John 8:17-16:33 Estas ja skribite en via legxo, ke la atesto de du homoj estas vera.

Esperanto⁽ⁱ⁾ ¹⁷ Estas ja skribite en via legxo, ke la atesto de du homoj estas vera. ¹⁸ Mi estas atestanto pri mi mem, kaj la Patro, kiu min sendis, atestas pri mi. ¹⁹ Ili do diris al li:Kie estas via Patro? Respondis Jesuo:Vi konas nek min, nek mian Patron; se vi konus min, vi konus ankaux mian Patron. ²⁰ Tiujn vortojn Jesuo parolis en la trezorejo, dum li instruis en la templo; kaj neniu arestis lin, cxar lia horo ankoraux ne venis. ²¹ Jesuo do denove diris al ili:Mi foriras, kaj vi sercxos min, kaj vi mortos en via peko; kien mi iras, tien vi ne povas veni. ²² La Judoj do diris:CXu li sin mortigos? cxar li diras:Kien mi iras, tien vi ne povas veni. ²³ Kaj li diris al ili:Vi estas de malsupre, mi estas de supre; vi estas de cxi tiu mondo, mi ne estas de cxi tiu mondo. ²⁴ Mi tial diris al vi, ke vi mortos en viaj pekoj; cxar se vi ne kredos, ke mi estas, vi mortos en viaj pekoj. ²⁵ Ili do diris al li:Kiu vi estas? Jesuo diris al ili:Laux tio, kion mi diradis al vi de la komenco. ²⁶ Mi havas multon por diri kaj jugxi pri vi; sed Tiu, kiu min sendis, estas vera; kaj tion, kion mi auxdis de Li, mi parolas al la mondo. ²⁷ Ili ne komprenis, ke li parolas al ili pri la Patro. ²⁸ Jesuo do diris:Kiam vi levos la Filon de homo, tiam vi scios, ke mi estas, kaj ke mi ne faras ion per mi mem; sed kiel la Patro instruis min, tion mi parolas. ²⁹ Kaj Tiu, kiu min sendis, estas kun mi; Li ne lasis min sola; cxar mi cxiam faras tion, kio placxas al Li. ³⁰ Dum li parolis tion, multaj kredis al li. ³¹ Jesuo do diris al la Judoj, kiuj kredis al li:Se vi restos en mia vorto, vi estas vere miaj discxiploj; ³² kaj vi scios la veron, kaj la vero vin liberigos. ³³ Ili respondis al li:Ni estas idaro de Abraham, kaj ankoraux al neniu ni estis sklavoj; kial vi diras:Vi estos liberigitaj? ³⁴ Jesuo respondis al ili:Vere, vere, mi diras al vi:CXiu, kiu faras pekon, estas sklavo de peko. ³⁵ Kaj la sklavo ne cxiam restas en la domo, sed la filo cxiam restas. ³⁶ Se do la Filo vin liberigos, vi estos efektive liberaj. ³⁷ Mi scias, ke vi estas idaro de Abraham; sed vi celas mortigi min, cxar mia vorto ne progresas en vi. ³⁸ Mi parolas tion, kion mi vidis cxe mia Patro; kaj vi ankaux faras tion, kion vi vidis cxe via patro. ³⁹ Ili respondis kaj diris al li:Nia patro estas Abraham. Jesuo diris al ili:Se vi estus Abrahamidoj, vi farus la farojn de Abraham. ⁴⁰ Sed nun vi celas mortigi min, homon, kiu parolis al vi la veron, kiun mi auxdis de Dio; tion Abraham ne faris. ⁴¹ Vi faras la farojn de via patro. Tiam ili diris al li:Ni ne naskigxis per malcxasteco; unu Patron ni havas, Dion. ⁴² Jesuo diris al ili:Se Dio estus via Patro, vi min amus; cxar de Dio mi elvenis, kaj estas veninta; cxar mi ne venis de mi mem, sed Li min sendis. ⁴³ Kial vi ne komprenas mian parolon? Tial, ke vi ne povas auxdi mian vorton. ⁴⁴ Vi estas de patro, la diablo, kaj vi volas fari la dezirojn de via patro. Li estis hommortiganto de la komenco, kaj ne staras en la vero, cxar vero ne estas en li. Kiam li parolas mensogon, li parolas sian proprajxon, cxar li estas mensoganto, kaj la patro de gxi. ⁴⁵ Sed tial, ke mi parolas la veron, vi ne kredas al mi. ⁴⁶ Kiu el vi pruvas kontraux mi pekon? Se mi diras la veron, kial vi ne kredas al mi? ⁴⁷ Kiu estas de Dio, tiu auxskultas la vortojn de Dio; vi ne auxskultas, cxar vi ne estas el Dio. ⁴⁸ La Judoj respondis kaj diris al li:CXu ne prave ni diras, ke vi estas Samariano kaj havas demonon? ⁴⁹ Jesuo respondis:Mi ne havas demonon; sed mi honoras mian Patron, kaj vi min malhonoras. ⁵⁰ Sed mi ne sercxas mian gloron:estas Unu, kiu sercxas kaj jugxas. ⁵¹ Vere, vere, mi diras al vi:Se iu observos mian vorton, tiu la morton neniam vidos. ⁵² La Judoj diris al li:Nun ni scias, ke vi havas demonon. Mortis Abraham, kaj la profetoj; kaj vi diras:Se iu observos mian vorton, tiu la morton neniam gustumos. ⁵³ CXu vi estas pli granda ol nia patro Abraham, kiu mortis? kaj la profetoj mortis; kiu vi pretendas esti? ⁵⁴ Jesuo respondis:Se mi gloros min mem, mia gloro estas nenio; Tiu, kiu min gloras, estas mia Patro, pri kiu vi diras, ke Li estas via Dio; ⁵⁵ kaj vi Lin ne konis, sed mi Lin konas; kaj se mi diros, ke mi Lin ne konas, mi estos, kiel vi, mensoganto; sed mi Lin konas, kaj observas Lian vorton. ⁵⁶ Via patro Abraham gxojegis vidi mian tagon, kaj li vidis kaj estis ravita. ⁵⁷ Tiam la Judoj diris al li:Vi ankoraux ne estas kvindekjara, kaj cxu vi vidis Abrahamon? ⁵⁸ Jesuo diris al ili:Vere, vere, mi diras al vi:Antaux ol naskigxis Abraham, mi ekzistas. ⁵⁹ Tiam ili prenis sxtonojn, por jxeti sur lin; sed Jesuo sin kasxis, kaj eliris el la templo. ⁹ ¹ Kaj preterirante, li vidis viron blindan de post la naskigxo. ² Kaj liaj discxiploj demandis