1 וישׁלח חירם מלך צר מלאכים אל דויד ועצי ארזים וחרשׁי קיר וחרשׁי עצים לבנות לו בית׃2 וידע דויד כי הכינו יהוה למלך על ישׂראל כי נשׂאת למעלה מלכותו בעבור עמו ישׂראל׃3 ויקח דויד עוד נשׁים בירושׁלם ויולד דויד עוד בנים ובנות׃4 ואלה שׁמות הילודים אשׁר היו לו בירושׁלם שׁמוע ושׁובב נתן ושׁלמה׃5 ויבחר ואלישׁוע ואלפלט׃6 ונגה ונפג ויפיע׃7 ואלישׁמע ובעלידע ואליפלט׃8 וישׁמעו פלשׁתים כי נמשׁח דויד למלך על כל ישׂראל ויעלו כל פלשׁתים לבקשׁ את דויד וישׁמע דויד ויצא לפניהם׃9 ופלשׁתים באו ויפשׁטו בעמק רפאים׃10 וישׁאל דויד באלהים לאמר האעלה על פלשׁתיים ונתתם בידי ויאמר לו יהוה עלה ונתתים בידך׃11 ויעלו בבעל פרצים ויכם שׁם דויד ויאמר דויד פרץ האלהים את אויבי בידי כפרץ מים על כן קראו שׁם המקום ההוא בעל פרצים׃12 ויעזבו שׁם את אלהיהם ויאמר דויד וישׂרפו באשׁ׃13 ויסיפו עוד פלשׁתים ויפשׁטו בעמק׃14 וישׁאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים׃15 ויהי כשׁמעך את קול הצעדה בראשׁי הבכאים אז תצא במלחמה כי יצא האלהים לפניך להכות את מחנה פלשׁתים׃16 ויעשׂ דויד כאשׁר צוהו האלהים ויכו את מחנה פלשׁתים מגבעון ועד גזרה׃17 ויצא שׁם דויד בכל הארצות ויהוה נתן את פחדו על כל הגוים׃
1 Chronicles 14 Cross References - HOT
2 Samuel 5:11-16
11 וישׁלח חירם מלך צר מלאכים אל דוד ועצי ארזים וחרשׁי עץ וחרשׁי אבן קיר ויבנו בית לדוד׃12 וידע דוד כי הכינו יהוה למלך על ישׂראל וכי נשׂא ממלכתו בעבור עמו ישׂראל׃13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃14 ואלה שׁמות הילדים לו בירושׁלם שׁמוע ושׁובב ונתן ושׁלמה׃15 ויבחר ואלישׁוע ונפג ויפיע׃16 ואלישׁמע ואלידע ואליפלט׃
2 Samuel 7:2
2 ויאמר המלך אל נתן הנביא ראה נא אנכי יושׁב בבית ארזים וארון האלהים ישׁב בתוך היריעה׃
1 Kings 5:1
1 (5:15) וישׁלח חירם מלך צור את עבדיו אל שׁלמה כי שׁמע כי אתו משׁחו למלך תחת אביהו כי אהב היה חירם לדוד כל הימים׃
1 Kings 5:6
6 (5:20) ועתה צוה ויכרתו לי ארזים מן הלבנון ועבדי יהיו עם עבדיך ושׂכר עבדיך אתן לך ככל אשׁר תאמר כי אתה ידעת כי אין בנו אישׁ ידע לכרת עצים כצדנים׃
1 Kings 5:8-12
8 (5:22) וישׁלח חירם אל שׁלמה לאמר שׁמעתי את אשׁר שׁלחת אלי אני אעשׂה את כל חפצך בעצי ארזים ובעצי ברושׁים׃9 (5:23) עבדי ירדו מן הלבנון ימה ואני אשׂימם דברות בים עד המקום אשׁר תשׁלח אלי ונפצתים שׁם ואתה תשׂא ואתה תעשׂה את חפצי לתת לחם ביתי׃10 (5:24) ויהי חירום נתן לשׁלמה עצי ארזים ועצי ברושׁים כל חפצו׃11 (5:25) ושׁלמה נתן לחירם עשׂרים אלף כר חטים מכלת לביתו ועשׂרים כר שׁמן כתית כה יתן שׁלמה לחירם שׁנה בשׁנה׃12 (5:26) ויהוה נתן חכמה לשׁלמה כאשׁר דבר לו ויהי שׁלם בין חירם ובין שׁלמה ויכרתו ברית שׁניהם׃
