Vulgate(i)
5 dicite filiae Sion ecce rex tuus venit tibi mansuetus et sedens super asinam et pullum filium subiugalis
6 euntes autem discipuli fecerunt sicut praecepit illis Iesus
7 et adduxerunt asinam et pullum et inposuerunt super eis vestimenta sua et eum desuper sedere fecerunt
8 plurima autem turba straverunt vestimenta sua in via alii autem caedebant ramos de arboribus et sternebant in via
9 turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis
10 et cum intrasset Hierosolymam commota est universa civitas dicens quis est hic
11 populi autem dicebant hic est Iesus propheta a Nazareth Galilaeae