Psalms 39 Cross References - Esperanto

¹ Al la hxorestro Jedutun. Psalmo de David. Mi diris:Mi gardos min sur miaj vojoj, ke mi ne peku per mia lango; Mi bridos mian busxon, kiam malpiulo staras kontraux mi. ² Mi estis muta kaj silenta, mi silentis ecx pri bono; Kaj mia sufero estis mordanta. ³ Ekbrulis mia koro en mia interno, En miaj pensoj ekflamis fajro, Mi ekparolis per mia lango: ⁴ Sciigu al mi, ho Eternulo, mian finon, Kaj kia estos la dauxro de miaj tagoj, Por ke mi sciu, kiel neniigxa mi estas. ⁵ Jen Vi donis al mi tagojn largxajn kiel manplato, Kaj la dauxro de mia vivo estas antaux Vi kiel nenio; Absoluta vantajxo estas cxiu homo, kiel ajn forte li starus. Sela. ⁶ Nur kiel fantomo iras la homo, nur vante li klopodas; Li kolektas, kaj ne scias, kiu gxin ricevos. ⁷ Kaj nun kion mi devas esperi, mia Sinjoro? Mia espero estas al Vi. ⁸ De cxiuj miaj pekoj liberigu min, Ne lasu min farigxi mokindajxo por sensagxulo. ⁹ Mi mutigxis, mi ne malfermos mian busxon, CXar Vi tion faris. ¹⁰ Deturnu de mi Vian frapon; De Via batanta mano mi pereas. ¹¹ Se Vi punas homon pro lia krimo, Tiam lia beleco konsumigxas kiel de tineoj. Nur vantajxo estas cxiu homo. Sela. ¹² Auxskultu mian pregxon, ho Eternulo, kaj atentu mian krion; Al miaj larmoj ne silentu; CXar migranto mi estas cxe Vi, Enmigrinto, kiel cxiuj miaj patroj. ¹³ Lasu min, ke mi vigligxu, Antaux ol mi foriros kaj cxesos ekzisti.

⁴ por ke la Eternulo plenumu Sian vorton, kiun Li diris pri mi, parolante:Se viaj filoj observos siajn vojojn, irante antaux Mi en vero per sia tuta koro kaj per sia tuta animo, tiam ne mankos cxe vi viro sur la trono de Izrael.

³¹ Sed Jehu ne zorgis pri tio, ke li iradu laux la instruo de la Eternulo, Dio de Izrael, per sia tuta koro. Li ne deturnis sin de la pekoj de Jerobeam, per kiuj li pekigis Izraelon.

⁴¹ Kaj kun ili estis Heman kaj Jedutun, kaj la aliaj elektitoj, difinitaj lauxnome, por kantadi lauxdon al la Eternulo, cxar eterna estas Lia favorkoreco;

¹ David kaj la militestroj apartigis por la servado filojn de Asaf, de Heman, kaj de Jedutun, kiuj estis inspiritaj por harpoj, psalteroj, kaj cimbaloj. Ili estis kalkulitaj por sia servado: ² el la filoj de Asaf:Zakur, Jozef, Netanja, kaj Asxarela, filoj de Asaf, sub gvidado de Asaf, kiu kantis cxe la regxo. ³ De Jedutun, la filoj de Jedutun:Gedalja, Ceri, Jesxaja, HXasxabja, kaj Matitja, ses, sub gvidado de sia patro Jedutun, kiu ludis inspirite sur harpo, por lauxdi kaj glori la Eternulon. ⁴ De Heman, la filoj de Heman:Bukija, Matanja, Uziel, SXebuel, Jerimot, HXananja, HXanani, Eliata, Gidalti, Romamti-Ezer, Josxbekasxa, Maloti, Hotir, kaj Mahxaziot. ⁵ CXiuj ili estis filoj de Heman, viziisto de la regxo koncerne la vortojn de Dio, por levi la kornon. Dio donis al Heman dek kvar filojn kaj tri filinojn. ⁶ CXiuj cxi tiuj estis sub la gvidado de siaj patroj cxe la kantado en la domo de la Eternulo, kun cimbaloj, psalteroj, kaj harpoj, cxe la servado en la domo de Dio, sub la gvidado de la regxo, Asaf, Jedutun, kaj Heman.

