, This wickidnesse schal not be foryouun to you, til ye dien, seith the Lord God of oostis.

³ In her malice thei gladiden the kyng, and in her leesyngys `thei gladiden the princes. <sup>4</sup> Alle that doen auoutrie, ben as an ouene maad hoot of a bakere. The citee restide a litil fro the medlyng of sour douy, til al was maad sour `of sour douy. ⁵ The dai of oure kyng; the princis bigunnen to be wood of wyn; he stretchide forth his hoond with scorneris.

¹ Israel, nyle thou be glad, nyle thou make ful out ioie as puplis; for thou hast do fornicacioun fro thi God. Thou louedist meede on alle the cornflooris of wheete.

³ And ye ben departid in to yuel dai, and neiyen to the seete of wickidnesse; ⁴ and ye slepen in beddis of yuer, and doen letcherie in youre beddis; and ye eten a lomb of the flok, and calues of the myddil of droue; ⁵ and ye syngen at vois of sautree. As Dauid thei gessiden hem for to haue instrumentis of song, and drynken wyn in viols; ⁶ and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph.

¹⁹ There was a riche man, and was clothid in purpur, and whit silk, and eete euery dai schynyngli.

²³ And the riche man was deed also, and was biried in helle. And he reiside hise iyen, whanne he was in turmentis, and say Abraham afer, and Lazarus in his bosum.

⁹ Be ye wretchis, and weile ye; youre leiyyng be turned in to weping, and ioye in to sorewe of herte.

¹⁵ And whanne the fadir was deed, the britheren of Joseph dredden, and spaken togidere, lest perauenture he be myndeful of the wrong which he suffride, and yelde to vs al the yuel, that we diden. ¹⁶ And thei senten to hym, and seiden, Thi fadir comaundide to vs, ¹⁷ bifore that he diede, that we schulden seie to thee these thingis bi hise wordis; Y beseche, that thou foryete the wickidnesse of thi britheren, and the synne, and malice which thei hauntiden ayens thee; also we preien, that thou foryyue this wickidnesse to thi fadir, the seruaunt of God. Whanne these thingis weren herd, Joseph wepte. ¹⁸ And hise britheren camen to hym, and worschipiden lowe to erthe, and seiden, We ben thi seruauntis. ¹⁹ To whiche he answeride, Nyle ye drede; whether we moun ayenstonde Goddis wille? ²⁰ Ye thouyten yuel of me, and God turnede it in to good, that he schulde enhaunse me, as ye seen in present tyme, and that he schulde make saaf many puplis; ²¹ nyle ye drede, Y schal fede you and youre litle children. And he coumfortide hem, and spak swetli, and liytly;

¹⁶ A fool schewith anoon his ire; but he that dissymelith wrongis, is wijs.

¹⁸ A wrathful man reisith chidyngis; he that is pacient, swagith chidyngis reisid.

³² A pacient man is betere than a stronge man; and he that `is lord of his soule, is betere than an ouercomere of citees.

¹⁴ He that leeueth watir, is heed of stryues; and bifor that he suffrith wrong, he forsakith dom.

³ It is onour to a man that departith hym silf fro stryuyngis; but fonned men ben medlid with dispisyngis.

²¹ If thin enemy hungrith, feede thou him; if he thirstith, yyue thou watir to hym to drinke;

⁴⁴ But Y seie to you, loue ye youre enemyes, do ye wel to hem that hatiden you, and preye ye for hem that pursuen, and sclaundren you; ⁴⁵ that ye be the sones of your fadir that is in heuenes, that makith his sunne to rise vpon goode `and yuele men, and reyneth on iust men and vniuste.

²¹ Thanne Petre cam to hym, and seide, Lord, how ofte schal my brother synne ayens me, and Y schal foryyue hym? ²² Whether til seuen tymes? Jhesus seith to hym, Y seie not to thee, til seuene sithis; but til seuenti sithis seuene sithis.

¹⁸ If it may be don, that that is of you, haue ye pees with alle men. ¹⁹ Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde. ²⁰ But if thin enemy hungrith, fede thou hym; if he thirstith, yyue thou drynke to hym; for thou doynge this thing schalt gidere togidere colis on his heed. ²¹ Nyle thou be ouercomun of yuel, but ouercome thou yuel bi good.

³² and be ye togidere benygne, merciful, foryyuynge togidere, as also God foryaf to you in Crist.

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience; ¹³ and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.

¹⁹ Wite ye, my britheren moost loued, be ech man swift to here, but slow to speke, and slow to wraththe;

⁴ As the liyt of the morewtid, whanne the sunne risith eerli, is briyt with out cloudis; and as an erbe cometh forth of the erthe bi reynes.

⁸ And whanne the kyng turnede ayen fro the gardyn `biset with wode, and hadde entrid in to the place of feeste he foond that Aaman felde doun on the bed, wherynne Hester lai. And the king seide, `Also he wole oppresse the queen, while Y am present, in myn hows. The word was not yit goon out of the kyngis mouth, and anoon thei hiliden his face.

⁶ Therfore pride helde hem; thei weren hilid with her wickidnesse and vnfeithfulnesse.

³ The Lord blesse thee fro Syon; which Lord made heuene and erthe.

¹⁴ Indignacioun of the kyng is messangeris of deth; and a wijs man schal plese him. ¹⁵ Lijf is in the gladnesse of the `cheer of the king; and his merci is as a reyn comynge late.

² As the roryng of a lioun, so and the drede of the kyng; he that territh hym to ire, synneth ayens his owne lijf.

¹⁵ A rorynge lioun, and an hungry bere, is a wickid prince on a pore puple.

⁴ and his word is ful of power, and no man mai seie to hym, Whi doist thou so?

¹² And whanne this word was herd, the kyng comaundide, in woodnesse and in greet ire, that alle the wise men of Babiloyne schulden perische. ¹³ And bi the sentence goon out, the wise men weren slayn; and Danyel and hise felows weren souyt, that thei schulden perische.

¹⁹ Thanne Nabugodonosor was fillid of woodnesse, and the biholdyng of his face was chaungid on Sidrac, Misaac, and Abdenago. And he comaundide, that the furneis schulde be maad hattere seuenfold, than it was wont to be maad hoot. ²⁰ And he comaundide to the strongeste men of his oost, that thei schulden bynde the feet of Sidrac, Mysaac, and Abdenago, and sende hem in to the furneis of fier brennynge. ²¹ And anoon tho men weren boundun, with brechis, and cappis, and schoon, and clothis, and weren sent in to the myddis of the furneis of fier brennynge; ²² for whi comaundement of the kyng constreinede. Forsothe the furneis was maad ful hoot; certis the flawme of the fier killid tho men, that hadden sent Sidrac, Misaac, and Abdenago in to the furneis. ²³ Sotheli these thre men, Sidrac, Misaac, and Abdenago, fellen doun boundun in the mydis of the chymenei of fier brennynge.

¹⁹ And for greet worschip which he hadde youe to thilke Nabugodonosor, alle puplis, lynagis, and langagis, trembliden and dredden hym; he killide whiche he wolde, and he smoot whiche he wolde, and he enhaunside whiche he wolde, and he made low which he wolde.

⁵ Y schal make hool the sorewis of hem; Y schal loue hem wilfuli, for my strong veniaunce is turned awei fro hem.

⁷ And relifs of Jacob schulen be in the myddil of many puplis, as dew of the Lord, and as dropis on erbe, whiche abidith not man, and schal not abide sones of men.

⁴ And Y seie to you, my freendis, be ye not a ferd of hem that sleen the bodie, and aftir these thingis han no more what thei schulen do. ⁵ But Y schal schewe to you, whom ye schulen drede; drede ye hym, that aftir he hath slayn, he hath power to sende in to helle. And so Y seie to you, drede ye hym.

