1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃2 ותבא ירושׁלמה בחיל כבד מאד גמלים נשׂאים בשׂמים וזהב רב מאד ואבן יקרה ותבא אל שׁלמה ותדבר אליו את כל אשׁר היה עם לבבה׃3 ויגד לה שׁלמה את כל דבריה לא היה דבר נעלם מן המלך אשׁר לא הגיד׃4 ותרא מלכת שׁבא את כל חכמת שׁלמה והבית אשׁר בנה׃5 ומאכל שׁלחנו ומושׁב עבדיו ומעמד משׁרתו ומלבשׁיהם ומשׁקיו ועלתו אשׁר יעלה בית יהוה ולא היה בה עוד רוח׃6 ותאמר אל המלך אמת היה הדבר אשׁר שׁמעתי בארצי על דבריך ועל חכמתך׃7 ולא האמנתי לדברים עד אשׁר באתי ותראינה עיני והנה לא הגד לי החצי הוספת חכמה וטוב אל השׁמועה אשׁר שׁמעתי׃8 אשׁרי אנשׁיך אשׁרי עבדיך אלה העמדים לפניך תמיד השׁמעים את חכמתך׃9 יהי יהוה אלהיך ברוך אשׁר חפץ בך לתתך על כסא ישׂראל באהבת יהוה את ישׂראל לעלם וישׂימך למלך לעשׂות משׁפט וצדקה׃10 ותתן למלך מאה ועשׂרים ככר זהב ובשׂמים הרבה מאד ואבן יקרה לא בא כבשׂם ההוא עוד לרב אשׁר נתנה מלכת שׁבא למלך שׁלמה׃11 וגם אני חירם אשׁר נשׂא זהב מאופיר הביא מאפיר עצי אלמגים הרבה מאד ואבן יקרה׃12 ויעשׂ המלך את עצי האלמגים מסעד לבית יהוה ולבית המלך וכנרות ונבלים לשׁרים לא בא כן עצי אלמגים ולא נראה עד היום הזה׃13 והמלך שׁלמה נתן למלכת שׁבא את כל חפצה אשׁר שׁאלה מלבד אשׁר נתן לה כיד המלך שׁלמה ותפן ותלך לארצה היא ועבדיה׃14 ויהי משׁקל הזהב אשׁר בא לשׁלמה בשׁנה אחת שׁשׁ מאות שׁשׁים ושׁשׁ ככר זהב׃15 לבד מאנשׁי התרים ומסחר הרכלים וכל מלכי הערב ופחות הארץ׃16 ויעשׂ המלך שׁלמה מאתים צנה זהב שׁחוט שׁשׁ מאות זהב יעלה על הצנה האחת׃17 ושׁלשׁ מאות מגנים זהב שׁחוט שׁלשׁת מנים זהב יעלה על המגן האחת ויתנם המלך בית יער הלבנון׃18 ויעשׂ המלך כסא שׁן גדול ויצפהו זהב מופז׃19 שׁשׁ מעלות לכסה וראשׁ עגל לכסה מאחריו וידת מזה ומזה אל מקום השׁבת ושׁנים אריות עמדים אצל הידות׃20 ושׁנים עשׂר אריים עמדים שׁם על שׁשׁ המעלות מזה ומזה לא נעשׂה כן לכל ממלכות׃21 וכל כלי משׁקה המלך שׁלמה זהב וכל כלי בית יער הלבנון זהב סגור אין כסף לא נחשׁב בימי שׁלמה למאומה׃22 כי אני תרשׁישׁ למלך בים עם אני חירם אחת לשׁלשׁ שׁנים תבוא אני תרשׁישׁ נשׂאת זהב וכסף שׁנהבים וקפים ותכיים׃23 ויגדל המלך שׁלמה מכל מלכי הארץ לעשׁר ולחכמה׃24 וכל הארץ מבקשׁים את פני שׁלמה לשׁמע את חכמתו אשׁר נתן אלהים בלבו׃25 והמה מבאים אישׁ מנחתו כלי כסף וכלי זהב ושׂלמות ונשׁק ובשׂמים סוסים ופרדים דבר שׁנה בשׁנה׃26 ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים וינחם בערי הרכב ועם המלך בירושׁלם׃27 ויתן המלך את הכסף בירושׁלם כאבנים ואת הארזים נתן כשׁקמים אשׁר בשׁפלה לרב׃28 ומוצא הסוסים אשׁר לשׁלמה ממצרים ומקוה סחרי המלך יקחו מקוה במחיר׃29 ותעלה ותצא מרכבה ממצרים בשׁשׁ מאות כסף וסוס בחמשׁים ומאה וכן לכל מלכי החתים ולמלכי ארם בידם יצאו׃
1 Kings 10 Cross References - HOT
Genesis 10:7
7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃
Genesis 10:28
28 ואת עובל ואת אבימאל ואת שׁבא׃
Genesis 25:3
3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃
Judges 14:12-14
1 Kings 4:31
31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃
1 Kings 4:34