lin, dirante:Rabeno, kiu do pekis, cxi tiu viro, aux liaj gepatroj, ke li naskigxis blinda? ³ Jesuo respondis:Nek cxi tiu viro pekis, nek liaj gepatroj; sed por ke la faroj de Dio aperu en li. ⁴ Dum estas tago, mi devas prilabori la farojn de Tiu, kiu min sendis; venas la nokto, kiam neniu povas labori. ⁵ Dum mi estas en la mondo, mi estas la lumo de la mondo. ⁶ Dirinte tion, li kracxis sur la teron, kaj faris el la kracxajxo koton, kaj sxmiris per la koto la okulojn de la blindulo, ⁷ kaj diris al li:Iru, lavu vin en la lageto de SXiloahx (tio estas, Sendito). Li do foriris, kaj sin lavis, kaj revenis vidanta. ⁸ La najbaroj do, kaj tiuj, kiuj antauxe vidis lin, ke li estas almozulo, diris:CXu cxi tiu ne estas tiu, kiu sidis kaj petis almozojn? ⁹ Unuj diris:Li estas; aliaj diris:Ne, sed li estas simila al tiu. Li diris:Tiu mi estas. ¹⁰ Ili do diris al li:Kiamaniere viaj okuloj malfermigxis? ¹¹ Li respondis kaj diris:La homo, nomata Jesuo, faris koton kaj sxmiris miajn okulojn, kaj diris al mi:Iru al SXiloahx, kaj vin lavu; kaj mi iris, kaj lavis min, kaj mi ricevis vidpovon. ¹² Tiam ili diris al li:Kie li estas? Li diris:Mi ne scias. ¹³ Ili kondukis al la Fariseoj la iam blindan viron. ¹⁴ Sed estis sabato la tago, en kiu Jesuo faris la koton kaj malfermis liajn okulojn. ¹⁵ La Fariseoj do denove demandis lin, kiamaniere li ricevis vidpovon. Kaj li diris al ili:Li metis koton sur miajn okulojn, kaj mi lavis min, kaj mi vidas. ¹⁶ Unuj do el la Fariseoj diris:CXi tiu homo ne estas de Dio, cxar li ne observas la sabaton. Aliaj diris:Kiel povas homo pekulo fari tiajn signojn? Kaj malkonsento estis inter ili. ¹⁷ Denove ili diris al la blindulo:Kion vi diras pri li rilate tion, ke li malfermis viajn okulojn? Li diris:Li estas profeto. ¹⁸ La Judoj ne kredis pri li, ke li estis antauxe blinda, kaj ke li ricevis vidpovon, gxis ili alvokis la gepatrojn de tiu, kiu ricevis vidpovon, ¹⁹ kaj demandis ilin, dirante:CXu cxi tiu estas via filo, kiu, vi diras, naskigxis blinda? kiel do li nun vidas? ²⁰ Liaj gepatroj respondis kaj diris:Ni scias, ke cxi tiu estas nia filo, kaj ke li naskigxis blinda; ²¹ sed kial li nun vidas, ni ne scias; kaj kiu malfermis liajn okulojn, ni ne scias; demandu lin, li havas plenagxon; li pri si mem parolos. ²² Tion diris la gepatroj, cxar ili timis la Judojn; cxar la Judoj jam interkonsentis, ke se iu konfesos, ke li estas la Kristo, tiu estu forigita el la sinagogo. ²³ Tial la gepatroj diris:Li havas plenagxon, demandu lin. ²⁴ Ili do denove alvokis la viron, kiu estis blinda, kaj diris al li:Donu gloron al Dio; ni certe scias, ke tiu homo estas pekulo. ²⁵ Li do respondis:CXu li estas pekulo, mi ne scias; unu aferon mi scias, ke mi estis blinda kaj nun vidas. ²⁶ Tiam ili diris al li denove:Kion li faris al vi? kiamaniere li malfermis viajn okulojn? ²⁷ Li respondis al ili:Mi jxus diris al vi, kaj vi ne atentis; kial vi volas denove gxin auxdi? cxu vi ankaux volas farigxi liaj discxiploj? ²⁸ Tiam ili insultis lin, kaj diris:Vi estas lia discxiplo, sed ni estas discxiploj de Moseo. ²⁹ Ni scias, ke Dio parolis al Moseo; sed pri cxi tiu, ni ne scias, de kie li estas. ³⁰ La viro respondis kaj diris al ili:Jen la mirindajxo, ke vi ne scias, de kie li estas, kaj tamen li malfermis miajn okulojn. ³¹ Ni scias, ke Dio ne atentas pekulojn; sed se iu estas adoranto de Dio kaj plenumas Lian volon, tiun Li atentas. ³² De la komenco de la mondo oni neniam auxdis, ke iu malfermis la okulojn de homo, kiu naskigxis blinda. ³³ Se cxi tiu homo ne estus de Dio, li nenion povus fari. ³⁴ Ili respondis kaj diris al li:Vi tute naskigxis en pekoj, kaj cxu vi nin instruas? Kaj ili forpelis lin eksteren. ³⁵ Jesuo auxdis, ke ili forpelis lin; kaj trovinte lin, li diris al li:CXu vi kredas al la Filo de Dio? ³⁶ Li respondis kaj diris:Kiu li estas, Sinjoro, por ke mi kredu al li? ³⁷ Jesuo diris al li:Vi lin vidis; kaj li estas tiu, kiu parolas kun vi. ³⁸ Kaj li diris:Sinjoro, mi kredas. Kaj li adorklinigxis al li. ³⁹ Kaj Jesuo diris:Por jugxo mi venis en cxi tiun mondon, por ke la nevidantoj vidu, kaj ke la vidantoj farigxu blindaj. ⁴⁰ Kaj tion auxdis tiuj el la Fariseoj, kiuj estis kun li; kaj ili diris al li:CXu ni ankaux estas blindaj? ⁴¹ Jesuo diris al ili:Se vi estus blindaj, vi ne havus pekon; sed nun vi diras:Ni vidas; via peko do restas. ¹⁰ ¹ Vere, vere, mi diras al vi:Kiu eniras en la sxafejon ne tra la pordo, sed aliloke suprengrimpas, tiu estas sxtelisto kaj rabisto. ² Sed kiu eniras tra la pordo, tiu estas la pasxtisto de la sxafoj. ³ Al tiu la pordisto malfermas; kaj la sxafoj auxskultas lian vocxon, kaj li alvokas laux nomoj siajn proprajn sxafojn, kaj elkondukas ilin. ⁴ Kaj kiam li kondukis eksteren siajn sxafojn, li iras antaux ili, kaj la sxafoj lin sekvas, cxar ili konas lian vocxon. ⁵ Kaj fremdulon ili ne