Bible verses about "mocking" | Vulgate

²⁹ omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibus

⁴ aut turpitudo aut stultiloquium aut scurrilitas quae ad rem non pertinent sed magis gratiarum actio

⁶ quaerit derisor sapientiam et non inveniet doctrina prudentium facilis ⁷ vade contra virum stultum et nescito labia prudentiae ⁸ sapientia callidi est intellegere viam suam et inprudentia stultorum errans ⁹ stultis inludet peccatum inter iustos morabitur gratia

² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

⁵ si quis autem vestrum indiget sapientiam postulet a Deo qui dat omnibus affluenter et non inproperat et dabitur ei

⁴ super quem lusistis super quem dilatastis os et eiecistis linguam numquid non vos filii scelesti semen mendax

³ hoc primum scientes quod venient in novissimis diebus in deceptione inlusores iuxta proprias concupiscentias ambulantes ⁴ dicentes ubi est promissio aut adventus eius ex quo enim patres dormierunt omnia sic perseverant ab initio creaturae ⁵ latet enim eos hoc volentes quod caeli erant prius et terra de aqua et per aquam consistens Dei verbo ⁶ per quae ille tunc mundus aqua inundatus periit ⁷ caeli autem qui nunc sunt et terra eodem verbo repositi sunt igni servati in diem iudicii et perditionis impiorum hominum

¹² non amat pestilens eum qui se corripit nec ad sapientes graditur

¹ beatus vir qui non abiit in consilio impiorum et in via peccatorum non stetit in cathedra derisorum non sedit

⁵ qui despicit pauperem exprobrat factori eius et qui in ruina laetatur alterius non erit inpunitus