1 ובנימן הוליד את בלע בכרו אשׁבל השׁני ואחרח השׁלישׁי׃2 נוחה הרביעי ורפא החמישׁי׃3 ויהיו בנים לבלע אדר וגרא ואביהוד׃4 ואבישׁוע ונעמן ואחוח׃5 וגרא ושׁפופן וחורם׃6 ואלה בני אחוד אלה הם ראשׁי אבות ליושׁבי גבע ויגלום אל מנחת׃7 ונעמן ואחיה וגרא הוא הגלם והוליד את עזא ואת אחיחד׃8 ושׁחרים הוליד בשׂדה מואב מן שׁלחו אתם חושׁים ואת בערא נשׁיו׃9 ויולד מן חדשׁ אשׁתו את יובב ואת צביא ואת מישׁא ואת מלכם׃10 ואת יעוץ ואת שׂכיה ואת מרמה אלה בניו ראשׁי אבות׃11 ומחשׁים הוליד את אביטוב ואת אלפעל׃12 ובני אלפעל עבר ומשׁעם ושׁמד הוא בנה את אונו ואת לד ובנתיה׃13 וברעה ושׁמע המה ראשׁי האבות ליושׁבי אילון המה הבריחו את יושׁבי גת׃14 ואחיו שׁשׁק וירמות׃15 וזבדיה וערד ועדר׃16 ומיכאל וישׁפה ויוחא בני בריעה׃17 וזבדיה ומשׁלם וחזקי וחבר׃18 וישׁמרי ויזליאה ויובב בני אלפעל׃19 ויקים וזכרי וזבדי׃20 ואליעני וצלתי ואליאל׃21 ועדיה ובראיה ושׁמרת בני שׁמעי׃22 וישׁפן ועבר ואליאל׃23 ועבדון וזכרי וחנן׃24 וחנניה ועילם וענתתיה׃25 ויפדיה ופניאל בני שׁשׁק׃26 ושׁמשׁרי ושׁחריה ועתליה׃27 ויערשׁיה ואליה וזכרי בני ירחם׃28 אלה ראשׁי אבות לתלדותם ראשׁים אלה ישׁבו בירושׁלם׃29 ובגבעון ישׁבו אבי גבעון ושׁם אשׁתו מעכה׃30 ובנו הבכור עבדון וצור וקישׁ ובעל ונדב׃31 וגדור ואחיו וזכר׃32 ומקלות הוליד את שׁמאה ואף המה נגד אחיהם ישׁבו בירושׁלם עם אחיהם׃33 ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃34 ובן יהונתן מריב בעל ומריב בעל הוליד את מיכה׃35 ובני מיכה פיתון ומלך ותארע ואחז׃36 ואחז הוליד את יהועדה ויהועדה הוליד את עלמת ואת עזמות ואת זמרי וזמרי הוליד את מוצא׃37 ומוצא הוליד את בנעא רפה בנו אלעשׂה בנו אצל בנו׃38 ולאצל שׁשׁה בנים ואלה שׁמותם עזריקם בכרו וישׁמעאל ושׁעריה ועבדיה וחנן כל אלה בני אצל׃39 ובני עשׁק אחיו אולם בכרו יעושׁ השׁני ואליפלט השׁלשׁי׃40 ויהיו בני אולם אנשׁים גברי חיל דרכי קשׁת ומרבים בנים ובני בנים מאה וחמשׁים כל אלה מבני בנימן׃
1 Chronicles 8 Cross References - HOT
Genesis 46:21
21 ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃
Numbers 26:38
38 בני בנימן למשׁפחתם לבלע משׁפחת הבלעי לאשׁבל משׁפחת האשׁבלי לאחירם משׁפחת האחירמי׃
1 Chronicles 7:6-12
6 בנימן בלע ובכר וידיעאל שׁלשׁה׃7 ובני בלע אצבון ועזי ועזיאל וירימות ועירי חמשׁה ראשׁי בית אבות גבורי חילים והתיחשׂם עשׂרים ושׁנים אלף ושׁלשׁים וארבעה׃8 ובני בכר זמירה ויועשׁ ואליעזר ואליועיני ועמרי וירמות ואביה וענתות ועלמת כל אלה בני בכר׃9 והתיחשׂם לתלדותם ראשׁי בית אבותם גבורי חיל עשׂרים אלף ומאתים׃10 ובני ידיעאל בלהן ובני בלהן יעישׁ ובנימן ואהוד וכנענה וזיתן ותרשׁישׁ ואחישׁחר׃11 כל אלה בני ידיעאל לראשׁי האבות גבורי חילים שׁבעה עשׂר אלף ומאתים יצאי צבא למלחמה׃12 ושׁפם וחפם בני עיר חשׁם בני אחר׃
Numbers 26:40
40 ויהיו בני בלע ארד ונעמן משׁפחת הארדי לנעמן משׁפחת הנעמי׃
Numbers 26:39