1 Kings 5:18
18 (5:32) ויפסלו בני שׁלמה ובני חירום והגבלים ויכינו העצים והאבנים לבנות הבית׃
1 Kings 7:1-12
1 ואת ביתו בנה שׁלמה שׁלשׁ עשׂרה שׁנה ויכל את כל ביתו׃2 ויבן את בית יער הלבנון מאה אמה ארכו וחמשׁים אמה רחבו ושׁלשׁים אמה קומתו על ארבעה טורי עמודי ארזים וכרתות ארזים על העמודים׃3 וספן בארז ממעל על הצלעת אשׁר על העמודים ארבעים וחמשׁה חמשׁה עשׂר הטור׃4 ושׁקפים שׁלשׁה טורים ומחזה אל מחזה שׁלשׁ פעמים׃5 וכל הפתחים והמזוזות רבעים שׁקף ומול מחזה אל מחזה שׁלשׁ פעמים׃6 ואת אולם העמודים עשׂה חמשׁים אמה ארכו ושׁלשׁים אמה רחבו ואולם על פניהם ועמדים ועב על פניהם׃7 ואולם הכסא אשׁר ישׁפט שׁם אלם המשׁפט עשׂה וספון בארז מהקרקע עד הקרקע׃8 וביתו אשׁר ישׁב שׁם חצר האחרת מבית לאולם כמעשׂה הזה היה ובית יעשׂה לבת פרעה אשׁר לקח שׁלמה כאולם הזה׃9 כל אלה אבנים יקרת כמדת גזית מגררות במגרה מבית ומחוץ וממסד עד הטפחות ומחוץ עד החצר הגדולה׃10 ומיסד אבנים יקרות אבנים גדלות אבני עשׂר אמות ואבני שׁמנה אמות׃11 ומלמעלה אבנים יקרות כמדות גזית וארז׃12 וחצר הגדולה סביב שׁלשׁה טורים גזית וטור כרתת ארזים ולחצר בית יהוה הפנימית ולאלם הבית׃
1 Chronicles 17:1
1 ויהי כאשׁר ישׁב דויד בביתו ויאמר דויד אל נתן הנביא הנה אנכי יושׁב בבית הארזים וארון ברית יהוה תחת יריעות׃
1 Chronicles 22:2
2 ויאמר דויד לכנוס את הגרים אשׁר בארץ ישׂראל ויעמד חצבים לחצוב אבני גזית לבנות בית האלהים׃
2 Chronicles 2:3
3 (2:2) וישׁלח שׁלמה אל חורם מלך צר לאמר כאשׁר עשׂית עם דויד אבי ותשׁלח לו ארזים לבנות לו בית לשׁבת׃
2 Chronicles 2:8-12
8 (2:7) ושׁלח לי עצי ארזים ברושׁים ואלגומים מהלבנון כי אני ידעתי אשׁר עבדיך יודעים לכרות עצי לבנון והנה עבדי עם עבדיך׃9 (2:8) ולהכין לי עצים לרב כי הבית אשׁר אני בונה גדול והפלא׃10 (2:9) והנה לחטבים לכרתי העצים נתתי חטים מכות לעבדיך כרים עשׂרים אלף ושׂערים כרים עשׂרים אלף ויין בתים עשׂרים אלף ושׁמן בתים עשׂרים אלף׃11 (2:10) ויאמר חורם מלך צר בכתב וישׁלח אל שׁלמה באהבת יהוה את עמו נתנך עליהם מלך׃12 (2:11) ויאמר חורם ברוך יהוה אלהי ישׂראל אשׁר עשׂה את השׁמים ואת הארץ אשׁר נתן לדויד המלך בן חכם יודע שׂכל ובינה אשׁר יבנה בית ליהוה ובית למלכותו׃
Ezra 3:7
7 ויתנו כסף לחצבים ולחרשׁים ומאכל ומשׁתה ושׁמן לצדנים ולצרים להביא עצי ארזים מן הלבנון אל ים יפוא כרשׁיון כורשׁ מלך פרס עליהם׃
Jeremiah 22:13-15
Numbers 24:7
7 יזל מים מדליו וזרעו במים רבים וירם מאגג מלכו ותנשׂא מלכתו׃
2 Samuel 7:8
8 ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישׂראל׃
2 Samuel 7:16
16 ונאמן ביתך וממלכתך עד עולם לפניך כסאך יהיה נכון עד עולם׃
1 Kings 10:9
