1 אדם שׁת אנושׁ׃2 קינן מהללאל ירד׃3 חנוך מתושׁלח למך׃4 נח שׁם חם ויפת׃5 בני יפת גמר ומגוג ומדי ויון ותבל ומשׁך ותירס׃6 ובני גמר אשׁכנז ודיפת ותוגרמה׃7 ובני יון אלישׁה ותרשׁישׁה כתים ורודנים׃8 בני חם כושׁ ומצרים פוט וכנען׃9 ובני כושׁ סבא וחוילה וסבתא ורעמא וסבתכא ובני רעמא שׁבא ודדן׃10 וכושׁ ילד את נמרוד הוא החל להיות גבור בארץ׃11 ומצרים ילד את לודיים ואת ענמים ואת להבים ואת נפתחים׃12 ואת פתרסים ואת כסלחים אשׁר יצאו משׁם פלשׁתים ואת כפתרים׃13 וכנען ילד את צידון בכרו ואת חת׃14 ואת היבוסי ואת האמרי ואת הגרגשׁי׃15 ואת החוי ואת הערקי ואת הסיני׃16 ואת הארודי ואת הצמרי ואת החמתי׃17 בני שׁם עילם ואשׁור וארפכשׁד ולוד וארם ועוץ וחול וגתר ומשׁך׃18 וארפכשׁד ילד את שׁלח ושׁלח ילד את עבר׃19 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃20 ויקטן ילד את אלמודד ואת שׁלף ואת חצרמות ואת ירח׃21 ואת הדורם ואת אוזל ואת דקלה׃22 ואת עיבל ואת אבימאל ואת שׁבא׃23 ואת אופיר ואת חוילה ואת יובב כל אלה בני יקטן׃24 שׁם ארפכשׁד שׁלח׃25 עבר פלג רעו׃26 שׂרוג נחור תרח׃27 אברם הוא אברהם׃28 בני אברהם יצחק וישׁמעאל׃29 אלה תלדותם בכור ישׁמעאל נביות וקדר ואדבאל ומבשׂם׃30 משׁמע ודומה משׂא חדד ותימא׃31 יטור נפישׁ וקדמה אלה הם בני ישׁמעאל׃32 ובני קטורה פילגשׁ אברהם ילדה את זמרן ויקשׁן ומדן ומדין וישׁבק ושׁוח ובני יקשׁן שׁבא ודדן׃33 ובני מדין עיפה ועפר וחנוך ואבידע ואלדעה כל אלה בני קטורה׃34 ויולד אברהם את יצחק בני יצחק עשׂו וישׂראל׃35 בני עשׂו אליפז רעואל ויעושׁ ויעלם וקרח׃36 בני אליפז תימן ואומר צפי וגעתם קנז ותמנע ועמלק׃37 בני רעואל נחת זרח שׁמה ומזה׃38 ובני שׂעיר לוטן ושׁובל וצבעון וענה ודישׁן ואצר ודישׁן׃39 ובני לוטן חרי והומם ואחות לוטן תמנע׃40 בני שׁובל עלין ומנחת ועיבל שׁפי ואונם ובני צבעון איה וענה׃41 בני ענה דישׁון ובני דישׁון חמרן ואשׁבן ויתרן וכרן׃42 בני אצר בלהן וזעון יעקן בני דישׁון עוץ וארן׃43 ואלה המלכים אשׁר מלכו בארץ אדום לפני מלך מלך לבני ישׂראל בלע בן בעור ושׁם עירו דנהבה׃44 וימת בלע וימלך תחתיו יובב בן זרח מבצרה׃45 וימת יובב וימלך תחתיו חושׁם מארץ התימני׃46 וימת חושׁם וימלך תחתיו הדד בן בדד המכה את מדין בשׂדה מואב ושׁם עירו עיות׃47 וימת הדד וימלך תחתיו שׂמלה ממשׂרקה׃48 וימת שׂמלה וימלך תחתיו שׁאול מרחבות הנהר׃49 וימת שׁאול וימלך תחתיו בעל חנן בן עכבור׃50 וימת בעל חנן וימלך תחתיו הדד ושׁם עירו פעי ושׁם אשׁתו מהיטבאל בת מטרד בת מי זהב׃51 וימת הדד ויהיו אלופי אדום אלוף תמנע אלוף עליה אלוף יתת׃52 אלוף אהליבמה אלוף אלה אלוף פינן׃53 אלוף קנז אלוף תימן אלוף מבצר׃54 אלוף מגדיאל אלוף עירם אלה אלופי אדום׃
1 Chronicles Cross References - HOT
Genesis 4:25-5:32
Genesis 5:25-32