sekvos, sed forkuros de li, cxar ili ne konas la vocxon de fremduloj. ⁶ Tiun alegorion Jesuo diris al ili; sed ili ne komprenis, kiajn aferojn li parolas al ili. ⁷ Jesuo do diris denove al ili:Vere, vere, mi diras al vi:Mi estas la pordo de la sxafoj. ⁸ CXiuj, kiuj venis pli frue ol mi, estas sxtelistoj kaj rabistoj; sed la sxafoj ne auxskultis ilin. ⁹ Mi estas la pordo; se iu tra mi eniras, tiu estos savita; kaj li eniros kaj eliros, kaj trovos pasxtajxon. ¹⁰ La sxtelisto ne venas, krom por sxteli kaj bucxi kaj pereigi; mi venis, por ke ili havu vivon, kaj havu gxin abunde. ¹¹ Mi estas la bona pasxtisto; la bona pasxtisto demetas sian vivon por la sxafoj. ¹² La dungito, kaj tiu, kiu ne estas pasxtisto, kies proprajxo la sxafoj ne estas, ekvidas la lupon venanta kaj lasas la sxafojn kaj forkuras; kaj la lupo ilin kaptas kaj dispelas; ¹³ li forkuras tial, ke li estas dungito kaj ne zorgas pri la sxafoj. ¹⁴ Mi estas la bona pasxtisto, kaj mi konas la miajn, kaj la miaj min konas ¹⁵ tiel same, kiel la Patro min konas, kaj mi konas la Patron; kaj mi demetas mian vivon por la sxafoj. ¹⁶ Kaj aliajn sxafojn mi havas, kiuj ne estas de cxi tiu gregejo; ilin ankaux mi devas alkonduki, kaj ili auxskultos mian vocxon; kaj estos unu grego, unu pasxtisto. ¹⁷ Pro tio la Patro min amas, ke mi demetas mian vivon, por ke mi gxin reprenu. ¹⁸ Neniu gxin forprenas de mi, sed mi gxin demetas memvole. Mi havas la rajton gxin demeti, kaj mi havas la rajton gxin repreni. CXi tiun ordonon mi ricevis de mia Patro. ¹⁹ Denove farigxis malkonsento inter la Judoj pro tiuj diroj. ²⁰ Kaj multaj el ili diris:Li havas demonon kaj estas freneza; kial vi lin auxskultas? ²¹ Aliaj diris:Tiuj ne estas diroj de demonhavanto. CXu demono povas malfermi la okulojn de blinduloj? ²² Okazis la festo de inauxguro en Jerusalem, kaj estis vintro; ²³ kaj Jesuo promenis en la templo, en la portiko de Salomono. ²⁴ La Judoj do cxirkauxis lin, kaj diris al li:GXis kiam vi tenas en dubo nian animon? Se vi estas la Kristo, diru al ni malkasxe. ²⁵ Jesuo respondis al ili:Mi diris al vi, kaj vi ne kredas; la faroj, kiujn mi faras en la nomo de mia Patro, atestas pri mi. ²⁶ Sed vi ne kredas, cxar vi ne estas el miaj sxafoj. ²⁷ Miaj sxafoj auxskultas mian vocxon, kaj mi ilin konas, kaj ili min sekvas; ²⁸ kaj mi donas al ili eternan vivon; kaj ili neniam pereos, kaj neniu ilin forkaptos el mia mano. ²⁹ Mia Patro, kiu donis ilin al mi, superas cxion; kaj neniu povas ion forkapti el la mano de mia Patro. ³⁰ Mi kaj la Patro estas unu. ³¹ Tiam la Judoj denove prenis sxtonojn, por sxtonmortigi lin. ³² Jesuo respondis al ili:Multajn bonajn farojn mi montris al vi de mia Patro; pro kiu el ili vi volas sxtonmortigi min? ³³ La Judoj respondis:Ne pro bona faro ni volas sxtonmortigi vin, sed pro blasfemo, kaj cxar vi, estante homo, pretendas esti Dio. ³⁴ Jesuo respondis:CXu ne estas skribite en via legxo:Mi diris:Vi estas dioj? ³⁵ Se li nomis dioj tiujn, al kiuj venis la vorto de Dio (kaj la Skribo ne povas esti nuligita), ³⁶ cxu vi diras pri tiu, kiun la Patro konsekris kaj sendis en la mondon:Vi blasfemas; cxar mi diris:Mi estas Filo de Dio? ³⁷ Se mi ne faras la farojn de mia Patro, ne kredu al mi. ³⁸ Sed se mi faras ilin, kvankam vi ne kredas al mi, kredu la farojn, por ke vi sciu kaj komprenu, ke la Patro estas en mi, kaj mi en la Patro. ³⁹ Ili denove celis kapti lin, sed li iris for de ilia mano. ⁴⁰ Li foriris denove trans Jordanon tien, kie Johano unue baptis, kaj tie li restadis. ⁴¹ Kaj multaj venis al li, kaj diris:Johano ja ne faris signon; sed cxio, kion Johano diris pri cxi tiu, estis vera. ⁴² Kaj tie multaj kredis al li. ¹¹ ¹ Kaj estis unu malsanulo, nomata Lazaro, el Betania, la vilagxo de Maria kaj sxia fratino Marta. ² Tiu Maria, kies frato Lazaro estis malsana, estis tiu sama, kiu sxmiris la Sinjoron per sxmirajxo kaj visxis liajn piedojn per siaj haroj. ³ La fratinoj do sendis al li, dirante:Sinjoro, jen tiu, kiun vi amas, estas malsana. ⁴ Sed Jesuo, auxdinte tion, diris:CXi tiu malsano estas ne por la morto, sed por la gloro de Dio, por ke la Filo de Dio estu per gxi glorata. ⁵ Kaj Jesuo amis Martan kaj sxian fratinon kaj Lazaron. ⁶ Kaj kiam li sciigxis, ke tiu estas malsana, li restis ankoraux du tagojn en la loko, kie li estis. ⁷ Poste li diris al la discxiploj:Ni iru returne en Judujon. ⁸ La discxiploj diris al li:Rabeno, la Judoj jxus celis sxtonmortigi vin; kaj cxu vi denove iras tien? ⁹ Jesuo respondis:CXu ne estas dek du horoj en la tago? Se iu iras dum la tago, li ne faletas, cxar li vidas la lumon de cxi tiu mondo. ¹⁰ Sed se iu iras dum la nokto, li faletas, cxar en li ne estas la lumo. ¹¹ Tion li parolis, kaj poste li diris al ili:Nia amiko Lazaro endormigxis, sed mi iras, por veki lin el lia dormo. ¹² La discxiploj do diris:Sinjoro, se li endormigxis, li