Zechariah 9:9 Cross References - Wycliffe

⁹ Thou douyter of Sion, make ioie withoutforth ynow, synge, thou douyter of Jerusalem; lo! thi kyng schal come to thee, he iust, and sauyour; he pore, and stiynge on a sche asse, and on a fole, sone of a sche asse.

⁶ Forsothe Y am maad of hym a kyng on Syon, his hooli hil; prechynge his comaundement.

¹ The title of the five and fourtithe salm. To the ouercomere, the song of the sones `of Chore, `for yongthis.

⁶ God in the myddis therof schal not be moued; God schal helpe it eerli in the grey morewtid. ⁷ Hethene men weren disturblid togidere, and rewmes weren bowid doun; God yaf his vois, the erthe was moued.

⁹ Lord, alle folkis, whiche euere thou madist, schulen come, and worschipe bifore thee; and thei schulen glorifie thi name. ¹⁰ For thou art ful greet, and makinge merueils; thou art God aloone. ¹¹ Lord, lede thou me forth in thi weie, and Y schal entre in thi treuthe; myn herte be glad, that it drede thi name. ¹² Mi Lord God, Y schal knouleche to thee in al myn herte; and Y schal glorifie thi name withouten ende.

⁶ in trumpis betun out with hamer, and in vois of a trumpe of horn. Hertli synge ye in the siyt of the Lord, the king; the see and the fulnesse therof be moued; ⁷ the world, and thei that dwellen therynne. ⁸ Flodis schulen make ioie with hond, togidere hillis schulen make ful out ioye, for siyt of the Lord;

¹ The `title of the hundrid and tenthe salm. Alleluya. Lord, Y schal knouleche to thee in al myn herte; in the counsel and congregacioun of iust men. ² The werkis of the Lord ben greete; souyt out in to alle hise willis. ³ His werk is knoulechyng and grete doyng; and his riytfulnesse dwellith in to the world of world. ⁴ The Lord merciful in wille, and a merciful doere, hath maad a mynde of hise merueilis;

⁶ Forsothe a litil child is borun to vs, and a sone is youun to vs, and prinsehod is maad on his schuldre; and his name schal be clepid Wondurful, A counselour, God, Strong, A fadir of the world to comynge, A prince of pees. ⁷ His empire schal be multiplied, and noon ende schal be of his pees; he schal sitte on the seete of Dauid, and on the rewme of hym, that he conferme it, and make stronge in doom and riytfulnesse, fro hennus forth and til in to with outen ende. The feruent loue of the Lord of oostis schal make this.

⁶ Thou dwellyng of Syon, make ful out ioie, and preise; for whi the hooli of Israel is greet in the myddis of thee.

¹ Lo! the kyng schal regne in riytfulnesse, and princes schulen be souereyns in doom. ² And a man schal be, as he that is hid fro wynd, and hidith hym silf fro tempest; as stremes of watris in thirst, and the schadewe of a stoon stondynge fer out in a desert lond.

⁹ Thou that prechist to Sion, stie on an hiy hil; thou that prechist to Jerusalem, enhaunse thi vois in strengthe; enhaunse thou, nyle thou drede; seie thou to the citees of Juda, Lo! youre God.

³ For Y am thi Lord God, the hooli of Israel, thi sauyour. I yaf thi merci Egipt; Ethiopie and Saba for thee.

¹¹ Y am, Y am the Lord, and with out me is no sauyour.

²¹ Telle ye, and come ye, and take ye councel togidere. Who made this herd fro the bigynnyng? fro that tyme Y bifor seide it. Whether Y am not the Lord, and no God is ferthere with out me? God riytful and sauynge is noon, outakun me.

⁹ The forsakun thingis of Jerusalem, make ye ioie, and herie ye togidere; for the Lord hath coumfortid his puple, he hath ayenbouyt Jerusalem. ¹⁰ The Lord hath maad redi his hooli arm in the iyen of alle folkis, and alle the endis of the erthe schulen se the helthe of oure God.

¹¹ Lo! the Lord made herd in the laste partis of the erthe. Seie ye to the douytir of Sion, Lo! thi sauyour cometh; lo! his meede is with hym, and his werk is bifore hym.