25 ויחי מתושׁלח שׁבע ושׁמנים שׁנה ומאת שׁנה ויולד את למך׃26 ויחי מתושׁלח אחרי הולידו את למך שׁתים ושׁמונים שׁנה ושׁבע מאות שׁנה ויולד בנים ובנות׃27 ויהיו כל ימי מתושׁלח תשׁע ושׁשׁים שׁנה ותשׁע מאות שׁנה וימת׃28 ויחי למך שׁתים ושׁמנים שׁנה ומאת שׁנה ויולד בן׃29 ויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה׃30 ויחי למך אחרי הולידו את נח חמשׁ ותשׁעים שׁנה וחמשׁ מאת שׁנה ויולד בנים ובנות׃31 ויהי כל ימי למך שׁבע ושׁבעים שׁנה ושׁבע מאות שׁנה וימת׃32 ויהי נח בן חמשׁ מאות שׁנה ויולד נח את שׁם את חם ואת יפת׃
Genesis 5:9
9 ויחי אנושׁ תשׁעים שׁנה ויולד את קינן׃
Genesis 5:12-20
12 ויחי קינן שׁבעים שׁנה ויולד את מהללאל׃13 ויחי קינן אחרי הולידו את מהללאל ארבעים שׁנה ושׁמנה מאות שׁנה ויולד בנים ובנות׃14 ויהיו כל ימי קינן עשׂר שׁנים ותשׁע מאות שׁנה וימת׃15 ויחי מהללאל חמשׁ שׁנים ושׁשׁים שׁנה ויולד את ירד׃16 ויחי מהללאל אחרי הולידו את ירד שׁלשׁים שׁנה ושׁמנה מאות שׁנה ויולד בנים ובנות׃17 ויהיו כל ימי מהללאל חמשׁ ותשׁעים שׁנה ושׁמנה מאות שׁנה וימת׃18 ויחי ירד שׁתים ושׁשׁים שׁנה ומאת שׁנה ויולד את חנוך׃19 ויחי ירד אחרי הולידו את חנוך שׁמנה מאות שׁנה ויולד בנים ובנות׃20 ויהיו כל ימי ירד שׁתים ושׁשׁים שׁנה ותשׁע מאות שׁנה וימת׃21 ויחי חנוך חמשׁ ושׁשׁים שׁנה ויולד את מתושׁלח׃22 ויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות׃23 ויהי כל ימי חנוך חמשׁ ושׁשׁים שׁנה ושׁלשׁ מאות שׁנה׃24 ויתהלך חנוך את האלהים ואיננו כי לקח אתו אלהים׃25 ויחי מתושׁלח שׁבע ושׁמנים שׁנה ומאת שׁנה ויולד את למך׃26 ויחי מתושׁלח אחרי הולידו את למך שׁתים ושׁמונים שׁנה ושׁבע מאות שׁנה ויולד בנים ובנות׃27 ויהיו כל ימי מתושׁלח תשׁע ושׁשׁים שׁנה ותשׁע מאות שׁנה וימת׃28 ויחי למך שׁתים ושׁמנים שׁנה ומאת שׁנה ויולד בן׃29 ויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה׃30 ויחי למך אחרי הולידו את נח חמשׁ ותשׁעים שׁנה וחמשׁ מאת שׁנה ויולד בנים ובנות׃31 ויהי כל ימי למך שׁבע ושׁבעים שׁנה ושׁבע מאות שׁנה וימת׃32 ויהי נח בן חמשׁ מאות שׁנה ויולד נח את שׁם את חם ואת יפת׃
Genesis 6:8-10
Genesis 7:1
1 ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה׃
Genesis 9:18
18 ויהיו בני נח היצאים מן התבה שׁם וחם ויפת וחם הוא אבי כנען׃
Genesis 9:29
29 ויהי כל ימי נח תשׁע מאות שׁנה וחמשׁים שׁנה וימת׃
Isaiah 54:9-10
Ezekiel 14:14
14 והיו שׁלשׁת האנשׁים האלה בתוכה נח דנאל ואיוב המה בצדקתם ינצלו נפשׁם נאם אדני יהוה׃
Genesis 10:1-5
Ezekiel 27:13
13 יון תבל ומשׁך המה רכליך בנפשׁ אדם וכלי נחשׁת נתנו מערבך׃
Ezekiel 38:2-3
Ezekiel 38:6
6 גמר וכל אגפיה בית תוגרמה ירכתי צפון ואת כל אגפיו עמים רבים אתך׃
Ezekiel 39:1
1 ואתה בן אדם הנבא על גוג ואמרת כה אמר אדני יהוה הנני אליך גוג נשׂיא ראשׁ משׁך ותבל׃
Genesis 10:3
3 ובני גמר אשׁכנז וריפת ותגרמה׃
Numbers 24:24
24 וצים מיד כתים וענו אשׁור וענו עבר וגם הוא עדי אבד׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Isaiah 23:1
1 משׂא צר הילילו אניות תרשׁישׁ כי שׁדד מבית מבוא מארץ כתים נגלה׃
Isaiah 23:12
12 ויאמר לא תוסיפי עוד לעלוז המעשׁקה בתולת בת צידון כתיים קומי עברי גם שׁם לא ינוח׃