34 (5:14) ויבאו מכל העמים לשׁמע את חכמת שׁלמה מאת כל מלכי הארץ אשׁר שׁמעו את חכמתו׃
2 Chronicles 9:1-12
1 ומלכת שׁבא שׁמעה את שׁמע שׁלמה ותבוא לנסות את שׁלמה בחידות בירושׁלם בחיל כבד מאד וגמלים נשׂאים בשׂמים וזהב לרב ואבן יקרה ותבוא אל שׁלמה ותדבר עמו את כל אשׁר היה עם לבבה׃2 ויגד לה שׁלמה את כל דבריה ולא נעלם דבר משׁלמה אשׁר לא הגיד׃3 ותרא מלכת שׁבא את חכמת שׁלמה והבית אשׁר בנה׃4 ומאכל שׁלחנו ומושׁב עבדיו ומעמד משׁרתיו ומלבושׁיהם ומשׁקיו ומלבושׁיהם ועליתו אשׁר יעלה בית יהוה ולא היה עוד בה רוח׃5 ותאמר אל המלך אמת הדבר אשׁר שׁמעתי בארצי על דבריך ועל חכמתך׃6 ולא האמנתי לדבריהם עד אשׁר באתי ותראינה עיני והנה לא הגד לי חצי מרבית חכמתך יספת על השׁמועה אשׁר שׁמעתי׃7 אשׁרי אנשׁיך ואשׁרי עבדיך אלה העמדים לפניך תמיד ושׁמעים את חכמתך׃8 יהי יהוה אלהיך ברוך אשׁר חפץ בך לתתך על כסאו למלך ליהוה אלהיך באהבת אלהיך את ישׂראל להעמידו לעולם ויתנך עליהם למלך לעשׂות משׁפט וצדקה׃9 ותתן למלך מאה ועשׂרים ככר זהב ובשׂמים לרב מאד ואבן יקרה ולא היה כבשׂם ההוא אשׁר נתנה מלכת שׁבא למלך שׁלמה׃10 וגם עבדי חירם ועבדי שׁלמה אשׁר הביאו זהב מאופיר הביאו עצי אלגומים ואבן יקרה׃11 ויעשׂ המלך את עצי האלגומים מסלות לבית יהוה ולבית המלך וכנרות ונבלים לשׁרים ולא נראו כהם לפנים בארץ יהודה׃12 והמלך שׁלמה נתן למלכת שׁבא את כל חפצה אשׁר שׁאלה מלבד אשׁר הביאה אל המלך ותהפך ותלך לארצה היא ועבדיה׃
Job 6:19
19 הביטו ארחות תמא הליכת שׁבא קוו׃
Job 28:28
28 ויאמר לאדם הן יראת אדני היא חכמה וסור מרע בינה׃
Psalms 49:4
4 (49:5) אטה למשׁל אזני אפתח בכנור חידתי׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Psalms 72:15
15 ויחי ויתן לו מזהב שׁבא ויתפלל בעדו תמיד כל היום יברכנהו׃
Proverbs 1:5-6
Proverbs 2:3-6
Isaiah 60:6
6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃
Jeremiah 6:20
20 למה זה לי לבונה משׁבא תבוא וקנה הטוב מארץ מרחק עלותיכם לא לרצון וזבחיכם לא ערבו׃
Ezekiel 27:22-23
Ezekiel 38:13
13 שׁבא ודדן וסחרי תרשׁישׁ וכל כפריה יאמרו לך הלשׁלל שׁלל אתה בא הלבז בז הקהלת קהלך לשׂאת כסף וזהב לקחת מקנה וקנין לשׁלל שׁלל גדול׃
Genesis 18:33
33 וילך יהוה כאשׁר כלה לדבר אל אברהם ואברהם שׁב למקמו׃
Exodus 25:6
6 שׁמן למאר בשׂמים לשׁמן המשׁחה ולקטרת הסמים׃
1 Kings 10:10
10 ותתן למלך מאה ועשׂרים ככר זהב ובשׂמים הרבה מאד ואבן יקרה לא בא כבשׂם ההוא עוד לרב אשׁר נתנה מלכת שׁבא למלך שׁלמה׃
2 Kings 5:5
5 ויאמר מלך ארם לך בא ואשׁלחה ספר אל מלך ישׂראל וילך ויקח בידו עשׂר ככרי כסף ושׁשׁת אלפים זהב ועשׂר חליפות בגדים׃
2 Kings 5:9
9 ויבא נעמן בסוסו וברכבו ויעמד פתח הבית לאלישׁע׃
2 Kings 20:13
13 וישׁמע עליהם חזקיהו ויראם את כל בית נכתה את הכסף ואת הזהב ואת הבשׂמים ואת שׁמן הטוב ואת בית כליו ואת כל אשׁר נמצא באוצרתיו לא היה דבר אשׁר לא הראם חזקיהו בביתו ובכל ממשׁלתו׃
Job 4:2
2 הנסה דבר אליך תלאה ועצר במלין מי יוכל׃
Psalms 4:4
4 (4:5) רגזו ואל תחטאו אמרו בלבבכם על משׁכבכם ודמו סלה׃
Isaiah 60:6-9