9 יהי יהוה אלהיך ברוך אשׁר חפץ בך לתתך על כסא ישׂראל באהבת יהוה את ישׂראל לעלם וישׂימך למלך לעשׂות משׁפט וצדקה׃
1 Chronicles 17:17
17 ותקטן זאת בעיניך אלהים ותדבר על בית עבדך למרחוק וראיתני כתור האדם המעלה יהוה אלהים׃
2 Chronicles 2:11
11 (2:10) ויאמר חורם מלך צר בכתב וישׁלח אל שׁלמה באהבת יהוה את עמו נתנך עליהם מלך׃
Esther 4:14
14 כי אם החרשׁ תחרישׁי בעת הזאת רוח והצלה יעמוד ליהודים ממקום אחר ואת ובית אביך תאבדו ומי יודע אם לעת כזאת הגעת למלכות׃
Psalms 89:20-37
20 (89:21) מצאתי דוד עבדי בשׁמן קדשׁי משׁחתיו׃21 (89:22) אשׁר ידי תכון עמו אף זרועי תאמצנו׃22 (89:23) לא ישׁא אויב בו ובן עולה לא יעננו׃23 (89:24) וכתותי מפניו צריו ומשׂנאיו אגוף׃24 (89:25) ואמונתי וחסדי עמו ובשׁמי תרום קרנו׃25 (89:26) ושׂמתי בים ידו ובנהרות ימינו׃26 (89:27) הוא יקראני אבי אתה אלי וצור ישׁועתי׃27 (89:28) אף אני בכור אתנהו עליון למלכי ארץ׃28 (89:29) לעולם אשׁמור לו חסדי ובריתי נאמנת׃29 (89:30) ושׂמתי לעד זרעו וכסאו כימי שׁמים׃30 (89:31) אם יעזבו בניו תורתי ובמשׁפטי לא ילכון׃31 (89:32) אם חקתי יחללו ומצותי לא ישׁמרו׃32 (89:33) ופקדתי בשׁבט פשׁעם ובנגעים עונם׃33 (89:34) וחסדי לא אפיר מעמו ולא אשׁקר באמונתי׃34 (89:35) לא אחלל בריתי ומוצא שׂפתי לא אשׁנה׃35 (89:36) אחת נשׁבעתי בקדשׁי אם לדוד אכזב׃36 (89:37) זרעו לעולם יהיה וכסאו כשׁמשׁ נגדי׃37 (89:38) כירח יכון עולם ועד בשׁחק נאמן סלה׃
Isaiah 1:25-27
Daniel 2:30
30 ואנה לא בחכמה די איתי בי מן כל חייא רזא דנה גלי לי להן על דברת די פשׁרא למלכא יהודעון ורעיוני לבבך תנדע׃
Deuteronomy 17:17
17 ולא ירבה לו נשׁים ולא יסור לבבו וכסף וזהב לא ירבה לו מאד׃
2 Samuel 5:13
13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃
1 Kings 11:3
3 ויהי לו נשׁים שׂרות שׁבע מאות ופלגשׁים שׁלשׁ מאות ויטו נשׁיו את לבו׃
1 Chronicles 3:1-4
Proverbs 5:18-19
Ecclesiastes 7:26-29
Ecclesiastes 9:9
9 ראה חיים עם אשׁה אשׁר אהבת כל ימי חיי הבלך אשׁר נתן לך תחת השׁמשׁ כל ימי הבלך כי הוא חלקך בחיים ובעמלך אשׁר אתה עמל תחת השׁמשׁ׃
Malachi 2:14
14 ואמרתם על מה על כי יהוה העיד בינך ובין אשׁת נעוריך אשׁר אתה בגדתה בה והיא חברתך ואשׁת בריתך׃
2 Samuel 5:14
14 ואלה שׁמות הילדים לו בירושׁלם שׁמוע ושׁובב ונתן ושׁלמה׃
2 Samuel 12:1
1 וישׁלח יהוה את נתן אל דוד ויבא אליו ויאמר לו שׁני אנשׁים היו בעיר אחת אחד עשׁיר ואחד ראשׁ׃
2 Samuel 12:24-25
1 Kings 1:13
13 לכי ובאי אל המלך דוד ואמרת אליו הלא אתה אדני המלך נשׁבעת לאמתך לאמר כי שׁלמה בנך ימלך אחרי והוא ישׁב על כסאי ומדוע מלך אדניהו׃
1 Kings 1:17
17 ותאמר לו אדני אתה נשׁבעת ביהוה אלהיך לאמתך כי שׁלמה בנך ימלך אחרי והוא ישׁב על כסאי׃
