1 והמלך שׁלמה אהב נשׁים נכריות רבות ואת בת פרעה מואביות עמניות אדמית צדנית חתית׃2 מן הגוים אשׁר אמר יהוה אל בני ישׂראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שׁלמה לאהבה׃3 ויהי לו נשׁים שׂרות שׁבע מאות ופלגשׁים שׁלשׁ מאות ויטו נשׁיו את לבו׃4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃5 וילך שׁלמה אחרי עשׁתרת אלהי צדנים ואחרי מלכם שׁקץ עמנים׃6 ויעשׂ שׁלמה הרע בעיני יהוה ולא מלא אחרי יהוה כדוד אביו׃7 אז יבנה שׁלמה במה לכמושׁ שׁקץ מואב בהר אשׁר על פני ירושׁלם ולמלך שׁקץ בני עמון׃8 וכן עשׂה לכל נשׁיו הנכריות מקטירות ומזבחות לאלהיהן׃9 ויתאנף יהוה בשׁלמה כי נטה לבבו מעם יהוה אלהי ישׂראל הנראה אליו פעמים׃10 וצוה אליו על הדבר הזה לבלתי לכת אחרי אלהים אחרים ולא שׁמר את אשׁר צוה יהוה׃11 ויאמר יהוה לשׁלמה יען אשׁר היתה זאת עמך ולא שׁמרת בריתי וחקתי אשׁר צויתי עליך קרע אקרע את הממלכה מעליך ונתתיה לעבדך׃12 אך בימיך לא אעשׂנה למען דוד אביך מיד בנך אקרענה׃13 רק את כל הממלכה לא אקרע שׁבט אחד אתן לבנך למען דוד עבדי ולמען ירושׁלם אשׁר בחרתי׃14 ויקם יהוה שׂטן לשׁלמה את הדד האדמי מזרע המלך הוא באדום׃15 ויהי בהיות דוד את אדום בעלות יואב שׂר הצבא לקבר את החללים ויך כל זכר באדום׃16 כי שׁשׁת חדשׁים ישׁב שׁם יואב וכל ישׂראל עד הכרית כל זכר באדום׃17 ויברח אדד הוא ואנשׁים אדמיים מעבדי אביו אתו לבוא מצרים והדד נער קטן׃18 ויקמו ממדין ויבאו פארן ויקחו אנשׁים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן׃19 וימצא הדד חן בעיני פרעה מאד ויתן לו אשׁה את אחות אשׁתו אחות תחפניס הגבירה׃20 ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעה׃21 והדד שׁמע במצרים כי שׁכב דוד עם אבתיו וכי מת יואב שׂר הצבא ויאמר הדד אל פרעה שׁלחני ואלך אל ארצי׃22 ויאמר לו פרעה כי מה אתה חסר עמי והנך מבקשׁ ללכת אל ארצך ויאמר לא כי שׁלח תשׁלחני׃23 ויקם אלהים לו שׂטן את רזון בן אלידע אשׁר ברח מאת הדדעזר מלך צובה אדניו׃24 ויקבץ עליו אנשׁים ויהי שׂר גדוד בהרג דוד אתם וילכו דמשׂק וישׁבו בה וימלכו בדמשׂק׃25 ויהי שׂטן לישׂראל כל ימי שׁלמה ואת הרעה אשׁר הדד ויקץ בישׂראל וימלך על ארם׃26 וירבעם בן נבט אפרתי מן הצרדה ושׁם אמו צרועה אשׁה אלמנה עבד לשׁלמה וירם יד במלך׃27 וזה הדבר אשׁר הרים יד במלך שׁלמה בנה את המלוא סגר את פרץ עיר דוד אביו׃28 והאישׁ ירבעם גבור חיל וירא שׁלמה את הנער כי עשׂה מלאכה הוא ויפקד אתו לכל סבל בית יוסף׃29 ויהי בעת ההיא וירבעם יצא מירושׁלם וימצא אתו אחיה השׁילני הנביא בדרך והוא מתכסה בשׂלמה חדשׁה ושׁניהם לבדם בשׂדה׃30 ויתפשׂ אחיה בשׂלמה החדשׁה אשׁר עליו ויקרעה שׁנים עשׂר קרעים׃31 ויאמר לירבעם קח לך עשׂרה קרעים כי כה אמר יהוה אלהי ישׂראל הנני קרע את הממלכה מיד שׁלמה ונתתי לך את עשׂרה השׁבטים׃32 והשׁבט האחד יהיה לו למען עבדי דוד ולמען ירושׁלם העיר אשׁר בחרתי בה מכל שׁבטי ישׂראל׃33 יען אשׁר עזבוני וישׁתחוו לעשׁתרת אלהי צדנין לכמושׁ אלהי מואב ולמלכם אלהי בני עמון ולא הלכו בדרכי לעשׂות הישׁר בעיני וחקתי ומשׁפטי כדוד אביו׃34 ולא אקח את כל הממלכה מידו כי נשׂיא אשׁתנו כל ימי חייו למען דוד עבדי אשׁר בחרתי אתו אשׁר שׁמר מצותי וחקתי׃35 ולקחתי המלוכה מיד בנו ונתתיה לך את עשׂרת השׁבטים׃36 ולבנו אתן שׁבט אחד למען היות ניר לדויד עבדי כל הימים לפני בירושׁלם העיר אשׁר בחרתי לי לשׂום שׁמי שׁם׃37 ואתך אקח ומלכת בכל אשׁר תאוה נפשׁך והיית מלך על ישׂראל׃38 והיה אם תשׁמע את כל אשׁר אצוך והלכת בדרכי ועשׂית הישׁר בעיני לשׁמור חקותי ומצותי כאשׁר עשׂה דוד עבדי והייתי עמך ובניתי לך בית נאמן כאשׁר בניתי לדוד ונתתי לך את ישׂראל׃39 ואענה את זרע דוד למען זאת אך לא כל הימים׃40 ויבקשׁ שׁלמה להמית את ירבעם ויקם ירבעם ויברח מצרים אל שׁישׁק מלך מצרים ויהי במצרים עד מות שׁלמה׃41 ויתר דברי שׁלמה וכל אשׁר עשׂה וחכמתו הלוא הם כתבים על ספר דברי שׁלמה׃42 והימים אשׁר מלך שׁלמה בירושׁלם על כל ישׂראל ארבעים שׁנה׃43 וישׁכב שׁלמה עם אבתיו ויקבר בעיר דוד אביו וימלך רחבעם בנו תחתיו׃
1 Kings 11 Cross References - HOT
Genesis 6:2-5
2 ויראו בני האלהים את בנות האדם כי טבת הנה ויקחו להם נשׁים מכל אשׁר בחרו׃3 ויאמר יהוה לא ידון רוחי באדם לעלם בשׁגם הוא בשׂר והיו ימיו מאה ועשׂרים שׁנה׃4 הנפלים היו בארץ בימים ההם וגם אחרי כן אשׁר יבאו בני האלהים אל בנות האדם וילדו להם המה הגברים אשׁר מעולם אנשׁי השׁם׃5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Leviticus 18:18
18 ואשׁה אל אחתה לא תקח לצרר לגלות ערותה עליה בחייה׃
Deuteronomy 17:17
17 ולא ירבה לו נשׁים ולא יסור לבבו וכסף וזהב לא ירבה לו מאד׃
1 Kings 3:1
1 ויתחתן שׁלמה את פרעה מלך מצרים ויקח את בת פרעה ויביאה אל עיר דוד עד כלתו לבנות את ביתו ואת בית יהוה ואת חומת ירושׁלם סביב׃
1 Kings 11:8
8 וכן עשׂה לכל נשׁיו הנכריות מקטירות ומזבחות לאלהיהן׃
Nehemiah 13:23-27
23 גם בימים ההם ראיתי את היהודים השׁיבו נשׁים אשׁדודיות עמוניות מואביות׃24 ובניהם חצי מדבר אשׁדודית ואינם מכירים לדבר יהודית וכלשׁון עם ועם׃25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃27 ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃
Proverbs 2:16
16 להצילך מאשׁה זרה מנכריה אמריה החליקה׃
Proverbs 5:8-20
8 הרחק מעליה דרכך ואל תקרב אל פתח ביתה׃9 פן תתן לאחרים הודך ושׁנתיך לאכזרי׃10 פן ישׂבעו זרים כחך ועצביך בבית נכרי׃11 ונהמת באחריתך בכלות בשׂרך ושׁארך׃12 ואמרת איך שׂנאתי מוסר ותוכחת נאץ לבי׃13 ולא שׁמעתי בקול מורי ולמלמדי לא הטיתי אזני׃14 כמעט הייתי בכל רע בתוך קהל ועדה׃15 שׁתה מים מבורך ונזלים מתוך בארך׃16 יפוצו מעינתיך חוצה ברחבות פלגי מים׃17 יהיו לך לבדך ואין לזרים אתך׃18 יהי מקורך ברוך ושׂמח מאשׁת נעורך׃19 אילת אהבים ויעלת חן דדיה ירוך בכל עת באהבתה תשׁגה תמיד׃20 ולמה תשׁגה בני בזרה ותחבק חק נכריה׃
