Job 38:6-11

Wycliffe^{(i) 6} On what thing ben the foundementis therof maad fast? ether who sente doun the corner stoon therof, ⁷ whanne the morew sterris herieden me togidere, and alle the sones of God sungun ioyfuli? ⁸ Who closide togidere the see with doris, whanne it brak out comynge forth as of the wombe? ⁹ Whanne Y settide a cloude the hilyng therof, and Y wlappide it with derknesse, as with clothis of yong childhed. ¹⁰ Y cumpasside it with my termes, and Y settide a barre, and doris; ¹¹ and Y seide, `Til hidur thou schalt come, and thou schalt not go forth ferthere; and here thou schalt breke togidere thi bolnynge wawis.