39 לשׁפופם משׁפחת השׁופמי לחופם משׁפחת החופמי׃
Judges 3:15
15 ויזעקו בני ישׂראל אל יהוה ויקם יהוה להם מושׁיע את אהוד בן גרא בן הימיני אישׁ אטר יד ימינו וישׁלחו בני ישׂראל בידו מנחה לעגלון מלך מואב׃
1 Chronicles 7:12
12 ושׁפם וחפם בני עיר חשׁם בני אחר׃
Judges 3:20-30
20 ואהוד בא אליו והוא ישׁב בעלית המקרה אשׁר לו לבדו ויאמר אהוד דבר אלהים לי אליך ויקם מעל הכסא׃21 וישׁלח אהוד את יד שׂמאלו ויקח את החרב מעל ירך ימינו ויתקעה בבטנו׃22 ויבא גם הנצב אחר הלהב ויסגר החלב בעד הלהב כי לא שׁלף החרב מבטנו ויצא הפרשׁדנה׃23 ויצא אהוד המסדרונה ויסגר דלתות העליה בעדו ונעל׃24 והוא יצא ועבדיו באו ויראו והנה דלתות העליה נעלות ויאמרו אך מסיך הוא את רגליו בחדר המקרה׃25 ויחילו עד בושׁ והנה איננו פתח דלתות העליה ויקחו את המפתח ויפתחו והנה אדניהם נפל ארצה מת׃26 ואהוד נמלט עד התמהמהם והוא עבר את הפסילים וימלט השׂעירתה׃27 ויהי בבואו ויתקע בשׁופר בהר אפרים וירדו עמו בני ישׂראל מן ההר והוא לפניהם׃28 ויאמר אלהם רדפו אחרי כי נתן יהוה את איביכם את מואב בידכם וירדו אחריו וילכדו את מעברות הירדן למואב ולא נתנו אישׁ לעבר׃29 ויכו את מואב בעת ההיא כעשׂרת אלפים אישׁ כל שׁמן וכל אישׁ חיל ולא נמלט אישׁ׃30 ותכנע מואב ביום ההוא תחת יד ישׂראל ותשׁקט הארץ שׁמונים שׁנה׃
Judges 4:1
1 ויספו בני ישׂראל לעשׂות הרע בעיני יהוה ואהוד מת׃
1 Chronicles 2:25
25 ויהיו בני ירחמאל בכור חצרון הבכור רם ובונה וארן ואצם אחיה׃
1 Chronicles 2:52
52 ויהיו בנים לשׁובל אבי קרית יערים הראה חצי המנחות׃
1 Chronicles 2:54
54 בני שׂלמא בית לחם ונטופתי עטרות בית יואב וחצי המנחתי הצרעי׃
1 Chronicles 6:60
60 (6:45) וממטה בנימן את גבע ואת מגרשׁיה ואת עלמת ואת מגרשׁיה ואת ענתות ואת מגרשׁיה כל עריהם שׁלשׁ עשׂרה עיר במשׁפחותיהם׃
1 Chronicles 7:10
10 ובני ידיעאל בלהן ובני בלהן יעישׁ ובנימן ואהוד וכנענה וזיתן ותרשׁישׁ ואחישׁחר׃
Genesis 25:6
6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃
Ruth 1:1
1 ויהי בימי שׁפט השׁפטים ויהי רעב בארץ וילך אישׁ מבית לחם יהודה לגור בשׂדי מואב הוא ואשׁתו ושׁני בניו׃
Ezra 2:33
33 בני לד חדיד ואונו שׁבע מאות עשׂרים וחמשׁה׃
Nehemiah 6:2
2 וישׁלח סנבלט וגשׁם אלי לאמר לכה ונועדה יחדו בכפירים בבקעת אונו והמה חשׁבים לעשׂות לי רעה׃
Nehemiah 7:37
37 בני לד חדיד ואונו שׁבע מאות ועשׂרים ואחד׃
Nehemiah 11:35
35 לד ואונו גי החרשׁים׃
Joshua 10:12
12 אז ידבר יהושׁע ליהוה ביום תת יהוה את האמרי לפני בני ישׂראל ויאמר לעיני ישׂראל שׁמשׁ בגבעון דום וירח בעמק אילון׃
Joshua 19:42
42 ושׁעלבין ואילון ויתלה׃
1 Chronicles 2:49-50
1 Chronicles 4:4
4 ופנואל אבי גדר ועזר אבי חושׁה אלה בני חור בכור אפרתה אבי בית לחם׃
Joshua 15:63
63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה׃
Joshua 18:28
28 וצלע האלף והיבוסי היא ירושׁלם גבעת קרית ערים ארבע עשׂרה וחצריהן זאת נחלת בני בנימן למשׁפחתם׃