Proverbs 6:24
24 לשׁמרך מאשׁת רע מחלקת לשׁון נכריה׃
Proverbs 7:5
5 לשׁמרך מאשׁה זרה מנכריה אמריה החליקה׃
Proverbs 22:14
14 שׁוחה עמקה פי זרות זעום יהוה יפול שׁם׃
Proverbs 23:33
33 עיניך יראו זרות ולבך ידבר תהפכות׃
Genesis 2:24
24 על כן יעזב אישׁ את אביו ואת אמו ודבק באשׁתו והיו לבשׂר אחד׃
Genesis 34:3
3 ותדבק נפשׁו בדינה בת יעקב ויאהב את הנער וידבר על לב הנער׃
Exodus 23:32-33
Exodus 34:16
16 ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן׃
Numbers 25:1-3
Deuteronomy 7:3-4
Joshua 23:12-13
Judges 3:6-7
Judges 16:4-21
4 ויהי אחרי כן ויאהב אשׁה בנחל שׂרק ושׁמה דלילה׃5 ויעלו אליה סרני פלשׁתים ויאמרו לה פתי אותו וראי במה כחו גדול ובמה נוכל לו ואסרנהו לענתו ואנחנו נתן לך אישׁ אלף ומאה כסף׃6 ותאמר דלילה אל שׁמשׁון הגידה נא לי במה כחך גדול ובמה תאסר לענותך׃7 ויאמר אליה שׁמשׁון אם יאסרני בשׁבעה יתרים לחים אשׁר לא חרבו וחליתי והייתי כאחד האדם׃8 ויעלו לה סרני פלשׁתים שׁבעה יתרים לחים אשׁר לא חרבו ותאסרהו׃9 והארב ישׁב לה בחדר ותאמר אליו פלשׁתים עליך שׁמשׁון וינתק את היתרים כאשׁר ינתק פתיל הנערת בהריחו אשׁ ולא נודע כחו׃10 ותאמר דלילה אל שׁמשׁון הנה התלת בי ותדבר אלי כזבים עתה הגידה נא לי במה תאסר׃11 ויאמר אליה אם אסור יאסרוני בעבתים חדשׁים אשׁר לא נעשׂה בהם מלאכה וחליתי והייתי כאחד האדם׃12 ותקח דלילה עבתים חדשׁים ותאסרהו בהם ותאמר אליו פלשׁתים עליך שׁמשׁון והארב ישׁב בחדר וינתקם מעל זרעתיו כחוט׃13 ותאמר דלילה אל שׁמשׁון עד הנה התלת בי ותדבר אלי כזבים הגידה לי במה תאסר ויאמר אליה אם תארגי את שׁבע מחלפות ראשׁי עם המסכת׃14 ותתקע ביתד ותאמר אליו פלשׁתים עליך שׁמשׁון וייקץ משׁנתו ויסע את היתד הארג ואת המסכת׃15 ותאמר אליו איך תאמר אהבתיך ולבך אין אתי זה שׁלשׁ פעמים התלת בי ולא הגדת לי במה כחך גדול׃16 ויהי כי הציקה לו בדבריה כל הימים ותאלצהו ותקצר נפשׁו למות׃17 ויגד לה את כל לבו ויאמר לה מורה לא עלה על ראשׁי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃18 ותרא דלילה כי הגיד לה את כל לבו ותשׁלח ותקרא לסרני פלשׁתים לאמר עלו הפעם כי הגיד לה את כל לבו ועלו אליה סרני פלשׁתים ויעלו הכסף בידם׃19 ותישׁנהו על ברכיה ותקרא לאישׁ ותגלח את שׁבע מחלפות ראשׁו ותחל לענותו ויסר כחו מעליו׃20 ותאמר פלשׁתים עליך שׁמשׁון ויקץ משׁנתו ויאמר אצא כפעם בפעם ואנער והוא לא ידע כי יהוה סר מעליו׃21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃
1 Kings 16:31-33
2 Chronicles 19:2
2 ויצא אל פניו יהוא בן חנני החזה ויאמר אל המלך יהושׁפט הלרשׁע לעזר ולשׂנאי יהוה תאהב ובזאת עליך קצף מלפני יהוה׃
2 Chronicles 21:6
6 וילך בדרך מלכי ישׂראל כאשׁר עשׂו בית אחאב כי בת אחאב היתה לו אשׁה ויעשׂ הרע בעיני יהוה׃
Ezra 9:12
12 ועתה בנותיכם אל תתנו לבניהם ובנתיהם אל תשׂאו לבניכם ולא תדרשׁו שׁלמם וטובתם עד עולם למען תחזקו ואכלתם את טוב הארץ והורשׁתם לבניכם עד עולם׃
Ezra 10:2-17
2 ויען שׁכניה בן יחיאל מבני עולם ויאמר לעזרא אנחנו מעלנו באלהינו ונשׁב נשׁים נכריות מעמי הארץ ועתה ישׁ מקוה לישׂראל על זאת׃3 ועתה נכרת ברית לאלהינו להוציא כל נשׁים והנולד מהם בעצת אדני והחרדים במצות אלהינו וכתורה יעשׂה׃4 קום כי עליך הדבר ואנחנו עמך חזק ועשׂה׃5 ויקם עזרא וישׁבע את שׂרי הכהנים הלוים וכל ישׂראל לעשׂות כדבר הזה וישׁבעו׃6 ויקם עזרא מלפני בית האלהים וילך אל לשׁכת יהוחנן בן אלישׁיב וילך שׁם לחם לא אכל ומים לא שׁתה כי מתאבל על מעל הגולה׃7 ויעבירו קול ביהודה וירושׁלם לכל בני הגולה להקבץ ירושׁלם׃8 וכל אשׁר לא יבוא לשׁלשׁת הימים כעצת השׂרים והזקנים יחרם כל רכושׁו והוא יבדל מקהל הגולה׃9 ויקבצו כל אנשׁי יהודה ובנימן ירושׁלם לשׁלשׁת הימים הוא חדשׁ התשׁיעי בעשׂרים בחדשׁ וישׁבו כל העם ברחוב בית האלהים מרעידים על הדבר ומהגשׁמים׃10 ויקם עזרא הכהן ויאמר אלהם אתם מעלתם ותשׁיבו נשׁים נכריות להוסיף על אשׁמת ישׂראל׃11 ועתה תנו תודה ליהוה אלהי אבתיכם ועשׂו רצונו והבדלו מעמי הארץ ומן הנשׁים הנכריות׃12 ויענו כל הקהל ויאמרו קול גדול כן כדבריך עלינו לעשׂות׃13 אבל העם רב והעת גשׁמים ואין כח לעמוד בחוץ והמלאכה לא ליום אחד ולא לשׁנים כי הרבינו לפשׁע בדבר הזה׃14 יעמדו נא שׂרינו לכל הקהל וכל אשׁר בערינו ההשׁיב נשׁים נכריות יבא לעתים מזמנים ועמהם זקני עיר ועיר ושׁפטיה עד להשׁיב חרון אף אלהינו ממנו עד לדבר הזה׃15 אך יונתן בן עשׂהאל ויחזיה בן תקוה עמדו על זאת ומשׁלם ושׁבתי הלוי עזרם׃16 ויעשׂו כן בני הגולה ויבדלו עזרא הכהן אנשׁים ראשׁי האבות לבית אבתם וכלם בשׁמות וישׁבו ביום אחד לחדשׁ העשׂירי לדריושׁ הדבר׃17 ויכלו בכל אנשׁים ההשׁיבו נשׁים נכריות עד יום אחד לחדשׁ הראשׁון׃
Psalms 139:21
21 הלוא משׂנאיך יהוה אשׂנא ובתקוממיך אתקוטט׃
Malachi 2:11
11 בגדה יהודה ותועבה נעשׂתה בישׂראל ובירושׁלם כי חלל יהודה קדשׁ יהוה אשׁר אהב ובעל בת אל נכר׃
Judges 8:30-31
Judges 9:5
5 ויבא בית אביו עפרתה ויהרג את אחיו בני ירבעל שׁבעים אישׁ על אבן אחת ויותר יותם בן ירבעל הקטן כי נחבא׃
2 Samuel 3:2-5
2 Samuel 5:13-16
2 Chronicles 11:21
21 ויאהב רחבעם את מעכה בת אבשׁלום מכל נשׁיו ופילגשׁיו כי נשׁים שׁמונה עשׂרה נשׂא ופילגשׁים שׁשׁים ויולד עשׂרים ושׁמונה בנים ושׁשׁים בנות׃
Ecclesiastes 7:28
28 אשׁר עוד בקשׁה נפשׁי ולא מצאתי אדם אחד מאלף מצאתי ואשׁה בכל אלה לא מצאתי׃
Deuteronomy 7:4
4 כי יסיר את בנך מאחרי ועבדו אלהים אחרים וחרה אף יהוה בכם והשׁמידך מהר׃
1 Kings 6:1
1 ויהי בשׁמונים שׁנה וארבע מאות שׁנה לצאת בני ישׂראל מארץ מצרים בשׁנה הרביעית בחדשׁ זו הוא החדשׁ השׁני למלך שׁלמה על ישׂראל ויבן הבית ליהוה׃
