Psalms 24:2 Cross References - Wycliffe

² Lord, to thee Y haue reisid my soule; my God, Y truste in thee, be Y not aschamed.

⁹ Forsothe God seide, The watris, that ben vndur heuene, be gaderid in to o place, and a drie place appere; and it was doon so. ¹⁰ And God clepide the drie place, erthe; and he clepide the gadryngis togidere of watris, the sees. And God seiy that it was good;

²² in alle the daies of erthe, seed and ripe corn, coold and heete, somer and wyntir, nyyt and dai, shulen not reste.

⁴ Where were thou, whanne Y settide the foundementis of erthe? schewe thou to me, if thou hast vndurstondyng.

⁸ Who closide togidere the see with doris, whanne it brak out comynge forth as of the wombe? ⁹ Whanne Y settide a cloude the hilyng therof, and Y wlappide it with derknesse, as with clothis of yong childhed. ¹⁰ Y cumpasside it with my termes, and Y settide a barre, and doris; ¹¹ and Y seide, `Til hidur thou schalt come, and thou schalt not go forth ferthere; and here thou schalt breke togidere thi bolnynge wawis.

⁶ Neiye ye to him, and be ye liytned; and youre faces schulen not be schent.

¹ The thre and nyntithe salm. God is Lord of veniauncis; God of veniauncis dide freli.

⁴ For the Lord is greet, and worthi to be preisid ful myche; he is ferdful aboue alle goddis.

¹⁰ Ye that louen the Lord, hate yuel; the Lord kepith the soulis of hise seyntis; he schal delyuer hem fro the hond of the synner.

⁵ Haue ye mynde on hise merueilis, whiche he dide; on his grete wondris, and domes of his mouth. ⁶ The seed of Abraham, his seruaunt; the sones of Jacob, his chosun man.

⁶ Mi tunge cleue to my chekis; if Y bithenke not on thee. If Y purposide not of thee, Jerusalem; in the bigynnyng of my gladnesse.

²² Therfor schulen not ye drede me, seith the Lord, and schulen not ye make sorewe for my face? Whiche haue set grauel a terme, ether ende, to the see, an euerlastynge comaundement, whiche it schal not passe; and the wawis therof schulen be mouyd, and schulen not haue power; and schulen wexe greet, and schulen not passe it.

¹¹ Therfor thus ye schulen seie to hem, Goddis that maden not heuene and erthe, perische fro erthe, and fro these thingis that ben vndur heuene. ¹² He is God, that makith the erthe in his strengthe, makith redi the world in his wisdom, and stretchith forth heuenes bi his prudence. ¹³ At his vois he yyueth the multitude of watris in heuene, and he reisith mystis fro the endis of erthe; he makith leitis into reyn, and ledith out wynd of his tresouris. ¹⁴ Ech man is maad a fool of kunnyng, ech crafti man is schent in a grauun ymage; for whi that that he wellide togidere is fals, and no spirit is in tho. ¹⁵ Tho ben veyn, and a werk worthi of scorn; tho schulen perische in the tyme of her visitacioun. ¹⁶ The part of Jacob is not lijk these, for he that formede alle thingis is God of Jacob, and Israel is the yerde of his eritage; the Lord of oostis is name to hym.

⁵ But it is hid fro hem willynge this thing, that heuenes were bifore, and the erthe of water was stondynge bi watir, of Goddis word; ⁶ bi which that ilke world clensid, thanne bi watir perischide. ⁷ But the heuenes that now ben, and the erthe, ben kept bi the same word, and ben reseruyd to fier in to the dai of doom and perdicioun of wickid men.