Isaiah 66:19
19 ושׂמתי בהם אות ושׁלחתי מהם פליטים אל הגוים תרשׁישׁ פול ולוד משׁכי קשׁת תבל ויון האיים הרחקים אשׁר לא שׁמעו את שׁמעי ולא ראו את כבודי והגידו את כבודי בגוים׃
Jeremiah 2:10
10 כי עברו איי כתיים וראו וקדר שׁלחו והתבוננו מאד וראו הן היתה כזאת׃
Ezekiel 27:6
6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃
Daniel 11:30
30 ובאו בו ציים כתים ונכאה ושׁב וזעם על ברית קודשׁ ועשׂה ושׁב ויבן על עזבי ברית קדשׁ׃
Genesis 10:6-7
6 ובני חם כושׁ ומצרים ופוט וכנען׃7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃8 וכושׁ ילד את נמרד הוא החל להיות גבר בארץ׃9 הוא היה גבר ציד לפני יהוה על כן יאמר כנמרד גבור ציד לפני יהוה׃10 ותהי ראשׁית ממלכתו בבל וארך ואכד וכלנה בארץ שׁנער׃11 מן הארץ ההוא יצא אשׁור ויבן את נינוה ואת רחבת עיר ואת כלח׃12 ואת רסן בין נינוה ובין כלח הוא העיר הגדלה׃
Micah 5:6
6 (5:5) ורעו את ארץ אשׁור בחרב ואת ארץ נמרד בפתחיה והציל מאשׁור כי יבוא בארצנו וכי ידרך בגבולנו׃
Genesis 10:13-18
Deuteronomy 2:23
23 והעוים הישׁבים בחצרים עד עזה כפתרים היצאים מכפתר השׁמידם וישׁבו תחתם׃
Jeremiah 47:4
4 על היום הבא לשׁדוד את כל פלשׁתים להכרית לצר ולצידון כל שׂריד עזר כי שׁדד יהוה את פלשׁתים שׁארית אי כפתור׃
Amos 9:7
7 הלוא כבני כשׁיים אתם לי בני ישׂראל נאם יהוה הלוא את ישׂראל העליתי מארץ מצרים ופלשׁתיים מכפתור וארם מקיר׃
Genesis 9:22
22 וירא חם אבי כנען את ערות אביו ויגד לשׁני אחיו בחוץ׃
Genesis 9:25-26
Genesis 10:15-19
Genesis 23:3
3 ויקם אברהם מעל פני מתו וידבר אל בני חת לאמר׃
Genesis 23:5
5 ויענו בני חת את אברהם לאמר׃
Genesis 23:20
20 ויקם השׂדה והמערה אשׁר בו לאברהם לאחזת קבר מאת בני חת׃
Genesis 27:46
46 ותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים׃
Genesis 49:30-32
Exodus 23:28
28 ושׁלחתי את הצרעה לפניך וגרשׁה את החוי את הכנעני ואת החתי מלפניך׃
Joshua 9:1
1 ויהי כשׁמע כל המלכים אשׁר בעבר הירדן בהר ובשׁפלה ובכל חוף הים הגדול אל מול הלבנון החתי והאמרי הכנעני הפרזי החוי והיבוסי׃
2 Samuel 11:6
6 וישׁלח דוד אל יואב שׁלח אלי את אוריה החתי וישׁלח יואב את אוריה אל דוד׃
Genesis 15:21
21 ואת האמרי ואת הכנעני ואת הגרגשׁי ואת היבוסי׃
Genesis 48:22
22 ואני נתתי לך שׁכם אחד על אחיך אשׁר לקחתי מיד האמרי בחרבי ובקשׁתי׃
Exodus 33:2
2 ושׁלחתי לפניך מלאך וגרשׁתי את הכנעני האמרי והחתי והפרזי החוי והיבוסי׃
Exodus 34:11
11 שׁמר לך את אשׁר אנכי מצוך היום הנני גרשׁ מפניך את האמרי והכנעני והחתי והפרזי והחוי והיבוסי׃
Numbers 21:21-32
21 וישׁלח ישׂראל מלאכים אל סיחן מלך האמרי לאמר׃22 אעברה בארצך לא נטה בשׂדה ובכרם לא נשׁתה מי באר בדרך המלך נלך עד אשׁר נעבר גבלך׃23 ולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל׃24 ויכהו ישׂראל לפי חרב ויירשׁ את ארצו מארנן עד יבק עד בני עמון כי עז גבול בני עמון׃25 ויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה׃26 כי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן׃27 על כן יאמרו המשׁלים באו חשׁבון תבנה ותכונן עיר סיחון׃28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃30 ונירם אבד חשׁבון עד דיבן ונשׁים עד נפח אשׁר עד מידבא׃31 וישׁב ישׂראל בארץ האמרי׃32 וישׁלח משׁה לרגל את יעזר וילכדו בנתיה ויירשׁ את האמרי אשׁר שׁם׃