¹ Forsothe it was doon aftir these thingis, that Amon, the sone of Dauid, louyde the faireste sistir, Thamar bi name, of Absolon, sone of Dauid. ² And Amon perischide greetli for hir, so that he was sijk for `the loue of hir. For whanne she was a virgyn, it semyde hard to hym, that he schulde do ony thing vnonestli with hir. <sup>3</sup> Forsothe a freend, Jonadab bi name, sone of Semmaa, brother of Dauid, `was to Amon; Jonadab was a ful prudent man. ⁴ Which seide to Amon, Sone of the kyng, whi art thou maad feble so bi leenesse bi alle daies? whi schewist thou not to me? And Amon seide to him, Y loue Thamar, the sister of my brother Absolon. ⁵ And Jonadab answeride to hym, Li thou on thi bed, and feyne thou sikenesse; and whanne thi fadir cometh, that he visyte thee, seie thou to hym, Y preye, come Thamar, my sister, that sche yyue mete to me, and make a seew, that Y ete of hir hond. ⁶ Therfor Amon lay doun, and `bigan as to be sijk. And whanne the kyng hadde come to visite him, Amon seide to the kyng, Y biseche, come Thamar, my sistir, that sche make twei soupyngis bifor my iyen, and that Y take of hir hond meete maad redi. <sup>7</sup> Therfor Dauid sente to the hows of Thamar, and seide, Come thou in to the hows of Amon, thi brother, and make thou seew to hym. <sup>8</sup> And Thamar cam in to the hows of Amon, hir brother. Sotheli he lai; and sche took mele, and medlide, and made moist bifor hise iyen, and sethide soupyngis; <sup>9</sup> and sche took that, that sche hadde sode, and helde out, and settide byfor hym, and he nolde ete. And Amon seide, Putte ye out alle men fro me. And whanne thei hadden put out alle men, <sup>10</sup> Amon seide to Thamar, Bere the mete in to the closet, that Y ete of thin hond. Therfor Thamar took the soupingis whiche sche hadde maad, and brouyte in to Amon, hir brother, in the closet. <sup>11</sup> And whanne sche hadde proferid mete to hym, he took hir, and seide, Come thou, my sistir, li thou with me. <sup>12</sup> And sche answeride to hym, My brother, nyle thou, nyle thou oppresse me, for this is not leueful in Israel; nyle thou do this foli. <sup>13</sup> For Y schal not mow bere my schenschip, and thou schalt be as oon of the vnwise men in Israel; but rather speke thou to the kyng, and he schal not denye me to thee. <sup>14</sup> Sotheli he nolde assente to hir preieris; but he was strengere in myytis, and oppresside hir, and lay with hir. <sup>15</sup> And `Amon hadde hir hateful bi ful grete haterede, so that the hatrede was gretter, bi which he hatide hir, than the loue bi which he louyde hir bifor. And Amon seide to hir, Rise thou, and go. ¹⁶ And sche answeride to hym, This yuel is more which thou doist now ayens me, and puttist me out, than that, that thou didist bifore. And he nolde here hir; but whanne the child was clepide, ¹⁷ that mynystride to hym, he seide, Putte thou out this womman fro me, and close thou the dore aftir hir. ¹⁸ And sche was clothid with a coote doun to the heele; for the kyngis douytris virgyns vsiden siche clothis. Therfor the mynystre of Amon puttide hir out, and closide the dore aftir hir.

¹⁹ Watris maken stoonys holowe, and the erthe is wastid litil and litil bi waischyng a wey of watir; and therfor thou schalt leese men in lijk maner.

¹ The parablis of Salomon. A wijs sone makith glad the fadir; but a fonned sone is the sorewe of his modir.

²⁰ A wise sone makith glad the fadir; and a fonned man dispisith his modir.

²¹ A fool is borun in his schenschipe; but nether the fadir schal be glad in a fool.

²⁵ A fonned sone is the ire of the fadir, and the sorewe of the modir that gendride hym.

⁹ It is betere to sitte in the corner of an hous with oute roof, than with a womman ful of chydyng, and in a comyn hous.

¹⁹ It is betere to dwelle in a desert lond, than with a womman ful of chidyng, and wrathful.

²⁴ It is betere to sitte in the corner of an hous without roof, than with a womman ful of chidyng, and in a comyn hous.

¹⁵ Roouys droppynge in the dai of coold, and a womman ful of chidyng ben comparisond.

¹⁸ Eft Y curside al my bisynesse, bi which Y trauelide moost studiousli vndur sunne, and Y schal haue an eir after me, ¹⁹ whom Y knowe not, whether he schal be wijs ether a fool; and he schal be lord in my trauels, for whiche Y swatte greetli, and was bisi; and is ony thing so veyn?

⁷ the Lord of heuene that took me fro the hows of my fadir, and fro the lond of my birthe, which spak to me, and swoor, and seide, Y schal yyue this lond to thi seed, he schal sende his aungel bifore thee, and thou schalt take fro thennus a wijf to my sone; forsothe if the womman nyle sue thee,

¹ And so Isaac clepide Jacob, and blesside hym, and comaundide to hym, and seide, Nyle thou take a wijf of the kyn of Canaan; but go thou, ² and walke forth in to Mesopotanye of Sirie, to the hows of Batuel, fadir of thi modir, and take to thee of thennus a wijf of the douytris of Laban, thin vncle. ³ Sotheli Almyyti God blesse thee, and make thee to encreesse, and multiplie thee, that thou be in to cumpanyes of puplis; ⁴ and God yyue to thee the blessyngis of Abraham, and to thi seed aftir thee, that thou welde the lond of thi pilgrymage, which he bihiyte to thi grauntsir.

¹⁶ and the man wole departe the catel bitwixe hise sones, he schal not mowe make the sone of the loued wijf the firste gendrid, and sette bifor the sone of the hateful wijf,

²³ Therfor Josue took al the lond, as the Lord spak to Moyses, and he yaf it in to possessioun to the sones of Israel, bi her partis and lynagis; and the lond restide fro batels.

⁶ In alle thi weies thenke thou on hym, and he schal dresse thi goyngis.

²² A good man schal leeue aftir him eiris, sones, and the sones of sones; and the catel of a synnere is kept to a iust man.

²² He that fyndith a good womman, fyndith a good thing; and of the Lord he schal drawe vp myrthe. He that puttith a wey a good womman, puttith awei a good thing; but he that holdith auowtresse, is a fool and vnwijs.

¹⁰ Who schal fynde a stronge womman? the prijs of her is fer, and fro the laste endis. ¹¹ The herte of hir hosebond tristith in hir; and sche schal not haue nede to spuylis. ¹² Sche schal yelde to hym good, and not yuel, in alle the daies of hir lijf. ¹³ Sche souyte wolle and flex; and wrouyte bi the counsel of hir hondis. ¹⁴ Sche is maad as the schip of a marchaunt, that berith his breed fro fer. ¹⁵ And sche roos bi nyyt, and yaf prey to hir meyneals, and metis to hir handmaidis. ¹⁶ Sche bihelde a feeld, and bouyte it; of the fruyt of hir hondis sche plauntide a vyner. ¹⁷ Sche girde hir leendis with strengthe, and made strong hir arm. ¹⁸ Sche taastide, and siy, that hir marchaundie was good; hir lanterne schal not be quenchid in the niyt. ¹⁹ Sche putte hir hondis to stronge thingis, and hir fyngris token the spyndil. ²⁰ Sche openyde hir hond to a nedi man, and stretchide forth hir hondis to a pore man. ²¹ Sche schal not drede for hir hous of the cooldis of snow; for alle hir meyneals ben clothid with double clothis. ²² Sche made to hir a ray cloth; bijs and purpur is the cloth of hir. ²³ Hir hosebonde is noble in the yatis, whanne he sittith with the senatours of erthe. ²⁴ Sche made lynnun cloth, and selde; and yaf a girdil to a Chananei. ²⁵ Strengthe and fairnesse is the clothing of hir; and sche schal leiye in the laste dai. ²⁶ Sche openyde hir mouth to wisdom; and the lawe of merci is in hir tunge. ²⁷ Sche bihelde the pathis of hir hous; and sche eet not breed idili. ²⁸ Hir sones risiden, and prechiden hir moost blessid; hir hosebonde roos, and preiside hir. ²⁹ Many douytris gaderiden richessis; thou passidist alle. ³⁰ Fairnesse is disseiuable grace, and veyn; thilke womman, that dredith the Lord, schal be preisid. ³¹ Yyue ye to hir of the fruyt of hir hondis; and hir werkis preise hir in the yatis.