¹⁰ Sed li diris al sxi:Vi parolas tiel, kiel parolas iu el la malsagxulinoj; cxu bonon ni akceptu de Dio, kaj malbonon ni ne akceptu? Malgraux cxio cxi tio Ijob ne pekis per siaj lipoj.

⁴ Tiujn, kiuj diras:Per nia lango ni venkos, Nia busxo estas kun ni; kiu estas sinjoro super ni?

¹³ Gardu vian langon kontraux malbono, Kaj vian busxon kontraux mensoga parolo;

¹ Al la hxorestro. Por Jedutun. Psalmo de David. Nur al Dio esperas mia animo; De Li venas mia savo.

⁸ Ili mokas, ili parolas malbonintence pri premado; Ili parolas de alte. ⁹ Kontraux la cxielon ili levas sian busxon, Kaj ilia lango promenas sur la tero.

¹ Al la hxorestro. Por Jedutun. Psalmo de Asaf. Mia vocxo iras al Dio, kaj mi krias; Mia vocxo iras al Dio, ke Li auxskultu min.

⁹ BET. Per kio junulo povas purigi sian vojon? Per plenumado laux Viaj vortoj.

³ Metu, ho Eternulo, gardon al mia busxo, Gardu la pordon de miaj lipoj.

²⁶ Fortikigu la direkton de viaj piedoj, Kaj cxiuj viaj vojoj estu firmaj. ²⁷ Ne sxanceligxu dekstren, nek maldekstren; Forigu de malbono vian piedon.

²¹ Morto kaj vivo dependas de la lango; Kaj kiu gxin amas, tiu mangxos gxiajn fruktojn.

²³ Kiu gardas sian busxon kaj sian langon, Tiu gardas sian animon kontraux malfelicxoj.

¹³ Tial la sagxulo silentas en cxi tiu tempo, cxar gxi estas tempo malbona.

⁵ Ne kredu al proksimulo, ne fidu amikon; kontraux tiu, kiu kusxas cxe via brusto, gardu la aperturon de via busxo; ⁶ cxar filo malhonoras patron, filino batalas kontraux sia patrino, bofilino kontraux sia bopatrino; la domanoj de homo estas liaj malamikoj.

⁵ Iradu en sagxeco rilate al la eksteruloj, elacxetante la tempon.

¹ Pro tio ni devas pli diligente atenti la auxditajxojn, por ke ni de ili ne forflosu.

²⁶ Se iu sxajnas al si religia, ne bridante sian langon, sed trompante sian koron, ties religio estas vanta.

² CXar multokaze ni cxiuj falpusxigxas. Se iu ne falpusxigxas parole, tiu estas perfekta homo, kapabla bridi ankaux la tutan korpon. ³ Se ni al la cxevaloj enmetas la bridojn en la busxojn, por ke ili obeu al ni, ni ankaux cxirkauxturnas ilian tutan korpon. ⁴ Jen ankaux la sxipoj, kiuj, kvankam ili estas tiel grandaj kaj estas kurepelataj de fortaj ventoj, tamen per tre malgranda direktilo turnigxadas, kien ajn la volo de la direktilisto decidas. ⁵ Tiel ankaux la lango estas malgranda membro, kaj fanfaronas grandajxojn. Jen, kiel grandan arbaron ekbruligas fajrero! ⁶ Kaj la lango estas fajro; mondo da maljusteco inter niaj membroj estas la lango, kiu malpurigas la tutan korpon kaj ekbruligas la radon de la naturo kaj estas ekbruligita de Gehena. ⁷ CXar cxiun specon de bestoj kaj birdoj, de rampajxoj kaj enmarajxoj la homa raso al si subigas kaj subigis; ⁸ sed la langon neniu povas subigi; gxi estas malkvieta malbono, plena de mortiga veneno.

¹⁹ Mia interno estas kiel vino sxtopfermita, Kiu krevigas novan felsakon. ²⁰ Mi ekparolos, kaj tiam farigxos al mi pli facile; Mi malfermos mian busxon, kaj mi respondos.

¹³ Kaj mi estas kiel surdulo kaj ne auxdas; Kiel mutulo, kiu ne malfermas sian busxon. ¹⁴ Mi estas kiel homo, kiu ne auxdas Kaj kiu ne havas en sia busxo reparolon.