Deuteronomy 7:1
1 כי יביאך יהוה אלהיך אל הארץ אשׁר אתה בא שׁמה לרשׁתה ונשׁל גוים רבים מפניך החתי והגרגשׁי והאמרי והכנעני והפרזי והחוי והיבוסי שׁבעה גוים רבים ועצומים ממך׃
Deuteronomy 20:17
17 כי החרם תחרימם החתי והאמרי הכנעני והפרזי החוי והיבוסי כאשׁר צוך יהוה אלהיך׃
Joshua 3:10
10 ויאמר יהושׁע בזאת תדעון כי אל חי בקרבכם והורשׁ יורישׁ מפניכם את הכנעני ואת החתי ואת החוי ואת הפרזי ואת הגרגשׁי והאמרי והיבוסי׃
Joshua 24:15
15 ואם רע בעיניכם לעבד את יהוה בחרו לכם היום את מי תעבדון אם את אלהים אשׁר עבדו אבותיכם אשׁר בעבר הנהר ואם את אלהי האמרי אשׁר אתם ישׁבים בארצם ואנכי וביתי נעבד את יהוה׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
Judges 19:11
11 הם עם יבוס והיום רד מאד ויאמר הנער אל אדניו לכה נא ונסורה אל עיר היבוסי הזאת ונלין׃
2 Samuel 21:2
2 ויקרא המלך לגבענים ויאמר אליהם והגבענים לא מבני ישׂראל המה כי אם מיתר האמרי ובני ישׂראל נשׁבעו להם ויבקשׁ שׁאול להכתם בקנאתו לבני ישׂראל ויהודה׃
2 Samuel 24:16
16 וישׁלח ידו המלאך ירושׁלם לשׁחתה וינחם יהוה אל הרעה ויאמר למלאך המשׁחית בעם רב עתה הרף ידך ומלאך יהוה היה עם גרן האורנה היבסי׃
2 Kings 21:11
11 יען אשׁר עשׂה מנשׁה מלך יהודה התעבות האלה הרע מכל אשׁר עשׂו האמרי אשׁר לפניו ויחטא גם את יהודה בגלוליו׃
Nehemiah 9:8
8 ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשׁי לתת לזרעו ותקם את דבריך כי צדיק אתה׃
Amos 2:9
9 ואנכי השׁמדתי את האמרי מפניהם אשׁר כגבה ארזים גבהו וחסן הוא כאלונים ואשׁמיד פריו ממעל ושׁרשׁיו מתחת׃
Zechariah 9:7
7 והסרתי דמיו מפיו ושׁקציו מבין שׁניו ונשׁאר גם הוא לאלהינו והיה כאלף ביהודה ועקרון כיבוסי׃
Exodus 3:8
8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃
Exodus 3:17
17 ואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי אל ארץ זבת חלב ודבשׁ׃
Exodus 13:5
5 והיה כי יביאך יהוה אל ארץ הכנעני והחתי והאמרי והחוי והיבוסי אשׁר נשׁבע לאבתיך לתת לך ארץ זבת חלב ודבשׁ ועבדת את העבדה הזאת בחדשׁ הזה׃
1 Kings 9:20
20 כל העם הנותר מן האמרי החתי הפרזי החוי והיבוסי אשׁר לא מבני ישׂראל המה׃
Numbers 34:8
8 מהר ההר תתאו לבא חמת והיו תוצאת הגבל צדדה׃
1 Kings 8:65
65 ויעשׂ שׁלמה בעת ההיא את החג וכל ישׂראל עמו קהל גדול מלבוא חמת עד נחל מצרים לפני יהוה אלהינו שׁבעת ימים ושׁבעת ימים ארבעה עשׂר יום׃
Genesis 10:22-32
