2 Samuel 15:24-29 Forsothe and Sadoch the preest cam, and alle the dekenes with hym, and thei baren the arke of boond of pees of God, and thei diden doun the arke of God; and Abiathar stiede, til al the puple was passid that yede out of the citee.

Wycliffe⁽ⁱ⁾ ²⁴ Forsothe and Sadoch the preest cam, and alle the dekenes with hym, and thei baren the arke of boond of pees of God, and thei diden doun the arke of God; and Abiathar stiede, til al the puple was passid that yede out of the citee. ²⁵ And the kyng seide to Sadoch, Bere ayen the arke of God in to the citee; if Y schal fynde grace in the iyen of the Lord, he schal lede me ayen, and he schal schewe to me that arke and his tabernacle. ²⁶ Sotheli if the Lord seith, Thou plesist not me; Y am redi, do he that, that is good bifor hym silf. ²⁷ And the kyng seide to Sadoch, preest, A! thou seere, `that is, profete, turne ayen in to the citee, with pees; and Achymaas, thi sone, and Jonathas, the sone of Abiathar, youre twei sones, be with you. ²⁸ Lo! Y schal be hid in the feeldi places of deseert, til word come fro you, and schewe to me. ²⁹ Therfor Sadoch and Abiathar baren ayen the arke of God in to Jerusalem, and dwelliden there.