1 Kings 6:12-13
1 Kings 8:61
61 והיה לבבכם שׁלם עם יהוה אלהינו ללכת בחקיו ולשׁמר מצותיו כיום הזה׃
1 Kings 9:4
4 ואתה אם תלך לפני כאשׁר הלך דוד אביך בתם לבב ובישׁר לעשׂות ככל אשׁר צויתיך חקי ומשׁפטי תשׁמר׃
1 Kings 9:10
10 ויהי מקצה עשׂרים שׁנה אשׁר בנה שׁלמה את שׁני הבתים את בית יהוה ואת בית המלך׃
1 Kings 11:2
2 מן הגוים אשׁר אמר יהוה אל בני ישׂראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שׁלמה לאהבה׃
1 Kings 11:6
6 ויעשׂ שׁלמה הרע בעיני יהוה ולא מלא אחרי יהוה כדוד אביו׃
1 Kings 11:38
38 והיה אם תשׁמע את כל אשׁר אצוך והלכת בדרכי ועשׂית הישׁר בעיני לשׁמור חקותי ומצותי כאשׁר עשׂה דוד עבדי והייתי עמך ובניתי לך בית נאמן כאשׁר בניתי לדוד ונתתי לך את ישׂראל׃
1 Kings 11:42
42 והימים אשׁר מלך שׁלמה בירושׁלם על כל ישׂראל ארבעים שׁנה׃
1 Kings 14:21
21 ורחבעם בן שׁלמה מלך ביהודה בן ארבעים ואחת שׁנה רחבעם במלכו ושׁבע עשׂרה שׁנה מלך בירושׁלם העיר אשׁר בחר יהוה לשׂום את שׁמו שׁם מכל שׁבטי ישׂראל ושׁם אמו נעמה העמנית׃
1 Kings 15:3
3 וילך בכל חטאות אביו אשׁר עשׂה לפניו ולא היה לבבו שׁלם עם יהוה אלהיו כלבב דוד אביו׃
1 Kings 15:14
14 והבמות לא סרו רק לבב אסא היה שׁלם עם יהוה כל ימיו׃
2 Kings 20:3
3 אנה יהוה זכר נא את אשׁר התהלכתי לפניך באמת ובלבב שׁלם והטוב בעיניך עשׂיתי ויבך חזקיהו בכי גדול׃
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
1 Chronicles 29:19
19 ולשׁלמה בני תן לבב שׁלם לשׁמור מצותיך עדותיך וחקיך ולעשׂות הכל ולבנות הבירה אשׁר הכינותי׃
2 Chronicles 17:3
3 ויהי יהוה עם יהושׁפט כי הלך בדרכי דויד אביו הראשׁנים ולא דרשׁ לבעלים׃
2 Chronicles 25:2
2 ויעשׂ הישׁר בעיני יהוה רק לא בלבב שׁלם׃
2 Chronicles 31:20-21
2 Chronicles 34:2
2 ויעשׂ הישׁר בעיני יהוה וילך בדרכי דויד אביו ולא סר ימין ושׂמאול׃
Leviticus 18:21
21 ומזרעך לא תתן להעביר למלך ולא תחלל את שׁם אלהיך אני יהוה׃
Leviticus 20:2-5
2 ואל בני ישׂראל תאמר אישׁ אישׁ מבני ישׂראל ומן הגר הגר בישׂראל אשׁר יתן מזרעו למלך מות יומת עם הארץ ירגמהו באבן׃3 ואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי ולחלל את שׁם קדשׁי׃4 ואם העלם יעלימו עם הארץ את עיניהם מן האישׁ ההוא בתתו מזרעו למלך לבלתי המית אתו׃5 ושׂמתי אני את פני באישׁ ההוא ובמשׁפחתו והכרתי אתו ואת כל הזנים אחריו לזנות אחרי המלך מקרב עמם׃
Judges 2:13
13 ויעזבו את יהוה ויעבדו לבעל ולעשׁתרות׃
Judges 10:6
6 ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃
1 Samuel 7:3-4
1 Samuel 12:10
10 ויזעקו אל יהוה ויאמר חטאנו כי עזבנו את יהוה ונעבד את הבעלים ואת העשׁתרות ועתה הצילנו מיד איבינו ונעבדך׃
1 Kings 11:7
7 אז יבנה שׁלמה במה לכמושׁ שׁקץ מואב בהר אשׁר על פני ירושׁלם ולמלך שׁקץ בני עמון׃
1 Kings 11:33
33 יען אשׁר עזבוני וישׁתחוו לעשׁתרת אלהי צדנין לכמושׁ אלהי מואב ולמלכם אלהי בני עמון ולא הלכו בדרכי לעשׂות הישׁר בעיני וחקתי ומשׁפטי כדוד אביו׃
2 Kings 23:13
13 ואת הבמות אשׁר על פני ירושׁלם אשׁר מימין להר המשׁחית אשׁר בנה שׁלמה מלך ישׂראל לעשׁתרת שׁקץ צידנים ולכמושׁ שׁקץ מואב ולמלכם תועבת בני עמון טמא המלך׃
Jeremiah 2:10-13
Zephaniah 1:5
5 ואת המשׁתחוים על הגגות לצבא השׁמים ואת המשׁתחוים הנשׁבעים ליהוה והנשׁבעים במלכם׃
Numbers 14:24
24 ועבדי כלב עקב היתה רוח אחרת עמו וימלא אחרי והביאתיו אל הארץ אשׁר בא שׁמה וזרעו יורשׁנה׃
Joshua 14:8
8 ואחי אשׁר עלו עמי המסיו את לב העם ואנכי מלאתי אחרי יהוה אלהי׃
Joshua 14:14
14 על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃
Genesis 33:2
2 וישׂם את השׁפחות ואת ילדיהן ראשׁנה ואת לאה וילדיה אחרנים ואת רחל ואת יוסף אחרנים׃
Leviticus 26:30
30 והשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם׃
Numbers 21:29
29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃
Numbers 33:52
52 והורשׁתם את כל ישׁבי הארץ מפניכם ואבדתם את כל משׂכיתם ואת כל צלמי מסכתם תאבדו ואת כל במותם תשׁמידו׃
Deuteronomy 13:14
14 (13:15) ודרשׁת וחקרת ושׁאלת היטב והנה אמת נכון הדבר נעשׂתה התועבה הזאת בקרבך׃
Deuteronomy 17:3-4
Deuteronomy 27:15
15 ארור האישׁ אשׁר יעשׂה פסל ומסכה תועבת יהוה מעשׂה ידי חרשׁ ושׂם בסתר וענו כל העם ואמרו אמן׃
Judges 11:24
24 הלא את אשׁר יורישׁך כמושׁ אלהיך אותו תירשׁ ואת כל אשׁר הורישׁ יהוה אלהינו מפנינו אותו נירשׁ׃
2 Samuel 15:30
30 ודוד עלה במעלה הזיתים עלה ובוכה וראשׁ לו חפוי והוא הלך יחף וכל העם אשׁר אתו חפו אישׁ ראשׁו ועלו עלה ובכה׃
2 Kings 21:2-3
2 Kings 23:10
10 וטמא את התפת אשׁר בגי בני הנם לבלתי להעביר אישׁ את בנו ואת בתו באשׁ למלך׃
2 Kings 23:13-14
Psalms 78:58
58 ויכעיסוהו בבמותם ובפסיליהם יקניאוהו׃
Isaiah 44:19
19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃
Jeremiah 48:13
13 ובשׁ מואב מכמושׁ כאשׁר בשׁו בית ישׂראל מבית אל מבטחם׃
Ezekiel 18:12
12 עני ואביון הונה גזלות גזל חבל לא ישׁיב ואל הגלולים נשׂא עיניו תועבה עשׂה׃
Ezekiel 20:28-29
Daniel 11:31
31 וזרעים ממנו יעמדו וחללו המקדשׁ המעוז והסירו התמיד ונתנו השׁקוץ משׁומם׃
Daniel 12:11
11 ומעת הוסר התמיד ולתת שׁקוץ שׁמם ימים אלף מאתים ותשׁעים׃
Zechariah 14:4
4 ועמדו רגליו ביום ההוא על הר הזתים אשׁר על פני ירושׁלם מקדם ונבקע הר הזיתים מחציו מזרחה וימה גיא גדולה מאד ומשׁ חצי ההר צפונה וחציו נגבה׃
1 Kings 11:1
1 והמלך שׁלמה אהב נשׁים נכריות רבות ואת בת פרעה מואביות עמניות אדמית צדנית חתית׃
Ezekiel 16:22-29