¹⁴ Lo! this thridde tyme Y am redi to come to you, and Y schal not be greuous to you; for Y seke not tho thingis that ben youre, but you. For nether sones owen to tresoure to fadir and modir, but the fadir and modir to the sones.

¹⁷ Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward.

⁹ Hou long schalt thou, slow man, slepe? whanne schalt thou rise fro thi sleep? ¹⁰ A litil thou schalt slepe, a litil thou schalt nappe; a litil thou schalt ioyne togidere thin hondis, that thou slepe.

⁴ A slow hond hath wrouyt nedynesse; but the hond of stronge men makith redi richessis. Forsothe he that enforsith to gete `ony thing bi leesyngis, fedith the wyndis; sotheli the same man sueth briddis fleynge. ⁵ He that gaderith togidere in heruest, is a wijs sone; but he that slepith in sommer, is a sone of confusioun.

²⁴ A slow man hidith his hond vndur the armpit; and putteth it not to his mouth.

¹³ Nyle thou loue sleep, lest nedynesse oppresse thee; opene thin iyen, and be thou fillid with looues.

²¹ For men yyuynge tent to drinkis, and yyuyng mussels togidere, schulen be waastid, and napping schal be clothid with clothis.

³³ Hou longe slepist thou, slow man? whanne schalt thou ryse fro sleep? Sotheli thou schalt slepe a litil, thou schalt nappe a litil, thou schalt ioyne togidere the hondis a litil, to take reste;

¹⁰ Alle the biholderis therof ben blinde, alle thei knewen not; doumbe doggis, that moun not berke, seynge veyn thingis, slepynge, and louynge dremes;

¹¹ And we knowen this tyme, that the our is now, that we rise fro sleep; for now oure heelthe is neer, than whanne we bileueden. ¹² The nyyt wente bifore, but the dai hath neiyed. Therfor caste we awei the werkis of derknessis, and be we clothid in the armeris of liyt.

¹⁴ For which thing he seith, Rise thou that slepist, and rise vp fro deth, and Crist schal liytne thee.

¹⁰ For also whanne we weren among you, we denounsiden this thing to you, that if ony man wole not worche, nethir ete he.

¹⁸ hiye hillis ben refute to hertis; a stoon is refutt to irchouns.

¹ Mi sone, foryete thou not my lawe; and thyn herte kepe my comaundementis.

¹³ He that bacbitith ony thing, byndith hym silf in to tyme to comynge; but he that dredith the comaundement, schal lyue in pees.

³² He that castith awei chastisyng, dispisith his soule; but he that assentith to blamyngis, is pesible holdere of the herte.

¹⁷ The path of iust men bowith awei yuelis; the kepere of his soule kepith his weie.

²³ He that kepith his mouth and his tunge, kepith his soule from angwischis.

⁵ Armuris and swerdis ben in the weie of a weiward man; but the kepere of his soule goith awey fer fro tho.

¹⁸ Whanne prophesie faylith, the puple schal be distried; but he that kepith the lawe, is blessid.

⁵ He that kepith the comaundement of God `in this lijf, schal not feele ony thing of yuel; the herte of a wijs man vndurstondith tyme and answer.

¹³ Alle we here togydere the ende of spekyng. Drede thou God, and kepe hise heestis; `that is to seie, ech man.

²³ But Y comaundide this word to hem, and Y seide, Here ye my vois, and Y schal be God to you, and ye schulen be a puple to me; and go ye in al the weie which Y comaundide to you, that it be wel to you.

⁵ He herde the sown of the clarioun, and kepte not hym silf, his blood schal be in hym; forsothe if he kepith hym silf, he schal saue his lijf.

²⁸ And Jhesus seide to hym, Thou hast answerid riytli; do this thing, and thou schalt lyue.

²⁸ And he seide, But yhe blessid be thei, that heren the word of God, and kepen it.

¹⁵ If ye louen me, kepe ye my comaundementis.

²¹ He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf. ²² Judas seith to hym, not he of Scarioth, Lord, what is don, that thou schalt schewe thi silf to vs, and not to the world? ²³ Jhesus answerde, and seide `to hym, If ony man loueth me, he schal kepe my word; and my fadir schal loue hym, and we schulen come to hym, and we schulen dwelle with hym.

¹⁰ If ye kepen my comaundementis, ye schulen dwelle in my loue; as Y haue kept the comaundementis of my fadir, and Y dwelle in his loue. ¹¹ These thingis Y spak to you, that my ioye be in you, and youre ioye be fulfillid. ¹² This is my comaundement, that ye loue togidere, as Y louede you. ¹³ No man hath more loue than this, that a man putte his lijf for hise freendis. ¹⁴ Ye ben my freendis if ye doen tho thingis, that Y comaunde to you.

¹⁹ Circumcisioun is nouyt, and prepucie is nouyt, but the kepyng of the maundementis of God.

³ And in this thing we witen, that we knowen hym, if we kepen hise comaundementis. ⁴ He that seith that he knowith God, and kepith not hise comaundementis, is a liere, and trewthe is not in hym.

²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym.

³ For this is the charite of God, that we kepe hise maundementis; and his maundementis ben not heuy.

¹⁴ Blessid be thei, that waischen her stoolis, that the power of hem be in the tree of lijf, and entre bi the yatis in to the citee.

⁷ If oon of thi britheren that dwellen with ynne the yatis of thi citee, in the lond which thi Lord God schal yyue to thee, cometh to pouert, thou schalt not make hard thin herte, nether thou schalt `drawe to gydere the hond, <sup>8</sup> but thou schalt opene it to the pore man, and thou schalt `yyue loone to which thou siest hym haue nede. ⁹ Be thou war lest perauenture wickid thouyt crepe priueli to thee, and thou seie in thin herte, The seuenthe yeer of remyssioun neiyeth; and thou turne awey the iyen fro thi pore brother, and thou nyle yyue to hym the loone that he axith; lest he crie ayens thee to the Lord, and it be maad to thee in to synne. ¹⁰ But thou schalt yyue to hym, and thou schalt `not do ony thing falsly in releuynge `hise nedis, that thi Lord God blesse thee in al tyme, and in alle thingis to whiche thou schalt sette to hond. ¹¹ Pore men schulen not faile in the lond of `thin habitacioun; therfor Y comaunde to thee, that thou opene the hond to thi brother nedi and pore, that lyuen with thee in the lond. ¹² Whanne thi brothir an Ebrew man, ethir an Ebrew womman, is seeld to thee, and hath serued thee sixe yeer, in the seuenthe yeer thou schalt delyuere hym fre. ¹³ And thou schalt not suffre hym go awey voide, to whom thou hast yyue fredom; ¹⁴ but thou schalt yyue lijflode in the weye, of flockis, and of cornfloor, and of thi pressour, in whiche thi Lord God hath blessid thee.