resanigxos. ¹³ Jesuo parolis pri lia morto; sed ili supozis, ke li parolas pri ripozo en dormo. ¹⁴ Tiam Jesuo diris al ili klare:Lazaro jam mortis. ¹⁵ Kaj pro vi mi gxojas, ke mi ne cxeestis tie, por ke vi kredu; tamen ni iru al li. ¹⁶ Tiam Tomaso, nomata Didimo, diris al siaj kundiscxiploj:Ni ankaux iru, por ke ni mortu kun li. ¹⁷ Kiam Jesuo alvenis, li trovis lin jam kvar tagojn entombigita. ¹⁸ Kaj Betania estis proksime de Jerusalem, en la distanco de cxirkaux dek kvin stadioj; ¹⁹ kaj multaj el la Judoj jam venis al Marta kaj Maria, por konsoli ilin pri ilia frato. ²⁰ Marta do, kiam sxi eksciis, ke Jesuo alproksimigxas, iris al li renkonte; sed Maria ankoraux sidis en la domo. ²¹ Tiam diris Marta al Jesuo:Sinjoro, se vi estus cxi tie, mia frato ne estus mortinta. ²² Sed ecx nun mi scias, ke kion ajn vi petos de Dio, tion Dio donos al vi. ²³ Jesuo diris al sxi:Via frato relevigxos. ²⁴ Marta diris al li:Mi scias, ke li relevigxos cxe la relevigxo en la lasta tago. ²⁵ Jesuo diris al sxi:Mi estas la relevigxo kaj la vivo; kiu kredas al mi, ecx se li estos mortinta, tiu vivos, ²⁶ kaj cxiu, kiu vivas kaj kredas al mi, por cxiam ne mortos. CXu vi tion kredas? ²⁷ SXi diris al li:Jes, Sinjoro, mi jam kredas, ke vi estas la Kristo, la Filo de Dio, la venanta en la mondon. ²⁸ Kaj dirinte tion, sxi foriris, kaj vokis sekrete sian fratinon Maria, dirante:La Majstro cxeestas, kaj vokas vin. ²⁹ Kaj sxi, auxdinte tion, levigxis rapide kaj iris al li. ³⁰ (Sed Jesuo ankoraux ne eniris en la vilagxon, sed estis en la loko, kie Marta lin renkontis.) ³¹ La Judoj do, kiuj estis kun sxi en la domo kaj konsolis sxin, vidinte, ke Maria levigxis subite kaj eliris, sekvis sxin, dirante:SXi iras al la tombo, por plori tie. ³² Kiam Maria alvenis al la loko, kie Jesuo estis, kaj lin vidis, sxi falis antaux liaj piedoj, dirante:Sinjoro, se vi estus cxi tie, mia frato ne estus mortinta. ³³ Kiam do Jesuo vidis sxin ploranta kaj la Judojn ankaux, kiuj venis kun sxi, plorantaj, li gxemis en la spirito kaj maltrankviligxis, ³⁴ kaj diris:Kie vi lin kusxigis? Ili diris al li:Sinjoro, venu kaj vidu. ³⁵ Jesuo larmis. ³⁶ La Judoj do diris:Jen kiel li lin amis! ³⁷ Sed kelkaj el ili diris:CXu cxi tiu, kiu malfermis la okulojn de la blindulo, ne povus kauxzi ankaux, ke cxi tiu homo ne mortu? ³⁸ Tiam Jesuo, denove gxemante en si, venis al la tombo. GXi estis kaverno, kaj sur gxi kusxis sxtono. ³⁹ Jesuo diris:Forprenu la sxtonon. Marta, la fratino de la mortinto, diris al li:Sinjoro, li jam malbonodoras, cxar li estis tie kvar tagojn. ⁴⁰ Jesuo diris al sxi:CXu mi ne diris al vi, ke se vi kredos, vi vidos la gloron de Dio? ⁴¹ Oni do forprenis la sxtonon. Kaj Jesuo levis siajn okulojn, kaj diris:Patro, mi dankas Vin, ke Vi min auxskultis. ⁴² Kaj mi sciis, ke Vi cxiam auxskultas min; sed pro la cxirkauxstaranta homamaso mi tion diris, por ke ili kredu, ke Vi min sendis. ⁴³ Kaj dirinte tion, li kriis per lauxta vocxo:Lazaro, elvenu. ⁴⁴ Kaj la mortinto elvenis, kun la manoj kaj piedoj ligitaj per tombotukoj; kaj lia vizagxo estis cxirkauxligita per visxtuko. Jesuo diris al ili:Malligu lin, kaj lasu lin iri. ⁴⁵ Tiam multaj el la Judoj, kiuj venis al Maria, kaj vidis, kion li faris, kredis al li. ⁴⁶ Sed kelkaj el ili foriris al la Fariseoj, kaj rakontis al ili tion, kion Jesuo faris. ⁴⁷ Tial la cxefpastroj kaj la Fariseoj kunvenigis sinedrion, kaj diris:Kion ni faras? cxar cxi tiu homo faras multajn signojn; ⁴⁸ se ni lasos lin tiel, cxiuj kredos al li, kaj la Romanoj venos kaj forigos nian lokon kaj nian nacion. ⁴⁹ Sed unu el ili, Kajafas, cxefpastro en tiu sama jaro, diris al ili:Vi scias nenion, ⁵⁰ nek konsideras, ke bone estas por vi, ke unu homo mortu por la popolo, kaj ke la tuta nacio ne pereu. ⁵¹ Sed li diris tion ne de si mem; sed estante cxefpastro en tiu jaro, li profetis, ke Jesuo mortos por la nacio; ⁵² kaj ne nur por la nacio, sed ankaux por ke li kunvenigu en unu la cxie disjxetitajn filojn de Dio. ⁵³ De post tiu tago do ili konsiligxis, por lin mortigi. ⁵⁴ Tial Jesuo ne plu iris publike inter la Judoj, sed foriris de tie en la kamparon apud la dezerto, en urbon nomatan Efraim; kaj tie li restadis kun la discxiploj. ⁵⁵ Kaj la Pasko de la Judoj proksimigxis, kaj multaj supreniris el la kamparo al Jerusalem antaux la Pasko, por sin sanktigi. ⁵⁶ Ili do sercxis Jesuon, kaj parolis inter si, starante en la templo:Kion vi pensas? CXu ke li ne venos al la festo? ⁵⁷ Kaj la cxefpastroj kaj la Fariseoj jam antauxe ordonis, ke se iu scias, kie li estas, tiu montru tion, por ke oni lin kaptu. ¹² ¹ Jesuo do ses tagojn antaux la Pasko venis al Betania, kie estis Lazaro, kiun Jesuo relevis el inter la mortintoj. ² Oni do pretigis por li tie vespermangxon, kaj Marta servadis; sed Lazaro estis unu el tiuj, kiuj sidis kun li cxe mangxo. ³ Tiam