22 ואת כל תועבתיך ותזנתיך לא זכרתי את ימי נעוריך בהיותך ערם ועריה מתבוססת בדמך היית׃23 ויהי אחרי כל רעתך אוי אוי לך נאם אדני יהוה׃24 ותבני לך גב ותעשׂי לך רמה בכל רחוב׃25 אל כל ראשׁ דרך בנית רמתך ותתעבי את יפיך ותפשׂקי את רגליך לכל עובר ותרבי את תזנתך׃26 ותזני אל בני מצרים שׁכניך גדלי בשׂר ותרבי את תזנתך להכעיסני׃27 והנה נטיתי ידי עליך ואגרע חקך ואתנך בנפשׁ שׂנאותיך בנות פלשׁתים הנכלמות מדרכך זמה׃28 ותזני אל בני אשׁור מבלתי שׂבעתך ותזנים וגם לא שׂבעת׃29 ותרבי את תזנותך אל ארץ כנען כשׂדימה וגם בזאת לא שׂבעת׃
Hosea 4:11-12
Exodus 4:14
14 ויחר אף יהוה במשׁה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושׂמח בלבו׃
Numbers 12:9
9 ויחר אף יהוה בם וילך׃
Deuteronomy 3:26
26 ויתעבר יהוה בי למענכם ולא שׁמע אלי ויאמר יהוה אלי רב לך אל תוסף דבר אלי עוד בדבר הזה׃
Deuteronomy 9:8
8 ובחרב הקצפתם את יהוה ויתאנף יהוה בכם להשׁמיד אתכם׃
Deuteronomy 9:20
20 ובאהרן התאנף יהוה מאד להשׁמידו ואתפלל גם בעד אהרן בעת ההוא׃
2 Samuel 6:7
7 ויחר אף יהוה בעזה ויכהו שׁם האלהים על השׁל וימת שׁם עם ארון האלהים׃
2 Samuel 11:27
27 ויעבר האבל וישׁלח דוד ויאספה אל ביתו ותהי לו לאשׁה ותלד לו בן וירע הדבר אשׁר עשׂה דוד בעיני יהוה׃
1 Kings 3:5
5 בגבעון נראה יהוה אל שׁלמה בחלום הלילה ויאמר אלהים שׁאל מה אתן׃
1 Kings 9:2
2 וירא יהוה אל שׁלמה שׁנית כאשׁר נראה אליו בגבעון׃
1 Kings 11:2-4
1 Chronicles 21:7
7 וירע בעיני האלהים על הדבר הזה ויך את ישׂראל׃
Psalms 78:58-60
Psalms 90:7-8
Proverbs 4:23
23 מכל משׁמר נצר לבך כי ממנו תוצאות חיים׃
Isaiah 29:13-14
Hosea 4:11
11 זנות ויין ותירושׁ יקח לב׃
1 Kings 9:4-7
4 ואתה אם תלך לפני כאשׁר הלך דוד אביך בתם לבב ובישׁר לעשׂות ככל אשׁר צויתיך חקי ומשׁפטי תשׁמר׃5 והקמתי את כסא ממלכתך על ישׂראל לעלם כאשׁר דברתי על דוד אביך לאמר לא יכרת לך אישׁ מעל כסא ישׂראל׃6 אם שׁוב תשׁבון אתם ובניכם מאחרי ולא תשׁמרו מצותי חקתי אשׁר נתתי לפניכם והלכתם ועבדתם אלהים אחרים והשׁתחויתם׃7 והכרתי את ישׂראל מעל פני האדמה אשׁר נתתי להם ואת הבית אשׁר הקדשׁתי לשׁמי אשׁלח מעל פני והיה ישׂראל למשׁל ולשׁנינה בכל העמים׃
2 Chronicles 7:17-22
17 ואתה אם תלך לפני כאשׁר הלך דויד אביך ולעשׂות ככל אשׁר צויתיך וחקי ומשׁפטי תשׁמור׃18 והקימותי את כסא מלכותך כאשׁר כרתי לדויד אביך לאמר לא יכרת לך אישׁ מושׁל בישׂראל׃19 ואם תשׁובון אתם ועזבתם חקותי ומצותי אשׁר נתתי לפניכם והלכתם ועבדתם אלהים אחרים והשׁתחויתם׃20 ונתשׁתים מעל אדמתי אשׁר נתתי להם ואת הבית הזה אשׁר הקדשׁתי לשׁמי אשׁליך מעל פני ואתננו למשׁל ולשׁנינה בכל העמים׃21 והבית הזה אשׁר היה עליון לכל עבר עליו ישׁם ואמר במה עשׂה יהוה ככה לארץ הזאת ולבית הזה׃22 ואמרו על אשׁר עזבו את יהוה אלהי אבתיהם אשׁר הוציאם מארץ מצרים ויחזיקו באלהים אחרים וישׁתחוו להם ויעבדום על כן הביא עליהם את כל הרעה הזאת׃
Numbers 14:23
23 אם יראו את הארץ אשׁר נשׁבעתי לאבתם וכל מנאצי לא יראוה׃
Numbers 14:35
35 אני יהוה דברתי אם לא זאת אעשׂה לכל העדה הרעה הזאת הנועדים עלי במדבר הזה יתמו ושׁם ימתו׃
1 Samuel 2:30-32
1 Samuel 13:13-14
1 Samuel 15:26-28
2 Samuel 12:9-12
9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃10 ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃12 כי אתה עשׂית בסתר ואני אעשׂה את הדבר הזה נגד כל ישׂראל ונגד השׁמשׁ׃
1 Kings 11:31
31 ויאמר לירבעם קח לך עשׂרה קרעים כי כה אמר יהוה אלהי ישׂראל הנני קרע את הממלכה מיד שׁלמה ונתתי לך את עשׂרה השׁבטים׃
1 Kings 12:15-16
1 Kings 12:20
20 ויהי כשׁמע כל ישׂראל כי שׁב ירבעם וישׁלחו ויקראו אתו אל העדה וימליכו אתו על כל ישׂראל לא היה אחרי בית דוד זולתי שׁבט יהודה לבדו׃
2 Kings 17:21
21 כי קרע ישׂראל מעל בית דוד וימליכו את ירבעם בן נבט וידא ירבעם את ישׂראל מאחרי יהוה והחטיאם חטאה גדולה׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 19:29
29 ויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט׃
Exodus 20:5
5 לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃
1 Samuel 9:4-5
1 Kings 21:29
29 הראית כי נכנע אחאב מלפני יען כי נכנע מפני לא אבי הרעה בימיו בימי בנו אביא הרעה על ביתו׃
2 Kings 20:17
17 הנה ימים באים ונשׂא כל אשׁר בביתך ואשׁר אצרו אבתיך עד היום הזה בבלה לא יותר דבר אמר יהוה׃
2 Kings 20:19
19 ויאמר חזקיהו אל ישׁעיהו טוב דבר יהוה אשׁר דברת ויאמר הלוא אם שׁלום ואמת יהיה בימי׃
2 Kings 22:19-20
Deuteronomy 9:5
5 לא בצדקתך ובישׁר לבבך אתה בא לרשׁת את ארצם כי ברשׁעת הגוים האלה יהוה אלהיך מורישׁם מפניך ולמען הקים את הדבר אשׁר נשׁבע יהוה לאבתיך לאברהם ליצחק וליעקב׃
Deuteronomy 12:5
5 כי אם אל המקום אשׁר יבחר יהוה אלהיכם מכל שׁבטיכם לשׂום את שׁמו שׁם לשׁכנו תדרשׁו ובאת שׁמה׃
Deuteronomy 12:11
11 והיה המקום אשׁר יבחר יהוה אלהיכם בו לשׁכן שׁמו שׁם שׁמה תביאו את כל אשׁר אנכי מצוה אתכם עולתיכם וזבחיכם מעשׂרתיכם ותרמת ידכם וכל מבחר נדריכם אשׁר תדרו ליהוה׃
2 Samuel 7:15-16
1 Kings 11:11-12
1 Kings 11:32
32 והשׁבט האחד יהיה לו למען עבדי דוד ולמען ירושׁלם העיר אשׁר בחרתי בה מכל שׁבטי ישׂראל׃
1 Kings 11:35-36
1 Kings 11:39
39 ואענה את זרע דוד למען זאת אך לא כל הימים׃
2 Kings 13:23
23 ויחן יהוה אתם וירחמם ויפן אליהם למען בריתו את אברהם יצחק ויעקב ולא אבה השׁחיתם ולא השׁליכם מעל פניו עד עתה׃
2 Kings 19:34
34 וגנותי אל העיר הזאת להושׁיעה למעני ולמען דוד עבדי׃
2 Kings 21:4
4 ובנה מזבחת בבית יהוה אשׁר אמר יהוה בירושׁלם אשׂים את שׁמי׃
2 Kings 23:27
27 ויאמר יהוה גם את יהודה אסיר מעל פני כאשׁר הסרתי את ישׂראל ומאסתי את העיר הזאת אשׁר בחרתי את ירושׁלם ואת הבית אשׁר אמרתי יהיה שׁמי שׁם׃
1 Chronicles 17:13-14
Psalms 89:33-37
Psalms 89:49