⁶ he schal yelde the scheep in to foure folde, for he dide this word, and sparide not.

²⁴ Sum men departen her owne thingis, and ben maad richere; other men rauyschen thingis, that ben not hern, and ben euere in nedynesse. ²⁵ A soule that blessith, schal be maad fat; and he that fillith, schal be fillid also.

¹⁴ Of the fruyt of his mouth ech man schal be fillid with goodis; and bi the werkis of hise hondis it schal be yoldun to him.

²¹ He that dispisith his neiybore, doith synne; but he that doith merci to a pore man, schal be blessid. He that bileueth in the Lord, loueth merci;

³¹ He that falsli chalengith a nedi man, dispisith his maker; but he that hath merci on a pore man, onourith that makere.

⁸ He that gaderith togidere richessis bi vsuris, and fre encrees, gaderith tho togidere ayens pore men.

²⁷ schal be preysid. He that yyueth to a pore man, schal not be nedi; he that dispisith `a pore man bisechynge, schal suffre nedynesse.

¹ Sende thi breed on watris passynge forth, for aftir many tymes thou schalt fynde it.

⁷ Breke thi breed to an hungri man, and brynge in to thin hous nedi men and herborles; whanne thou seest a nakid man, hile thou hym, and dispise not thi fleisch. ⁸ Thanne thi liyt schal breke out as the morewtid, and thin helthe schal rise ful soone; and thi riytfulnesse schal go bifore thi face, and the glorie of the Lord schal gadere thee. ⁹ Thanne thou schalt clepe to help, and the Lord schal here; thou schalt crie, and he schal seie, Lo! Y am present, for Y am merciful, thi Lord God. If thou takist awei a chayne fro the myddis of thee, and ceessist to holde forth the fyngur, and to speke that profitith not; ¹⁰ whanne thou schedist out thi soule to an hungri man, and fillist a soule, `that is turmentid, thi liyt schal rise in derknessis, and thi derknessis schulen be as myddai. ¹¹ And the Lord thi God schal yyue euere reste to thee, and schal fille thi soule with schynyngis, and schal delyuere thi boonys; and thou schalt be as a watri gardyn, and as a welle of watris, whose waters schulen not faile.

⁴¹ He that resseyueth a prophete in the name of a prophete, shal take the mede of a prophete. And he that resseyueth a iust man in the name of a iust man, schal take the mede of a iust man. ⁴² And who euer yyueth drynke to oon of these leeste a cuppe of coolde watir oonli in the name of a disciple, treuli Y seie to you, he shal not leese his mede.

⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

³⁸ Yyue ye, and it schal be youun to you. Thei schulen yyue in to youre bosum a good mesure, and wel fillid, and schakun togidir, and ouerflowynge; for bi the same mesure, bi whiche ye meeten, it schal be metun `ayen to you.

⁶ For Y seie this thing, he that sowith scarseli, schal also repe scarseli; and he that sowith in blessyngis, schal `repe also of blessyngis. ⁷ Ech man as he castide in his herte, not of heuynesse, or of nede; for God loueth a glad yyuere. ⁸ And God is miyti to make al grace abounde in you, that ye in alle thingis euere more han al sufficience, and abounde in to al good werk;

¹⁷ Not for Y seke yifte, but Y requyre fruyt aboundinge in youre resoun.

¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren.

²⁴ He that sparith the yerde, hatith his sone; but he that loueth him, techith bisili.

¹⁵ Foli is boundun togidere in the herte of a child; and a yerde of chastisyng schal dryue it awey.

¹³ Nile thou withdrawe chastisyng fro a child; for thouy thou smyte hym with a yerde, he schal not die. ¹⁴ Thou schalt smyte hym with a yerde, and thou schalt delyuere his soule fro helle.

¹⁵ A yerde and chastisyng schal yyue wisdom; but a child, which is left to his wille, schendith his modir.

¹⁷ Teche thi sone, and he schal coumforte thee; and he schal yyue delicis to thi soule.

⁷ Abide ye stille in chastising; God proferith hym to you as to sones. For what sone is it, whom the fadir chastisith not? ⁸ That if ye `ben out of chastising, whos parteneris ben ye alle maad, thanne ye ben auowtreris, and not sones. ⁹ And aftirward we hadden fadris of oure fleisch, techeris, and we with reuerence dredden hem. Whethir not myche more we schulen obeische to the fadir of spiritis, and we schulen lyue? ¹⁰ And thei in tyme of fewe dayes tauyten vs bi her wille; but this fadir techith to that thing that is profitable, in resseyuynge the halewing of hym.

³⁰ Forsothe Saul was wrooth ayens Jonathas, and seide to hym, Thou sone of a womman `rauyschynge at her owne wille a man, whether Y woot not, that thou louest the sone of Ysay in to thi confusioun, and in to the confusioun of thi schendful modir? <sup>31</sup> For in alle the daies in whiche the sone of Isai lyueth on erthe, thou schalt not be stablischid, nether thi rewme; therfor `riyt now sende thou, and brynge hym to me, for he is the sone of deeth.

⁷ he seide to hise seruauntis that stoden nyy hym, The sones of Gemyny, here me now; whether the sone of Ysai schal yyue to alle you feeldis and vyneris, and schal make alle you tribunes and centuriouns? ⁸ For alle ye han swore, ether conspirid, togidere ayens me, and noon is that tellith to me; moost sithen also my sone hath ioyned boond of pees with the sone of Ysai; noon is of you, that sorewith `for my stide, nether that tellith to me, for my sone hath reisid my seruaunt ayens me, settynge tresoun to me `til to dai. ⁹ Sotheli Doech of Ydumye answeride, that stood nyy, and was the firste among `the seruauntis of Saul, and seide, Y siy `the sone of Ysai in Nobe, at Achymelech, preest, the sone of Achitob; ¹⁰ which counseilide the Lord for Dauid, and yaf meetis `to hym, but also he yaf to Dauid the swerd of Goliath Filistei. <sup>11</sup> Therfor the kyng sente to clepe Achymelech, the preest, `the sone of Achitob, and al the hows of his fadir, of preestis that weren in Nobe; whiche alle camen to the kyng. ¹² And Saul seide to Achymelech, Here, thou sone of Achitob.

¹⁷ Sotheli whanne Dauid hadde fillid spekynge siche wordis to Saul, Saul seide, Whether this is thi vois, my sone Dauid? And Saul reiside his vois, and wepte. ¹⁸ And he seide to Dauid, Thou art more iust than Y; for thou yauest goodis to me; forsothe Y yeldide yuelis to thee. ¹⁹ And thou schewidist to me to dai, what goodis thou hast do to me, how the Lord bitook me in thin hond, and thou killidist not me. ²⁰ For who, `whanne he fyndith his enemy, schal delyuere hym in good weie? But the Lord yelde to thee this while, for that, that thou wrouytist to dai in me. ²¹ And now, for Y woot, that thou schalt regne moost certeynli, and schalt haue in thin hond the rewme of Israel, swere thou to me in the Lord, ²² that thou do not a wei my seed aftir me, nether take a wey my name fro the hows of my fadir.

²¹ And Saul seide, Y synnede; turne ayen, my sone Dauid, for Y schal no more do yuel to thee, for my lijf was precious to day in thin iyen; for it semeth, that Y dide folili, and Y vnknew ful many thingis. ²² And Dauid answeride and seide, Lo! the spere of the kyng, oon of the `children of the kyng passe, and take it; forsothe the Lord schal yelde to ech man bi his riytfulnesse and feith; ²³ for the Lord bitook thee to dai in to myn hond, and Y nolde holde forth myn hond in to the crist of the Lord; ²⁴ and as thi lijf is magnified to dai in myn iyen, so my lijf be magnyfied in the iyen of the Lord, and delyuere he me fro al angwisch. ²⁵ Therfor Saul seide to Dauid, Blessid be thou, my sone Dauid; and sotheli thou doynge schalt do, and thou myyti schalt be myyti. Therfor Dauid yede in to his weie, and Saul turnede ayen in to his place.

