Romans 2:25 Cross References - Wycliffe

²⁵ For circumcisioun profitith, if thou kepe the lawe; but if thou be a trespassour ayens the lawe, thi circumsicioun is maad prepucie.

⁶ Thi Lord God schal circumcide thin herte, and the herte of thi seed, that thou loue thi Lord God in al thin herte and in al thi soule, and maist liue.

⁴ Men of Juda, and dwelleris of Jerusalem, be ye circumcidid to the Lord, and do ye awey the filthis of youre hertis; lest perauenture myn indignacioun go out as fier, and be kyndlid, and noon be that quenche, for the malice of youre thouytis.

²⁵ Lo! daies comen, seith the Lord, and Y schal visite on ech man that hath prepucie vncircumcidid; on Egipt, ²⁶ and on Juda, and on Edom, and on the sones of Amon, and on Moab, and on alle men that ben clippid on long heer, and dwellen in desert; for whi alle hethene men han prepucie, forsothe al the hous of Israel ben vncircumcidid in herte.

⁵¹ With hard nol, and vncircumcidid hertis and eris ye withstoden eueremore the Hooli Goost; and as youre fadris, so ye.

²³ Thou that hast glorie in the lawe, vnworschipist God bi brekyng of the lawe?

²⁸ For he that is in opene is not a Jew, nether it is circumsicioun that is openli in the fleisch;

¹¹ And he took a signe of circumcisioun, a tokenyng of riytwisnesse of the feith which is in prepucie, that he be fadir of alle men bileuynge bi prepucie, that it be arettid also to hem to riytwisnesse; ¹² and that he be fadir of circumcisioun, not onely to hem that ben of circumcisioun, but also to hem that suen the steppis of the feith, which feith is in prepucie of oure fader Abraham.

³ And Y witnesse eftsoones to ech man that circumcidith hym silf, that he is dettour of al the lawe to be don. ⁴ And ye ben voidid awei fro Crist, and ye that be iustified in the lawe, ye han fallen awei fro grace. ⁵ For we thoruy the spirit of bileue abiden the hope of riytfulnesse. ⁶ For in Jhesu Crist nether circumcisioun is ony thing worth, nether prepucie, but the bileue that worchith bi charite.

¹⁵ For in Jhesu Crist nether circumcisioun is ony thing worth, ne prepucie, but a newe creature.

¹¹ For which thing be ye myndeful, that sumtyme ye weren hethene in fleisch, which weren seid prepucie, fro that that is seid circumcisioun maad bi hond in fleisch; ¹² and ye weren in that time with out Crist, alienyd fro the lyuyng of Israel, and gestis of testamentis, not hauynge hope of biheest, and with outen God in this world.