John 6:51-56 Ic eom lybbende hlaf þe of heofonum com. swa hwa swa ytt of ðyson hlafe. he leofað on ecnysse. & se hlaf þe ic sylle is min flæsc for middan-eardes life;

WestSaxon990⁽ⁱ⁾ ⁵¹ Ic eom lybbende hlaf þe of heofonum com. swa hwa swa ytt of ðyson hlafe. he leofað on ecnysse. & se hlaf þe ic sylle is min flæsc for middan-eardes life; ⁵² Þa iudeas fliton him betwynan & cwædon. hu mæg þes his flæsc us syllan to etene. ⁵³ [Note: Ðys sceal anum dæge ær palm-sunnan dæge. Nisi manducaueritis carnem filii hominis. A. ] Þa cwæþ se hælend to hiM; Soþ ic secge eow næbbe ge lif on eow buton ge eton mannes suna flæsc & his blod drincon; ⁵⁴ Se hæfð ece lïf þe ytt min flæsc & drincð min blod. & ic hine arære. on þam ytemestan dæge; ⁵⁵ Soþlice min flæsc is mete & min blod is drinc. ⁵⁶ se ðe ytt min flæsc & drincð min blod he wunað on me. & ic on him.