⁷ Li estis turmentata, tamen li humiligxis kaj ne malfermis sian busxon; kiel sxafido kondukata al bucxo kaj kiel sxafo muta antaux siaj tondantoj, li ne malfermis sian busxon.

⁶ Ne donu sanktajxon al la hundoj, nek jxetu viajn perlojn antaux la porkoj; por ke ili ne premu ilin sub la piedoj, nek poste, sin turninte, dissxiru vin.

¹² Kaj kiam la cxefpastroj kaj pliagxuloj akuzis lin, li respondis nenion. ¹³ Tiam Pilato diris al li:CXu vi ne auxdas, kiom da aferoj oni atestas kontraux vi? ¹⁴ Kaj li ne respondis al li ecx unu vorton, tiel ke la provincestro tre forte miris.

²⁰ cxar ni ne povas ne paroli pri tio, kion ni vidis kaj auxdis.

⁹ Mi diris al mi:Mi ne rememorigos pri Li, mi ne plu parolos en Lia nomo; sed tio farigxis en mia koro kiel flamanta fajro, penetrinta en miajn ostojn, kaj mi lacigxis de retenado kaj ne plu povis elteni.

¹⁴ Kaj la spirito levis min kaj forportis min; kaj mi iris kun afliktita kaj maltrankvila koro; kaj la mano de la Eternulo tenis min forte.

³² Kaj ili diris unu al alia:CXu nia koro ne brulis en ni, dum li parolis kun ni sur la vojo, dum li klarigis al ni la Skribojn?

¹³ Ho, se Vi kasxus min en SXeol, Se Vi kasxus min gxis la momento, kiam pasos Via kolero, Se Vi difinus por mi templimon kaj poste rememorus min!

¹² Instruu nin kalkuli niajn tagojn, Por ke ni akiru sagxan koron.

¹⁴ CXar Li scias nian esencon; Li memoras, ke ni estas polvo.

⁸⁴ Kiom estos la tagoj de Via sklavo? Kiam Vi faros jugxon super miaj persekutantoj?

⁹ Kaj Jakob diris al Faraono: La nombro de la jaroj de mia migrado estas cent tridek jaroj; malmultaj kaj malbonaj estis la jaroj de mia vivo, kaj ili ne atingis la nombron de la jaroj de la vivo de miaj patroj dum ilia migrado.

⁶ Miaj tagoj forflugis pli facile, ol bobeno de teksisto, Kaj pasis, lasinte nenian esperon.

²⁵ Miaj tagoj estis pli rapidpiedaj ol kuristo; Ili forkuris, ne vidis bonon; ²⁶ Ili forkuris, kiel sxipetoj el kano, Kiel aglo flugas al mangxotajxo.

¹ Homo, naskita de virino, Havas mallongan vivon kaj abundon da afliktoj. ² Kiel floro li elkreskas kaj velkas; Li forkuras kiel ombro kaj ne restas.

¹¹ Se Vi punas homon pro lia krimo, Tiam lia beleco konsumigxas kiel de tineoj. Nur vantajxo estas cxiu homo. Sela.

⁹ Nur vantajxo estas la malaltranguloj, malverajxo estas la altranguloj; Metitaj sur pesilon, ili cxiuj estas malpli ol vantajxo.

⁴⁷ Ho, rememoru, kia estas la dauxro de mia vivo, Por kia vantajxo Vi kreis cxiujn homidojn.

⁴ CXar mil jaroj estas en Viaj okuloj Kiel la hierauxa tago, kiu pasis, Kaj kiel nokta gardoparto. ⁵ Vi forfluigas ilin torente, ili estas kiel songxo; Matene ili renovigxas kiel herbo:

⁹ CXar cxiuj niaj tagoj pasis sub Via kolero, Malaperis niaj jaroj, kiel sono. ¹⁰ La dauxro de nia vivo estas sepdek jaroj, Kaj cxe forteco okdek jaroj; Kaj ilia tuta majesto estas penado kaj suferado, CXar gxi forkuras rapide kaj ni forflugas.

⁴ Homo estas simila al spireto; Liaj tagoj estas kiel pasanta ombro.