49 (89:50) איה חסדיך הראשׁנים אדני נשׁבעת לדוד באמונתך׃
Psalms 132:1
1 שׁיר המעלות זכור יהוה לדוד את כל ענותו׃
Psalms 132:13-14
Psalms 132:17
17 שׁם אצמיח קרן לדוד ערכתי נר למשׁיחי׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 14:32
32 ומה יענה מלאכי גוי כי יהוה יסד ציון ובה יחסו עניי עמו׃
Isaiah 62:1
1 למען ציון לא אחשׁה ולמען ירושׁלם לא אשׁקוט עד יצא כנגה צדקה וישׁועתה כלפיד יבער׃
Isaiah 62:7
7 ואל תתנו דמי לו עד יכונן ועד ישׂים את ירושׁלם תהלה בארץ׃
Jeremiah 33:15-26
15 בימים ההם ובעת ההיא אצמיח לדוד צמח צדקה ועשׂה משׁפט וצדקה בארץ׃16 בימים ההם תושׁע יהודה וירושׁלם תשׁכון לבטח וזה אשׁר יקרא לה יהוה צדקנו׃17 כי כה אמר יהוה לא יכרת לדוד אישׁ ישׁב על כסא בית ישׂראל׃18 ולכהנים הלוים לא יכרת אישׁ מלפני מעלה עולה ומקטיר מנחה ועשׂה זבח כל הימים׃19 ויהי דבר יהוה אל ירמיהו לאמור׃20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃23 ויהי דבר יהוה אל ירמיהו לאמר׃24 הלוא ראית מה העם הזה דברו לאמר שׁתי המשׁפחות אשׁר בחר יהוה בהם וימאסם ואת עמי ינאצון מהיות עוד גוי לפניהם׃25 כה אמר יהוה אם לא בריתי יומם ולילה חקות שׁמים וארץ לא שׂמתי׃26 גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃
1 Samuel 26:19
19 ועתה ישׁמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשׁוני היום מהסתפח בנחלת יהוה לאמר לך עבד אלהים אחרים׃
2 Samuel 7:14
14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃
2 Samuel 24:1
1 ויסף אף יהוה לחרות בישׂראל ויסת את דוד בהם לאמר לך מנה את ישׂראל ואת יהודה׃
1 Kings 12:15
15 ולא שׁמע המלך אל העם כי היתה סבה מעם יהוה למען הקים את דברו אשׁר דבר יהוה ביד אחיה השׁילני אל ירבעם בן נבט׃
1 Chronicles 5:26
26 ויער אלהי ישׂראל את רוח פול מלך אשׁור ואת רוח תלגת פלנסר מלך אשׁור ויגלם לראובני ולגדי ולחצי שׁבט מנשׁה ויביאם לחלח וחבור והרא ונהר גוזן עד היום הזה׃
Psalms 89:30-34
Isaiah 10:5
5 הוי אשׁור שׁבט אפי ומטה הוא בידם זעמי׃
Isaiah 10:26
26 ועורר עליו יהוה צבאות שׁוט כמכת מדין בצור עורב ומטהו על הים ונשׂאו בדרך מצרים׃
Isaiah 13:17
17 הנני מעיר עליהם את מדי אשׁר כסף לא יחשׁבו וזהב לא יחפצו׃
Genesis 25:23
23 ויאמר יהוה לה שׁני גיים בבטנך ושׁני לאמים ממעיך יפרדו ולאם מלאם יאמץ ורב יעבד צעיר׃
Genesis 27:40
40 ועל חרבך תחיה ואת אחיך תעבד והיה כאשׁר תריד ופרקת עלו מעל צוארך׃
Numbers 24:18-19
Numbers 31:17
17 ועתה הרגו כל זכר בטף וכל אשׁה ידעת אישׁ למשׁכב זכר הרגו׃
Deuteronomy 20:13
13 ונתנה יהוה אלהיך בידך והכית את כל זכורה לפי חרב׃
2 Samuel 8:14
14 וישׂם באדום נצבים בכל אדום שׂם נצבים ויהי כל אדום עבדים לדוד ויושׁע יהוה את דוד בכל אשׁר הלך׃
1 Chronicles 18:12-13
Psalms 60:1
1 למנצח על שׁושׁן עדות מכתם לדוד ללמד׃ (60:2) בהצותו את ארם נהרים ואת ארם צובה וישׁב יואב ויך את אדום בגיא מלח שׁנים עשׂר אלף׃ (60:3) אלהים זנחתנו פרצתנו אנפת תשׁובב
Psalms 108:10
10 (108:11) מי יבלני עיר מבצר מי נחני עד אדום׃
Malachi 1:2-3
Exodus 2:1-10
1 וילך אישׁ מבית לוי ויקח את בת לוי׃2 ותהר האשׁה ותלד בן ותרא אתו כי טוב הוא ותצפנהו שׁלשׁה ירחים׃3 ולא יכלה עוד הצפינו ותקח לו תבת גמא ותחמרה בחמר ובזפת ותשׂם בה את הילד ותשׂם בסוף על שׂפת היאר׃4 ותתצב אחתו מרחק לדעה מה יעשׂה׃5 ותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשׁלח את אמתה ותקחה׃6 ותפתח ותראהו את הילד והנה נער בכה ותחמל עליו ותאמר מילדי העברים זה׃7 ותאמר אחתו אל בת פרעה האלך וקראתי לך אשׁה מינקת מן העברית ותינק לך את הילד׃8 ותאמר לה בת פרעה לכי ותלך העלמה ותקרא את אם הילד׃9 ותאמר לה בת פרעה היליכי את הילד הזה והינקהו לי ואני אתן את שׂכרך ותקח האשׁה הילד ותניקהו׃10 ויגדל הילד ותבאהו לבת פרעה ויהי לה לבן ותקרא שׁמו משׁה ותאמר כי מן המים משׁיתהו׃
2 Samuel 4:4
4 וליהונתן בן שׁאול בן נכה רגלים בן חמשׁ שׁנים היה בבא שׁמעת שׁאול ויהונתן מיזרעאל ותשׂאהו אמנתו ותנס ויהי בחפזה לנוס ויפל ויפסח ושׁמו מפיבשׁת׃
2 Kings 11:2
2 ותקח יהושׁבע בת המלך יורם אחות אחזיהו את יואשׁ בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃
Genesis 14:6
6 ואת החרי בהררם שׂעיר עד איל פארן אשׁר על המדבר׃
Genesis 21:21
21 וישׁב במדבר פארן ותקח לו אמו אשׁה מארץ מצרים׃
Genesis 25:2
2 ותלד לו את זמרן ואת יקשׁן ואת מדן ואת מדין ואת ישׁבק ואת שׁוח׃
Genesis 25:4
4 ובני מדין עיפה ועפר וחנך ואבידע ואלדעה כל אלה בני קטורה׃
Numbers 10:12
12 ויסעו בני ישׂראל למסעיהם ממדבר סיני וישׁכן הענן במדבר פארן׃
Numbers 22:4
4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃
Numbers 25:6
6 והנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד׃
Numbers 25:14
14 ושׁם אישׁ ישׂראל המכה אשׁר הכה את המדינית זמרי בן סלוא נשׂיא בית אב לשׁמעני׃
Numbers 25:18
18 כי צררים הם לכם בנכליהם אשׁר נכלו לכם על דבר פעור ועל דבר כזבי בת נשׂיא מדין אחתם המכה ביום המגפה על דבר פעור ׃ ויהי אחרי המגפה \'d3
Deuteronomy 1:1
1 אלה הדברים אשׁר דבר משׁה אל כל ישׂראל בעבר הירדן במדבר בערבה מול סוף בין פארן ובין תפל ולבן וחצרת ודי זהב׃
Deuteronomy 33:2
2 ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃
Habakkuk 3:3
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃
Genesis 39:4
4 וימצא יוסף חן בעיניו וישׁרת אתו ויפקדהו על ביתו וכל ישׁ לו נתן בידו׃
Genesis 39:21
21 ויהי יהוה את יוסף ויט אליו חסד ויתן חנו בעיני שׂר בית הסהר׃
Genesis 41:45
45 ויקרא פרעה שׁם יוסף צפנת פענח ויתן לו את אסנת בת פוטי פרע כהן אן לאשׁה ויצא יוסף על ארץ מצרים׃
Jeremiah 43:7-9
Genesis 21:7
