Bible verses about "nature" | Wycliffe

¹⁰ And God clepide the drie place, erthe; and he clepide the gadryngis togidere of watris, the sees. And God seiy that it was good;

¹ In the bigynnyng God made of nouyt heuene and erthe.

³ Of the mouth of yonge children, not spekynge and soukynge mylk, thou madist perfitli heriyng, for thin enemyes; that thou destrie the enemy and avengere. ⁴ For Y schal se thin heuenes, the werkis of thi fyngris; the moone and sterris, whiche thou hast foundid.

³ Thou hiyeste, Y schal be glad, and Y schal be fulli ioieful in thee; Y schal synge to thi name. ⁴ For thou turnest myn enemy abac; thei schulen be maad feble, and schulen perische fro thi face.

³ Forwhi the synnere is preisid in the desiris of his soule; and the wickid is blessid. ⁴ The synnere `wraththide the Lord; vp the multitude of his ire he schal not seke.

⁸ Verely the puple is hey; the hey is dried vp, and the flour felle doun; but the word of the Lord dwellith with outen ende.

²⁸ And of clothing what ben ye bisye? Biholde ye the lilies of the feeld, how thei wexen. Thei trauelen not, nether spynnen; ²⁹ and Y seie to you, Salomon in al his glorie was not keuered as oon of these. ³⁰ And if God clothith thus the hei of the feeld, that to day is, and to morewe is cast in to an ouen, hou myche more you of litel feith?

¹⁹ For that thing of God that is knowun, is schewid to hem, for God hath schewid to hem. ²⁰ For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid.

⁶ And Esdras seide, Thou thi silf, Lord, art aloone; thou madist heuene and the heuene of heuenes, and al the oost of tho heuenes; thou madist the erthe and alle thingis that ben there ynne; `thou madist the sees and alle thingis that ben in tho; and thou quikenyst alle these thingis; and the oost of heuene worschipith thee.

¹⁹ For the abidyng of creature abidith the schewyng of the sones of God. ²⁰ But the creature is suget to vanyte, not willynge, but for hym that made it suget in hope; ²¹ for the ilke creature schal be delyuered fro seruage of corrupcioun in to liberte of the glorie of the sones of God. ²² And we witen, that ech creature sorewith, and trauelith with peyne til yit.

¹² For ye schulen go out in gladnesse, and ye schulen be led forth in pees; mounteyns and litil hillis schulen synge heriynge bifore you, and alle the trees of the cuntrei schulen make ioie with hond.

¹¹ God made alle thingis good in her tyme, and yaf the world to disputyng of hem, that a man fynde not the werk which God hath wrouyt fro the bigynnyng `til in to the ende.

¹¹ Liyt is risun to the riytful man; and gladnesse to riytful men of herte. ¹² Juste men, be ye glad in the Lord; and knouleche ye to the mynde of his halewyng.

⁵ He is blessid, of whom the God of Jacob is his helpere, his hope is in his Lord God, that made heuene and erthe;

⁷ No wondur, ax thou beestis, and tho schulen teche thee; and axe thou volatilis of the eir, and tho schulen schewe to thee. ⁸ Speke thou to the erthe, and it schal answere thee; and the fischis of the see schulen telle tho thingis. ⁹ Who knowith not that the hond of the Lord made alle these thingis? ¹⁰ In whos hond the soule is of ech lyuynge thing, and the spirit, `that is, resonable soule, of ech fleisch of man.