Maria prenis funton da pura narda sxmirajxo tre multekosta, sxmiris la piedojn de Jesuo, kaj visxis liajn piedojn per siaj haroj; kaj la domo plenigxis de la odoro de la sxmirajxo. ⁴ Sed diris Judas Iskariota, unu el liaj discxiploj, kiu estis lin perfidonta: ⁵ Kial oni ne vendis cxi tiun sxmirajxon por tricent denaroj kaj donis al malricxuloj? ⁶ Tion li diris, ne cxar li zorgis pri la malricxuloj; sed cxar li estis sxtelisto, kaj havis la monujon kaj forprenadis tion, kion oni metis en gxin. ⁷ Sed Jesuo diris:Lasu sxin konservi gxin por la tago de mia entombigo. ⁸ CXar la malricxulojn vi cxiam havas kun vi, sed min vi ne cxiam havas. ⁹ La amaso de la Judoj do sciigxis, ke li estas tie; kaj ili venis ne nur pro Jesuo, sed ankaux por vidi Lazaron, kiun li levis el la mortintoj. ¹⁰ Sed la cxefpastroj konsiligxis, ke ili mortigu ankaux Lazaron; ¹¹ cxar pro li multaj Judoj foriris, kaj kredis al Jesuo. ¹² En la sekvanta tago granda homamaso, veninte al la festo, kaj sciigxinte, ke Jesuo venas al Jerusalem, ¹³ prenis brancxojn de la palmoj, kaj iris al li renkonte, kaj kriis:Hosana! Estu benata la Regxo de Izrael, kiu venas en la nomo de la Eternulo! ¹⁴ Kaj Jesuo, trovinte junan azenon, sidis sur gxi, kiel estas skribite: ¹⁵ Ne timu, filino de Cion:jen via Regxo venas, sidanta sur ido de azeno. ¹⁶ Tion la discxiploj unue ne komprenis; sed post la glorigxo de Jesuo ili rememoris, ke tio estis skribita pri li kaj ke oni faris al li tion. ¹⁷ La homamaso do, kiu cxeestis kun li, kiam li elvokis Lazaron el la tombo, kaj levis lin el la mortintoj, atestis pri li. ¹⁸ Pro tio ankaux la homamaso iris al li renkonte, cxar ili sciigxis, ke li faris tiun signon. ¹⁹ La Fariseoj do diris inter si:Vidu, kiel nenio prosperis al vi; jen la mondo eliris post li. ²⁰ Kaj inter tiuj, kiuj alvojagxis por adorklinigxi cxe la festo, estis iuj Grekoj; ²¹ tiuj do venis al Filipo, kiu estis el Betsaida Galilea, kaj petis lin, dirante:Sinjoro, ni volas vidi Jesuon. ²² Filipo venis kaj sciigis Andreon; kaj poste Andreo kaj Filipo venis kaj sciigis Jesuon. ²³ Sed Jesuo respondis al ili, dirante:Venis la horo, por ke la Filo de homo estu glorata. ²⁴ Vere, vere, mi diras al vi:Se la tritika grenero ne falas en la teron kaj ne mortas, gxi restas sola; sed se gxi mortas, gxi donas multe da frukto. ²⁵ Kiu amas sian vivon, tiu gxin perdas; kaj kiu malamas sian vivon en cxi tiu mondo, tiu gxin konservos gxis eterna vivo. ²⁶ Se iu min servas, tiu sekvu min; kaj kie mi estas, tie ankaux estos mia servanto; se iu min servas, tiun la Patro honoros. ²⁷ Nun maltrankviligxas mia animo; kaj kion mi diru? Patro, savu min el cxi tiu horo. Sed por tio mi venis gxis cxi tiu horo. ²⁸ Patro, gloru Vian nomon. Tiam vocxo venis el la cxielo:Mi jam gloris gxin kaj denove gloros. ²⁹ Do la apudstaranta homamaso, auxdinte, diris, ke tondris; aliaj diris:Angxelo parolis al li. ³⁰ Jesuo respondis kaj diris:Ne por mi venis tiu vocxo, sed por vi. ³¹ Nun estas la jugxo de cxi tiu mondo; nun la estro de cxi tiu mondo estos elpelita. ³² Kaj mi, se mi estos suprenlevita de sur la tero, altiros al mi cxiujn homojn. ³³ Tion li diris, per aludo montrante, per kia morto li mortos. ³⁴ La homamaso respondis al li:Ni auxdis el la legxo, ke la Kristo restados por cxiam; kaj kiel vi diras:La Filo de homo devas esti suprenlevita? Kiu estas cxi tiu Filo de homo? ³⁵ Jesuo do diris al ili:Ankoraux mallongan tempon estas la lumo kun vi. Iradu, dum vi havas la lumon, por ke la mallumo ne venu sur vin; cxar tiu, kiu iradas en mallumo, ne scias, kien li iras. ³⁶ Dum vi havas lumon, kredu al la lumo, por ke vi farigxu filoj de lumo. Tion parolis Jesuo, kaj li foriris, kaj sin kasxis for de ili. ³⁷ Sed kvankam li jam faris tiom da signoj antaux ili, tamen ili ne kredis al li; ³⁸ por ke plenumigxu la vorto de la profeto Jesaja, kiun li parolis: Ho Eternulo, kiu kredis nian raporton? Kaj super kiu malkasxigxis la brako de la Eternulo? ³⁹ Pro tio ili ne povis kredi, cxar Jesaja diris plue: ⁴⁰ Li blindigis iliajn okulojn kaj sensentigis ilian koron, Por ke ili ne vidu per siaj okuloj, kaj ke ili ne komprenu per sia koro, Kaj ke ili ne konvertigxu, Kaj ke Mi ilin ne sanigu. ⁴¹ Tion diris Jesaja, cxar li vidis lian gloron kaj parolis pri li. ⁴² Tamen ecx el la regantoj multaj kredis al li; sed pro la Fariseoj ili ne konfesis lin, por ke ili ne estu elpelitaj el la sinagogo; ⁴³ cxar ili sxatis la lauxdon de homoj pli, ol la gloron de Dio. ⁴⁴ Kaj Jesuo kriis kaj diris:Kiu kredas al mi, tiu kredas ne al mi, sed al Tiu, kiu min sendis. ⁴⁵ Kaj kiu vidas min, tiu vidas ankaux Tiun, kiu min sendis. ⁴⁶ Mi venis lumo en la mondon, por ke cxiu, kiu kredas al mi, ne restadu en mallumo. ⁴⁷ Kaj se iu auxdas miajn dirojn kaj ne plenumas ilin, mi lin ne jugxas; cxar mi venis, ne por jugxi la mondon, sed por