² Vantajxo de vantajxoj, diris la Predikanto; vantajxo de vantajxoj, cxio estas vantajxo.

¹¹ Kaj mi ekrigardis cxiujn farojn, kiujn faris miaj manoj, kaj cxiujn laborojn, kiujn mi plenumis, por fari ilin:kaj jen, cxio estas vantajxo kaj ventajxo, kaj nenia profito estas de ili sub la suno.

¹⁷ CXiuj nacioj estas antaux Li kiel nenio, estas rigardataj de Li kiel nulo kaj senvalorajxo.

¹⁴ kvankam vi ne scias, kio morgaux okazos. Kio estas via vivo? Vi ja estas vaporo, kiu mallongan tempon montrigxas kaj poste malaperas.

⁸ Sed ne forgesu cxi tiun unu aferon, amataj, ke cxe la Sinjoro unu tago estas kiel mil jaroj, kaj mil jaroj kiel unu tago.

¹⁶ Se li kolektos argxenton kiel polvon Kaj pretigos al si vestojn kiel argilon, ¹⁷ Tiam li pretigos, sed justulo metos sur sin la vestojn, Kaj senkulpulo dividos la argxenton.

¹⁰ Oni ja vidas, ke sagxuloj mortas, Kaj ankaux malsagxulo kaj sensciulo pereas Kaj lasas al aliaj sian havon. ¹¹ Ilia deziro estas, ke iliaj domoj ekzistu por cxiam, Kaj iliaj logxejoj de generacio al generacio; Ili nomas siajn bienojn laux siaj nomoj.

² Vane vi frue levigxas, malfrue sidas, Mangxas panon kun klopodoj: Al Sia amato Li donas en dormo.

²² Bonulo heredigas la nepojn; Kaj por virtulo konservigxas la havo de pekulo.

⁵ CXu vi direktos viajn okulojn al gxi? gxi jam ne ekzistos; CXar ricxeco faras al si flugilojn kiel aglo, kaj forflugas al la cxielo.

²⁴ CXar ricxeco ne dauxras eterne, Kaj krono ne restas por cxiuj generacioj.

¹⁴ Mi vidis cxiujn aferojn, kiuj farigxas sub la suno; kaj jen, cxio estas vantajxo kaj entreprenoj ventaj.

⁸ mi kolektis al mi ankaux argxenton kaj oron, kaj juvelojn de regxoj kaj landoj; mi havigis al mi kantistojn kaj kantistinojn, kaj plezurojn de homidoj, kaj multajn amantinojn.

¹⁷ Kaj mi ekmalamis la vivon; cxar abomenindaj estas por mi la faroj, kiuj farigxas sub la suno, cxar cxio estas vantajxo kaj ventajxo. ¹⁸ Kaj mi ekmalamis cxiun laboron, kiun mi laboris sub la suno; cxar mi devos lasi gxin al homo, kiu estos post mi. ¹⁹ Kaj kiu scias, cxu estos sagxa aux malsagxa tiu, kiu ekposedos mian tutan laboron, pri kiu mi penis kaj strecxis mian sagxon sub la suno? Ankaux cxi tio estas vantajxo. ²⁰ Kaj mi decidis, ke mia koro atendu nenion de la tuta laboro, kiun mi laboris sub la suno. ²¹ CXar ofte oni vidas homon, kiu laboras en sagxo, scienco, kaj talento, kaj li devas fordoni sian akiron al homo, kiu ne laboris por gxi; cxi tio ankaux estas vantajxo kaj granda malbono.

²⁶ CXar al homo, kiu agas bone antaux Li, Li donas sagxon kaj scion kaj gxojon, kaj al la pekulo Li donas la zorgemecon amasigi kaj kolekti, por poste transdoni al tiu, kiu agas bone antaux Dio; kaj cxi tio estas vantajxo kaj ventajxo.

⁷ Kaj denove mi turnigxis, kaj vidis vantajxon sub la suno: ⁸ jen estas solulo, kaj neniun alian li havas; nek filon nek fraton li havas; kaj tamen ne havas finon lia laborado, kaj lia okulo ne povas satigxi de ricxeco; por kiu do mi laboras kaj senigas mian animon de gxuado? CXi tio ankaux estas vantajxo kaj malbona afero.

