Revelation 6:16 Cross References - Wycliffe

¹⁶ And thei seien to hillis and to stoonys, Falle ye on vs, and hide ye vs fro the face of hym that sittith on the trone, and fro the wrath of the lomb;

⁹ Thou schalt gouerne hem in an yrun yerde; and thou schalt breke hem as the vessel of a pottere. ¹⁰ And now, ye kyngis, vndurstonde; ye that demen the erthe, be lerud. ¹¹ Serue ye the Lord with drede; and make ye ful ioye to hym with tremblyng. ¹² Take ye lore; lest the Lord be wrooth sumtyme, and lest ye perischen fro iust waie.

⁵ which yaf not his money to vsure; and took not yiftis on the innocent. He, that doith these thingis, schal not be moued with outen ende.

⁸ Alle men seynge me scorneden me; thei spaken with lippis, and stiriden the heed. ⁹ He hopide in the Lord, delyuere he hym; make he hym saaf, for he wole hym. ¹⁰ For thou it art that drowist me out of the wombe, thou art myn hope fro the tetis of my modir; ¹¹ in to thee Y am cast forth fro the wombe. Fro the wombe of my modir thou art my God; departe thou not fro me. ¹² For tribulacioun is next; for noon is that helpith.

⁵ he hath youe meete to men dredynge hym. He schal be myndeful of his testament in to the world; ⁶ he schal telle to his puple the vertu of hise werkis.

³ And alle men schulen cheese deth more than lijf, whiche ben left of this worst kynrede, in alle places that ben left, to whiche places Y castide hem out, seith the Lord of oostis.

⁸ A cloote and a brere schal stie on the auters of hem. And thei schulen seie to mounteyns, Hile ye vs, and to litle hillis, Falle ye doun on vs.

¹⁴ And the aungel that spak in me, seide to me, Crie thou, seiynge, The Lord of oostis seith these thingis, Y louyde Jerusalem and Sion in greet feruour; ¹⁵ and in greet wraththe Y schal be wroth on riche folkis; for Y was wrooth a litil, forsothe thei helpiden in to yuel.

⁶⁴ Jhesus seide to him, Thou hast seid; netheles Y seie to you, `fro hennus forth ye schulen se mannus sone sittinge at the riythalf of the vertu of God, and comynge in the cloudis of heuene.

³⁰ Thanne thei schulen bigynne to seie to mounteyns, Falle ye doun on vs, and to smale hillis, Keuere ye vs.

⁷ and to you that ben troblid, rest with vs in the schewing of the Lord Jhesu fro heuene, with aungelis of his vertu, ⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist. ⁹ Whiche schulen suffre euere lastinge peynes, in perischinge fro the face of the Lord, and fro the glorie of his vertu,

² Anoon Y was in spirit, and lo! a seete was sett in heuene, and vpon the seete oon sittynge.

⁵ And leitis, and voices, and thundringis camen out of the trone; and seuene laumpis brennynge bifore the trone, whiche ben the seuene spiritis of God.

⁹ And whanne tho foure beestis yauen glorie, and honour, and blessing to hym that sat on the trone, that lyueth in to worldis of worldis,

¹⁰ And thei crieden with a geet vois, and seiden, Hou long thou, Lord, that art hooli and trewe, demest not, and vengest not oure blood of these that dwellen in the erthe?

⁶ and swoor bi hym that lyueth in to worldis of worldis, that maad of nouyt heuene, and tho thingis whiche ben in it, and the erthe, and tho thingis that ben in it, and the see, and tho thingis that ben in it, that time schal no more be.

¹⁵ And a swerd scharp on ech side cam forth of his mouth, that with it he smyte folkis; and he shal reule hem with an yren yerde. And he tredith the pressour of wyn of stronge veniaunce of the wraththe of almyyti God.

¹¹ Amen. And Y say a greet white trone, and oon sittynge on it, fro whos siyt erthe fled and heuene; and the place is not foundun `of hem.