Clementine_Vulgate(i)
12 { Postquam ergo lavit pedes eorum, et accepit vestimenta sua, cum recubuisset iterum, dixit eis: Scitis quid fecerim vobis?}
13 { Vos vocatis me Magister et Domine, et bene dicitis: sum etenim.}
14 { Si ergo ego lavi pedes vestros, Dominus et Magister, et vos debetis alter alterutrum lavare pedes.}
15 { Exemplum enim dedi vobis, ut quemadmodum ego feci vobis, ita et vos faciatis.}
16 { Amen, amen dico vobis: non est servus major domino suo: neque apostolus major est eo qui misit illum.}
17 { Si hæc scitis, beati eritis si feceritis ea.}