Psalms 24:5 Cross References - Wycliffe

⁵ Dresse thou me in thi treuthe, and teche thou me, for thou art God my sauyour; and Y suffride thee al dai.

²⁴ The Lord blesse thee, and kepe thee; ²⁵ the Lord schewe his face to thee, and haue mercy on thee; ²⁶ the Lord turne his cheer to thee, and yyue pees to thee. ²⁷ Thei schulen clepe inwardli my name on the sones of Israel, and Y schal blesse hem.

⁶ which is the fadir of fadirles and modirles children; and the iuge of widewis. ⁷ God is in his hooli place; God that makith men of o wille to dwelle in the hous. Which leedith out bi strengthe hem that ben boundun; in lijk maner hem that maken scharp, that dwellen in sepulcris.

¹⁹ Yyue thou tente to my soule, and delyuer thou it; for myn enemyes delyuere thou me.

¹⁷ Til Y entre in to the seyntuarie of God; and vndurstonde in the last thingis of hem.

¹ The title of the eiyte and eiytetithe salm. The lernyng of Ethan, Ezraite.

¹ The `title of the hundrid and eiyte and twentithe `salm. The song of greces. Israel seie now; Ofte thei fouyten ayens me fro my yongth. ² Ofte thei fouyten ayens me fro my yongthe; and sotheli thei miyten not to me. ³ Synneris forgeden on my bak; thei maden long her wickidnesse. ⁴ The `iust Lord schal beete the nollis of synneris; ⁵ alle that haten Sion be schent, and turned abak.

² Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe.

¹⁵ He that goith in riytfulnessis, and spekith treuthe; he that castith awei aueryce of fals calenge, and schakith awei his hondis fro al yifte; he that stoppith his eeris, that he heere not blood, and closith his iyen, that he se not yuel. ¹⁶ This man schal dwelle in hiy thingis, the strengthis of stoonys ben the hiynesse of hym; breed is youun to hym, hise watris ben feithful. ¹⁷ Thei schulen se the kyng in his fairnesse; the iyen of hym schulen biholde the londe fro fer.

¹⁷ Israel is sauyde in the Lord, bi euerlastynge helthe; ye schulen not be schent, and ye schulen not be aschamed, til in to the world of world.

¹³ Y made nyy myn riytfulnesse, it schal not be drawun afer, and myn helthe shal not tarie; Y schal yyue helthe in Sion, and my glorie in Israel.

⁵ My iust man is nyy, my sauyour is gon out, and myn armes schulen deme puplis; ilis schulen abide me, and schulen suffre myn arm. ⁶ Reise youre iyen to heuene, and se ye vndur erthe bynethe; for whi heuenes schulen melte awei as smoke, and the erthe schal be al to-brokun as a cloth, and the dwelleris therof schulen perische as these thingis; but myn helthe schal be withouten ende, and my riytfulnesse schal not fayle.

⁸ For whi a worm schal ete hem so as a cloth, and a mouyte schal deuoure hem so as wolle; but myn helthe schal be withouten ende, and my riytfulnesse in to generaciouns of generaciouns.

¹⁷ Ech vessel which is maad ayens thee, schal not be dressid; and in the doom thou schalt deme ech tunge ayenstondynge thee. This is the eritage of the seruauntis of the Lord, and the riytfulnesse of hem at me, seith the Lord.

¹⁰ I ioiynge schal haue ioie in the Lord, and my soule schal make ful out ioiyng in my God. For he hath clothid me with clothis of helthe, and he hath compassid me with clothis of riytfulnesse, as a spouse made feir with a coroun, and as a spousesse ourned with her brochis.

³ Blessed ben pore men in spirit, for the kyngdom of heuenes is herne. ⁴ Blessid ben mylde men, for thei schulen welde the erthe. ⁵ Blessid ben thei that mornen, for thei schulen be coumfortid. ⁶ Blessid ben thei that hungren and thristen riytwisnesse, for thei schulen be fulfillid. ⁷ Blessid ben merciful men, for thei schulen gete merci. ⁸ Blessid ben thei that ben of clene herte, for thei schulen se God. ⁹ Blessid ben pesible men, for thei schulen be clepid Goddis children. ¹⁰ Blessid ben thei that suffren persecusioun for riytfulnesse, for the kingdam of heuenes is herne. ¹¹ `Ye schulen be blessid, whanne men schulen curse you, and schulen pursue you, and shulen seie al yuel ayens you liynge, for me. <sup>12</sup> Ioie ye, and be ye glad, for youre meede is plenteuouse in heuenes; for so thei han pursued `also profetis that weren bifor you.

¹⁷ If ony man wole do his wille, he schal knowe of the techyng, whethir it be of God, or Y speke of my silf.

²² And the riytwisnesse of God is bi the feith of Jhesu Crist in to alle men and on alle men that bileuen in hym; for ther is no departyng.

⁶ As Dauid seith the blessidnesse of a man, whom God acceptith, he yyueth to hym riytwisnesse with outen werkis of the lawe, ⁷ Blessid ben thei, whos wickidnessis ben foryouun, and whos synnes ben hid. ⁸ Blessid is that man, to whom God arettide not synne. ⁹ Thanne whether dwellith this blisfulnesse oneli in circumcisioun, or also in prepucie? For we seien, that the feith was arettid to Abraham to riytwisnesse.

¹⁷ For if in the gilt of oon deth regnede thorouy oon, myche more men that takyn plente of grace, and of yyuyng, and of riytwisnesse, schulen regne in lijf bi oon Jhesu Crist. ¹⁸ Therfor as bi the gilt of oon in to alle men in to condempnacioun, so bi the riytwisnesse of oon in to alle men in to iustifiyng of lijf.

³⁰ But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

²¹ God the fadir made hym synne for vs, which knewe not synne, that we schulden be maad riytwisnesse of God in hym.

⁹ And therfor these that ben of bileue, schulen be blessid with feithful Abraham.

¹⁴ that among the hethene the blessyng of Abraham were maad in `Crist Jhesu, that we vndurfonge the biheeste of spirit thoruy bileue.

⁵ For we thoruy the spirit of bileue abiden the hope of riytfulnesse.

³ Blessid be God and the fadir of oure Lord Jhesu Crist, that hath blessid vs in al spiritual blessing in heuenli thingis in Crist,

⁹ that Y wynne Crist, and that Y be foundun in hym, not hauynge my riytwisnesse that is of the lawe, but that that is of the feith of Crist Jhesu, that is of God the riytwisnesse in feith,

¹⁰ but in alle thingis schewinge good feith, that thei onoure in alle thingis the doctryn of `God, oure sauyour. <sup>11</sup> For the grace of `God, oure sauyour, ¹² hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, `and piteuousli in this world, ¹³ abidinge the blessid hope and the comyng of the glorie of the greet God, and of oure sauyour Jhesu Crist; ¹⁴ that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis.

⁴ But whanne the benygnyte and the manhed of oure sauyour God aperide, ⁵ not of werkis of riytwisnesse that we diden, but bi his merci he made vs saaf, bi waischyng of ayen bigetyng, and ayen newyng of the Hooli Goost, ⁶ whom he schedde into vs plenteuousli bi Jhesu Crist,

⁹ not yeldinge yuel for yuel, nether cursing for cursing, but ayenward blessinge; for in this thing ye ben clepid, that ye welde blessinge bi eritage.