7 ותאמר מי מלל לאברהם היניקה בנים שׂרה כי ילדתי בן לזקניו׃
1 Samuel 1:24
24 ותעלהו עמה כאשׁר גמלתו בפרים שׁלשׁה ואיפה אחת קמח ונבל יין ותבאהו בית יהוה שׁלו והנער נער׃
Genesis 45:24
24 וישׁלח את אחיו וילכו ויאמר אלהם אל תרגזו בדרך׃
Exodus 4:19
19 ויאמר יהוה אל משׁה במדין לך שׁב מצרים כי מתו כל האנשׁים המבקשׁים את נפשׁך׃
Joshua 2:21
21 ותאמר כדבריכם כן הוא ותשׁלחם וילכו ותקשׁר את תקות השׁני בחלון׃
1 Samuel 9:26
26 וישׁכמו ויהי כעלות השׁחר ויקרא שׁמואל אל שׁאול הגג לאמר קומה ואשׁלחך ויקם שׁאול ויצאו שׁניהם הוא ושׁמואל החוצה׃
2 Samuel 3:21
21 ויאמר אבנר אל דוד אקומה ואלכה ואקבצה אל אדני המלך את כל ישׂראל ויכרתו אתך ברית ומלכת בכל אשׁר תאוה נפשׁך וישׁלח דוד את אבנר וילך בשׁלום׃
1 Kings 2:10
10 וישׁכב דוד עם אבתיו ויקבר בעיר דוד׃
1 Kings 2:34
34 ויעל בניהו בן יהוידע ויפגע בו וימתהו ויקבר בביתו במדבר׃
2 Samuel 18:22-23
Psalms 37:8
8 הרף מאף ועזב חמה אל תתחר אך להרע׃
Jeremiah 2:31
31 הדור אתם ראו דבר יהוה המדבר הייתי לישׂראל אם ארץ מאפליה מדוע אמרו עמי רדנו לוא נבוא עוד אליך׃
2 Samuel 8:3
3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃
2 Samuel 10:8
8 ויצאו בני עמון ויערכו מלחמה פתח השׁער וארם צובא ורחוב ואישׁ טוב ומעכה לבדם בשׂדה׃
2 Samuel 10:15-18
15 וירא ארם כי נגף לפני ישׂראל ויאספו יחד׃16 וישׁלח הדדעזר ויצא את ארם אשׁר מעבר הנהר ויבאו חילם ושׁובך שׂר צבא הדדעזר לפניהם׃17 ויגד לדוד ויאסף את כל ישׂראל ויעבר את הירדן ויבא חלאמה ויערכו ארם לקראת דוד וילחמו עמו׃18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃
2 Samuel 16:11
11 ויאמר דוד אל אבישׁי ואל כל עבדיו הנה בני אשׁר יצא ממעי מבקשׁ את נפשׁי ואף כי עתה בן הימיני הנחו לו ויקלל כי אמר לו יהוה׃
1 Kings 11:14
14 ויקם יהוה שׂטן לשׁלמה את הדד האדמי מזרע המלך הוא באדום׃
1 Chronicles 18:3-9
3 ויך דויד את הדדעזר מלך צובה חמתה בלכתו להציב ידו בנהר פרת׃4 וילכד דויד ממנו אלף רכב ושׁבעת אלפים פרשׁים ועשׂרים אלף אישׁ רגלי ויעקר דויד את כל הרכב ויותר ממנו מאה רכב׃5 ויבא ארם דרמשׂק לעזור להדדעזר מלך צובה ויך דויד בארם עשׂרים ושׁנים אלף אישׁ׃6 וישׂם דויד בארם דרמשׂק ויהי ארם לדויד עבדים נשׂאי מנחה ויושׁע יהוה לדויד בכל אשׁר הלך׃7 ויקח דויד את שׁלטי הזהב אשׁר היו על עבדי הדדעזר ויביאם ירושׁלם׃8 ומטבחת ומכון ערי הדדעזר לקח דויד נחשׁת רבה מאד בה עשׂה שׁלמה את ים הנחשׁת ואת העמודים ואת כלי הנחשׁת׃9 וישׁמע תעו מלך חמת כי הכה דויד את כל חיל הדדעזר מלך צובה׃
1 Chronicles 19:6
6 ויראו בני עמון כי התבאשׁו עם דויד וישׁלח חנון ובני עמון אלף ככר כסף לשׂכר להם מן ארם נהרים ומן ארם מעכה ומצובה רכב ופרשׁים׃
1 Chronicles 19:16-19
16 וירא ארם כי נגפו לפני ישׂראל וישׁלחו מלאכים ויוציאו את ארם אשׁר מעבר הנהר ושׁופך שׂר צבא הדדעזר לפניהם׃17 ויגד לדויד ויאסף את כל ישׂראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו׃18 וינס ארם מלפני ישׂראל ויהרג דויד מארם שׁבעת אלפים רכב וארבעים אלף אישׁ רגלי ואת שׁופך שׂר הצבא המית׃19 ויראו עבדי הדדעזר כי נגפו לפני ישׂראל וישׁלימו עם דויד ויעבדהו ולא אבה ארם להושׁיע את בני עמון עוד׃
Ezra 1:1
1 ובשׁנת אחת לכורשׁ מלך פרס לכלות דבר יהוה מפי ירמיה העיר יהוה את רוח כרשׁ מלך פרס ויעבר קול בכל מלכותו וגם במכתב לאמר׃
Isaiah 37:26
26 הלוא שׁמעת למרחוק אותה עשׂיתי מימי קדם ויצרתיה עתה הבאתיה ותהי להשׁאות גלים נצים ערים בצרות׃
Isaiah 45:5
5 אני יהוה ואין עוד זולתי אין אלהים אאזרך ולא ידעתני׃
Ezekiel 38:16
16 ועלית על עמי ישׂראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשׁי בך לעיניהם גוג׃
Genesis 14:15
15 ויחלק עליהם לילה הוא ועבדיו ויכם וירדפם עד חובה אשׁר משׂמאל לדמשׂק׃
2 Samuel 10:18
18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃
1 Kings 19:15
15 ויאמר יהוה אליו לך שׁוב לדרכך מדברה דמשׂק ובאת ומשׁחת את חזאל למלך על ארם׃
1 Kings 20:34
34 ויאמר אליו הערים אשׁר לקח אבי מאת אביך אשׁיב וחוצות תשׂים לך בדמשׂק כאשׁר שׂם אבי בשׁמרון ואני בברית אשׁלחך ויכרת לו ברית וישׁלחהו׃
Genesis 34:30
30 ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃
Deuteronomy 23:7
7 (23:8) לא תתעב אדמי כי אחיך הוא לא תתעב מצרי כי גר היית בארצו׃
2 Samuel 16:21
21 ויאמר אחיתפל אל אבשׁלם בוא אל פלגשׁי אביך אשׁר הניח לשׁמור הבית ושׁמע כל ישׂראל כי נבאשׁת את אביך וחזקו ידי כל אשׁר אתך׃
1 Kings 5:4
4 (5:18) ועתה הניח יהוה אלהי לי מסביב אין שׂטן ואין פגע רע׃
2 Chronicles 15:2
2 ויצא לפני אסא ויאמר לו שׁמעוני אסא וכל יהודה ובנימן יהוה עמכם בהיותכם עמו ואם תדרשׁהו ימצא לכם ואם תעזבהו יעזב אתכם׃
Psalms 106:40
40 ויחר אף יהוה בעמו ויתעב את נחלתו׃
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃
Genesis 35:16
16 ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃
Ruth 1:2
2 ושׁם האישׁ אלימלך ושׁם אשׁתו נעמי ושׁם שׁני בניו מחלון וכליון אפרתים מבית לחם יהודה ויבאו שׂדי מואב ויהיו שׁם׃
1 Samuel 1:1
1 ויהי אישׁ אחד מן הרמתים צופים מהר אפרים ושׁמו אלקנה בן ירחם בן אליהוא בן תחו בן צוף אפרתי׃
1 Samuel 17:12
12 ודוד בן אישׁ אפרתי הזה מבית לחם יהודה ושׁמו ישׁי ולו שׁמנה בנים והאישׁ בימי שׁאול זקן בא באנשׁים׃
2 Samuel 20:21
21 לא כן הדבר כי אישׁ מהר אפרים שׁבע בן בכרי שׁמו נשׂא ידו במלך בדוד תנו אתו לבדו ואלכה מעל העיר ותאמר האשׁה אל יואב הנה ראשׁו משׁלך אליך בעד החומה׃
1 Kings 9:22
22 ומבני ישׂראל לא נתן שׁלמה עבד כי הם אנשׁי המלחמה ועבדיו ושׂריו ושׁלשׁיו ושׂרי רכבו ופרשׁיו׃
1 Kings 11:11
11 ויאמר יהוה לשׁלמה יען אשׁר היתה זאת עמך ולא שׁמרת בריתי וחקתי אשׁר צויתי עליך קרע אקרע את הממלכה מעליך ונתתיה לעבדך׃
