Vulgate(i)
25 haec est autem scriptura quae digesta est mane thecel fares
26 et haec interpretatio sermonis mane numeravit Deus regnum tuum et conplevit illud
27 thecel adpensum est in statera et inventus es minus habens
28 fares divisum est regnum tuum et datum est Medis et Persis
29 tunc iubente rege indutus est Danihel purpura et circumdata est torques aurea collo eius et praedicatum est de eo quod haberet potestatem tertius in regno