6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃7 כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃8 מי אלה כעב תעופינה וכיונים אל ארבתיהם׃9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃
2 Samuel 14:17
17 ותאמר שׁפחתך יהיה נא דבר אדני המלך למנוחה כי כמלאך האלהים כן אדני המלך לשׁמע הטוב והרע ויהוה אלהיך יהי עמך׃
2 Samuel 14:20
20 לבעבור סבב את פני הדבר עשׂה עבדך יואב את הדבר הזה ואדני חכם כחכמת מלאך האלהים לדעת את כל אשׁר בארץ׃
1 Kings 3:12
12 הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
2 Chronicles 9:2
2 ויגד לה שׁלמה את כל דבריה ולא נעלם דבר משׁלמה אשׁר לא הגיד׃
Proverbs 13:20
20 הלוך את חכמים וחכם ורעה כסילים ירוע׃
Isaiah 42:16
16 והולכתי עורים בדרך לא ידעו בנתיבות לא ידעו אדריכם אשׂים מחשׁך לפניהם לאור ומעקשׁים למישׁור אלה הדברים עשׂיתם ולא עזבתים׃
Daniel 2:20-23
20 ענה דניאל ואמר להוא שׁמה די אלהא מברך מן עלמא ועד עלמא די חכמתא וגבורתא די לה היא׃21 והוא מהשׁנא עדניא וזמניא מהעדה מלכין ומהקים מלכין יהב חכמתא לחכימין ומנדעא לידעי בינה׃22 הוא גלא עמיקתא ומסתרתא ידע מה בחשׁוכא ונהירא עמה שׁרא׃23 לך אלה אבהתי מהודא ומשׁבח אנה די חכמתא וגבורתא יהבת לי וכען הודעתני די בעינא מנך די מלת מלכא הודעתנא׃
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
1 Kings 4:29-31
1 Kings 6:1-7
1 ויהי בשׁמונים שׁנה וארבע מאות שׁנה לצאת בני ישׂראל מארץ מצרים בשׁנה הרביעית בחדשׁ זו הוא החדשׁ השׁני למלך שׁלמה על ישׂראל ויבן הבית ליהוה׃2 והבית אשׁר בנה המלך שׁלמה ליהוה שׁשׁים אמה ארכו ועשׂרים רחבו ושׁלשׁים אמה קומתו׃3 והאולם על פני היכל הבית עשׂרים אמה ארכו על פני רחב הבית עשׂר באמה רחבו על פני הבית׃4 ויעשׂ לבית חלוני שׁקפים אטמים׃5 ויבן על קיר הבית יצוע סביב את קירות הבית סביב להיכל ולדביר ויעשׂ צלעות סביב׃6 היצוע התחתנה חמשׁ באמה רחבה והתיכנה שׁשׁ באמה רחבה והשׁלישׁית שׁבע באמה רחבה כי מגרעות נתן לבית סביב חוצה לבלתי אחז בקירות הבית׃7 והבית בהבנתו אבן שׁלמה מסע נבנה ומקבות והגרזן כל כלי ברזל לא נשׁמע בבית בהבנתו׃
2 Chronicles 9:3-4
Ecclesiastes 12:9
9 ויתר שׁהיה קהלת חכם עוד למד דעת את העם ואזן וחקר תקן משׁלים הרבה׃
Joshua 5:1
1 ויהי כשׁמע כל מלכי האמרי אשׁר בעבר הירדן ימה וכל מלכי הכנעני אשׁר על הים את אשׁר הובישׁ יהוה את מי הירדן מפני בני ישׂראל עד עברנו וימס לבבם ולא היה בם עוד רוח מפני בני ישׂראל׃
1 Kings 4:22-23
2 Kings 16:18
18 ואת מיסך השׁבת אשׁר בנו בבית ואת מבוא המלך החיצונה הסב בית יהוה מפני מלך אשׁור׃
1 Chronicles 9:18
18 ועד הנה בשׁער המלך מזרחה המה השׁערים למחנות בני לוי׃
1 Chronicles 26:16
16 לשׁפים ולחסה למערב עם שׁער שׁלכת במסלה העולה משׁמר לעמת משׁמר׃
2 Chronicles 9:4
4 ומאכל שׁלחנו ומושׁב עבדיו ומעמד משׁרתיו ומלבושׁיהם ומשׁקיו ומלבושׁיהם ועליתו אשׁר יעלה בית יהוה ולא היה עוד בה רוח׃
2 Chronicles 23:13
13 ותרא והנה המלך עומד על עמודו במבוא והשׂרים והחצצרות על המלך וכל עם הארץ שׂמח ותוקע בחצצרות והמשׁוררים בכלי השׁיר ומודיעים להלל ותקרע עתליהו את בגדיה ותאמר קשׁר קשׁר׃
Ezekiel 44:3