¹⁴ Kaj pereas cxi tiu ricxeco en malfavoraj cirkonstancoj; naskigxas filo, kaj li nenion havas en la mano.

¹¹ CXar ekzistas multe da aferoj, kiuj plimultigas la vantajxon; kian do superecon havas la homo? ¹² CXar kiu scias, kio estas bona por la homo dum la tagoj de lia vanta vivo, kiun li pasigas kiel ombro? kaj kiu diros al la homo, kio estos post li sub la suno?

⁸ Vantajxo de vantajxoj, diris la Predikanto; cxio estas vantajxo.

¹³ Ni auxskultu la finon de cxio:timu Dion, kaj plenumu Liajn ordonojn, cxar cxi tio estas cxio por la homo.

² Kial vi donas monon por tio, kio ne estas pano? kaj vian laboron por tio, kio ne satigas? auxskultu do Min, kaj mangxu bonajxon, kaj via animo gxuu grasajxon.

⁴⁰ Sed Marta estis distrata pro multo da servado; kaj sxi alproksimigxis, kaj diris:Sinjoro, cxu vi ne zorgas pri tio, ke mia fratino lasis al mi servi sola? diru do al sxi, ke sxi min helpu. ⁴¹ Sed la Sinjoro respondis kaj diris al sxi:Marta, Marta, vi zorgas kaj klopodadas pri multaj aferoj; ⁴² sed unu afero estas necesa; kaj Maria elektis la bonan parton, kiu ne estos prenita for de sxi.

²⁰ Sed Dio diris al li:Ho senprudentulo! cxi tiun nokton oni postulas de vi vian animon; kies estos tio, kion vi preparis? ²¹ Tia estas tiu, kiu kolektas por si trezoron, kaj ne estas ricxa rilate Dion.

²⁹ Kaj ne sercxu, kion vi mangxos, kaj kion vi trinkos, kaj ne estu dubemaj.

³¹ kaj tiuj, kiuj uzas la mondon, kvazaux ne trouzantaj gxin; cxar la formo de cxi tiu mondo forpasas.

³ Via oro kaj via argxento rustigxis; kaj ilia rusto atestos kontraux vi, kaj konsumos vian karnon, kiel fajro. En la lastaj tagoj vi kolektadis trezoron.

²⁴ CXar: CXiu karno estas herbo, Kaj cxiu gxia cxarmo estas kiel kampa floreto. Sekigxas herbo, velkas floreto;

⁷ surjxetante sur Lin cxian vian zorgon, cxar Li zorgas pri vi.

¹⁸ Vian helpon mi esperas, ho Eternulo.

¹⁵ Li ja mortigos min, kaj mi ne havas esperon; Sed pri mia konduto mi volas disputi antaux Li.

¹⁵ Sed al Vi, ho Eternulo, mi esperas; Vi auxskultos, mia Sinjoro, mia Dio.

⁸¹ KAF. Mia animo avidas Vian savon; Vian vorton mi fidas.

¹⁶⁶ Mi atendas Vian savon, ho Eternulo, Viajn ordonojn mi plenumas.

⁵ Mi esperis al la Eternulo, esperis mia animo, Kaj Lian vorton mi fidis. ⁶ Mia animo atendas mian Sinjoron pli, Ol la gardantoj atendas la matenon, La gardantoj la matenon.

²⁵ Kaj jen en Jerusalem estis viro, kies nomo estis Simeon, kaj cxi tiu estis justa kaj pia, atendanta la konsoladon de Izrael; kaj la Sankta Spirito estis kun li.

¹³ Kaj la Dio de espero plenigu vin per cxia gxojo kaj paco en kredado, por ke vi abunde havu esperon, laux la potenco de la Sankta Spirito.

⁷ Kaj tiel parolis SXimei, insultante:For, for, sangavidulo, malbonagulo! ⁸ la Eternulo revenigis sur vin la tutan sangon de la domo de Saul, sur kies loko vi farigxis regxo, kaj la Eternulo transdonis la regnon en la manon de via filo Absxalom; tion vi havas pro via malboneco, cxar vi estas sangavidulo.

¹¹ Pro Via nomo, ho Eternulo, pardonu al mi mian pekon, CXar gxi estas granda.

