Romans 16:12 Cross References - Wycliffe

¹² Grete wel Trifenam and Trifosam, whiche wymmen trauelen in the Lord. Grete wel Persida, most dereworthe womman, that hath trauelid myche in the Lord.

³⁸ Therfor preye ye the lord of the ripe corn, that he sende werke men in to his ripe corn.

¹⁰ But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.

⁵⁸ Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.

¹⁶ that also ye be sugetis to suche, and to ech worchynge togidere and trauelynge.

²⁹ In which thing also Y trauele in stryuynge bi the worching of hym, that he worchith in me in vertu.

¹² Epafras, that is of you, the seruaunt of Jhesu Crist, gretith you wel; euere bisi for you in preyeris, that ye stonde perfit and ful in al the wille of God.

³ hauynge mynde of the werk of youre feith, and trauel, and charite, and abyding of the hope of oure Lord Jhesu Crist, bifor God and oure fadir.

¹² And, britheren, we preien you, that ye knowen hem that trauelen among you, and ben souereyns to you in the Lord, and techen you, ¹³ that ye han hem more aboundantli in charyte; and for the werk of hem, haue ye pees with hem.

¹⁰ And in this thing we trauelen, and ben cursid, for we hopen in lyuyng God, that is sauyour of alle men, moost of feithful men.

¹⁷ The prestis that ben wel gouernoures, be thei had worthi to double onour; moost thei that trauelen in word and teching. ¹⁸ For scripture seith, Thou schalt not bridil the mouth of the oxe threischinge, and, A werk man is worthi his hire.

¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren. ¹¹ And we coueiten that ech of you schewe the same bisynesse to the fillyng of hope in to the ende;