3 את הנשׂיא נשׂיא הוא ישׁב בו לאכול לחם לפני יהוה מדרך אלם השׁער יבוא ומדרכו יצא׃
Ezekiel 46:2
2 ובא הנשׂיא דרך אולם השׁער מחוץ ועמד על מזוזת השׁער ועשׂו הכהנים את עולתו ואת שׁלמיו והשׁתחוה על מפתן השׁער ויצא והשׁער לא יסגר עד הערב׃
2 Chronicles 9:5-6
Isaiah 64:4
4 (64:3) ומעולם לא שׁמעו לא האזינו עין לא ראתה אלהים זולתך יעשׂה למחכה׃
Zechariah 9:17
17 כי מה טובו ומה יפיו דגן בחורים ותירושׁ ינובב בתלות׃
2 Chronicles 9:7-8
Proverbs 3:13-14
Proverbs 8:34
34 אשׁרי אדם שׁמע לי לשׁקד על דלתתי יום יום לשׁמר מזוזת פתחי׃
Proverbs 10:21
21 שׂפתי צדיק ירעו רבים ואוילים בחסר לב ימותו׃
Deuteronomy 7:8
8 כי מאהבת יהוה אתכם ומשׁמרו את השׁבעה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃
2 Samuel 8:15
15 וימלך דוד על כל ישׂראל ויהי דוד עשׂה משׁפט וצדקה לכל עמו׃
2 Samuel 23:3
3 אמר אלהי ישׂראל לי דבר צור ישׂראל מושׁל באדם צדיק מושׁל יראת אלהים׃
1 Kings 5:7
7 (5:21) ויהי כשׁמע חירם את דברי שׁלמה וישׂמח מאד ויאמר ברוך יהוה היום אשׁר נתן לדוד בן חכם על העם הרב הזה׃
1 Chronicles 17:22
22 ותתן את עמך ישׂראל לך לעם עד עולם ואתה יהוה היית להם לאלהים׃
2 Chronicles 2:11
11 (2:10) ויאמר חורם מלך צר בכתב וישׁלח אל שׁלמה באהבת יהוה את עמו נתנך עליהם מלך׃
Psalms 18:19
19 (18:20) ויוציאני למרחב יחלצני כי חפץ׃
Psalms 22:8
8 (22:9) גל אל יהוה יפלטהו יצילהו כי חפץ׃
Psalms 72:2
2 ידין עמך בצדק וענייך במשׁפט׃
Psalms 72:17-19
Proverbs 8:15-16
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 11:4-5
Isaiah 32:1-2
Isaiah 42:1
1 הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃
Isaiah 62:4
4 לא יאמר לך עוד עזובה ולארצך לא יאמר עוד שׁממה כי לך יקרא חפצי בה ולארצך בעולה כי חפץ יהוה בך וארצך תבעל׃
Jeremiah 23:5-6
Genesis 43:11
11 ויאמר אלהם ישׂראל אביהם אם כן אפוא זאת עשׂו קחו מזמרת הארץ בכליכם והורידו לאישׁ מנחה מעט צרי ומעט דבשׁ נכאת ולט בטנים ושׁקדים׃
Exodus 30:34
34 ויאמר יהוה אל משׁה קח לך סמים נטף ושׁחלת וחלבנה סמים ולבנה זכה בד בבד יהיה׃
1 Kings 9:14
14 וישׁלח חירם למלך מאה ועשׂרים ככר זהב׃
1 Kings 10:2
2 ותבא ירושׁלמה בחיל כבד מאד גמלים נשׂאים בשׂמים וזהב רב מאד ואבן יקרה ותבא אל שׁלמה ותדבר אליו את כל אשׁר היה עם לבבה׃
Proverbs 3:13-15
Proverbs 20:15
15 ישׁ זהב ורב פנינים וכלי יקר שׂפתי דעת׃
1 Kings 9:27-28
2 Chronicles 2:8
8 (2:7) ושׁלח לי עצי ארזים ברושׁים ואלגומים מהלבנון כי אני ידעתי אשׁר עבדיך יודעים לכרות עצי לבנון והנה עבדי עם עבדיך׃
2 Chronicles 8:18
18 וישׁלח לו חורם ביד עבדיו אוניות ועבדים יודעי ים ויבאו עם עבדי שׁלמה אופירה ויקחו משׁם ארבע מאות וחמשׁים ככר זהב ויביאו אל המלך שׁלמה׃
2 Chronicles 9:10-11
Psalms 45:9
9 (45:10) בנות מלכים ביקרותיך נצבה שׁגל לימינך בכתם אופיר׃
1 Chronicles 23:5
5 וארבעת אלפים שׁערים וארבעת אלפים מהללים ליהוה בכלים אשׁר עשׂיתי להלל׃
1 Chronicles 25:1-31