⁵ Therfor kyng Dauid cam `til to Bahurym, and lo! a man of the meynee of the hows of Saul, Semey bi name, sone of Gera, yede out fro thennus; he yede forth goynge out, and curside. ⁶ And he sente stoonys ayens Dauid, and ayens alle seruauntis of kyng Dauid; forsothe al the puple, and alle fiyteris yeden at the riytside and at the left side of the king.

²⁴ Nyle thou be freend to a wrathful man, nether go thou with a wood man; ²⁵ lest perauenture thou lerne hise weies, and take sclaundir to thi soule.

²⁸ As a citee opyn, and with out cumpas of wallis; so is a man that mai not refreyne his spirit in speking.

²² A wrathful man territh chidingis; and he that is liyt to haue indignacioun, schal be more enclynaunt to synnes.

¹⁰ Who may noumbre the dust, that is, kynrede, of Jacob, and knowe the noumbre of the generacioun of Israel? My lijf die in the deeth of iust men, and my laste thingis be maad lijk hem!

¹⁶ and fedde thee with manna in the wildirnesse, which manna thi fadris knewen not. And after that the Lord turmentid thee, and preuede, at the last he hadd mersi on thee,

²⁹ Y wolde that thei saueriden, and `vnderstoden, and purueiden the laste thingis.

¹² Thei schulen beere thee in the hondis; leste perauenture thou hirte thi foot at a stoon.

¹⁴ For he hopide in me, Y schal delyuere hym; Y schal defende him, for he knew my name.

⁸ My sone, here thou the teching of thi fadir, and forsake thou not the lawe of thi modir;

¹ Sones, here ye the teching of the fadir; and perseiue ye, that ye kunne prudence.

³⁴ Blessid is the man that herith me, and that wakith at my yatis al dai; and kepith at the postis of my dore. ³⁵ He that fyndith me, schal fynde lijf; and schal drawe helthe of the Lord.

¹⁵ The weie of a fool is riytful in hise iyen; but he that is wijs, herith counsels.

¹⁹ There was a riche man, and was clothid in purpur, and whit silk, and eete euery dai schynyngli. ²⁰ And there was a begger, Lazarus bi name, that lai at his yate ful of bilis, ²¹ and coueitide to be fulfillid of the crummes, that fellen doun fro the riche mannus boord, and no man yaf to hym; but houndis camen, and lickiden hise bilis. ²² And it was don, that the begger diede, and was borun of aungels in to Abrahams bosum. ²³ And the riche man was deed also, and was biried in helle. And he reiside hise iyen, whanne he was in turmentis, and say Abraham afer, and Lazarus in his bosum.

¹⁹ thei thouyten to sle hym, and spaken to gidere, Lo! the dremere cometh, come ye, ²⁰ sle we hym, and sende we into an eld sisterne, and we schulen seie, A wielde beeste ful wickid hath deuourid hym; and thanne it schal appere what hise dremes profiten to hym.

⁴ To whiche he seide mekeli, Neiye ye to me. And whanne thei hadden neiyed nyy, he seide, Y am Joseph youre brother, whom ye selden in to Egipt; ⁵ nyle ye drede, nether seme it to be hard to you, that ye seelden me in to these cuntreis; for God hath sent me bifore you in to Egipt for youre helthe. ⁶ For it is twei yeer that hungur bigan `to be in the lond, yit fyue yeer suen, in whiche me schal not mow ere, nether repe; ⁷ and God bifor sente me, that ye be reserued on erthe, and moun haue metis to lyue. ⁸ Y was sent hidur not bi youre counsel, but bi Goddis wille, which made me as the fadir of Farao, and the lord of al his hows, and prince in al the lond of Egipt.

²⁰ Ye thouyten yuel of me, and God turnede it in to good, that he schulde enhaunse me, as ye seen in present tyme, and that he schulde make saaf many puplis;

²⁵ And afterward Hester entride to the kyng, and bisouyte, that `hise enforsyngis schulden be maad voide bi the lettris of the kyng, and that the yuel, which he hadde thouyt ayenus the Jewis, schulde turne ayen in to his heed. `Forsothe thei hangiden on the cros `bothe hym and hise sones.

¹³ For he is aloone, and no man may turne awei hise thouytis; and what euer thing he wolde, his wille dide this thing.

¹¹ in to thee Y am cast forth fro the wombe. Fro the wombe of my modir thou art my God; departe thou not fro me.

¹⁰ Alle ye hooli men of the Lord, drede hym; for no nedynesse is to men dredynge hym. ¹¹ Riche men weren nedi, and weren hungri; but men that seken the Lord schulen not faile of al good.

⁴ For whi a sparewe fyndith an hous to it silf; and a turtle fyndith a neste to it silf, where it `schal kepe hise bryddis. Lord of vertues, thin auteris; my king, and my God.

² He that is good, schal drawe to hym silf grace of the Lord; but he that tristith in hise thouytis, doith wickidli.

¹ It perteyneth to man to make redi the soule; and it perteyneth to the Lord to gouerne the tunge.

⁹ The herte of a man schal dispose his weie; but it perteyneth to the Lord to dresse hise steppis.

¹ As departyngis of watris, so the herte of the kyng is in the power of the Lord; whidur euer he wole, he schal bowe it.

³⁰ No wisdom is, no prudence is, no counsel is ayens the Lord.

²⁹ and Y foond not. I foond o man of a thousynde; Y foond not a womman of alle.

⁶ and reise we hym, and drawe we hym out to vs; and sette we a kyng in the myddis therof, the sone of Tabeel. ⁷ The Lord God seith these thingis, This schal not be, and it schal not stonde;

²⁴ The Lord of oostis swoor, seiynge, Whether it schal not be so, as Y gesside, and it schal bifalle so, as Y tretide in soule?

²⁶ This is the councel which Y thouyte on al the lond, and this is the hond stretchid forth on alle folkis. ²⁷ For whi the Lord of oostis hath demed, and who mai make vnstidfaste? and his hond is stretchid forth, and who schal turne it awei?

¹⁰ And Y telle fro the bigynnyng the laste thing, and fro the bigynnyng tho thingis that ben not maad yit; and Y seie, My councel schal stonde, and al my wille schal be don.

²⁴ and he schal entre in to grete and riche citees, and he schal do thingis which hise fadris and the fadris of hise fadris diden not. He schal distrie the raueyns, and prei, and richessis of hem, and ayens most stidfast thouytis he schal take counsel, and this `vn to a tyme. ²⁵ And the strengthe of hym, and the herte of hym schal be stirid ayens the kyng of the south with a greet oost. And the king of the south schal be stirid to batel with many helpis and ful stronge; and thei schulen not stonde, for thei schulen take counsels ayens hym.

⁴ and maden a counsel to holde Jhesu with gile, and sle him; ⁵ but thei seiden, Not in the haliday, lest perauenture noyse were maad in the puple.

⁶³ and seiden, Sir, we han mynde, that thilke giloure seide yit lyuynge, Aftir thre daies Y schal rise ayen to lijf. ⁶⁴ Therfor comaunde thou, that the sepulcre be kept in to the thridde dai; lest hise disciplis comen, and stelen hym, and seie to the puple, He hath rise fro deeth; and the laste errour schal be worse than the formere.

²⁷ For verili Eroude and Pounce Pilat, with hethene men, and puplis of Israel, camen togidre in this citee ayens thin hooli child Jhesu, ²⁸ whom thou anoyntidist, to do the thingis, that thin hoond and thi counsel demyden to be don.

