Jeremiah 33:6-8

Vulgate^{(i) 6} ecce ego obducam ei cicatricem et sanitatem et curabo eos et revelabo illis deprecationem pacis et veritatis ⁷ et convertam conversionem Iuda et conversionem Hierusalem et aedificabo eos sicut a principio ⁸ et emundabo illos ab omni iniquitate sua in qua peccaverunt mihi et propitius ero cunctis iniquitatibus eorum in quibus deliquerunt mihi et spreverunt me