1 Chronicles 28:11 Cross References - HOT

¹¹ ויתן דויד לשׁלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת׃

Exodus 25:17-22

¹⁷ ועשׂית כפרת זהב טהור אמתים וחצי ארכה ואמה וחצי רחבה׃¹⁸ ועשׂית שׁנים כרבים זהב מקשׁה תעשׂה אתם משׁני קצות הכפרת׃¹⁹ ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃²⁰ והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃²¹ ונתת את הכפרת על הארן מלמעלה ואל הארן תתן את העדת אשׁר אתן אליך׃²² ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃

Exodus 25:40

⁴⁰ וראה ועשׂה בתבניתם אשׁר אתה מראה בהר׃

Exodus 26:30

³⁰ והקמת את המשׁכן כמשׁפטו אשׁר הראית בהר׃

Exodus 39:42-43

⁴² ככל אשׁר צוה יהוה את משׁה כן עשׂו בני ישׂראל את כל העבדה׃⁴³ וירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה׃

Exodus 40:20-21

²⁰ ויקח ויתן את העדת אל הארן וישׂם את הבדים על הארן ויתן את הכפרת על הארן מלמעלה׃²¹ ויבא את הארן אל המשׁכן וישׂם את פרכת המסך ויסך על ארון העדות כאשׁר צוה יהוה את משׁה׃

1 Kings 6:3

³ והאולם על פני היכל הבית עשׂרים אמה ארכו על פני רחב הבית עשׂר באמה רחבו על פני הבית׃

1 Kings 6:5-6

⁵ ויבן על קיר הבית יצוע סביב את קירות הבית סביב להיכל ולדביר ויעשׂ צלעות סביב׃⁶ היצוע התחתנה חמשׁ באמה רחבה והתיכנה שׁשׁ באמה רחבה והשׁלישׁית שׁבע באמה רחבה כי מגרעות נתן לבית סביב חוצה לבלתי אחז בקירות הבית׃

1 Kings 6:10

¹⁰ ויבן את היצוע על כל הבית חמשׁ אמות קומתו ויאחז את הבית בעצי ארזים׃

1 Kings 6:16-20

¹⁶ ויבן את עשׂרים אמה מירכותי הבית בצלעות ארזים מן הקרקע עד הקירות ויבן לו מבית לדביר לקדשׁ הקדשׁים׃¹⁷ וארבעים באמה היה הבית הוא ההיכל לפני׃¹⁸ וארז אל הבית פנימה מקלעת פקעים ופטורי צצים הכל ארז אין אבן נראה׃¹⁹ ודביר בתוך הבית מפנימה הכין לתתן שׁם את ארון ברית יהוה׃²⁰ ולפני הדביר עשׂרים אמה ארך ועשׂרים אמה רחב ועשׂרים אמה קומתו ויצפהו זהב סגור ויצף מזבח ארז׃

1 Chronicles 9:26-29

²⁶ כי באמונה המה ארבעת גברי השׁערים הם הלוים והיו על הלשׁכות ועל האצרות בית האלהים׃²⁷ וסביבות בית האלהים ילינו כי עליהם משׁמרת והם על המפתח ולבקר לבקר׃²⁸ ומהם על כלי העבודה כי במספר יביאום ובמספר יוציאום׃²⁹ ומהם ממנים על הכלים ועל כל כלי הקדשׁ ועל הסלת והיין והשׁמן והלבונה והבשׂמים׃

1 Chronicles 26:20-27

²⁰ והלוים אחיה על אוצרות בית האלהים ולאצרות הקדשׁים׃²¹ בני לעדן בני הגרשׁני ללעדן ראשׁי האבות ללעדן הגרשׁני יחיאלי׃²² בני יחיאלי זתם ויואל אחיו על אצרות בית יהוה׃²³ לעמרמי ליצהרי לחברוני לעזיאלי׃²⁴ ושׁבאל בן גרשׁום בן משׁה נגיד על האצרות׃²⁵ ואחיו לאליעזר רחביהו בנו וישׁעיהו בנו וירם בנו וזכרי בנו ושׁלמות בנו׃²⁶ הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃²⁷ מן המלחמות ומן השׁלל הקדישׁו לחזק לבית יהוה׃

1 Chronicles 28:19

¹⁹ הכל בכתב מיד יהוה עלי השׂכיל כל מלאכות התבנית׃

2 Chronicles 3:3-10

³ ואלה הוסד שׁלמה לבנות את בית האלהים הארך אמות במדה הראשׁונה אמות שׁשׁים ורחב אמות עשׂרים׃⁴ והאולם אשׁר על פני הארך על פני רחב הבית אמות עשׂרים והגבה מאה ועשׂרים ויצפהו מפנימה זהב טהור׃⁵ ואת הבית הגדול חפה עץ ברושׁים ויחפהו זהב טוב ויעל עליו תמרים ושׁרשׁרות׃⁶ ויצף את הבית אבן יקרה לתפארת והזהב זהב פרוים׃⁷ ויחף את הבית הקרות הספים וקירותיו ודלתותיו זהב ופתח כרובים על הקירות׃⁸ ויעשׂ את בית קדשׁ הקדשׁים ארכו על פני רחב הבית אמות עשׂרים ורחבו אמות עשׂרים ויחפהו זהב טוב לככרים שׁשׁ מאות׃⁹ ומשׁקל למסמרות לשׁקלים חמשׁים זהב והעליות חפה זהב׃¹⁰ ויעשׂ בבית קדשׁ הקדשׁים כרובים שׁנים מעשׂה צעצעים ויצפו אתם זהב׃