1 ויבדל דויד ושׂרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשׁי מלאכה לעבדתם׃2 לבני אסף זכור ויוסף ונתניה ואשׂראלה בני אסף על יד אסף הנבא על ידי המלך׃3 לידותון בני ידותון גדליהו וצרי וישׁעיהו חשׁביהו ומתתיהו שׁשׁה על ידי אביהם ידותון בכנור הנבא על הדות והלל ליהוה׃4 להימן בני הימן בקיהו מתניהו עזיאל שׁבואל וירימות חנניה חנני אליאתה גדלתי ורממתי עזר ישׁבקשׁה מלותי הותיר מחזיאות׃5 כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשׂר ובנות שׁלושׁ׃6 כל אלה על ידי אביהם בשׁיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃7 ויהי מספרם עם אחיהם מלמדי שׁיר ליהוה כל המבין מאתים שׁמונים ושׁמונה׃8 ויפילו גורלות משׁמרת לעמת כקטן כגדול מבין עם תלמיד׃9 ויצא הגורל הראשׁון לאסף ליוסף גדליהו השׁני הוא ואחיו ובניו שׁנים עשׂר׃10 השׁלשׁי זכור בניו ואחיו שׁנים עשׂר׃11 הרביעי ליצרי בניו ואחיו שׁנים עשׂר׃12 החמישׁי נתניהו בניו ואחיו שׁנים עשׂר׃13 השׁשׁי בקיהו בניו ואחיו שׁנים עשׂר׃14 השׁבעי ישׂראלה בניו ואחיו שׁנים עשׂר׃15 השׁמיני ישׁעיהו בניו ואחיו שׁנים עשׂר׃16 התשׁיעי מתניהו בניו ואחיו שׁנים עשׂר׃17 העשׂירי שׁמעי בניו ואחיו שׁנים עשׂר׃18 עשׁתי עשׂר עזראל בניו ואחיו שׁנים עשׂר׃19 השׁנים עשׂר לחשׁביה בניו ואחיו שׁנים עשׂר׃20 לשׁלשׁה עשׂר שׁובאל בניו ואחיו שׁנים עשׂר׃21 לארבעה עשׂר מתתיהו בניו ואחיו שׁנים עשׂר׃22 לחמשׁה עשׂר לירמות בניו ואחיו שׁנים עשׂר׃23 לשׁשׁה עשׂר לחנניהו בניו ואחיו שׁנים עשׂר׃24 לשׁבעה עשׂר לישׁבקשׁה בניו ואחיו שׁנים עשׂר׃25 לשׁמונה עשׂר לחנני בניו ואחיו שׁנים עשׂר׃26 לתשׁעה עשׂר למלותי בניו ואחיו שׁנים עשׂר׃27 לעשׂרים לאליתה בניו ואחיו שׁנים עשׂר׃28 לאחד ועשׂרים להותיר בניו ואחיו שׁנים עשׂר׃29 לשׁנים ועשׂרים לגדלתי בניו ואחיו שׁנים עשׂר׃30 לשׁלשׁה ועשׂרים למחזיאות בניו ואחיו שׁנים עשׂר׃31 לארבעה ועשׂרים לרוממתי עזר בניו ואחיו שׁנים עשׂר׃
Psalms 92:1-3
Psalms 150:3-5
1 Kings 9:1
1 ויהי ככלות שׁלמה לבנות את בית יהוה ואת בית המלך ואת כל חשׁק שׁלמה אשׁר חפץ לעשׂות׃
Psalms 20:4
4 (20:5) יתן לך כלבבך וכל עצתך ימלא׃
Psalms 37:4
4 והתענג על יהוה ויתן לך משׁאלת לבך׃
1 Kings 9:28
28 ויבאו אופירה ויקחו משׁם זהב ארבע מאות ועשׂרים ככר ויבאו אל המלך שׁלמה׃
2 Chronicles 9:13-28
13 ויהי משׁקל הזהב אשׁר בא לשׁלמה בשׁנה אחת שׁשׁ מאות ושׁשׁים ושׁשׁ ככרי זהב׃14 לבד מאנשׁי התרים והסחרים מביאים וכל מלכי ערב ופחות הארץ מביאים זהב וכסף לשׁלמה׃15 ויעשׂ המלך שׁלמה מאתים צנה זהב שׁחוט שׁשׁ מאות זהב שׁחוט יעלה על הצנה האחת׃16 ושׁלשׁ מאות מגנים זהב שׁחוט שׁלשׁ מאות זהב יעלה על המגן האחת ויתנם המלך בבית יער הלבנון׃17 ויעשׂ המלך כסא שׁן גדול ויצפהו זהב טהור׃18 ושׁשׁ מעלות לכסא וכבשׁ בזהב לכסא מאחזים וידות מזה ומזה על מקום השׁבת ושׁנים אריות עמדים אצל הידות׃19 ושׁנים עשׂר אריות עמדים שׁם על שׁשׁ המעלות מזה ומזה לא נעשׂה כן לכל ממלכה׃20 וכל כלי משׁקה המלך שׁלמה זהב וכל כלי בית יער הלבנון זהב סגור אין כסף נחשׁב בימי שׁלמה למאומה׃21 כי אניות למלך הלכות תרשׁישׁ עם עבדי חורם אחת לשׁלושׁ שׁנים תבואנה אניות תרשׁישׁ נשׂאות זהב וכסף שׁנהבים וקופים ותוכיים׃22 ויגדל המלך שׁלמה מכל מלכי הארץ לעשׁר וחכמה׃23 וכל מלכי הארץ מבקשׁים את פני שׁלמה לשׁמע את חכמתו אשׁר נתן האלהים בלבו׃24 והם מביאים אישׁ מנחתו כלי כסף וכלי זהב ושׂלמות נשׁק ובשׂמים סוסים ופרדים דבר שׁנה בשׁנה׃25 ויהי לשׁלמה ארבעת אלפים אריות סוסים ומרכבות ושׁנים עשׂר אלף פרשׁים ויניחם בערי הרכב ועם המלך בירושׁלם׃26 ויהי מושׁל בכל המלכים מן הנהר ועד ארץ פלשׁתים ועד גבול מצרים׃27 ויתן המלך את הכסף בירושׁלם כאבנים ואת הארזים נתן כשׁקמים אשׁר בשׁפלה לרב׃28 ומוציאים סוסים ממצרים לשׁלמה ומכל הארצות׃
