1 בראשׁית ברא אלהים את השׁמים ואת הארץ׃2 והארץ היתה תהו ובהו וחשׁך על פני תהום ורוח אלהים מרחפת על פני המים׃3 ויאמר אלהים יהי אור ויהי אור׃4 וירא אלהים את האור כי טוב ויבדל אלהים בין האור ובין החשׁך׃5 ויקרא אלהים לאור יום ולחשׁך קרא לילה ויהי ערב ויהי בקר יום אחד׃6 ויאמר אלהים יהי רקיע בתוך המים ויהי מבדיל בין מים למים׃7 ויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן׃8 ויקרא אלהים לרקיע שׁמים ויהי ערב ויהי בקר יום שׁני׃9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃10 ויקרא אלהים ליבשׁה ארץ ולמקוה המים קרא ימים וירא אלהים כי טוב׃11 ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן׃12 ותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב׃13 ויהי ערב ויהי בקר יום שׁלישׁי׃14 ויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים׃15 והיו למאורת ברקיע השׁמים להאיר על הארץ ויהי כן׃16 ויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים׃17 ויתן אתם אלהים ברקיע השׁמים להאיר על הארץ׃18 ולמשׁל ביום ובלילה ולהבדיל בין האור ובין החשׁך וירא אלהים כי טוב׃19 ויהי ערב ויהי בקר יום רביעי׃20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃21 ויברא אלהים את התנינם הגדלים ואת כל נפשׁ החיה הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב׃22 ויברך אתם אלהים לאמר פרו ורבו ומלאו את המים בימים והעוף ירב בארץ׃23 ויהי ערב ויהי בקר יום חמישׁי׃24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃26 ויאמר אלהים נעשׂה אדם בצלמנו כדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ׃27 ויברא אלהים את האדם בצלמו בצלם אלהים ברא אתו זכר ונקבה ברא אתם׃
Bible verses about "moon" | HOT
Genesis 1:1-31
Genesis 1:30-31
30 ולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן׃
Genesis 1:28-31
Genesis 1:31-31
31 וירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי׃
Genesis 37:9
9 ויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים׃
2 Kings 4:23
23 ויאמר מדוע אתי הלכתי אליו היום לא חדשׁ ולא שׁבת ותאמר שׁלום׃
Job 31:26
26 אם אראה אור כי יהל וירח יקר הלך׃
Psalms 19:1
1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃
Joshua 10:13
13 וידם השׁמשׁ וירח עמד עד יקם גוי איביו הלא היא כתובה על ספר הישׁר ויעמד השׁמשׁ בחצי השׁמים ולא אץ לבוא כיום תמים׃
Psalms 148:1-14
1 הללו יה הללו את יהוה מן השׁמים הללוהו במרומים׃2 הללוהו כל מלאכיו הללוהו כל צבאו׃3 הללוהו שׁמשׁ וירח הללוהו כל כוכבי אור׃4 הללוהו שׁמי השׁמים והמים אשׁר מעל השׁמים׃5 יהללו את שׁם יהוה כי הוא צוה ונבראו׃6 ויעמידם לעד לעולם חק נתן ולא יעבור׃7 הללו את יהוה מן הארץ תנינים וכל תהמות׃8 אשׁ וברד שׁלג וקיטור רוח סערה עשׂה דברו׃9 ההרים וכל גבעות עץ פרי וכל ארזים׃10 החיה וכל בהמה רמשׂ וצפור כנף׃11 מלכי ארץ וכל לאמים שׂרים וכל שׁפטי ארץ׃12 בחורים וגם בתולות זקנים עם נערים׃13 יהללו את שׁם יהוה כי נשׂגב שׁמו לבדו הודו על ארץ ושׁמים׃14 וירם קרן לעמו תהלה לכל חסידיו לבני ישׂראל עם קרבו הללו יה׃
Joel 2:30
30 (3:3) ונתתי מופתים בשׁמים ובארץ דם ואשׁ ותימרות עשׁן׃
1 Samuel 20:18
18 ויאמר לו יהונתן מחר חדשׁ ונפקדת כי יפקד מושׁבך׃
Psalms 81:3
3 (81:4) תקעו בחדשׁ שׁופר בכסה ליום חגנו׃
Isaiah 66:23
23 והיה מדי חדשׁ בחדשׁו ומדי שׁבת בשׁבתו יבוא כל בשׂר להשׁתחות לפני אמר יהוה׃
Joshua 10:12
12 אז ידבר יהושׁע ליהוה ביום תת יהוה את האמרי לפני בני ישׂראל ויאמר לעיני ישׂראל שׁמשׁ בגבעון דום וירח בעמק אילון׃
Psalms 81:1-16
1 למנצח על הגתית לאסף׃ (81:2) הרנינו לאלהים עוזנו הריעו לאלהי יעקב׃2 (81:3) שׂאו זמרה ותנו תף כנור נעים עם נבל׃3 (81:4) תקעו בחדשׁ שׁופר בכסה ליום חגנו׃4 (81:5) כי חק לישׂראל הוא משׁפט לאלהי יעקב׃5 (81:6) עדות ביהוסף שׂמו בצאתו על ארץ מצרים שׂפת לא ידעתי אשׁמע׃6 (81:7) הסירותי מסבל שׁכמו כפיו מדוד תעברנה׃7 (81:8) בצרה קראת ואחלצך אענך בסתר רעם אבחנך על מי מריבה סלה׃8 (81:9) שׁמע עמי ואעידה בך ישׂראל אם תשׁמע׃9 (81:10) לא יהיה בך אל זר ולא תשׁתחוה לאל נכר׃10 (81:11) אנכי יהוה אלהיך המעלך מארץ מצרים הרחב פיך ואמלאהו׃11 (81:12) ולא שׁמע עמי לקולי וישׂראל לא אבה׃12 (81:13) ואשׁלחהו בשׁרירות לבם ילכו במועצותיהם׃13 (81:14) לו עמי שׁמע לי ישׂראל בדרכי יהלכו׃14 (81:15) כמעט אויביהם אכניע ועל צריהם אשׁיב ידי׃15 (81:16) משׂנאי יהוה יכחשׁו לו ויהי עתם לעולם׃16 (81:17) ויאכילהו מחלב חטה ומצור דבשׁ אשׂביעך׃
Genesis 1:16
16 ויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים׃
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Joel 2:30-31
Psalms 8:3
3 (8:4) כי אראה שׁמיך מעשׂי אצבעתיך ירח וכוכבים אשׁר כוננתה׃
Psalms 89:37
37 (89:38) כירח יכון עולם ועד בשׁחק נאמן סלה׃