1 Kings 2:15
15 ויאמר את ידעת כי לי היתה המלוכה ועלי שׂמו כל ישׂראל פניהם למלך ותסב המלוכה ותהי לאחי כי מיהוה היתה׃
1 Kings 3:3
3 ויאהב שׁלמה את יהוה ללכת בחקות דוד אביו רק בבמות הוא מזבח ומקטיר׃
1 Kings 3:5-11
5 בגבעון נראה יהוה אל שׁלמה בחלום הלילה ויאמר אלהים שׁאל מה אתן׃6 ויאמר שׁלמה אתה עשׂית עם עבדך דוד אבי חסד גדול כאשׁר הלך לפניך באמת ובצדקה ובישׁרת לבב עמך ותשׁמר לו את החסד הגדול הזה ותתן לו בן ישׁב על כסאו כיום הזה׃7 ועתה יהוה אלהי אתה המלכת את עבדך תחת דוד אבי ואנכי נער קטן לא אדע צאת ובא׃8 ועבדך בתוך עמך אשׁר בחרת עם רב אשׁר לא ימנה ולא יספר מרב׃9 ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃10 וייטב הדבר בעיני אדני כי שׁאל שׁלמה את הדבר הזה׃11 ויאמר אלהים אליו יען אשׁר שׁאלת את הדבר הזה ולא שׁאלת לך ימים רבים ולא שׁאלת לך עשׁר ולא שׁאלת נפשׁ איביך ושׁאלת לך הבין לשׁמע משׁפט׃
1 Chronicles 3:5-9
1 Chronicles 22:9-12
9 הנה בן נולד לך הוא יהיה אישׁ מנוחה והנחותי לו מכל אויביו מסביב כי שׁלמה יהיה שׁמו ושׁלום ושׁקט אתן על ישׂראל בימיו׃10 הוא יבנה בית לשׁמי והוא יהיה לי לבן ואני לו לאב והכינותי כסא מלכותו על ישׂראל עד עולם׃11 עתה בני יהי יהוה עמך והצלחת ובנית בית יהוה אלהיך כאשׁר דבר עליך׃12 אך יתן לך יהוה שׂכל ובינה ויצוך על ישׂראל ולשׁמור את תורת יהוה אלהיך׃
1 Chronicles 28:5-6
2 Samuel 5:15
15 ויבחר ואלישׁוע ונפג ויפיע׃
1 Chronicles 3:6
6 ויבחר ואלישׁמע ואליפלט׃
2 Samuel 5:16
16 ואלישׁמע ואלידע ואליפלט׃
1 Chronicles 3:8
8 ואלישׁמע ואלידע ואליפלט תשׁעה׃
1 Samuel 21:11
11 (21:12) ויאמרו עבדי אכישׁ אליו הלוא זה דוד מלך הארץ הלוא לזה יענו במחלות לאמר הכה שׁאול באלפו ודוד ברבבתו׃
2 Samuel 5:3
3 ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃
2 Samuel 5:17-25
17 וישׁמעו פלשׁתים כי משׁחו את דוד למלך על ישׂראל ויעלו כל פלשׁתים לבקשׁ את דוד וישׁמע דוד וירד אל המצודה׃18 ופלשׁתים באו וינטשׁו בעמק רפאים׃19 וישׁאל דוד ביהוה לאמר האעלה אל פלשׁתים התתנם בידי ויאמר יהוה אל דוד עלה כי נתן אתן את הפלשׁתים בידך׃20 ויבא דוד בבעל פרצים ויכם שׁם דוד ויאמר פרץ יהוה את איבי לפני כפרץ מים על כן קרא שׁם המקום ההוא בעל פרצים׃21 ויעזבו שׁם את עצביהם וישׂאם דוד ואנשׁיו׃22 ויספו עוד פלשׁתים לעלות וינטשׁו בעמק רפאים׃23 וישׁאל דוד ביהוה ויאמר לא תעלה הסב אל אחריהם ובאת להם ממול בכאים׃24 ויהי בשׁמעך את קול צעדה בראשׁי הבכאים אז תחרץ כי אז יצא יהוה לפניך להכות במחנה פלשׁתים׃25 ויעשׂ דוד כן כאשׁר צוהו יהוה ויך את פלשׁתים מגבע עד באך גזר׃
1 Chronicles 11:3