1 Chronicles 9:24
24 לארבע רוחות יהיו השׁערים מזרח ימה צפונה ונגבה׃
2 Chronicles 9:13-14
Isaiah 21:13
13 משׂא בערב ביער בערב תלינו ארחות דדנים׃
1 Kings 14:26-28
2 Chronicles 9:15-16
2 Chronicles 12:9-10
1 Kings 7:2
2 ויבן את בית יער הלבנון מאה אמה ארכו וחמשׁים אמה רחבו ושׁלשׁים אמה קומתו על ארבעה טורי עמודי ארזים וכרתות ארזים על העמודים׃
1 Kings 14:26
26 ויקח את אצרות בית יהוה ואת אוצרות בית המלך ואת הכל לקח ויקח את כל מגני הזהב אשׁר עשׂה שׁלמה׃
1 Kings 10:22
22 כי אני תרשׁישׁ למלך בים עם אני חירם אחת לשׁלשׁ שׁנים תבוא אני תרשׁישׁ נשׂאת זהב וכסף שׁנהבים וקפים ותכיים׃
1 Kings 22:39
39 ויתר דברי אחאב וכל אשׁר עשׂה ובית השׁן אשׁר בנה וכל הערים אשׁר בנה הלוא הם כתובים על ספר דברי הימים למלכי ישׂראל׃
2 Chronicles 9:17-19
Psalms 45:6
6 (45:7) כסאך אלהים עולם ועד שׁבט מישׁר שׁבט מלכותך׃
Psalms 45:8
8 (45:9) מר ואהלות קציעות כל בגדתיך מן היכלי שׁן מני שׂמחוך׃
Psalms 110:1
1 לדוד מזמור נאם יהוה לאדני שׁב לימיני עד אשׁית איביך הדם לרגליך׃
Psalms 122:5
5 כי שׁמה ישׁבו כסאות למשׁפט כסאות לבית דויד׃
Ezekiel 27:6
6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃
Amos 6:4
4 השׁכבים על מטות שׁן וסרחים על ערשׂותם ואכלים כרים מצאן ועגלים מתוך מרבק׃
Genesis 49:9
9 גור אריה יהודה מטרף בני עלית כרע רבץ כאריה וכלביא מי יקימנו׃
Numbers 23:24
24 הן עם כלביא יקום וכארי יתנשׂא לא ישׁכב עד יאכל טרף ודם חללים ישׁתה׃
Numbers 24:9
9 כרע שׁכב כארי וכלביא מי יקימנו מברכיך ברוך וארריך ארור׃
1 Kings 10:17
17 ושׁלשׁ מאות מגנים זהב שׁחוט שׁלשׁת מנים זהב יעלה על המגן האחת ויתנם המלך בית יער הלבנון׃
2 Chronicles 9:20-22
Genesis 10:4
4 ובני יון אלישׁה ותרשׁישׁ כתים ודדנים׃
1 Kings 9:26
26 ואני עשׂה המלך שׁלמה בעציון גבר אשׁר את אלות על שׂפת ים סוף בארץ אדום׃
1 Kings 10:18
18 ויעשׂ המלך כסא שׁן גדול ויצפהו זהב מופז׃
1 Kings 22:48
48 (22:49) יהושׁפט עשׂר אניות תרשׁישׁ ללכת אופירה לזהב ולא הלך כי נשׁברה אניות בעציון גבר׃
2 Chronicles 9:21
21 כי אניות למלך הלכות תרשׁישׁ עם עבדי חורם אחת לשׁלושׁ שׁנים תבואנה אניות תרשׁישׁ נשׂאות זהב וכסף שׁנהבים וקופים ותוכיים׃
2 Chronicles 20:36-37
Job 39:13
13 כנף רננים נעלסה אם אברה חסידה ונצה׃
Psalms 48:7
7 (48:8) ברוח קדים תשׁבר אניות תרשׁישׁ׃
Isaiah 2:16
16 ועל כל אניות תרשׁישׁ ועל כל שׂכיות החמדה׃
Isaiah 23:1
1 משׂא צר הילילו אניות תרשׁישׁ כי שׁדד מבית מבוא מארץ כתים נגלה׃
Isaiah 23:6
6 עברו תרשׁישׁה הילילו ישׁבי אי׃
Isaiah 23:10
10 עברי ארצך כיאר בת תרשׁישׁ אין מזח עוד׃
Isaiah 60:9
