1 Chronicles 18:5 Cross References - HOT

5 ויבא ארם דרמשׂק לעזור להדדעזר מלך צובה ויך דויד בארם עשׂרים ושׁנים אלף אישׁ׃

1 Samuel 14:47

47 ושׁאול לכד המלוכה על ישׂראל וילחם סביב בכל איביו במואב ובבני עמון ובאדום ובמלכי צובה ובפלשׁתים ובכל אשׁר יפנה ירשׁיע׃

2 Samuel 8:5-6

5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃

1 Kings 11:23-24

23 ויקם אלהים לו שׂטן את רזון בן אלידע אשׁר ברח מאת הדדעזר מלך צובה אדניו׃24 ויקבץ עליו אנשׁים ויהי שׂר גדוד בהרג דוד אתם וילכו דמשׂק וישׁבו בה וימלכו בדמשׂק׃

1 Chronicles 18:3

3 ויך דויד את הדדעזר מלך צובה חמתה בלכתו להציב ידו בנהר פרת׃

1 Chronicles 19:6

6 ויראו בני עמון כי התבאשׁו עם דויד וישׁלח חנון ובני עמון אלף ככר כסף לשׂכר להם מן ארם נהרים ומן ארם מעכה ומצובה רכב ופרשׁים׃

Isaiah 8:9-10

9 רעו עמים וחתו והאזינו כל מרחקי ארץ התאזרו וחתו התאזרו וחתו׃10 עצו עצה ותפר דברו דבר ולא יקום כי עמנו אל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.