Psalms 146:7 Cross References - Wycliffe

⁷ Bifore synge ye to the Lord in knoulechyng; seye ye salm to oure God in an harpe.

⁵ lest ony tyme myn enemye seie, Y hadde the maistri ayens hym. Thei, that troblen me, schulen haue ioie, if Y schal be stirid; forsothe Y hopide in thi merci.

⁶ God, thou knowist myn vnkunnyng; and my trespassis ben not hid fro thee.

⁴ For biholdyng is not to the deth of hem; and stidefastnesse in the sikenesse of hem.

⁶ The depthe of watris as a cloth is the clothing therof; watris schulen stonde on hillis.

¹⁷ The erthe was opened, and swolewid Datan; and hilide on the congregacioun of Abiron. ¹⁸ And fier brente an hiye in the synagoge of hem; flawme brente synneris. ¹⁹ And thei maden a calf in Oreb; and worschipiden a yotun ymage. ²⁰ And thei chaungiden her glorie; in to the liknesse of a calf etynge hei.

⁹ Galaad is myn, and Manasses is myn; and Effraym is the vptaking of myn heed. Juda is my king; Moab is the caudron of myn hope. ¹⁰ In to Ydume Y schal stretche forth my scho; aliens ben maad frendis to me.

¹⁴ We schulen make vertu in God; and he schal bringe oure enemyes to nouyt.

⁷ Lord, here thou me swiftli; my spirit failide. Turne thou not a wei thi face fro me; and Y schal be lijk to hem that gon doun in to the lake.

²² Do thou not violence to a pore man, for he is pore; nethir defoule thou a nedi man in the yate. ²³ For the Lord schal deme his cause, and he schal turmente hem, that turmentiden his soule.

¹⁰ Touche thou not the termes of litle children; and entre thou not in to the feeld of fadirles and modirles children. ¹¹ For the neiybore of hem is strong, and he schal deme her cause ayens thee.

⁴ For thou hast ouercome the yok of his birthun, and the yerde of his schuldre, and the ceptre of his wrongful axere, as in the day of Madian.

¹ The spirit of the Lord is on me, for the Lord anoyntide me; he sente me to telle to mylde men, that Y schulde heele men contrite in herte, and preche foryyuenesse to caitifs, and openyng to prisoneris; and preche a plesaunt yeer to the Lord,

¹⁴ And Y schal greetli fille the soule of prestis with fatnesse, and my puple schal be fillid with my goodis, seith the Lord.

¹¹ And thou in blood of thi testament sentist out thi boundun men fro lake, in which is not water. ¹² Ye boundun of hope, be conuertid to strengthing; and to dai Y schewynge schal yelde to thee double thingis,

⁵ And Y schal come to you in doom, and Y schal be a swift witnesse to mysdoeris, `ether enchaunteris of deuelis craft, and to auouteris, and forsworn men, and that falsli calengen the hire of the hirid man, and widewis, and fadirles, `ether modirles, children, and oppressen a pilgrym, `nether dredden me, seith the Lord of oostis.

⁵³ He hath fulfillid hungri men with goodis, and he hath left riche men voide.

¹⁸ The Spirit of the Lord on me, for which thing he anoyntide me; he sente me to preche to pore men, to hele contrite men in herte,

¹⁷ And alle men eeten, and weren fulfillid; and that that lefte to hem of brokun metis was takun vp, twelue cofyns.

¹⁹ But the aungel of the Lord openyde bi nyyt the yatis of the prisoun, and ledde hem out, and seide, Go ye,

²⁶ And sudenli a greet erthe mouyng was maad, so that the foundementis of the prisoun weren moued. And anoon alle the doris weren openyd, and the boondis of alle weren lousid.