1 Kings 11:28
28 והאישׁ ירבעם גבור חיל וירא שׁלמה את הנער כי עשׂה מלאכה הוא ויפקד אתו לכל סבל בית יוסף׃
1 Kings 12:2
2 ויהי כשׁמע ירבעם בן נבט והוא עודנו במצרים אשׁר ברח מפני המלך שׁלמה וישׁב ירבעם במצרים׃
1 Kings 12:20-24
20 ויהי כשׁמע כל ישׂראל כי שׁב ירבעם וישׁלחו ויקראו אתו אל העדה וימליכו אתו על כל ישׂראל לא היה אחרי בית דוד זולתי שׁבט יהודה לבדו׃21 ויבאו רחבעם ירושׁלם ויקהל את כל בית יהודה ואת שׁבט בנימן מאה ושׁמנים אלף בחור עשׂה מלחמה להלחם עם בית ישׂראל להשׁיב את המלוכה לרחבעם בן שׁלמה׃22 ויהי דבר האלהים אל שׁמעיה אישׁ האלהים לאמר׃23 אמר אל רחבעם בן שׁלמה מלך יהודה ואל כל בית יהודה ובנימין ויתר העם לאמר׃24 כה אמר יהוה לא תעלו ולא תלחמון עם אחיכם בני ישׂראל שׁובו אישׁ לביתו כי מאתי נהיה הדבר הזה וישׁמעו את דבר יהוה וישׁבו ללכת כדבר יהוה׃
1 Kings 13:1-10
1 והנה אישׁ אלהים בא מיהודה בדבר יהוה אל בית אל וירבעם עמד על המזבח להקטיר׃2 ויקרא על המזבח בדבר יהוה ויאמר מזבח מזבח כה אמר יהוה הנה בן נולד לבית דוד יאשׁיהו שׁמו וזבח עליך את כהני הבמות המקטרים עליך ועצמות אדם ישׂרפו עליך׃3 ונתן ביום ההוא מופת לאמר זה המופת אשׁר דבר יהוה הנה המזבח נקרע ונשׁפך הדשׁן אשׁר עליו׃4 ויהי כשׁמע המלך את דבר אישׁ האלהים אשׁר קרא על המזבח בבית אל וישׁלח ירבעם את ידו מעל המזבח לאמר תפשׂהו ותיבשׁ ידו אשׁר שׁלח עליו ולא יכל להשׁיבה אליו׃5 והמזבח נקרע וישׁפך הדשׁן מן המזבח כמופת אשׁר נתן אישׁ האלהים בדבר יהוה׃6 ויען המלך ויאמר אל אישׁ האלהים חל נא את פני יהוה אלהיך והתפלל בעדי ותשׁב ידי אלי ויחל אישׁ האלהים את פני יהוה ותשׁב יד המלך אליו ותהי כבראשׁנה׃7 וידבר המלך אל אישׁ האלהים באה אתי הביתה וסעדה ואתנה לך מתת׃8 ויאמר אישׁ האלהים אל המלך אם תתן לי את חצי ביתך לא אבא עמך ולא אכל לחם ולא אשׁתה מים במקום הזה׃9 כי כן צוה אתי בדבר יהוה לאמר לא תאכל לחם ולא תשׁתה מים ולא תשׁוב בדרך אשׁר הלכת׃10 וילך בדרך אחר ולא שׁב בדרך אשׁר בא בה אל בית אל׃
1 Kings 14:16
16 ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃
1 Kings 15:30
30 על חטאות ירבעם אשׁר חטא ואשׁר החטיא את ישׂראל בכעסו אשׁר הכעיס את יהוה אלהי ישׂראל׃
1 Kings 16:3
3 הנני מבעיר אחרי בעשׁא ואחרי ביתו ונתתי את ביתך כבית ירבעם בן נבט׃
1 Kings 21:22
22 ונתתי את ביתך כבית ירבעם בן נבט וכבית בעשׁא בן אחיה אל הכעס אשׁר הכעסת ותחטא את ישׂראל׃
1 Chronicles 2:19
19 ותמת עזובה ויקח לו כלב את אפרת ותלד לו את חור׃
2 Chronicles 13:6
6 ויקם ירבעם בן נבט עבד שׁלמה בן דויד וימרד על אדניו׃
2 Samuel 5:7
7 וילכד דוד את מצדת ציון היא עיר דוד׃
1 Kings 9:15
15 וזה דבר המס אשׁר העלה המלך שׁלמה לבנות את בית יהוה ואת ביתו ואת המלוא ואת חומת ירושׁלם ואת חצר ואת מגדו ואת גזר׃
1 Kings 9:24
24 אך בת פרעה עלתה מעיר דוד אל ביתה אשׁר בנה לה אז בנה את המלוא׃
Nehemiah 4:7
7 (4:1) ויהי כאשׁר שׁמע סנבלט וטוביה והערבים והעמנים והאשׁדודים כי עלתה ארוכה לחמות ירושׁלם כי החלו הפרצים להסתם ויחר להם מאד׃
Psalms 60:2
2 (60:4) הרעשׁתה ארץ פצמתה רפה שׁבריה כי מטה׃
Proverbs 30:32
32 אם נבלת בהתנשׂא ואם זמות יד לפה׃
Isaiah 22:9
9 ואת בקיעי עיר דוד ראיתם כי רבו ותקבצו את מי הברכה התחתונה׃
Isaiah 26:11
11 יהוה רמה ידך בל יחזיון יחזו ויבשׁו קנאת עם אף אשׁ צריך תאכלם׃
Ezekiel 13:5
5 לא עליתם בפרצות ותגדרו גדר על בית ישׂראל לעמד במלחמה ביום יהוה׃
Amos 9:11
11 ביום ההוא אקים את סכת דויד הנפלת וגדרתי את פרציהן והרסתיו אקים ובניתיה כימי עולם׃
Deuteronomy 1:12
12 איכה אשׂא לבדי טרחכם ומשׂאכם וריבכם׃
Joshua 18:5
5 והתחלקו אתה לשׁבעה חלקים יהודה יעמד על גבולו מנגב ובית יוסף יעמדו על גבולם מצפון׃
Judges 1:22-23
2 Samuel 19:20
20 (19:21) כי ידע עבדך כי אני חטאתי והנה באתי היום ראשׁון לכל בית יוסף לרדת לקראת אדני המלך׃
1 Kings 5:16
16 (5:30) לבד משׂרי הנצבים לשׁלמה אשׁר על המלאכה שׁלשׁת אלפים ושׁלשׁ מאות הרדים בעם העשׂים במלאכה׃
Proverbs 22:29
29 חזית אישׁ מהיר במלאכתו לפני מלכים יתיצב בל יתיצב לפני חשׁכים׃
Isaiah 14:25
25 לשׁבר אשׁור בארצי ועל הרי אבוסנו וסר מעליהם עלו וסבלו מעל שׁכמו יסור׃
Amos 5:6
6 דרשׁו את יהוה וחיו פן יצלח כאשׁ בית יוסף ואכלה ואין מכבה לבית אל׃
Zechariah 10:6
6 וגברתי את בית יהודה ואת בית יוסף אושׁיע והושׁבותים כי רחמתים והיו כאשׁר לא זנחתים כי אני יהוה אלהיהם ואענם׃
Genesis 4:8
8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃
Joshua 18:1
1 ויקהלו כל עדת בני ישׂראל שׁלה וישׁכינו שׁם את אהל מועד והארץ נכבשׁה לפניהם׃
2 Samuel 14:6
6 ולשׁפחתך שׁני בנים וינצו שׁניהם בשׂדה ואין מציל ביניהם ויכו האחד את האחד וימת אתו׃
1 Kings 14:2
2 ויאמר ירבעם לאשׁתו קומי נא והשׁתנית ולא ידעו כי אתי אשׁת ירבעם והלכת שׁלה הנה שׁם אחיה הנביא הוא דבר עלי למלך על העם הזה׃
2 Chronicles 9:29
29 ושׁאר דברי שׁלמה הראשׁנים והאחרונים הלא הם כתובים על דברי נתן הנביא ועל נבואת אחיה השׁילוני ובחזות יעדי החזה על ירבעם בן נבט׃
1 Samuel 24:4-5
1 Kings 11:13
13 רק את כל הממלכה לא אקרע שׁבט אחד אתן לבנך למען דוד עבדי ולמען ירושׁלם אשׁר בחרתי׃
1 Kings 12:20-21
1 Kings 3:14
14 ואם תלך בדרכי לשׁמר חקי ומצותי כאשׁר הלך דויד אביך והארכתי את ימיך׃
1 Kings 11:5-7
1 Kings 11:9
9 ויתאנף יהוה בשׁלמה כי נטה לבבו מעם יהוה אלהי ישׂראל הנראה אליו פעמים׃
Jeremiah 2:13
13 כי שׁתים רעות עשׂה עמי אתי עזבו מקור מים חיים לחצב להם בארות בארת נשׁברים אשׁר לא יכלו המים׃
Hosea 4:17
17 חבור עצבים אפרים הנח׃
1 Kings 11:12-13
Job 11:6
6 ויגד לך תעלמות חכמה כי כפלים לתושׁיה ודע כי ישׁה לך אלוה מעונך׃