3 ויבאו כל זקני ישׂראל אל המלך חברונה ויכרת להם דויד ברית בחברון לפני יהוה וימשׁחו את דויד למלך על ישׂראל כדבר יהוה ביד שׁמואל׃
Psalms 2:1-6
2 Samuel 5:18
18 ופלשׁתים באו וינטשׁו בעמק רפאים׃
2 Samuel 23:13
13 וירדו שׁלשׁים מהשׁלשׁים ראשׁ ויבאו אל קציר אל דוד אל מערת עדלם וחית פלשׁתים חנה בעמק רפאים׃
1 Chronicles 11:15
15 וירדו שׁלושׁה מן השׁלושׁים ראשׁ על הצר אל דויד אל מערת עדלם ומחנה פלשׁתים חנה בעמק רפאים׃
1 Chronicles 14:13
13 ויסיפו עוד פלשׁתים ויפשׁטו בעמק׃
Isaiah 17:5
5 והיה כאסף קציר קמה וזרעו שׁבלים יקצור והיה כמלקט שׁבלים בעמק רפאים׃
Judges 4:6-7
1 Samuel 23:2-4
1 Samuel 23:9-12
9 וידע דוד כי עליו שׁאול מחרישׁ הרעה ויאמר אל אביתר הכהן הגישׁה האפוד׃10 ויאמר דוד יהוה אלהי ישׂראל שׁמע שׁמע עבדך כי מבקשׁ שׁאול לבוא אל קעילה לשׁחת לעיר בעבורי׃11 היסגרני בעלי קעילה בידו הירד שׁאול כאשׁר שׁמע עבדך יהוה אלהי ישׂראל הגד נא לעבדך ויאמר יהוה ירד׃12 ויאמר דוד היסגרו בעלי קעילה אתי ואת אנשׁי ביד שׁאול ויאמר יהוה יסגירו׃
1 Samuel 30:8
8 וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃
2 Samuel 2:1
1 ויהי אחרי כן וישׁאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃
2 Samuel 5:19
19 וישׁאל דוד ביהוה לאמר האעלה אל פלשׁתים התתנם בידי ויאמר יהוה אל דוד עלה כי נתן אתן את הפלשׁתים בידך׃
2 Samuel 5:23
23 וישׁאל דוד ביהוה ויאמר לא תעלה הסב אל אחריהם ובאת להם ממול בכאים׃
1 Kings 22:6
6 ויקבץ מלך ישׂראל את הנביאים כארבע מאות אישׁ ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃
1 Kings 22:15-17
1 Chronicles 13:3
3 ונסבה את ארון אלהינו אלינו כי לא דרשׁנהו בימי שׁאול׃
1 Chronicles 14:14
14 וישׁאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים׃
Proverbs 3:6
6 בכל דרכיך דעהו והוא יישׁר ארחתיך׃
Exodus 14:28
28 וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד׃
2 Samuel 5:20
20 ויבא דוד בבעל פרצים ויכם שׁם דוד ויאמר פרץ יהוה את איבי לפני כפרץ מים על כן קרא שׁם המקום ההוא בעל פרצים׃
Job 30:14
14 כפרץ רחב יאתיו תחת שׁאה התגלגלו׃
Psalms 18:13-15
Psalms 44:3
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃
Psalms 144:1
1 לדוד ברוך יהוה צורי המלמד ידי לקרב אצבעותי למלחמה׃
Psalms 144:10
10 הנותן תשׁועה למלכים הפוצה את דוד עבדו מחרב רעה׃
Isaiah 28:21
21 כי כהר פרצים יקום יהוה כעמק בגבעון ירגז לעשׂות מעשׂהו זר מעשׂהו ולעבד עבדתו נכריה עבדתו׃
Exodus 12:12
12 ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃
Exodus 32:20
20 ויקח את העגל אשׁר עשׂו וישׂרף באשׁ ויטחן עד אשׁר דק ויזר על פני המים וישׁק את בני ישׂראל׃
Deuteronomy 7:5
5 כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃
Deuteronomy 7:25
25 פסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא׃
1 Samuel 5:2-6
2 ויקחו פלשׁתים את ארון האלהים ויביאו אתו בית דגון ויציגו אתו אצל דגון׃3 וישׁכמו אשׁדודים ממחרת והנה דגון נפל לפניו ארצה לפני ארון יהוה ויקחו את דגון וישׁבו אתו למקומו׃4 וישׁכמו בבקר ממחרת והנה דגון נפל לפניו ארצה לפני ארון יהוה וראשׁ דגון ושׁתי כפות ידיו כרתות אל המפתן רק דגון נשׁאר עליו׃5 על כן לא ידרכו כהני דגון וכל הבאים בית דגון על מפתן דגון באשׁדוד עד היום הזה׃6 ותכבד יד יהוה אל האשׁדודים וישׁמם ויך אתם בעפלים את אשׁדוד ואת גבוליה׃
2 Kings 19:18
18 ונתנו את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃
1 Kings 20:22
22 ויגשׁ הנביא אל מלך ישׂראל ויאמר לו לך התחזק ודע וראה את אשׁר תעשׂה כי לתשׁובת השׁנה מלך ארם עלה עליך׃
1 Chronicles 14:9
9 ופלשׁתים באו ויפשׁטו בעמק רפאים׃
Joshua 8:2-7
2 ועשׂית לעי ולמלכה כאשׁר עשׂית ליריחו ולמלכה רק שׁללה ובהמתה תבזו לכם שׂים לך ארב לעיר מאחריה׃3 ויקם יהושׁע וכל עם המלחמה לעלות העי ויבחר יהושׁע שׁלשׁים אלף אישׁ גבורי החיל וישׁלחם לילה׃4 ויצו אתם לאמר ראו אתם ארבים לעיר מאחרי העיר אל תרחיקו מן העיר מאד והייתם כלכם נכנים׃5 ואני וכל העם אשׁר אתי נקרב אל העיר והיה כי יצאו לקראתנו כאשׁר בראשׁנה ונסנו לפניהם׃6 ויצאו אחרינו עד התיקנו אותם מן העיר כי יאמרו נסים לפנינו כאשׁר בראשׁנה ונסנו לפניהם׃7 ואתם תקמו מהאורב והורשׁתם את העיר ונתנה יהוה אלהיכם בידכם׃
1 Chronicles 14:10
10 וישׁאל דויד באלהים לאמר האעלה על פלשׁתיים ונתתם בידי ויאמר לו יהוה עלה ונתתים בידך׃
Psalms 27:4
4 אחת שׁאלתי מאת יהוה אותה אבקשׁ שׁבתי בבית יהוה כל ימי חיי לחזות בנעם יהוה ולבקר בהיכלו׃
Leviticus 26:36
36 והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃
Judges 4:14
14 ותאמר דברה אל ברק קום כי זה היום אשׁר נתן יהוה את סיסרא בידך הלא יהוה יצא לפניך וירד ברק מהר תבור ועשׂרת אלפים אישׁ אחריו׃
Judges 7:9
9 ויהי בלילה ההוא ויאמר אליו יהוה קום רד במחנה כי נתתיו בידך׃
Judges 7:15
15 ויהי כשׁמע גדעון את מספר החלום ואת שׁברו וישׁתחו וישׁב אל מחנה ישׂראל ויאמר קומו כי נתן יהוה בידכם את מחנה מדין׃
1 Samuel 14:9-22
9 אם כה יאמרו אלינו דמו עד הגיענו אליכם ועמדנו תחתינו ולא נעלה אליהם׃10 ואם כה יאמרו עלו עלינו ועלינו כי נתנם יהוה בידנו וזה לנו האות׃11 ויגלו שׁניהם אל מצב פלשׁתים ויאמרו פלשׁתים הנה עברים יצאים מן החרים אשׁר התחבאו שׁם׃12 ויענו אנשׁי המצבה את יונתן ואת נשׂא כליו ויאמרו עלו אלינו ונודיעה אתכם דבר ויאמר יונתן אל נשׂא כליו עלה אחרי כי נתנם יהוה ביד ישׂראל׃13 ויעל יונתן על ידיו ועל רגליו ונשׂא