¹⁸ Rigardu mian suferon kaj mizeron, Kaj pardonu cxiujn miajn pekojn.

²¹ Ili largxe malfermis kontraux mi sian busxon, Kaj diris:Ha, ha! nia okulo vidis.

¹³ Vi faris nin malestimatajxo por niaj najbaroj, Mokatajxo kaj insultatajxo por niaj cxirkauxantoj;

⁷ Senpekigu min per hisopo, kaj mi farigxos pura; Lavu min, kaj mi estos pli blanka ol negxo. ⁸ Auxdigu al mi gxojon kaj gajecon, Kaj regajigxos la ostoj, kiujn Vi batis. ⁹ Kasxu Vian vizagxon de miaj pekoj, Kaj cxiujn miajn krimojn elstreku. ¹⁰ Koron puran kreu al mi, ho Dio, Kaj spiriton fidelan novigu en mi.

¹⁴ Liberigu min de sango, ho Dio, Dio de mia savo; Mia lango kantos Vian justecon.

³ Li sendu el la cxielo kaj helpu min, Li, kiu hontigas miajn persekutanton; Sela. Dio sendu Sian favoron kaj Sian veron.

³ Krimajxoj min premas; Niajn pekojn Vi pardonos.

⁴ Ni farigxis hontindajxo por niaj najbaroj, Mokatajxo kaj insultatajxo por niaj cxirkauxantoj.

³⁹ Forigu mian malhonoron, kiun mi timas; CXar Viaj jugxoj estas bonaj.

⁸ Kaj Li liberigos Izraelon De cxiuj liaj pekoj.

¹⁷ Inter la portiko kaj la altaro ploru la pastroj, servistoj de la Eternulo, kaj ili diru:Indulgu, ho Eternulo, Vian popolon, kaj ne kovru per honto Vian heredajxon, la nacioj ne moku ilin; por kio oni diru inter la popoloj:Kie estas ilia Dio?

¹⁹ Kaj la Eternulo respondos kaj diros al Sia popolo:Jen Mi sendas al vi grenon kaj moston kaj oleon, kaj vi satigxu per ili; kaj Mi ne plu permesos al la nacioj malhonori vin.

¹⁹ Li denove kompatos nin, malgrandigos niajn malbonagojn, kaj jxetos en la profundon de la maro cxiujn niajn pekojn.

²¹ Kaj sxi naskos filon; kaj vi nomos lin JESUO; cxar li savos sian popolon de gxiaj pekoj.

²³ vi, kiu fieras pri la legxo, cxu vi malhonoras Dion per via transpasxo de la legxo? ²⁴ CXar pro vi, la nomo de Dio estas blasfemata inter la nacianoj, kiel estas skribite.

¹⁴ kiu donis sin por ni, por elacxeti nin el cxia maljusteco kaj por purigi al si popolon propran, fervoran pri bonaj faroj.

³ Kaj Moseo diris al Aaron:Jen pri cxi tio parolis la Eternulo, kiam Li diris:Per Miaj proksimuloj Mi sanktigxos kaj antaux la tuta popolo Mi majestigxos. Kaj Aaron silentis.

¹⁸ Kaj Samuel rakontis al li cxion, kaj nenion kasxis antaux li. Kaj li diris:Li estas la Eternulo; Li faru tion, kio placxas al Li.

¹⁰ Sed la regxo diris:Kiel tio koncernas min kaj vin, filoj de Ceruja? li insultu; cxar la Eternulo diris al li:Insultu Davidon. Kiu povas diri:Kial vi tion faras?

²¹ kaj li diris:Nuda mi eliris el la ventro de mia patrino, kaj nuda mi revenos tien; la Eternulo donis, kaj la Eternulo prenis; la nomo de la Eternulo estu benata.

⁴ Jen mi estis facilanima; kion mi povas respondi al Vi? Mi metas mian manon sur mian busxon. ⁵ Unu fojon mi parolis, kaj mi ne respondos; Tion mi ne faros duan fojon.

¹³ Kaj mi estas kiel surdulo kaj ne auxdas; Kiel mutulo, kiu ne malfermas sian busxon.