³⁸ And now therfor Y seie to you, departe ye fro these men, and suffre ye hem; for if this counsel ether werk is of men, it schal be vndon; ³⁹ but if it is of God, ye moun not vndo hem, lest perauenture ye be foundun to repugne God.

¹¹ In whom we ben clepid bi sort, bifor ordeyned bi the purpos of hym that worchith alle thingis bi the counsel of his wille;

¹⁷ In which thing God willynge to schewe plenteuouslier to the eiris of his biheest the sadnesse of his counsel, ¹⁸ puttide bitwixe an ooth, that bi twey thingis vnmeuable, bi whiche it is impossible that God lie, we han a strengeste solace, `we that fleen togidere to holde the hope that is put forth to vs.

⁸ and stoon of sclaundre, to hem that offenden to the word, nethir bileuen it, in which thei ben set.

⁴ For summe vnfeithful men priueli entriden, that sum tyme weren bifore writun in to this dom, and ouerturnen the grace of oure God in to letcherie, and denyen hym that is oneli a Lord, oure Lord Jhesu Crist.

² Sotheli Y in alle my myytis haue maad redi the costis of the hows of my God; gold to goldun vessels, siluer in to siluerne vessels, bras in to brasun vessels, irun in to irun vessels, tre in to trenun vessels, onychyn stonys, and stonys as of the colour of wymmens oynement, and ech precious stoon of dyuerse colouris, and marbil of dyuerse colouris, most plenteuously. ³ And ouer these thingis Y yyue gold and siluer in to the temple of my God, whiche Y offride of my propir catel in to the hows of my God, outakun these thingis whiche Y made redi in to the hooli hows,

¹⁷ My God, Y woot, that thou preuest hertis, and louest symplenesse of herte; wherfor and Y, in the symplenesse of myn herte, haue offrid gladli alle these thingis; and Y siy with greet ioye thi puple, which is foundun here, offre yiftis to thee.

⁸ the Lord seide to hym, For this was thi wille, `that thou woldist bilde an hows to my name, sotheli thou didist wel,

¹⁵ My britheren passiden me, as a stronde doith, that passith ruschyngli in grete valeis.

⁵ He bihetith prey to felowis, and the iyen of hise sones schulen faile.

⁹ thi riythond took me vp.

¹ Betere is a pore man, that goith in his simplenesse, than a riche man bitynge hise lippis, and vnwijs.

⁴¹ And Jhesus sittynge ayens the tresorie, bihelde hou the puple castide monei in to the tresorie; and many riche men castiden many thingis. ⁴² But whanne a pore widewe was comun, sche keste two mynutis, that is, a ferthing. ⁴³ And he clepide togidere hise disciplis, and seide to hem, Treuli Y seie to you, that this pore widewe keste more thanne alle, that kesten in to the tresorie. ⁴⁴ For alle kesten of that thing that thei hadden plente of; but this of her pouert keste alle thingis that sche hadde, al hir lyuelode.

⁶ But Jhesus seide, Suffre ye hir; what be ye heuy to hir? sche hath wrouyt a good werk in me. ⁷ For euermore ye schulen haue pore men with you, and whanne ye wolen, ye moun do wel to hem; but ye schulen not euer more haue me. ⁸ Sche dide that that sche hadde; sche cam bifore to anoynte my bodi in to biriyng.

² that in myche asaiyng of tribulacioun, the plente of the ioye of hem was, and the hiyeste pouert of hem was plenteuouse `in to the richessis of the symplenesse of hem. ³ For Y bere witnessyng to hem, aftir miyt and aboue miyt thei weren wilful,

¹² For if the wille be redi, it is acceptid aftir that that it hath, not aftir that that it hath not.

² whiche is aftir pitee, in to the hope of euerlastinge lijf, which lijf God that lieth not, bihiyte bifore tymes of the world;

⁹ Thei ben boundun, and felden doun; but we han rise, and ben reisid.

¹⁸ Just men cryeden, and the Lord herde hem; and delyueride hem fro alle her tribulaciouns. ¹⁹ The Lord is nyy hem that ben of troblid herte; and he schal saue meke men in spirit.

⁹ But my soule schal fulli haue ioye in the Lord; and schal delite on his helthe. ¹⁰ Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym. ¹¹ Wickid witnessis risynge axiden me thingis, whiche Y knewe not.

⁹ Lord, alle folkis, whiche euere thou madist, schulen come, and worschipe bifore thee; and thei schulen glorifie thi name.

¹⁷ sparewis schulen make nest there. The hous of the gerfaukun is the leeder of tho;

²⁷ The drede of the Lord encreesith daies; and the yeeris of wickid men schulen be maad schort.

²¹ What euere bifallith to a iust man, it schal not make hym sori; but wickid men schulen be fillid with yuel.

²⁶ In the drede of the Lord is triste of strengthe; and hope schal be to the sones of it. ²⁷ The drede of the Lord is a welle of lijf; that it bowe awei fro the fallyng of deth.

¹⁶ Thanne men dredynge God spaken, ech with his neiybore; and the Lord perseyuede, and herde, and a book of mynde is writun bifor hym to `men dredynge God, and thenkynge his name. ¹⁷ Ye maden the Lord for to trauele in youre wordis, and ye seiden, Wherynne maden we hym for to trauele? In that that ye seien, Ech man that doith yuel, is good in the siyt of the Lord, and siche plesen to hym; ether certis where is the God of doom?

¹⁷ And thei schulen be to me, seith the Lord of oostis, in the dai in which Y schal make, in to a special tresour; and Y schal spare hem, as a man sparith his sone seruynge to hym.

² And to you dredynge my name the sunne of riytwisnesse schal rise, and heelthe in pennys of hym; and ye schulen go out, and schulen skippe, as a calf of the droue.

⁶ Blessid ben thei that hungren and thristen riytwisnesse, for thei schulen be fulfillid.

³¹ And the chirche bi al Judee, and Galilee, and Samarie, hadde pees, and was edefied, and walkide in the drede of the Lord, and was fillid with coumfort of the Hooli Goost.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

¹¹ for Y haue lerud to be sufficient in whiche thingis Y am. ¹² And Y can also be lowid, Y can also haue plentee. Euery where and in alle thingis Y am tauyt to be fillid, and to hungur, and to abounde, and to suffre myseiste.

⁸ For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come.

⁶ But a greet wynnyng is pitee, with sufficience. ⁷ For we brouyten in no thing in to this world, and no doute, that we moun not bere `awey ony thing. <sup>8</sup> But we hauynge foodis, and with what thingus we schulen be hilid, be we paied with these thingis. <sup>9</sup> For thei that wolen be maad riche, fallen in to temptacioun, and `in to snare of the deuel, and in to many vnprofitable desiris and noyous, whiche drenchen men in to deth and perdicioun.

¹⁸ And the Lord delyueride me fro al yuel werk, and schal make me saaf in to his heuenly kingdom, to whom be glorie in to worldis of worldis.

⁵ Be youre maneres withoute coueitise, apaied with present thingis; for he seide, Y schal not leeue thee, ⁶ nether forsake, so that we seie tristily, The Lord is an helpere to me; Y schal not drede, what a man schal do to me.

¹¹ And Y schal breke alle the hornes of synneris; and the hornes of the iust man schulen be enhaunsid.

²⁷ A gileful man schal not fynde wynnyng; and the substaunce of man schal be the prijs of gold.

¹⁹ The weie of slow men is an hegge of thornes; the weie of iust men is with out hirtyng.

¹⁵ Slouth bringith in sleep; and a negligent soule schal haue hungur.