savi la mondon. ⁴⁸ Tiu, kiu forrifuzas min kaj ne akceptas miajn dirojn, havas jugxonton; la vorto, kiun mi parolis, jugxos lin en la lasta tago. ⁴⁹ CXar mi ne parolis de mi mem; sed la Patro, kiu sendis min, mem ordonis al mi, kion mi parolu, kaj kion mi diru. ⁵⁰ Kaj mi scias, ke Lia ordono estas eterna vivo; kion do mi parolas, gxuste kiel la Patro diris al mi, tiel mi parolas. ¹³ ¹ Kaj antaux la Paska festo Jesuo, sciante, ke lia horo venis, por ke li transiru el cxi tiu mondo al la Patro, aminte siajn proprulojn, kiuj estis en la mondo, amis ilin gxis la fino. ² Kaj dum la vespermangxo, kiam la diablo jam metis en la koron de Judas Iskariota, filo de Simon, la intencon perfidi lin, ³ Jesuo, sciante, ke la Patro donis cxion en liajn manojn, kaj ke li venis de Dio kaj iras al Dio, ⁴ levigxis de la vespermangxo kaj demetis siajn vestojn; kaj li prenis visxtukon, kaj sin zonis. ⁵ Poste li versxis akvon en la pelvon, kaj komencis lavi la piedojn de la discxiploj kaj visxi ilin per la tuko, per kiu li estis zonita. ⁶ Tiam li venis al Simon Petro. CXi tiu diris al li:Sinjoro, cxu vi lavas al mi la piedojn? ⁷ Jesuo respondis kaj diris al li:Kion mi faras, vi nun ne scias, sed poste vi komprenos. ⁸ Petro diris al li:Vi ja neniam lavos miajn piedojn. Respondis al li Jesuo:Se mi ne lavas vin, vi ne partoprenas kun mi. ⁹ Simon Petro diris al li:Sinjoro, ne nur miajn piedojn, sed ankaux la manojn kaj la kapon. ¹⁰ Jesuo diris al li:Kiu sin jam banis, tiu bezonas nur, ke oni lavu la piedojn, kaj li estas tuta pura; kaj vi estas puraj, tamen ne cxiuj. ¹¹ CXar li konis tiun, kiu perfidos lin; tial li diris:Vi ne cxiuj estas puraj. ¹² Kiam do li jam lavis iliajn piedojn kaj surmetis siajn vestojn kaj denove sidigxis, li diris al ili:CXu vi scias, kion mi faris al vi? ¹³ Vi nomas min Majstro kaj Sinjoro; kaj prave vi diras, cxar tia mi estas. ¹⁴ Se do mi, la Sinjoro kaj la Majstro, lavis viajn piedojn, vi ankaux devas inter vi lavi la piedojn. ¹⁵ CXar mi donis al vi ekzemplon, por ke vi ankaux faru tion, kion mi faris al vi. ¹⁶ Vere, vere, mi diras al vi:Sklavo ne estas pli granda ol lia sinjoro; nek estas la sendito pli granda ol la sendinto. ¹⁷ Se cxi tion vi scias, vi estas felicxaj, se tion vi faras. ¹⁸ Ne pri vi cxiuj mi parolas; mi scias, kiujn mi elektis; sed por ke plenumigxu la Skribo:Tiu, kiu mangxas mian panon, levis kontraux min la piedon. ¹⁹ De nun mi parolas al vi pri tio, antaux ol gxi okazos, por ke, kiam gxi okazos, vi kredu, ke mi estas. ²⁰ Vere, vere, mi diras al vi:Kiu akceptas tiun, kiun mi sendas, tiu akceptas min; kaj kiu min akceptas, tiu akceptas Tiun, kiu min sendis. ²¹ Dirinte tion, Jesuo maltrankviligxis en spirito, kaj ateste parolis, dirante:Vere, vere, mi diras al vi, ke unu el vi min perfidos. ²² Tiam la discxiploj rigardis unu la alian, dubante pri kiu li parolas. ²³ Estis apud la sino de Jesuo unu el liaj discxiploj, kiun Jesuo amis. ²⁴ Simon Petro do faris signon al li, ke li demandu, pri kiu li parolas. ²⁵ Tiu do, klinigxante al la brusto de Jesuo, diris al li:Sinjoro, kiu gxi estas? ²⁶ Jesuo respondis:GXi estas tiu, por kiu mi trempos la pecon kaj donos al li. Kaj trempinte la pecon, li donis gxin al Judas Iskariota, filo de Simon. ²⁷ Kaj post la peco, tiam Satano eniris en lin. Jesuo do diris al li:Kion vi faras, tion faru senprokraste. ²⁸ Sed neniu el la kunmangxantoj sciis, kial li diris al li tion. ²⁹ Iuj pensis, cxar Judas havis la monujon, ke Jesuo diris al li:Acxetu tion, kion ni bezonas por la festo; aux ke li donu ion al la malricxuloj. ³⁰ Li do, ricevinte la pecon, tuj eliris; kaj estis nokto. ³¹ Kiam li eliris, Jesuo diris:Nun la Filo de homo estas glorata, kaj Dio estas glorata en li; ³² kaj Dio gloros lin en Si mem, kaj tuj Li gloros lin. ³³ Infanoj, ankoraux mallongan tempon mi estas kun vi. Vi min sercxos; kaj kiel mi diris al la Judoj:Kien mi iras, tien vi ne povas veni, tiel ankaux al vi mi nun diras. ³⁴ Novan ordonon mi donas al vi, ke vi amu unu alian; kiel mi amis vin, tiel vi ankaux amu unu alian. ³⁵ Per tio cxiuj homoj scios, ke vi estas miaj discxiploj, se vi havos amon unu al alia. ³⁶ Simon Petro diris al li:Sinjoro, kien vi iras? Jesuo respondis:Kien mi iras, vi ne povas min sekvi nun, sed poste vi min sekvos. ³⁷ Petro diris al li:Sinjoro, kial mi ne povas vin sekvi nun? mi demetos por vi mian vivon. ³⁸ Jesuo respondis al li:CXu vi demetos por mi vian vivon? Vere, vere, mi diras al vi:La koko ne krios, antaux ol vi min malkonfesos tri fojojn. ¹⁴ ¹ Ne maltrankviligxu via koro; vi kredas al Dio, kredu ankaux al mi. ² CXe la domo de mia Patro estas multe da logxejoj; se ne tiel estus, mi dirus al vi; mi iras, por pretigi por vi lokon. ³ Kaj se mi iros kaj pretigos por vi lokon, mi revenos kaj ricevos vin al mi mem, por ke vi ankaux estu tie, kie mi estas. ⁴ Kaj kien mi iras, vi scias, kaj vi konas la vojon. ⁵ Tomaso diris al li:Sinjoro, ni ne scias, kien vi iras; kiel ni konas la vojon? ⁶ Jesuo diris al li:Mi estas la vojo kaj la vero kaj la vivo; neniu venas al la Patro krom per mi. ⁷ Se vi min konus, vi konus ankaux mian Patron; kaj de nun vi konas Lin kaj Lin vidis. ⁸ Filipo diris al li:Sinjoro, montru al ni la Patron, kaj por ni tio suficxos. ⁹ Jesuo diris al li:CXu mi estas kun vi tiel longan tempon, kaj vi min ne konas, Filipo? tiu, kiu vidis min, vidis ankaux la Patron; kiel vi diras:Montru al ni la Patron? ¹⁰ CXu vi ne kredas, ke mi estas en la Patro kaj la Patro en mi? la vortojn, kiujn mi parolas al vi, mi parolas ne de mi mem; sed la Patro, restanta en mi, faras Siajn farojn. ¹¹ Kredu al mi, ke mi estas en la Patro, kaj la Patro en mi; aux almenaux kredu al mi pro la faroj mem. ¹² Vere, vere, mi diras al vi:Kiu kredas al mi, tiu ankaux faros la farojn, kiujn mi faras; kaj li faros pli grandajn ol tiuj, cxar mi iras al la Patro. ¹³ Kaj kion ajn vi petos en mia nomo, tion mi faros, por ke la Patro estu glorata en la Filo. ¹⁴ Se vi petos ion de mi en mia nomo, tion mi faros. ¹⁵ Se vi min amas, vi observos miajn ordonojn. ¹⁶ Kaj mi petos la Patron, kaj Li donos al vi alian Parakleton, por ke li restadu kun vi por cxiam; ¹⁷ tiu estas la Spirito de la vero, kiun la mondo ne povas akcepti, cxar gxi lin ne vidas nek konas; vi lin konas, cxar li restadas kun vi kaj estos en vi. ¹⁸ Mi ne lasos vin orfaj; mi venas al vi. ¹⁹ Ankoraux iom da tempo, kaj la mondo ne plu vidos min, sed vi vidos min; cxar mi vivas, tial vi ankaux vivos. ²⁰ En tiu tago vi scios, ke mi estas en mia Patro, kaj vi en mi, kaj mi en vi. ²¹ Kiu havas miajn ordonojn kaj observas ilin, tiu estas, kiu min amas; kaj kiu min amas, tiu estos amata de mia Patro, kaj mi amos lin, kaj elmontros min al li. ²² Judas (ne la Iskariota) diris al li:Sinjoro, kio okazis, ke vi elmontros vin al ni, kaj ne al la mondo? ²³ Jesuo respondis kaj diris al li:Se iu min amas, tiu observos mian vorton; kaj mia Patro lin amos; kaj ni venos al li kaj faros logxon kun li. ²⁴ Kiu min ne amas, tiu ne observas miajn vortojn; kaj la vorto, kiun vi auxdas, estas ne mia, sed de la Patro, kiu min sendis. ²⁵ Tion mi parolis al vi, dum mi cxe vi restas. ²⁶ Sed la Parakleto, la Sankta Spirito, kiun la Patro sendos en mia nomo, instruos vin pri cxio, kaj vin rememorigos pri cxio, kion mi diris al vi. ²⁷ Pacon mi lasas al vi; mian pacon mi donas al vi; ne kiel la mondo donas, mi donas al vi. Ne maltrankviligxu via koro, nek senkuragxigxu. ²⁸ Vi auxdis, ke mi diris al vi:Mi foriras, kaj mi revenas al vi. Se vi min amus, vi gxojus pro tio, ke mi iras al la Patro, cxar la Patro estas pli granda ol mi. ²⁹ Kaj nun mi diris al vi, antaux ol gxi okazos, por ke vi kredu, kiam gxi okazos. ³⁰ De nun mi jam ne multe parolos kun vi; cxar la estro de la mondo venas; kaj li havas nenion en mi; ³¹ sed por ke la mondo sciu, ke mi amas la Patron, kaj kiel la Patro ordonis al mi, tiel mi faras. Levigxu; ni foriru de cxi tie. ¹⁵ ¹ Mi estas la vera vinberarbo, kaj mia Patro estas la kultivisto. ² CXiun nefruktodonan brancxon en mi Li forprenas; kaj cxiun fruktodonan brancxon Li purigas, por ke gxi donu pli da frukto. ³ Jam vi estas puraj pro la vorto, kiun mi parolis al vi. ⁴ Restadu en mi, kaj mi en vi. Kiel la brancxo ne povas de si mem doni frukton, se gxi ne restas en la vinberarbo, tiel ankaux vi ne povas, se vi ne restas en mi. ⁵ Mi estas la vinberarbo; vi estas la brancxoj; kiu restadas en mi, kaj mi en li, tiu donas multe da frukto; cxar sen mi vi nenion povas fari. ⁶ Se iu ne restas en mi, tiu estas eljxetita, kiel la brancxo, kaj sekigxas; kaj oni ilin kolektas kaj jxetas en fajron, kaj ili brulas. ⁷ Se vi restadas en mi, kaj miaj vortoj restadas en vi, petu kion ajn vi volos, kaj tio estos farita por vi. ⁸ En tio mia Patro estas glorata, ke vi donas multe da frukto; kaj vi estos miaj discxiploj. ⁹ Kiel la Patro min amis, tiel mi ankaux vin amis; restadu en mia amo. ¹⁰ Se vi observos miajn ordonojn, vi restados en mia amo tiel same, kiel mi observis la ordonojn de mia Patro kaj restadas en Lia amo. ¹¹ Tion mi parolis al vi, por ke mia gxojo en vi restadu, kaj via gxojo estu plena. ¹² Jen estas mia ordono:ke vi amu unu alian tiel same, kiel mi vin amis. ¹³ Neniu havas amon pli grandan ol tio, ke iu demetus sian vivon por siaj amikoj. ¹⁴ Vi estas miaj amikoj, se vi faras tion, kion mi al vi ordonas. ¹⁵ Mi jam ne nomas vin sklavoj, cxar la sklavo ne scias, kion lia sinjoro faras; sed mi nomis vin amikoj, cxar cxion, kion mi auxdis de mia Patro, mi sciigis al vi. ¹⁶ Vi ne elektis min, sed mi elektis vin, kaj starigis vin, por ke vi iru kaj donu frukton, kaj ke via frukto dauxru; por ke la Patro donu al vi cxion ajn, kion vi petos de