³⁵ CXiuj, kiuj vivas sur la tero, estas kalkuleblaj kiel nenio. Laux Sia volo Li agas, kiel kun la armeo de la cxielo, tiel kun la vivantoj sur la tero; kaj ekzistas neniu, kiu povus kontrauxstari al Lia mano, aux demandi Lin:Kion Vi faras?

⁵ Faru bildojn de viaj tuberoj kaj bildojn de viaj musoj, kiuj ruinigis la landon, kaj faru honoron al la Dio de Izrael; tiam Li eble malplipezigos Sian manon sur vi kaj sur viaj dioj kaj sur via lando.

³⁴ Li forigu de mi Sian vergon, Kaj Lia teruro ne timigu min;

²¹ Malproksimigu de mi Vian manon, Kaj Via teruro ne timigu min.

⁸ CXu vi volas senvalorigi Mian verdikton, Akuzi Min, por ke vi montrigxu prava?

¹⁶ Turnu Vin al mi kaj korfavoru min, CXar mi estas soleca kaj mizera. ¹⁷ La suferoj de mia koro estas grandaj; El mia premateco elkonduku min.

⁴ CXar tage kaj nokte pezis sur mi Via mano; La fresxecon de mia sukoj anstatauxis sekeco de somero. Sela.

³ Ekzistas neniu sana loko en mia korpo pro Via kolero, Nenio sendifekta ekzistas en miaj ostoj pro mia peko. ⁴ CXar miaj krimoj superas mian kapon; Kiel peza sxargxo, ili estas tro pezaj por mi.

¹⁹ Des pli koncerne tiujn, Kiuj logxas en argilaj dometoj, Fonditaj sur tero, Kaj kiujn formangxas vermoj.

²⁸ Dum mi ja disfalas kiel putrajxo, Kiel vesto dismangxita de tineoj.

³⁰ Mia hauxto nigrigxis sur mi, Kaj miaj ostoj sekigxis de varmego.

¹ Psalmo de David. Pro memoro. Ho Eternulo, ne en Via kolero min riprocxu, Kaj ne en Via furiozo min punu. ² CXar Viaj sagoj penetris en min, Kaj pezas sur mi Via mano. ³ Ekzistas neniu sana loko en mia korpo pro Via kolero, Nenio sendifekta ekzistas en miaj ostoj pro mia peko. ⁴ CXar miaj krimoj superas mian kapon; Kiel peza sxargxo, ili estas tro pezaj por mi. ⁵ Malbonodoras kaj pusas miaj ulceroj Pro mia malsagxeco. ⁶ Mi kurbigxis kaj klinigxis treege, La tutan tagon mi iras malgaja. ⁷ CXar miaj internajxoj estas plenaj de brulumo, Kaj ne ekzistas sana loko en mia korpo. ⁸ Mi tute senfortigxis kaj kadukigxis, Mi kriegas pro malkvieteco de mia koro.

⁷ Jes, ni pereas de Via kolero, Kaj de Via kolerego ni neniigxas. ⁸ Vi metis niajn malbonagojn antaux Vin, Nian kasxitajxon antaux la lumon de Via vizagxo.

¹⁰ Kauxze de Via kolero kaj indigno; CXar Vi min levis kaj jxetis. ¹¹ Miaj tagoj malaperas kiel ombro, Kaj mi sekigxas kiel herbo.

⁹ Jen la Sinjoro, la Eternulo, helpas al mi; kiu do malpravigos min? jen ili cxiuj elfrotigxos kiel vesto, tineoj ilin tramangxos.

¹² Mi estos por Efraim kiel tineo, kiel putro por la domo de Jehuda.

⁵ transdoni tian homon al Satano por la detruo de la karno, por ke la spirito savigxu en la tago de la Sinjoro Jesuo.

³⁰ Pro tio multaj inter vi estas malfortaj kaj malsanaj, kaj ne malmultaj dormas. ³¹ Sed se ni pripensus nin mem, ni ne estus jugxitaj. ³² Sed kiam ni estas jugxataj, ni estas punataj de la Sinjoro, por ke ni ne estu kondamnitaj kune kun la mondo.

⁶ CXar kiun la Eternulo amas, tiun Li punkorektas, Kaj Li skurgxas cxiun filon, kiun Li akceptas.