³⁰ I passide bi the feeld of a slow man, and bi the vyner of a fonned man; and, lo! ³¹ nettlis hadden fillid al, thornes hadden hilid the hiyere part therof, and the wal of stoonys with out morter was distried. ³² And whanne Y hadde seyn this thing, Y settide in myn herte, and bi ensaumple Y lernyde techyng. ³³ Hou longe slepist thou, slow man? whanne schalt thou ryse fro sleep? Sotheli thou schalt slepe a litil, thou schalt nappe a litil, thou schalt ioyne togidere the hondis a litil, to take reste; ³⁴ and thi nedynesse as a currour schal come to thee, and thi beggerie as an armed man.

¹³ A slow man seith, A lioun is in the weie, a liounnesse is in the foot pathis. ¹⁴ As a dore is turned in his hengis; so a slow man in his bed. ¹⁵ A slow man hidith hise hondis vndur his armpit; and he trauelith, if he turneth tho to his mouth. ¹⁶ A slow man semeth wysere to hym silf, than seuene men spekynge sentensis.

²³ And he answeride, and seide, He that puttith with me his hoond in the plater, schal bitraye me.

²⁰ Which seide to hem, Oon of twelue that puttith the hoond with me in the platere.

¹¹ that al Israel here and drede, and do no more ony thing lijk this thing.

²¹ The puple of the citee schal oppresse hym with stoonus, and he schal die, that ye do awei yuel fro the myddis of you, and that al Israel here, and drede.

⁸ Nile thou vndirnyme a scornere; lest he hate thee. Vndirnyme thou a wise man; and he schal loue thee. ⁹ Yyue thou occasioun to a wise man; and wisdom schal be encreessid to hym. Teche thou a iust man; and he schal haste to take. ¹⁰ The bigynnyng of wisdom is the dreed of the Lord; and prudence is the kunnyng of seyntis.

⁵ A fool scorneth the techyng of his fadir; but he that kepith blamyngis, schal be maad wisere. Moost vertu schal be in plenteuouse riytfulnesse; but the thouytis of wickid men schulen be drawun vp bi the roote.

¹⁰ A blamyng profitith more at a prudent man, than an hundryd woundis at a fool.

¹¹ Whanne a man ful of pestilence is punyschid, a litil man of wit schal be the wisere; and if he sueth a wijs man, he schal take kunnyng.

¹⁹ Y repreue, and chastise whom Y loue; therfor sue thou goode men, and do penaunce.

¹⁸ If a man gendrith a sone rebel, and ouerthewert, which herith not the comaundement of fadir and modir, and he is chastisid, ¹⁹ and dispisith to obei, thei schulen take hym, and schulen lede to the eldre men of that citee, and to the yate of doom; ²⁰ and thei schulen seie to hem, This oure sone is ouerthewert and rebel; he dispisith to here oure monestyngis, `ethir heestis, he yyueth tent to glotonyes, and letcherie, and feestis. ²¹ The puple of the citee schal oppresse hym with stoonus, and he schal die, that ye do awei yuel fro the myddis of you, and that al Israel here, and drede.

⁵ He that gaderith togidere in heruest, is a wijs sone; but he that slepith in sommer, is a sone of confusioun.

² A wijs seruaunt schal be lord of fonned sones; and he schal departe eritage among britheren.

²² Here thi fadir, that gendride thee; and dispise not thi modir, whanne sche is eld. ²³ Bie thou treuthe, and nyle thou sille wisdom, and doctryn, and vndurstonding. ²⁴ The fadir of a iust man ioieth ful out with ioie; he that gendride a wijs man, schal be glad in hym. ²⁵ Thi fadir and thi modir haue ioye, and he that gendride thee, make ful out ioye.

⁷ He that kepith the lawe, is a wijs sone; but he that fedith glotouns, schendith his fadir.

¹⁴ Blessid is the man, which is euere dredeful; but he that is `harde of soule, schal falle in to yuel.

²⁴ He that withdrawith ony thing fro his fadir and fro his modir, and seith that this is no synne, is parcener of a manquellere.

¹¹ A generacioun that cursith his fadir, and that blessith not his modir.

¹⁷ Crowis of the stronde picke out thilke iye, that scorneth the fadir, and that dispisith the child beryng of his modir; and the briddis of an egle ete that iye.

¹² and the yonger of hem seide to the fadir, Fadir, yyue me the porcioun of catel, that fallith to me. And he departide to hem the catel. ¹³ And not aftir many daies, whanne alle thingis weren gederid togider, the yonger sone wente forth in pilgrymage in to a fer cuntre; and there he wastide hise goodis in lyuynge lecherously. ¹⁴ And aftir that he hadde endid alle thingis, a strong hungre was maad in that cuntre, and he bigan to haue nede. ¹⁵ And he wente, and drouy hym to oon of the citeseyns of that cuntre. And he sente hym in to his toun, to fede swyn. ¹⁶ And he coueitide to fille his wombe of the coddis that the hoggis eeten, and no man yaf hym.

³⁰ But aftir that this thi sone, that hath deuourid his substaunce with horis, cam, thou hast slayn to hym a fat calf.

¹ If a prophete risith in the myddis of thee, ethir he that seith hym silf to haue seyn a dreem, and he biforseith a signe and a wondur to comynge aftir, ² and this that he spak bifallith, and he seith to thee, Go we, and sue alien goddis, whiche thou knowist not, and serue we hem, ³ thou schalt not here the wordis of that prophete, ether of dremere; for youre Lord God assaieth you, that he wite opynli whether ye louen hym ether nay, in al youre herte, and in al youre soule. ⁴ Sue ye youre Lord, and `drede ye hym; kepe ye his comaundementis, and here ye `the vois of hym; ye schulen serue hym, and ye schulen cleue to hym.

²² And he seide, Y schal go out, and Y schal be a spirit of leesyng in the mouth of alle hise prophetis. And the Lord seide, Thou schalt disseyue, and schalt haue the maystry; go thou out, and do so. ²³ Now therfor, lo! the Lord yaf a spirit of leesyng in the mouth of alle prophetis that ben here; and the Lord spak yuel ayens thee. ²⁴ Forsothe Sedechie, sone of Canaan, neiyede, and smoot Mychee on the cheke, and seide, Whether the Spirit of the Lord forsook me, and spak to thee? ²⁵ And Mychee seide, Thou schalt se in that dai, whanne thou schalt go in to closet with ynne closet, that thou be hid. ²⁶ And the kyng of Israel seide, Take ye Mychee, and dwelle he at Amon, prince of the citee, and at Joas, the sone of Amalech; ²⁷ and seie ye to hem, The kyng seith these thingis, Sende ye this man in to prisoun, and susteyne ye hym with breed of tribulacioun, and with watir of angwisch, til Y turne ayen in pees. ²⁸ And Mychee seide, If thou schalt turne ayen in pees, the Lord spak not in me. And he seide, Here ye, alle puplis.

⁷ Go thou ayens a man a fool; and he schal not knowe the lippis of prudence.

¹⁵ Be ye war of fals prophetis, that comen to you in clothingis of scheep, but withynneforth thei ben as wolues of raueyn;

⁶ And he seide to hem, Biholde ye, and be war of the soure dowy of Farisees and Saducees.

¹² Thanne thei vndurstooden, that he seide not to be war of sourdowy of looues, but of the techyng of Farisees and Saducees.

²⁴ And he seide to hem, Se ye what ye heren. In what mesure ye meten, it schal be metun to you ayen, and be cast to you.