Li en mia nomo. ¹⁷ Tion mi ordonas al vi, por ke vi amu unu la alian. ¹⁸ Se la mondo malamas vin, vi scias, ke gxi malamis min pli frue, ol vin. ¹⁹ Se vi estus el la mondo, la mondo amus siajn proprajn; sed cxar vi ne estas el la mondo, kaj mi elektis vin for de la mondo, tial la mondo vin malamas. ²⁰ Memoru la vorton, kiun mi diris al vi:Sklavo ne estas pli granda ol lia sinjoro. Se ili min persekutis, vin ankaux ili persekutos; se ili observis mian vorton, ankaux vian ili observos. ²¹ Sed cxion cxi tion ili faros al vi pro mia nomo, cxar ili ne konas Tiun, kiu min sendis. ²² Se mi ne estus veninta kaj parolinta al ili, ili ne havus pekon; sed nun ili ne havas pretekston por sia peko. ²³ Tiu, kiu min malamas, malamas ankaux mian Patron. ²⁴ Se mi ne estus farinta inter ili farojn, kiajn neniu alia faris, ili ne havus pekon; sed nun ili vidis kaj malamis min kaj ankaux mian Patron. ²⁵ Sed tio okazas, por ke plenumigxu la vorto skribita en ilia legxo:Ili malamis min senkauxze. ²⁶ Sed kiam venos la Parakleto, kiun mi sendos de la Patro al vi, la Spirito de la vero, kiu devenas de la Patro, tiu pri mi atestos; ²⁷ kaj vi ankaux atestas, cxar vi estis kun mi de la komenco. ¹⁶ ¹ Tion mi parolis al vi, por ke vi ne falpusxigxu. ² Ili forpelos vin el la sinagogoj; ecx venas la horo, kiam iu, kiu mortigos vin, opinios, ke li faras servon al Dio. ³ Kaj tion ili faros pro tio, ke ili ne konis la Patron, nek min. ⁴ Sed tion mi parolis al vi, por ke vi rememoru, kiam gxia tempo venos, ke mi gxin antauxdiris al vi. Sed en la komenco mi ne diris al vi tion, cxar mi estis kun vi. ⁵ Sed nun mi foriras al Tiu, kiu min sendis; kaj neniu el vi demandas min:Kien vi iras? ⁶ Sed cxar mi tiel parolis al vi, malgxojo plenigis vian koron. ⁷ Tamen mi diras al vi la veron:Estas bone por vi, ke mi foriros; cxar se mi ne foriros, la Parakleto ne venos al vi; sed se mi foriros, mi sendos lin al vi. ⁸ Kaj kiam li alvenos, li pruvos la mondon kulpa rilate pekon kaj justecon kaj jugxon: ⁹ rilate pekon, cxar ili ne kredas al mi; ¹⁰ rilate justecon, cxar mi foriras al la Patro, kaj vi jam ne rigardas min; ¹¹ rilate jugxon, cxar la estro de cxi tiu mondo estas jugxita. ¹² Mi havas ankoraux multon por diri al vi, sed vi ne povas gxin nun elporti. ¹³ Tamen kiam venos li, la Spirito de la vero, li gvidos vin en cxian veron; cxar li parolos ne de si mem; sed kion ajn li auxdos, tion li parolos; kaj li anoncos al vi venontajn aferojn. ¹⁴ Li gloros min, cxar li ricevos el miaj kaj anoncos al vi. ¹⁵ CXio ajn, kion la Patro havas, estas mia; tial mi diris, ke li ricevos el miaj kaj anoncos al vi. ¹⁶ Mallongan tempon, kaj vi jam ne rigardas min; kaj denove mallongan tempon, kaj vi min vidos. ¹⁷ Iuj do el liaj discxiploj diris al aliaj:Kio estas cxi tio, kion li diras al ni:Mallongan tempon, kaj vi ne rigardas min; kaj denove mallongan tempon, kaj vi min vidos; kaj:CXar mi foriras al la Patro? ¹⁸ Ili do diris:Kio estas cxi tio, kion li diras:Mallongan tempon? Ni ne komprenas lian diron. ¹⁹ Jesuo ekvidis, ke ili deziras demandi lin, kaj li diris al ili:CXu vi sercxas inter vi klarigon pri tio, kion mi diris:Mallongan tempon, kaj vi ne rigardas min; kaj denove mallongan tempon, kaj vi min vidos? ²⁰ Vere, vere, mi diras al vi, ke vi ploros kaj lamentos, sed la mondo gxojos; vi estos malgxojaj, sed via malgxojo farigxos gxojo. ²¹ Virino, kiam sxi akusxas, havas malgxojon, cxar sxia horo venis; sed kiam sxi naskis la infaneton, sxi jam ne memoras sian doloregon, pro gxojo, cxar homo naskigxis en la mondon. ²² Vi do ankaux havas nun malgxojon; sed mi revidos vin, kaj via koro gxojos, kaj neniu forprenos de vi vian gxojon. ²³ Kaj en tiu tago vi demandos min pri nenio. Vere, vere, mi diras al vi, se vi petos ion de la Patro, Li donos gxin al vi en mia nomo. ²⁴ GXis nun vi petis nenion en mia nomo; petu, kaj vi ricevos, por ke via gxojo estu plena. ²⁵ CXi tion mi parolis al vi alegorie; sed venas la horo, kiam mi jam ne parolos al vi alegorie, sed anoncos al vi malkasxe pri la Patro. ²⁶ En tiu tago vi petos en mia nomo; kaj mi ne diras, ke mi petos de la Patro pro vi; ²⁷ cxar la Patro mem vin amas tial, ke vi min amis, kaj kredis, ke mi elvenis de Dio. ²⁸ Mi elvenis de la Patro, kaj alvenis en la mondon; denove mi lasas la mondon, kaj iras al la Patro. ²⁹ Liaj discxiploj diris:Jen nun vi parolas malkasxe, kaj nenian alegorion diras. ³⁰ Nun ni scias, ke vi cxion scias, kaj ne bezonas, ke iu demandu vin; pro tio ni kredas, ke vi elvenis de Dio. ³¹ Jesuo respondis al ili:CXu vi nun kredas? ³² Jen venas la horo, kaj ecx jam venis, kiam vi disigxos, cxiu al sia loko, kaj vi lasos min sola; kaj tamen mi ne estas sola, cxar la Patro estas kun mi. ³³ Tion mi parolis al vi, por ke en mi vi havu pacon. En la mondo vi havos suferadon; sed kuragxu; mi venkis la mondon.