Judges 1:21
21 ואת היבוסי ישׁב ירושׁלם לא הורישׁו בני בנימן וישׁב היבוסי את בני בנימן בירושׁלם עד היום הזה׃
Nehemiah 11:1
1 וישׁבו שׂרי העם בירושׁלם ושׁאר העם הפילו גורלות להביא אחד מן העשׂרה לשׁבת בירושׁלם עיר הקדשׁ ותשׁע הידות בערים׃
Nehemiah 11:7-9
1 Chronicles 9:35-38
1 Chronicles 9:36-37
1 Chronicles 9:37
1 Samuel 9:1
1 ויהי אישׁ מבן ימין ושׁמו קישׁ בן אביאל בן צרור בן בכורת בן אפיח בן אישׁ ימיני גבור חיל׃
1 Samuel 14:49-51
1 Samuel 31:2
2 וידבקו פלשׁתים את שׁאול ואת בניו ויכו פלשׁתים את יהונתן ואת אבינדב ואת מלכי שׁוע בני שׁאול׃
2 Samuel 2:8
8 ואבנר בן נר שׂר צבא אשׁר לשׁאול לקח את אישׁ בשׁת בן שׁאול ויעברהו מחנים׃
2 Samuel 4:12
12 ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראשׁ אישׁ בשׁת לקחו ויקברו בקבר אבנר בחברון׃
1 Chronicles 9:39-44
39 ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃40 ובן יהונתן מריב בעל ומרי בעל הוליד את מיכה׃41 ובני מיכה פיתון ומלך ותחרע׃42 ואחז הוליד את יערה ויערה הוליד את עלמת ואת עזמות ואת זמרי וזמרי הוליד את מוצא׃43 ומוצא הוליד את בנעא ורפיה בנו אלעשׂה בנו אצל בנו׃44 ולאצל שׁשׁה בנים ואלה שׁמותם עזריקם בכרו וישׁמעאל ושׁעריה ועבדיה וחנן אלה בני אצל׃
2 Samuel 4:4
4 וליהונתן בן שׁאול בן נכה רגלים בן חמשׁ שׁנים היה בבא שׁמעת שׁאול ויהונתן מיזרעאל ותשׂאהו אמנתו ותנס ויהי בחפזה לנוס ויפל ויפסח ושׁמו מפיבשׁת׃
2 Samuel 9:6
6 ויבא מפיבשׁת בן יהונתן בן שׁאול אל דוד ויפל על פניו וישׁתחו ויאמר דוד מפיבשׁת ויאמר הנה עבדך׃
2 Samuel 9:10
10 ועבדת לו את האדמה אתה ובניך ועבדיך והבאת והיה לבן אדניך לחם ואכלו ומפיבשׁת בן אדניך יאכל תמיד לחם על שׁלחני ולציבא חמשׁה עשׂר בנים ועשׂרים עבדים׃
2 Samuel 9:12
12 ולמפיבשׁת בן קטן ושׁמו מיכא וכל מושׁב בית ציבא עבדים למפיבשׁת׃
2 Samuel 19:24-30
24 (19:25) ומפבשׁת בן שׁאול ירד לקראת המלך ולא עשׂה רגליו ולא עשׂה שׂפמו ואת בגדיו לא כבס למן היום לכת המלך עד היום אשׁר בא בשׁלום׃25 (19:26) ויהי כי בא ירושׁלם לקראת המלך ויאמר לו המלך למה לא הלכת עמי מפיבשׁת׃26 (19:27) ויאמר אדני המלך עבדי רמני כי אמר עבדך אחבשׁה לי החמור וארכב עליה ואלך את המלך כי פסח עבדך׃27 (19:28) וירגל בעבדך אל אדני המלך ואדני המלך כמלאך האלהים ועשׂה הטוב בעיניך׃28 (19:29) כי לא היה כל בית אבי כי אם אנשׁי מות לאדני המלך ותשׁת את עבדך באכלי שׁלחנך ומה ישׁ לי עוד צדקה ולזעק עוד אל המלך׃29 (19:30) ויאמר לו המלך למה תדבר עוד דבריך אמרתי אתה וציבא תחלקו את השׂדה׃30 (19:31) ויאמר מפיבשׁת אל המלך גם את הכל יקח אחרי אשׁר בא אדני המלך בשׁלום אל ביתו׃
1 Chronicles 9:41
1 Chronicles 12:2
2 נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃
2 Chronicles 14:8
8 (14:7) ויהי לאסא חיל נשׂא צנה ורמח מיהודה שׁלשׁ מאות אלף ומבנימן נשׂאי מגן ודרכי קשׁת מאתים ושׁמונים אלף כל אלה גבורי חיל׃