22 בני שׁם עילם ואשׁור וארפכשׁד ולוד וארם׃23 ובני ארם עוץ וחול וגתר ומשׁ׃24 וארפכשׁד ילד את שׁלח ושׁלח ילד את עבר׃25 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃26 ויקטן ילד את אלמודד ואת שׁלף ואת חצרמות ואת ירח׃27 ואת הדורם ואת אוזל ואת דקלה׃28 ואת עובל ואת אבימאל ואת שׁבא׃29 ואת אופר ואת חוילה ואת יובב כל אלה בני יקטן׃30 ויהי מושׁבם ממשׁא באכה ספרה הר הקדם׃31 אלה בני שׁם למשׁפחתם ללשׁנתם בארצתם לגויהם׃32 אלה משׁפחת בני נח לתולדתם בגויהם ומאלה נפרדו הגוים בארץ אחר המבול׃
Genesis 11:10
10 אלה תולדת שׁם שׁם בן מאת שׁנה ויולד את ארפכשׁד שׁנתים אחר המבול׃
Genesis 14:1
1 ויהי בימי אמרפל מלך שׁנער אריוך מלך אלסר כדרלעמר מלך עילם ותדעל מלך גוים׃
Numbers 23:7
7 וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃
Numbers 24:22-24
Ezra 4:2
2 ויגשׁו אל זרבבל ואל ראשׁי האבות ויאמרו להם נבנה עמכם כי ככם נדרושׁ לאלהיכם ולא אנחנו זבחים מימי אסר חדן מלך אשׁור המעלה אתנו פה׃
Psalms 83:8
8 (83:9) גם אשׁור נלוה עמם היו זרוע לבני לוט סלה׃
Isaiah 11:11
11 והיה ביום ההוא יוסיף אדני שׁנית ידו לקנות את שׁאר עמו אשׁר ישׁאר מאשׁור וממצרים ומפתרוס ומכושׁ ומעילם ומשׁנער ומחמת ומאיי הים׃
Isaiah 21:2
2 חזות קשׁה הגד לי הבוגד בוגד והשׁודד שׁודד עלי עילם צורי מדי כל אנחתה השׁבתי׃
Isaiah 22:6
6 ועילם נשׂא אשׁפה ברכב אדם פרשׁים וקיר ערה מגן׃
Jeremiah 25:25
25 ואת כל מלכי זמרי ואת כל מלכי עילם ואת כל מלכי מדי׃
Ezekiel 27:10
10 פרס ולוד ופוט היו בחילך אנשׁי מלחמתך מגן וכובע תלו בך המה נתנו הדרך׃
Ezekiel 27:23
23 חרן וכנה ועדן רכלי שׁבא אשׁור כלמד רכלתך׃
Ezekiel 32:22
22 שׁם אשׁור וכל קהלה סביבותיו קברתיו כלם חללים הנפלים בחרב׃
Ezekiel 32:24
24 שׁם עילם וכל המונה סביבות קברתה כלם חללים הנפלים בחרב אשׁר ירדו ערלים אל ארץ תחתיות אשׁר נתנו חתיתם בארץ חיים וישׂאו כלמתם את יורדי בור׃
Daniel 8:2
2 ואראה בחזון ויהי בראתי ואני בשׁושׁן הבירה אשׁר בעילם המדינה ואראה בחזון ואני הייתי על אובל אולי׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Genesis 10:24
24 וארפכשׁד ילד את שׁלח ושׁלח ילד את עבר׃
Genesis 11:12-15
Genesis 10:21
21 ולשׁם ילד גם הוא אבי כל בני עבר אחי יפת הגדול׃
Genesis 10:25
25 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃
Genesis 11:16-17
Genesis 10:26-27
Genesis 2:11
11 שׁם האחד פישׁון הוא הסבב את כל ארץ החוילה אשׁר שׁם הזהב׃
Genesis 10:29
29 ואת אופר ואת חוילה ואת יובב כל אלה בני יקטן׃
Genesis 25:18
18 וישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל׃
1 Samuel 15:7
7 ויך שׁאול את עמלק מחוילה בואך שׁור אשׁר על פני מצרים׃
1 Kings 9:28
28 ויבאו אופירה ויקחו משׁם זהב ארבע מאות ועשׂרים ככר ויבאו אל המלך שׁלמה׃
1 Kings 10:11
11 וגם אני חירם אשׁר נשׂא זהב מאופיר הביא מאפיר עצי אלמגים הרבה מאד ואבן יקרה׃
1 Chronicles 29:4
4 שׁלשׁת אלפים ככרי זהב מזהב אופיר ושׁבעת אלפים ככר כסף מזקק לטוח קירות הבתים׃
Job 22:24
24 ושׁית על עפר בצר ובצור נחלים אופיר׃
Psalms 45:9
9 (45:10) בנות מלכים ביקרותיך נצבה שׁגל לימינך בכתם אופיר׃