⁶ And he answeride, and seide to hem, Ysaie prophesiede wel of you, ypocritis, as it is writun, This puple worschipith me with lippis, but her herte is fer fro me; ⁷ and in veyn thei worschipen me, techinge the doctrines and the heestis of men. ⁸ For ye leeuen the maundement of God, and holden the tradiciouns of men, wasschyngis of watir vessels, and of cuppis; and many othir thingis lijk to these ye doon. ⁹ And he seide to hem, Wel ye han maad the maundement of God voide, `to kepe youre tradicioun. ¹⁰ For Moyses seide, Worschipe thi fadir and thi modir; and he that cursith fadir or modir, die he by deeth. ¹¹ But ye seien, If a man seie to fadir or modir, Corban, that is, What euer yifte is of me, it schal profite to thee; ¹² and ouer ye suffren not hym do ony thing to fadir or modir, ¹³ and ye breken the word of God bi youre tradicioun, that ye han youun; and ye don many suche thingis. ¹⁴ And he eftsoone clepide the puple, and seide to hem, Ye alle here me, and vndurstonde.

⁵ But thei suen not an alien, but fleen from hym; for thei han not knowun the vois of aliens.

¹³ For siche false apostlis ben trecherouse werk men, and transfiguren hem in to apostlis of Crist. ¹⁴ And no wondur, for Sathanas hym silf transfigurith hym in to an aungel of light. ¹⁵ Therfor it is not greet, if hise mynystris ben transfigurid as the mynystris of riytwisnesse, whos ende schal be aftir her werkis.

¹⁴ that we be not now litle children, mouynge as wawis, and be not borun aboute with ech wynd of teching, in the weiwardnesse of men, in sutil wit, to the disseyuyng of errour.

⁷ But eschewe thou vncouenable fablis, and elde wymmenus fablis; haunte thi silf to pitee.

³ If ony man techith othere wise, and acordith not to the hoolsum wordis of oure Lord Jhesu Crist, and to that teching that is bi pitee, ⁴ he is proud, and kan no thing, but langwischith aboute questiouns and stryuyng of wordis, of the whiche ben brouyt forth enuyes, stryues, blasfemyes, yuele suspiciouns, fiytingis of men, ⁵ that ben corrupt in soule, and that ben pryued fro treuthe, that demen wynnyng to be pitee.

¹ But also false prophetis weren in the puple, as in you schulen be maistris lieris, that schulen bringe in sectis of perdicioun; and thei denyen thilke Lord that bouyte hem, and bringen on hem silf hasti perdicioun. ² And many schulen sue her letcheries, bi whiche the weie of treuthe schal be blasfemyd;

¹ Moost dere britheren, nyle ye bileue to ech spirit, but preue ye spiritis, if thei ben of God; for many false prophetis wenten out in to the world.

¹⁰ If ony man cometh to you, and bryngith not this teching, nyle ye resseyue hym in to hous, nether seie ye to hym, Heil.

² Y woot thi werkis, and trauel, and thi pacience, and that thou maist not suffre yuele men; and thou hast asaied hem that seien that thei ben apostlis, and ben not, and thou hast foundun hem lieris;

¹⁰ and sende ye priueli twei men, the sones of Belial, ayens hym, and sey thei fals witnessyng, Naboth blesside God and the kyng; and lede ye out hym, and stoon ye him, and die he so.

¹³ and whanne twey men, sones of the deuel, weren brouyt, thei maden hem to sitte ayens hym, and thei, that is, as men of the deuel, seiden witnessyng ayens him bifor al the multitude, Naboth blesside God and the kyng; for which thing thei ledden hym with out the citee, and killiden him with stoonys.

¹⁶ How myche more a man abhomynable and vnprofitable, that drynkith wickidnesse as water?

¹² For whanne yuel was swete in his mouth, he hidde it vndur his tunge. ¹³ He schal spare it, and schal not forsake it; and schal hide in his throte.

⁷ Who is a man, as Joob is, that drynkith scornyng as watir?

⁵ The Lord is in his hooli temple; he is Lord, his seete is in heuene. Hise iyen biholden on a pore man; hise iyelidis axen the sones of men.

¹⁴ The herte of a wijs man sekith techyng; and the mouth of foolis is fed with vnkunnyng.

¹⁴ For this thing, ye men scorneris, that ben lordis ouer my puple which is in Jerusalem, here the word of the Lord. ¹⁵ For ye seiden, We han smyte a boond of pees with deth, and we han maad couenaunt with helle; a scourge flowynge whanne it schal passe, schal not come on vs, for we han set a leesyng oure hope, and we ben kyuered with a leesyng. ¹⁶ Therfor the Lord God seith these thingis, Lo! Y schal sende in the foundementis of Sion a corner stoon preciouse, preuyd, foundid in the foundement; he that bileueth, schal not haaste. ¹⁷ And Y schal sette doom in weiyte, and riytfulnesse in mesure; and hail schal distrie the hope of leesyng, and watris schulen flowe on proteccioun. And youre boond of pees with deth schal be don awei, ¹⁸ and youre couenaunt with helle schal not stonde; whanne the scourge flowynge schal passe, ye schulen be to it in to defoulyng.

⁸ Thei schulen ete the synnes of my puple, and thei schulen reise the soulis of hem to the wickidnesse of hem.

² and seide, There was a iuge in a citee, that dredde not God, nether schamede of men. ³ And a widowe was in that citee, and sche cam to hym, and seide, Venge me of myn aduersarie; ⁴ and he wolde not longe tyme. But aftir these thingis he seide with ynne hym silf, Thouy Y drede not God, and schame not of man,

¹¹ Thanne thei priueli senten men, that schulden seie, that thei herden hym seiynge wordis of blasfemye ayens Moises and God. ¹² And so thei moueden togidere the puple, and the eldre men, and the scribis; and thei rannen togidre, and token hym, and brouyten in to the counsel. ¹³ And thei ordeyneden false witnessis, that seiden, This man ceessith not to speke wordis ayens the hooli place, and the lawe.

³⁴ He schal scorne scorneris; and he schal yyue grace to mylde men.

²² Anoon he as an oxe led to slayn sacrifice sueth hir, and as a ioli lomb and vnkunnynge; and the fool woot not, that he is drawun to bondys,

¹² If thou art wijs; thou schalt be to thi silf, and to thi neiyboris. Forsothe if thou art a scornere; thou aloone schalt bere yuel.

¹³ Wisdom is foundun in the lippis of a wise man; and a yerd in the bak of him that is nedi of herte.

⁶ The lippis of a fool medlen hem silf with chidyngis; and his mouth excitith stryues.

³ Beting to an hors, and a bernacle to an asse; and a yerde in the bak of vnprudent men.

²² And now nyle ye scorne, lest perauenture youre boondis be maad streit togidere; for Y herde of the Lord God of oostis, endyng and abreggyng on al erthe.

²⁰ For he that hadde the maistrie, failide, and the scornere is endid, and alle thei ben kit doun that walkiden on wickidnesse;

⁴⁰ Therfor se ye, that it come not to you, that is biforeseid in the profetis, ⁴¹ Ye dispiseris, se ye, and wondre ye, and be ye scaterid abrood; for Y worche a werk in youre daies, a werk that ye schulen not bileue, if ony man schal telle it to you.

⁶ For the Lord chastisith hym that he loueth; he betith euery sone that he resseyueth.

³ First wite ye this thing, that in the laste daies disseyueris schulen come in disseit, goynge aftir her owne coueityngis, ⁴ seiynge, Where is the biheest, or the comyng of hym? for sithen the fadris dieden, alle thingis lasten fro the bigynnyng of creature. ⁵ But it is hid fro hem willynge this thing, that heuenes were bifore, and the erthe of water was stondynge bi watir, of Goddis word; ⁶ bi which that ilke world clensid, thanne bi watir perischide. ⁷ But the heuenes that now ben, and the erthe, ben kept bi the same word, and ben reseruyd to fier in to the dai of doom and perdicioun of wickid men.