¹⁶ sed li estis riprocxita pro sia malobeo; muta azeno, parolante per homa vocxo, haltigis la frenezecon de la profeto.

¹⁹ CXiujn, kiujn mi amas, mi riprocxas kaj punas; estu do fervora, kaj pentu.

²³ Kaj la tero ne estu vendata por cxiam; cxar al Mi apartenas la tero, cxar vi estas fremduloj kaj paslogxantoj cxe Mi.

¹² Eble la Eternulo vidos mian mizeron, kaj la Eternulo repagos al mi bonon anstataux lia hodiauxa insultado.

⁵ Reiru, kaj diru al HXizkija, la estro de Mia popolo:Tiele diras la Eternulo, Dio de via patro David:Mi auxdis vian pregxon, Mi vidis viajn larmojn; jen Mi resanigos vin; en la tria tago vi iros en la domon de la Eternulo.

¹⁵ Paslogxantoj kaj enmigrintoj ni estas apud Vi, kiel cxiuj niaj patroj; kiel ombro estas niaj tagoj sur la tero, nenio fortika.

²⁰ Parolistoj estas por mi miaj amikoj; Sed mia okulo larmas al Dio,

⁸ Mian vagadon Vi kalkulis; Metu miajn larmojn en Vian felsakon, Ili estas ja en Via libro.

¹ Pregxo de mizerulo, kiam li perdas la fortojn kaj elversxas antaux la Eternulo sian malgxojon. Ho Eternulo, auxskultu mian pregxon; Kaj mia krio venu al Vi.

³ CXirkauxis min la ondoj de la morto, Kaj turmentoj de SXeol min trafis; Suferon kaj cxagrenon mi trovis.

¹⁹ Migranto mi estas sur la tero; Ne kasxu antaux mi Viajn ordonojn.

⁵⁴ Viaj legxoj estas por mi kantoj En la domo de mia migrado.

⁶ Ni do cxiam gxoje kuragxas, kaj ni scias, ke dum ni cxeestas en la korpo, ni forestas de la Sinjoro ⁷ En siaj karnaj tagoj, pregxojn kaj petegojn oferinte, kun forta kriado kaj larmoj, al Tiu, kiu povis lin savi el morto, kaj auxdite pro sia pia timo,

¹³ CXiuj tiuj mortis en fido, ne ricevinte la promesojn, sed vidinte kaj salutinte ilin de malproksime, kaj konfesinte, ke ili estas fremduloj kaj migrantoj sur la tero.

¹⁷ Kaj se vi vokas la Patron, kiu sen personfavorado jugxas laux la faro de cxiu, vi pasigu en timo la tempon de via cxi tiea logxado;

¹¹ Amataj, mi petegas vin kiel fremdulojn kaj migrantojn, detenu vin de karnaj voluptoj, kiuj militadas kontraux la animo;

²⁴ Kaj HXanohx iradis kun Dio; kaj li malaperis, cxar Dio lin prenis.

³⁶ Kaj ilia patro Jakob diris al ili: Vi min seninfanigis; Jozef forestas, kaj Simeon forestas, kaj Benjamenon vi volas forpreni! sur min cxio falis!

¹⁹ Kial Vi ne deturnas Vin de mi, Ne lasas min libera ecx tiom, ke mi povu engluti mian salivon?

²⁰ Mia vivo estas ja mallonga; CXesu do, lasu min libera, por ke mi iom revigligxu, ²¹ Antaux ol mi foriros senrevene En la landon de mallumo kaj de morta ombro,

⁵ Se liaj tagoj estas difinitaj, la nombro de liaj monatoj estas cxe Vi; Vi difinis lian limon, kiun li ne transpasos. ⁶ Deturnu do Vin de li, ke li estu trankvila, GXis venos lia tempo, kiun li sopiras kiel dungito.

¹⁰ Sed homo mortas kaj malaperas; Kiam la homo finigxis, kie li estas? ¹¹ Forfluas la akvo el lago, Kaj rivero elcxerpigxas kaj elsekigxas: ¹² Tiel homo kusxigxas, kaj ne plu levigxas; Tiel longe, kiel la cxielo ekzistas, ili ne plu vekigxos, Nek revigligxos el sia dormado.