Bible verses about "war" | Vulgate

¹ si exieris ad bellum contra hostes tuos et videris equitatum et currus et maiorem quam tu habes adversarii exercitus multitudinem non timebis eos quia Dominus Deus tuus tecum est qui eduxit te de terra Aegypti ² adpropinquante autem iam proelio stabit sacerdos ante aciem et sic loquetur ad populum ³ audi Israhel vos hodie contra inimicos vestros pugnam committitis non pertimescat cor vestrum nolite metuere nolite cedere nec formidetis eos ⁴ quia Dominus Deus vester in medio vestri est et pro vobis contra adversarios dimicabit ut eruat vos de periculo

⁴ et iudicabit gentes et arguet populos multos et conflabunt gladios suos in vomeres et lanceas suas in falces non levabit gens contra gentem gladium nec exercebuntur ultra ad proelium

¹⁵ gaudium iusto est facere iudicium et pavor operantibus iniquitatem

⁴ nam arma militiae nostrae non carnalia sed potentia Deo ad destructionem munitionum consilia destruentes

¹¹ induite vos arma Dei ut possitis stare adversus insidias diaboli

⁸ praecipitabit mortem in sempiternum et auferet Dominus Deus lacrimam ab omni facie et obprobrium populi sui auferet de universa terra quia Dominus locutus est

¹ unde bella et lites in vobis nonne hinc ex concupiscentiis vestris quae militant in membris vestris ² concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis

²⁰ conlidis tu mihi vasa belli et ego conlidam in te gentes et disperdam in te regna

⁶ audituri autem estis proelia et opiniones proeliorum videte ne turbemini oportet enim haec fieri sed nondum est finis

⁸ tempus dilectionis et tempus odii tempus belli et tempus pacis