Isaiah 13:12
12 אוקיר אנושׁ מפז ואדם מכתם אופיר׃
Genesis 11:10-26
10 אלה תולדת שׁם שׁם בן מאת שׁנה ויולד את ארפכשׁד שׁנתים אחר המבול׃11 ויחי שׁם אחרי הולידו את ארפכשׁד חמשׁ מאות שׁנה ויולד בנים ובנות׃12 וארפכשׁד חי חמשׁ ושׁלשׁים שׁנה ויולד את שׁלח׃13 ויחי ארפכשׁד אחרי הולידו את שׁלח שׁלשׁ שׁנים וארבע מאות שׁנה ויולד בנים ובנות׃14 ושׁלח חי שׁלשׁים שׁנה ויולד את עבר׃15 ויחי שׁלח אחרי הולידו את עבר שׁלשׁ שׁנים וארבע מאות שׁנה ויולד בנים ובנות׃16 ויחי עבר ארבע ושׁלשׁים שׁנה ויולד את פלג׃17 ויחי עבר אחרי הולידו את פלג שׁלשׁים שׁנה וארבע מאות שׁנה ויולד בנים ובנות׃18 ויחי פלג שׁלשׁים שׁנה ויולד את רעו׃19 ויחי פלג אחרי הולידו את רעו תשׁע שׁנים ומאתים שׁנה ויולד בנים ובנות׃20 ויחי רעו שׁתים ושׁלשׁים שׁנה ויולד את שׂרוג׃21 ויחי רעו אחרי הולידו את שׂרוג שׁבע שׁנים ומאתים שׁנה ויולד בנים ובנות׃22 ויחי שׂרוג שׁלשׁים שׁנה ויולד את נחור׃23 ויחי שׂרוג אחרי הולידו את נחור מאתים שׁנה ויולד בנים ובנות׃24 ויחי נחור תשׁע ועשׂרים שׁנה ויולד את תרח׃25 ויחי נחור אחרי הולידו את תרח תשׁע עשׂרה שׁנה ומאת שׁנה ויולד בנים ובנות׃26 ויחי תרח שׁבעים שׁנה ויולד את אברם את נחור ואת הרן׃27 ואלה תולדת תרח תרח הוליד את אברם את נחור ואת הרן והרן הוליד את לוט׃28 וימת הרן על פני תרח אביו בארץ מולדתו באור כשׂדים׃29 ויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה׃30 ותהי שׂרי עקרה אין לה ולד׃31 ויקח תרח את אברם בנו ואת לוט בן הרן בן בנו ואת שׂרי כלתו אשׁת אברם בנו ויצאו אתם מאור כשׂדים ללכת ארצה כנען ויבאו עד חרן וישׁבו שׁם׃32 ויהיו ימי תרח חמשׁ שׁנים ומאתים שׁנה וימת תרח בחרן׃
Genesis 17:5
5 ולא יקרא עוד את שׁמך אברם והיה שׁמך אברהם כי אב המון גוים נתתיך׃
Joshua 24:2
2 ויאמר יהושׁע אל כל העם כה אמר יהוה אלהי ישׂראל בעבר הנהר ישׁבו אבותיכם מעולם תרח אבי אברהם ואבי נחור ויעבדו אלהים אחרים׃
Nehemiah 9:7
7 אתה הוא יהוה האלהים אשׁר בחרת באברם והוצאתו מאור כשׂדים ושׂמת שׁמו אברהם׃
Genesis 16:11-16
11 ויאמר לה מלאך יהוה הנך הרה וילדת בן וקראת שׁמו ישׁמעאל כי שׁמע יהוה אל עניך׃12 והוא יהיה פרא אדם ידו בכל ויד כל בו ועל פני כל אחיו ישׁכן׃13 ותקרא שׁם יהוה הדבר אליה אתה אל ראי כי אמרה הגם הלם ראיתי אחרי ראי׃14 על כן קרא לבאר באר לחי ראי הנה בין קדשׁ ובין ברד׃15 ותלד הגר לאברם בן ויקרא אברם שׁם בנו אשׁר ילדה הגר ישׁמעאל׃16 ואברם בן שׁמנים שׁנה ושׁשׁ שׁנים בלדת הגר את ישׁמעאל לאברם׃
Genesis 17:19-21
Genesis 21:2-5
Genesis 21:9-10
Genesis 21:12
12 ויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקלה כי ביצחק יקרא לך זרע׃
Genesis 25:12-16
Genesis 28:9
9 וילך עשׂו אל ישׁמעאל ויקח את מחלת בת ישׁמעאל בן אברהם אחות נביות על נשׁיו לו לאשׁה׃
Psalms 120:4
4 חצי גבור שׁנונים עם גחלי רתמים׃
Song of Songs 1:5
5 שׁחורה אני ונאוה בנות ירושׁלם כאהלי קדר כיריעות שׁלמה׃
Isaiah 21:17
17 ושׁאר מספר קשׁת גבורי בני קדר ימעטו כי יהוה אלהי ישׂראל דבר׃