כליו אחריו ויפלו לפני יונתן ונשׂא כליו ממותת אחריו׃14 ותהי המכה הראשׁנה אשׁר הכה יונתן ונשׂא כליו כעשׂרים אישׁ כבחצי מענה צמד שׂדה׃15 ותהי חרדה במחנה בשׂדה ובכל העם המצב והמשׁחית חרדו גם המה ותרגז הארץ ותהי לחרדת אלהים׃16 ויראו הצפים לשׁאול בגבעת בנימן והנה ההמון נמוג וילך והלם׃17 ויאמר שׁאול לעם אשׁר אתו פקדו נא וראו מי הלך מעמנו ויפקדו והנה אין יונתן ונשׂא כליו׃18 ויאמר שׁאול לאחיה הגישׁה ארון האלהים כי היה ארון האלהים ביום ההוא ובני ישׂראל׃19 ויהי עד דבר שׁאול אל הכהן וההמון אשׁר במחנה פלשׁתים וילך הלוך ורב ויאמר שׁאול אל הכהן אסף ידך׃20 ויזעק שׁאול וכל העם אשׁר אתו ויבאו עד המלחמה והנה היתה חרב אישׁ ברעהו מהומה גדולה מאד׃21 והעברים היו לפלשׁתים כאתמול שׁלשׁום אשׁר עלו עמם במחנה סביב וגם המה להיות עם ישׂראל אשׁר עם שׁאול ויונתן׃22 וכל אישׁ ישׂראל המתחבאים בהר אפרים שׁמעו כי נסו פלשׁתים וידבקו גם המה אחריהם במלחמה׃
2 Kings 7:6
6 ואדני השׁמיע את מחנה ארם קול רכב קול סוס קול חיל גדול ויאמרו אישׁ אל אחיו הנה שׂכר עלינו מלך ישׂראל את מלכי החתים ואת מלכי מצרים לבוא עלינו׃
2 Kings 19:7
7 הנני נתן בו רוח ושׁמע שׁמועה ושׁב לארצו והפלתיו בחרב בארצו׃
Isaiah 13:4
4 קול המון בהרים דמות עם רב קול שׁאון ממלכות גוים נאספים יהוה צבאות מפקד צבא מלחמה׃
Isaiah 45:1-2
Micah 2:12-13
Genesis 6:22
22 ויעשׂ נח ככל אשׁר צוה אתו אלהים כן עשׂה׃
Exodus 39:42-43
Joshua 16:10
10 ולא הורישׁו את הכנעני היושׁב בגזר וישׁב הכנעני בקרב אפרים עד היום הזה ויהי למס עבד׃
2 Samuel 5:25
25 ויעשׂ דוד כן כאשׁר צוהו יהוה ויך את פלשׁתים מגבע עד באך גזר׃
1 Chronicles 6:67
67 (6:52) ויתנו להם את ערי המקלט את שׁכם ואת מגרשׁיה בהר אפרים ואת גזר ואת מגרשׁיה׃
Exodus 15:14-16
Deuteronomy 2:25
25 היום הזה אחל תת פחדך ויראתך על פני העמים תחת כל השׁמים אשׁר ישׁמעון שׁמעך ורגזו וחלו מפניך׃
Deuteronomy 11:25
25 לא יתיצב אישׁ בפניכם פחדכם ומוראכם יתן יהוה אלהיכם על פני כל הארץ אשׁר תדרכו בה כאשׁר דבר׃
Joshua 2:9-11
9 ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃10 כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃11 ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃
Joshua 6:27
27 ויהי יהוה את יהושׁע ויהי שׁמעו בכל הארץ׃
Joshua 9:24
24 ויענו את יהושׁע ויאמרו כי הגד הגד לעבדיך את אשׁר צוה יהוה אלהיך את משׁה עבדו לתת לכם את כל הארץ ולהשׁמיד את כל ישׁבי הארץ מפניכם ונירא מאד לנפשׁתינו מפניכם ונעשׂה את הדבר הזה׃
2 Chronicles 26:8
8 ויתנו העמונים מנחה לעזיהו וילך שׁמו עד לבוא מצרים כי החזיק עד למעלה׃
Psalms 18:44
44 (18:45) לשׁמע אזן ישׁמעו לי בני נכר יכחשׁו׃