⁵ Lo! daies comen, seith the Lord, and Y schal reise a iust buriownyng to Dauid; and he schal regne a kyng, and he schal be wijs, and he schal make doom and riytfulnesse in erthe. ⁶ In tho daies Juda schal be sauid, and Israel schal dwelle tristili; and this is the name which thei schulen clepe hym, The Lord oure riytful.

⁹ but thei schulen serue to her Lord God, and to Dauid, her kyng, whom Y schal reyse for hem.

¹⁴ These thingis seith the Lord, Douyter of Sion, herie thou hertli, synge thou, Israel; be thou glad, and make thou ioie withoutforth in al thin herte, thou douyter of Jerusalem. ¹⁵ The Lord hath take a wei thi dom, hath turned a wey thin enemyes; the kyng of Israel the Lord is in myddil of thee, thou schalt no more drede yuel.

¹⁰ Douyter of Sion, herie thou, and be glad; for lo! Y come, and Y schal dwelle in myddil of thee, seith the Lord.

²¹ And she shal bere a sone, and thou shalt clepe his name Jhesus; for he schal make his puple saaf fro her synnes.

²⁹ Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis.

⁴ Al this was doon, that that thing schulde be fulfillid, that was seid bi the prophete, seiynge, Seie ye to the douyter of Syon, Lo! ⁵ thi kyng cometh to thee, meke, sittynge on an asse, and a fole of an asse vnder yok. ⁶ And the disciplis yeden, and diden as Jhesus comaundide hem. ⁷ And thei brouyten an asse, and the fole, and leiden her clothis on hem, and maden hym sitte aboue.

⁷ And thei brouyten the colt to Jhesu, and thei leiden on hym her clothis, and Jhesus sat on hym.

⁹ And thei that wenten bifor, and that sueden, crieden, and seiden, Osanna, ¹⁰ blissid is he that cometh in the name of the Lord; blessid be the kyngdom of oure fadir Dauid that is come; Osanna in hiyest thingis.

³⁰ Go ye in to the castel, that is ayens you; in to which as ye entren, ye schulen fynde a colt of an asse tied, on which neuer man sat; vntye ye hym, and brynge ye to me. ³¹ And if ony man axe you, whi ye vntien, thus ye schulen seie to hym, For the Lord desirith his werk. ³² And thei that weren sent, wenten forth, and fonden as he seide to hem, a colt stondynge. ³³ And whanne thei vntieden the colt, the lordis of hym seiden to hem, What vntien ye the colt? ³⁴ And thei seiden, For the Lord hath nede to hym. ³⁵ And thei ledden hym to Jhesu; and thei castynge her clothis on the colt, setten Jhesu on hym.

³⁷ And whanne he cam nyy to the comyng doun of the mount of Olyuete, al the puple that cam doun bygunnen to ioye, and to herie God with greet vois on alle the vertues, that thei hadden sayn, ³⁸ and seiden, Blessid be the king, that cometh in the name of the Lord; pees in heuene, and glorie in hiye thingis.

⁴⁹ `and seide, Rabi, thou art the sone of God, thou art kyng of Israel.

¹³ token braunchis of palmes, and camen forth ayens hym, and crieden, Osanna, blessid is the kyng of Israel, that cometh in the name of the Lord. ¹⁴ And Jhesus foond a yonge asse, and sat on hym, ¹⁵ as it is writun, The douytir of Syon, nyle thou drede; lo! thi kyng cometh, sittynge on `an asse fole. ¹⁶ Hise disciplis knewen not first these thingis, but whanne Jhesus was glorified, thanne thei hadden mynde, for these thingis weren writun of hym, and these thingis thei diden to hym.

¹⁵ But thei crieden, and seiden, Take awei, take awei; crucifie him. Pilat seith to hem, Schal I crucifie youre king? The bischops answeriden, We han no king but the emperour.

²⁴ and ben iustified freli bi his grace, bi the ayenbiyng that is in `Crist Jhesu. ²⁵ Whom God ordeynede foryyuer, bi feith in his blood, to the schewyng of his riytwisnesse, for remyssioun of biforgoynge synnes, ²⁶ in the beryng up of God, to the schewyng of his riytwisnesse in this tyme, that he be iust, and iustifyynge hym that is of the feith of Jhesu Crist.