Isaiah 60:7
7 כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃
Genesis 25:15
15 חדד ותימא יטור נפישׁ וקדמה׃
Isaiah 21:11
11 משׂא דומה אלי קרא משׂעיר שׁמר מה מלילה שׁמר מה מליל׃
Genesis 25:1-4
Genesis 37:28
28 ויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה׃
Exodus 2:15-16
Numbers 22:4-7
4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃5 וישׁלח מלאכים אל בלעם בן בעור פתורה אשׁר על הנהר ארץ בני עמו לקרא לו לאמר הנה עם יצא ממצרים הנה כסה את עין הארץ והוא ישׁב ממלי׃6 ועתה לכה נא ארה לי את העם הזה כי עצום הוא ממני אולי אוכל נכה בו ואגרשׁנו מן הארץ כי ידעתי את אשׁר תברך מברך ואשׁר תאר יואר׃7 וילכו זקני מואב וזקני מדין וקסמים בידם ויבאו אל בלעם וידברו אליו דברי בלק׃
Numbers 25:6
6 והנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד׃
Numbers 31:2
2 נקם נקמת בני ישׂראל מאת המדינים אחר תאסף אל עמיך׃
Judges 6:1-6
1 ויעשׂו בני ישׂראל הרע בעיני יהוה ויתנם יהוה ביד מדין שׁבע שׁנים׃2 ותעז יד מדין על ישׂראל מפני מדין עשׂו להם בני ישׂראל את המנהרות אשׁר בהרים ואת המערות ואת המצדות׃3 והיה אם זרע ישׂראל ועלה מדין ועמלק ובני קדם ועלו עליו׃4 ויחנו עליהם וישׁחיתו את יבול הארץ עד בואך עזה ולא ישׁאירו מחיה בישׂראל ושׂה ושׁור וחמור׃5 כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשׁחתה׃6 וידל ישׂראל מאד מפני מדין ויזעקו בני ישׂראל אל יהוה׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
Job 6:19
19 הביטו ארחות תמא הליכת שׁבא קוו׃
Psalms 72:15
15 ויחי ויתן לו מזהב שׁבא ויתפלל בעדו תמיד כל היום יברכנהו׃
Isaiah 21:13
13 משׂא בערב ביער בערב תלינו ארחות דדנים׃
Isaiah 60:6
6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃
Jeremiah 25:23
23 ואת דדן ואת תימא ואת בוז ואת כל קצוצי פאה׃
Jeremiah 49:8
8 נסו הפנו העמיקו לשׁבת ישׁבי דדן כי איד עשׂו הבאתי עליו עת פקדתיו׃
Ezekiel 25:13
13 לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃
Ezekiel 27:20
20 דדן רכלתך בבגדי חפשׁ לרכבה׃
Genesis 21:2-3
Genesis 25:24-28
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
1 Chronicles 1:28
28 בני אברהם יצחק וישׁמעאל׃
Malachi 1:2-4
Genesis 36:4-5
Genesis 36:9-10
9 ואלה תלדות עשׂו אבי אדום בהר שׂעיר׃10 אלה שׁמות בני עשׂו אליפז בן עדה אשׁת עשׂו רעואל בן בשׂמת אשׁת עשׂו׃11 ויהיו בני אליפז תימן אומר צפו וגעתם וקנז׃12 ותמנע היתה פילגשׁ לאליפז בן עשׂו ותלד לאליפז את עמלק אלה בני עדה אשׁת עשׂו׃13 ואלה בני רעואל נחת וזרח שׁמה ומזה אלה היו בני בשׂמת אשׁת עשׂו׃14 ואלה היו בני אהליבמה בת ענה בת צבעון אשׁת עשׂו ותלד לעשׂו את יעישׁ ואת יעלם ואת קרח׃15 אלה אלופי בני עשׂו בני אליפז בכור עשׂו אלוף תימן אלוף אומר אלוף צפו אלוף קנז׃
1 Chronicles 1:53
53 אלוף קנז אלוף תימן אלוף מבצר׃
Jeremiah 49:7
7 לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃
Jeremiah 49:20
20 לכן שׁמעו עצת יהוה אשׁר יעץ אל אדום ומחשׁבותיו אשׁר חשׁב אל ישׁבי תימן אם לא יסחבום צעירי הצאן אם לא ישׁים עליהם נוהם׃
Amos 1:12
12 ושׁלחתי אשׁ בתימן ואכלה ארמנות בצרה׃
Obadiah 1:9
9 וחתו גבוריך תימן למען יכרת אישׁ מהר עשׂו מקטל׃
Habakkuk 3:3
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃
Genesis 36:20-30
20 אלה בני שׂעיר החרי ישׁבי הארץ לוטן ושׁובל וצבעון וענה׃21 ודשׁון ואצר ודישׁן אלה אלופי החרי בני שׂעיר בארץ אדום׃22 ויהיו בני לוטן חרי והימם ואחות לוטן תמנע׃23 ואלה בני שׁובל עלון ומנחת ועיבל שׁפו ואונם׃24 ואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו׃25 ואלה בני ענה דשׁן ואהליבמה בת ענה׃26 ואלה בני דישׁן חמדן ואשׁבן ויתרן וכרן׃27 אלה בני אצר בלהן וזעון ועקן׃28 אלה בני דישׁן עוץ וארן׃29 אלה אלופי החרי אלוף לוטן אלוף שׁובל אלוף צבעון אלוף ענה׃30 אלוף דשׁן אלוף אצר אלוף דישׁן אלה אלופי החרי לאלפיהם בארץ שׂעיר׃
Genesis 36:22
22 ויהיו בני לוטן חרי והימם ואחות לוטן תמנע׃
Deuteronomy 2:12
12 ובשׂעיר ישׁבו החרים לפנים ובני עשׂו יירשׁום וישׁמידום מפניהם וישׁבו תחתם כאשׁר עשׂה ישׂראל לארץ ירשׁתו אשׁר נתן יהוה׃
Deuteronomy 2:22
22 כאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁם וישׁבו תחתם עד היום הזה׃
Genesis 36:23-24
Lamentations 4:21
21 שׂישׂי ושׂמחי בת אדום יושׁבתי בארץ עוץ גם עליך תעבר כוס תשׁכרי ותתערי׃
Genesis 36:31-43
31 ואלה המלכים אשׁר מלכו בארץ אדום לפני מלך מלך לבני ישׂראל׃32 וימלך באדום בלע בן בעור ושׁם עירו דנהבה׃33 וימת בלע וימלך תחתיו יובב בן זרח מבצרה׃34 וימת יובב וימלך תחתיו חשׁם מארץ התימני׃35 וימת חשׁם וימלך תחתיו הדד בן בדד המכה את מדין בשׂדה מואב ושׁם עירו עוית׃36 וימת הדד וימלך תחתיו שׂמלה ממשׂרקה׃37 וימת שׂמלה וימלך תחתיו שׁאול מרחבות הנהר׃38 וימת שׁאול וימלך תחתיו בעל חנן בן עכבור׃39 וימת בעל חנן בן עכבור וימלך תחתיו הדר ושׁם עירו פעו ושׁם אשׁתו מהיטבאל בת מטרד בת מי זהב׃40 ואלה שׁמות אלופי עשׂו למשׁפחתם למקמתם בשׁמתם אלוף תמנע אלוף עלוה אלוף יתת׃41 אלוף אהליבמה אלוף אלה אלוף פינן׃42 אלוף קנז אלוף תימן אלוף מבצר׃43 אלוף מגדיאל אלוף עירם אלה אלופי אדום למשׁבתם בארץ אחזתם הוא עשׂו אבי אדום׃
Genesis 49:10
10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃
Numbers 24:17-19
Isaiah 34:6
6 חרב ליהוה מלאה דם הדשׁנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃
Isaiah 63:1
1 מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃
Jeremiah 49:13
13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃
Micah 2:12
12 אסף אאסף יעקב כלך קבץ אקבץ שׁארית ישׂראל יחד אשׂימנו כצאן בצרה כעדר בתוך הדברו תהימנה מאדם׃
Genesis 36:11
11 ויהיו בני אליפז תימן אומר צפו וגעתם וקנז׃
Job 2:11
11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃
Genesis 36:37
37 וימת שׂמלה וימלך תחתיו שׁאול מרחבות הנהר׃