9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃
Isaiah 66:19
19 ושׂמתי בהם אות ושׁלחתי מהם פליטים אל הגוים תרשׁישׁ פול ולוד משׁכי קשׁת תבל ויון האיים הרחקים אשׁר לא שׁמעו את שׁמעי ולא ראו את כבודי והגידו את כבודי בגוים׃
Ezekiel 27:12
12 תרשׁישׁ סחרתך מרב כל הון בכסף ברזל בדיל ועופרת נתנו עזבוניך׃
Amos 3:15
15 והכיתי בית החרף על בית הקיץ ואבדו בתי השׁן וספו בתים רבים נאם יהוה׃
Jonah 1:3
3 ויקם יונה לברח תרשׁישׁה מלפני יהוה וירד יפו וימצא אניה באה תרשׁישׁ ויתן שׂכרה וירד בה לבוא עמהם תרשׁישׁה מלפני יהוה׃
1 Kings 3:12-13
1 Kings 4:29-34
29 (5:9) ויתן אלהים חכמה לשׁלמה ותבונה הרבה מאד ורחב לב כחול אשׁר על שׂפת הים׃30 (5:10) ותרב חכמת שׁלמה מחכמת כל בני קדם ומכל חכמת מצרים׃31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃32 (5:12) וידבר שׁלשׁת אלפים משׁל ויהי שׁירו חמשׁה ואלף׃33 (5:13) וידבר על העצים מן הארז אשׁר בלבנון ועד האזוב אשׁר יצא בקיר וידבר על הבהמה ועל העוף ועל הרמשׂ ועל הדגים׃34 (5:14) ויבאו מכל העמים לשׁמע את חכמת שׁלמה מאת כל מלכי הארץ אשׁר שׁמעו את חכמתו׃
2 Chronicles 9:22-23
Psalms 89:27
27 (89:28) אף אני בכור אתנהו עליון למלכי ארץ׃
1 Kings 3:9
9 ונתת לעבדך לב שׁמע לשׁפט את עמך להבין בין טוב לרע כי מי יוכל לשׁפט את עמך הכבד הזה׃
Proverbs 2:6
6 כי יהוה יתן חכמה מפיו דעת ותבונה׃
Daniel 1:17
17 והילדים האלה ארבעתם נתן להם האלהים מדע והשׂכל בכל ספר וחכמה ודניאל הבין בכל חזון וחלמות׃
Daniel 2:21
21 והוא מהשׁנא עדניא וזמניא מהעדה מלכין ומהקים מלכין יהב חכמתא לחכימין ומנדעא לידעי בינה׃
Daniel 2:23
23 לך אלה אבהתי מהודא ומשׁבח אנה די חכמתא וגבורתא יהבת לי וכען הודעתני די בעינא מנך די מלת מלכא הודעתנא׃
Daniel 5:11
11 איתי גבר במלכותך די רוח אלהין קדישׁין בה וביומי אבוך נהירו ושׂכלתנו וחכמה כחכמת אלהין השׁתכחת בה ומלכא נבכדנצר אבוך רב חרטמין אשׁפין כשׂדאין גזרין הקימה אבוך מלכא׃
Genesis 36:24
24 ואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו׃
Judges 3:15
15 ויזעקו בני ישׂראל אל יהוה ויקם יהוה להם מושׁיע את אהוד בן גרא בן הימיני אישׁ אטר יד ימינו וישׁלחו בני ישׂראל בידו מנחה לעגלון מלך מואב׃
1 Samuel 10:27
27 ובני בליעל אמרו מה ישׁענו זה ויבזהו ולא הביאו לו מנחה ויהי כמחרישׁ׃
2 Samuel 8:2
2 ויך את מואב וימדדם בחבל השׁכב אותם ארצה וימדד שׁני חבלים להמית ומלא החבל להחיות ותהי מואב לדוד לעבדים נשׂאי מנחה׃
2 Samuel 8:10
10 וישׁלח תעי את יורם בנו אל המלך דוד לשׁאל לו לשׁלום ולברכו על אשׁר נלחם בהדדעזר ויכהו כי אישׁ מלחמות תעי היה הדדעזר ובידו היו כלי כסף וכלי זהב וכלי נחשׁת׃
1 Kings 1:33
33 ויאמר המלך להם קחו עמכם את עבדי אדניכם והרכבתם את שׁלמה בני על הפרדה אשׁר לי והורדתם אתו אל גחון׃
1 Kings 18:5
5 ויאמר אחאב אל עבדיהו לך בארץ אל כל מעיני המים ואל כל הנחלים אולי נמצא חציר ונחיה סוס ופרד ולוא נכרית מהבהמה׃
2 Kings 17:4
4 וימצא מלך אשׁור בהושׁע קשׁר אשׁר שׁלח מלאכים אל סוא מלך מצרים ולא העלה מנחה למלך אשׁור כשׁנה בשׁנה ויעצרהו מלך אשׁור ויאסרהו בית כלא׃
2 Chronicles 9:24
