30 Therfor thei seiden to hym, What tokene thanne doist thou, that we seen, and bileue to thee? what worchist thou?
31 Oure fadris eeten manna in desert, as it is writun, He yaf to hem breed fro heuene to ete.
32 Therfor Jhesus seith to hem, Treuli, treuli, Y seie to you, Moyses yaf you not breed fro heuene, but my fadir yyueth you veri breed fro heuene;
33 for it is very breed that cometh doun fro heuene, and yyueth lijf to the world.
34 Therfor thei seiden to hym, Lord, euere yyue vs this breed.
35 And Jhesus seide to hem, Y am breed of lijf; he that cometh to me, schal not hungur; he that bileueth in me, schal neuere thirste.
36 But Y seid to you, that ye han seyn me, and ye bileueden not.
37 Al thing, that the fadir yyueth to me, schal come to me; and Y schal not caste hym out, that cometh to me.
38 For Y cam doun fro heuene, not that Y do my wille, but the wille of hym that sente me.
39 And this is the wille of the fadir that sente me, that al thing that the fadir yaf me, Y leese not of it, but ayen reise it in the laste dai.
40 And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.
Bible verses about "john" | Wycliffe
John 6:30-40
John 4:34
34 Jhesus seith to hem, My mete is, that Y do the wille of hym that sente me, that Y perfourme the werk of hym.
John 1:1-4
1 In the bigynnyng was the word, and the word was at God, and God was the word.
2 This was in the bigynnyng at God.
3 Alle thingis weren maad bi hym, and withouten hym was maad no thing, that thing that was maad.
4 In hym was lijf, and the lijf was the liyt of men; and the liyt schyneth in derknessis,
John 3:16
16 For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.