2 Chronicles 5:7

⁷ ויביאו הכהנים את ארון ברית יהוה אל מקומו אל דביר הבית אל קדשׁ הקדשׁים אל תחת כנפי הכרובים׃

Nehemiah 10:38-39

³⁸ (10:39) והיה הכהן בן אהרן עם הלוים בעשׂר הלוים והלוים יעלו את מעשׂר המעשׂר לבית אלהינו אל הלשׁכות לבית האוצר׃³⁹ (10:40) כי אל הלשׁכות יביאו בני ישׂראל ובני הלוי את תרומת הדגן התירושׁ והיצהר ושׁם כלי המקדשׁ והכהנים המשׁרתים והשׁוערים והמשׁררים ולא נעזב את בית אלהינו׃

Nehemiah 13:5

⁵ ויעשׂ לו לשׁכה גדולה ושׁם היו לפנים נתנים את המנחה הלבונה והכלים ומעשׂר הדגן התירושׁ והיצהר מצות הלוים והמשׁררים והשׁערים ותרומת הכהנים׃

Jeremiah 35:2

² הלוך אל בית הרכבים ודברת אותם והבאותם בית יהוה אל אחת הלשׁכות והשׁקית אותם יין׃

Ezekiel 40:8-9

⁸ וימד את אלם השׁער מהבית קנה אחד׃⁹ וימד את אלם השׁער שׁמנה אמות ואילו שׁתים אמות ואלם השׁער מהבית׃

Ezekiel 40:15

¹⁵ ועל פני השׁער היאתון על לפני אלם השׁער הפנימי חמשׁים אמה׃

Ezekiel 40:48-49

⁴⁸ ויבאני אל אלם הבית וימד אל אלם חמשׁ אמות מפה וחמשׁ אמות מפה ורחב השׁער שׁלשׁ אמות מפו ושׁלשׁ אמות מפו׃⁴⁹ ארך האלם עשׂרים אמה ורחב עשׁתי עשׂרה אמה ובמעלות אשׁר יעלו אליו ועמדים אל האילים אחד מפה ואחד מפה׃

Ezekiel 41:6-11

⁶ והצלעות צלע אל צלע שׁלושׁ ושׁלשׁים פעמים ובאות בקיר אשׁר לבית לצלעות סביב סביב להיות אחוזים ולא יהיו אחוזים בקיר הבית׃⁷ ורחבה ונסבה למעלה למעלה לצלעות כי מוסב הבית למעלה למעלה סביב סביב לבית על כן רחב לבית למעלה וכן התחתונה יעלה על העליונה לתיכונה׃⁸ וראיתי לבית גבה סביב סביב מיסדות הצלעות מלו הקנה שׁשׁ אמות אצילה׃⁹ רחב הקיר אשׁר לצלע אל החוץ חמשׁ אמות ואשׁר מנח בית צלעות אשׁר לבית׃¹⁰ ובין הלשׁכות רחב עשׂרים אמה סביב לבית סביב סביב׃¹¹ ופתח הצלע למנח פתח אחד דרך הצפון ופתח אחד לדרום ורחב מקום המנח חמשׁ אמות סביב סביב׃

Ezekiel 41:13-17

¹³ ומדד את הבית ארך מאה אמה והגזרה והבניה וקירותיה ארך מאה אמה׃¹⁴ ורחב פני הבית והגזרה לקדים מאה אמה׃¹⁵ ומדד ארך הבנין אל פני הגזרה אשׁר על אחריה ואתוקיהא מפו ומפו מאה אמה וההיכל הפנימי ואלמי החצר׃¹⁶ הספים והחלונים האטמות והאתיקים סביב לשׁלשׁתם נגד הסף שׂחיף עץ סביב סביב והארץ עד החלנות והחלנות מכסות׃¹⁷ על מעל הפתח ועד הבית הפנימי ולחוץ ואל כל הקיר סביב סביב בפנימי ובחיצון מדות׃

Ezekiel 43:10-11

¹⁰ אתה בן אדם הגד את בית ישׂראל את הבית ויכלמו מעונותיהם ומדדו את תכנית׃¹¹ ואם נכלמו מכל אשׁר עשׂו צורת הבית ותכונתו ומוצאיו ומובאיו וכל צורתו ואת כל חקתיו וכל צורתו וכל תורתו הודע אותם וכתב לעיניהם וישׁמרו את כל צורתו ואת כל חקתיו ועשׂו אותם׃