24 והם מביאים אישׁ מנחתו כלי כסף וכלי זהב ושׂלמות נשׁק ובשׂמים סוסים ופרדים דבר שׁנה בשׁנה׃
2 Chronicles 26:8
8 ויתנו העמונים מנחה לעזיהו וילך שׁמו עד לבוא מצרים כי החזיק עד למעלה׃
Ezra 2:66
66 סוסיהם שׁבע מאות שׁלשׁים ושׁשׁה פרדיהם מאתים ארבעים וחמשׁה׃
Esther 8:10
10 ויכתב בשׁם המלך אחשׁורשׁ ויחתם בטבעת המלך וישׁלח ספרים ביד הרצים בסוסים רכבי הרכשׁ האחשׁתרנים בני הרמכים׃
Esther 8:14
14 הרצים רכבי הרכשׁ האחשׁתרנים יצאו מבהלים ודחופים בדבר המלך והדת נתנה בשׁושׁן הבירה׃
Job 42:11
11 ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשׁר הביא יהוה עליו ויתנו לו אישׁ קשׂיטה אחת ואישׁ נזם זהב אחד׃
Isaiah 36:16
16 אל תשׁמעו אל חזקיהו כי כה אמר המלך אשׁור עשׂו אתי ברכה וצאו אלי ואכלו אישׁ גפנו ואישׁ תאנתו ושׁתו אישׁ מי בורו׃
Isaiah 66:20
20 והביאו את כל אחיכם מכל הגוים מנחה ליהוה בסוסים וברכב ובצבים ובפרדים ובכרכרות על הר קדשׁי ירושׁלם אמר יהוה כאשׁר יביאו בני ישׂראל את המנחה בכלי טהור בית יהוה׃
Ezekiel 27:14
14 מבית תוגרמה סוסים ופרשׁים ופרדים נתנו עזבוניך׃
Deuteronomy 17:16
16 רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃
1 Kings 4:26
26 (5:6) ויהי לשׁלמה ארבעים אלף ארות סוסים למרכבו ושׁנים עשׂר אלף פרשׁים׃
1 Kings 9:19
19 ואת כל ערי המסכנות אשׁר היו לשׁלמה ואת ערי הרכב ואת ערי הפרשׁים ואת חשׁק שׁלמה אשׁר חשׁק לבנות בירושׁלם ובלבנון ובכל ארץ ממשׁלתו׃
2 Chronicles 1:14-17
14 ויאסף שׁלמה רכב ופרשׁים ויהי לו אלף וארבע מאות רכב ושׁנים עשׂר אלף פרשׁים ויניחם בערי הרכב ועם המלך בירושׁלם׃15 ויתן המלך את הכסף ואת הזהב בירושׁלם כאבנים ואת הארזים נתן כשׁקמים אשׁר בשׁפלה לרב׃16 ומוצא הסוסים אשׁר לשׁלמה ממצרים ומקוא סחרי המלך מקוא יקחו במחיר׃17 ויעלו ויוציאו ממצרים מרכבה בשׁשׁ מאות כסף וסוס בחמשׁים ומאה וכן לכל מלכי החתים ומלכי ארם בידם יוציאו׃
2 Chronicles 9:25
25 ויהי לשׁלמה ארבעת אלפים אריות סוסים ומרכבות ושׁנים עשׂר אלף פרשׁים ויניחם בערי הרכב ועם המלך בירושׁלם׃
Isaiah 2:7
7 ותמלא ארצו כסף וזהב ואין קצה לאצרתיו ותמלא ארצו סוסים ואין קצה למרכבתיו׃
Deuteronomy 17:17
17 ולא ירבה לו נשׁים ולא יסור לבבו וכסף וזהב לא ירבה לו מאד׃
2 Chronicles 9:27
27 ויתן המלך את הכסף בירושׁלם כאבנים ואת הארזים נתן כשׁקמים אשׁר בשׁפלה לרב׃
Job 22:24-25
Genesis 41:42
42 ויסר פרעה את טבעתו מעל ידו ויתן אתה על יד יוסף וילבשׁ אתו בגדי שׁשׁ וישׂם רבד הזהב על צוארו׃
2 Chronicles 9:28
28 ומוציאים סוסים ממצרים לשׁלמה ומכל הארצות׃
Proverbs 7:16
16 מרבדים רבדתי ערשׂי חטבות אטון מצרים׃
Isaiah 19:9
9 ובשׁו עבדי פשׁתים שׂריקות וארגים חורי׃
Isaiah 31:1-3
Isaiah 36:9
9 ואיך תשׁיב את פני פחת אחד עבדי אדני הקטנים ותבטח לך על מצרים לרכב ולפרשׁים׃
Ezekiel 27:7
7 שׁשׁ ברקמה ממצרים היה מפרשׂך להיות לך לנס תכלת וארגמן מאיי אלישׁה היה מכסך׃
Joshua 1:4
4 מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השׁמשׁ יהיה גבולכם׃
2 Kings 7:6-7
Hosea 12:10
10 (12:11) ודברתי על הנביאים ואנכי חזון הרביתי וביד הנביאים אדמה׃
Malachi 1:1
1 משׂא דבר יהוה אל ישׂראל ביד מלאכי׃