Revelation 19:7 Cross References - Breton

² Rouantelezh an neñvoù a zo heñvel ouzh ur roue hag a reas ur goan-eured evit e vab.

¹ Neuze, rouantelezh an neñvoù a vo heñvel ouzh dek gwerc'hez a gemer o lampoù ganto, hag a ya da ziaraogiñ ar pried. ² Pemp anezho a oa diskiant, ha pemp a oa fur. ³ Ar re ziskiant, en ur gemer o lampoù, ne gemerjont ket a eoul ganto. ⁴ Ar re fur a gemeras eoul en o fodoù, gant o lampoù. ⁵ Evel ma talee ar pried da zont, e voredjont holl hag e kouskjont. ⁶ Met, war-dro hanternoz, e voe klevet ur griadenn: Setu ar pried a zeu, it en e raok! ⁷ Neuze an holl werc'hezed-se a savas hag a fichas o lampoù. ⁸ Ar re ziskiant a lavaras d'ar re fur: Roit deomp eus hoc'h eoul, rak hol lampoù a ya da vougañ. ⁹ Met ar re fur a respontas: Gant aon n'hor befe ket a-walc'h evidomp hag evidoc'h, it kentoc'h da gavout ar re a werzh, ha prenit evidoc'h. ¹⁰ E-pad ma'z aent da brenañ, e teuas ar pried; ar re a oa prest a zeuas gantañ d'an eured, hag e voe serret an nor.

³⁶ ha bezit evel tud a c'hortoz ma tistroio o mestr eus an eured, abalamour pa zeuio ha pa skoio war an nor, e tigorint dezhañ kerkent.

²⁹ An hini en deus ar wreg eo an ozhac'h; met mignon an ozhac'h a zo eno hag en selaou; leuniet eo a levenez o klevout mouezh an ozhac'h, hag al levenez-se a zo va hini; mat-tre eo.