Psalms 103:10
10 לא כחטאינו עשׂה לנו ולא כעונתינו גמל עלינו׃
Isaiah 55:3
3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃
Habakkuk 3:2
2 יהוה שׁמעתי שׁמעך יראתי יהוה פעלך בקרב שׁנים חייהו בקרב שׁנים תודיע ברגז רחם תזכור׃
Exodus 20:5-6
1 Kings 11:12
12 אך בימיך לא אעשׂנה למען דוד אביך מיד בנך אקרענה׃
1 Kings 12:15-17
15 ולא שׁמע המלך אל העם כי היתה סבה מעם יהוה למען הקים את דברו אשׁר דבר יהוה ביד אחיה השׁילני אל ירבעם בן נבט׃16 וירא כל ישׂראל כי לא שׁמע המלך אליהם וישׁבו העם את המלך דבר לאמר מה לנו חלק בדוד ולא נחלה בבן ישׁי לאהליך ישׂראל עתה ראה ביתך דוד וילך ישׂראל לאהליו׃17 ובני ישׂראל הישׁבים בערי יהודה וימלך עליהם רחבעם׃
2 Chronicles 10:15-17
15 ולא שׁמע המלך אל העם כי היתה נסבה מעם האלהים למען הקים יהוה את דברו אשׁר דבר ביד אחיהו השׁלוני אל ירבעם בן נבט׃16 וכל ישׂראל כי לא שׁמע המלך להם וישׁיבו העם את המלך לאמר מה לנו חלק בדויד ולא נחלה בבן ישׁי אישׁ לאהליך ישׂראל עתה ראה ביתך דויד וילך כל ישׂראל לאהליו׃17 ובני ישׂראל הישׁבים בערי יהודה וימלך עליהם רחבעם׃
2 Samuel 7:16
16 ונאמן ביתך וממלכתך עד עולם לפניך כסאך יהיה נכון עד עולם׃
2 Samuel 7:29
29 ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃
2 Samuel 21:17
17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃
1 Kings 9:3
3 ויאמר יהוה אליו שׁמעתי את תפלתך ואת תחנתך אשׁר התחננתה לפני הקדשׁתי את הבית הזה אשׁר בנתה לשׂום שׁמי שׁם עד עולם והיו עיני ולבי שׁם כל הימים׃
1 Kings 15:4
4 כי למען דוד נתן יהוה אלהיו לו ניר בירושׁלם להקים את בנו אחריו ולהעמיד את ירושׁלם׃
2 Kings 8:19
19 ולא אבה יהוה להשׁחית את יהודה למען דוד עבדו כאשׁר אמר לו לתת לו ניר לבניו כל הימים׃
2 Chronicles 21:7
7 ולא אבה יהוה להשׁחית את בית דויד למען הברית אשׁר כרת לדויד וכאשׁר אמר לתת לו ניר ולבניו כל הימים׃
Jeremiah 33:17-21
17 כי כה אמר יהוה לא יכרת לדוד אישׁ ישׁב על כסא בית ישׂראל׃18 ולכהנים הלוים לא יכרת אישׁ מלפני מעלה עולה ומקטיר מנחה ועשׂה זבח כל הימים׃19 ויהי דבר יהוה אל ירמיהו לאמור׃20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃
Amos 9:11-12
Deuteronomy 14:26
26 ונתתה הכסף בכל אשׁר תאוה נפשׁך בבקר ובצאן וביין ובשׁכר ובכל אשׁר תשׁאלך נפשׁך ואכלת שׁם לפני יהוה אלהיך ושׂמחת אתה וביתך׃
1 Kings 11:26
26 וירבעם בן נבט אפרתי מן הצרדה ושׁם אמו צרועה אשׁה אלמנה עבד לשׁלמה וירם יד במלך׃
Exodus 19:5
5 ועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ׃
Deuteronomy 15:5
5 רק אם שׁמוע תשׁמע בקול יהוה אלהיך לשׁמר לעשׂות את כל המצוה הזאת אשׁר אנכי מצוך היום׃
Deuteronomy 31:8
8 ויהוה הוא ההלך לפניך הוא יהיה עמך לא ירפך ולא יעזבך לא תירא ולא תחת׃
Joshua 1:5
5 לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃
2 Samuel 7:11
11 ולמן היום אשׁר צויתי שׁפטים על עמי ישׂראל והניחתי לך מכל איביך והגיד לך יהוה כי בית יעשׂה לך יהוה׃
2 Samuel 7:26-29
26 ויגדל שׁמך עד עולם לאמר יהוה צבאות אלהים על ישׂראל ובית עבדך דוד יהיה נכון לפניך׃27 כי אתה יהוה צבאות אלהי ישׂראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת׃28 ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת׃29 ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃
1 Kings 6:12
12 הבית הזה אשׁר אתה בנה אם תלך בחקתי ואת משׁפטי תעשׂה ושׁמרת את כל מצותי ללכת בהם והקמתי את דברי אתך אשׁר דברתי אל דוד אביך׃
1 Kings 9:4-5
1 Kings 14:7-14
7 לכי אמרי לירבעם כה אמר יהוה אלהי ישׂראל יען אשׁר הרימתיך מתוך העם ואתנך נגיד על עמי ישׂראל׃8 ואקרע את הממלכה מבית דוד ואתנה לך ולא היית כעבדי דוד אשׁר שׁמר מצותי ואשׁר הלך אחרי בכל לבבו לעשׂות רק הישׁר בעיני׃9 ותרע לעשׂות מכל אשׁר היו לפניך ותלך ותעשׂה לך אלהים אחרים ומסכות להכעיסני ואתי השׁלכת אחרי גוך׃10 לכן הנני מביא רעה אל בית ירבעם והכרתי לירבעם משׁתין בקיר עצור ועזוב בישׂראל ובערתי אחרי בית ירבעם כאשׁר יבער הגלל עד תמו׃11 המת לירבעם בעיר יאכלו הכלבים והמת בשׂדה יאכלו עוף השׁמים כי יהוה דבר׃12 ואת קומי לכי לביתך בבאה רגליך העירה ומת הילד׃13 וספדו לו כל ישׂראל וקברו אתו כי זה לבדו יבא לירבעם אל קבר יען נמצא בו דבר טוב אל יהוה אלהי ישׂראל בבית ירבעם׃14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃
1 Chronicles 17:10
10 ולמימים אשׁר צויתי שׁפטים על עמי ישׂראל והכנעתי את כל אויביך ואגד לך ובית יבנה לך יהוה׃
1 Chronicles 17:24-27
Zechariah 3:7
7 כה אמר יהוה צבאות אם בדרכי תלך ואם את משׁמרתי תשׁמר וגם אתה תדין את ביתי וגם תשׁמר את חצרי ונתתי לך מהלכים בין העמדים האלה׃
1 Kings 11:36
36 ולבנו אתן שׁבט אחד למען היות ניר לדויד עבדי כל הימים לפני בירושׁלם העיר אשׁר בחרתי לי לשׂום שׁמי שׁם׃
1 Kings 12:16
16 וירא כל ישׂראל כי לא שׁמע המלך אליהם וישׁבו העם את המלך דבר לאמר מה לנו חלק בדוד ולא נחלה בבן ישׁי לאהליך ישׂראל עתה ראה ביתך דוד וילך ישׂראל לאהליו׃
1 Kings 14:8
8 ואקרע את הממלכה מבית דוד ואתנה לך ולא היית כעבדי דוד אשׁר שׁמר מצותי ואשׁר הלך אחרי בכל לבבו לעשׂות רק הישׁר בעיני׃
1 Kings 14:25-26
Psalms 89:38-45
38 (89:39) ואתה זנחת ותמאס התעברת עם משׁיחך׃39 (89:40) נארתה ברית עבדך חללת לארץ נזרו׃40 (89:41) פרצת כל גדרתיו שׂמת מבצריו מחתה׃41 (89:42) שׁסהו כל עברי דרך היה חרפה לשׁכניו׃42 (89:43) הרימות ימין צריו השׂמחת כל אויביו׃43 (89:44) אף תשׁיב צור חרבו ולא הקימתו במלחמה׃44 (89:45) השׁבת מטהרו וכסאו לארץ מגרתה׃45 (89:46) הקצרת ימי עלומיו העטית עליו בושׁה סלה׃
Psalms 89:49-51
Isaiah 7:14
14 לכן יתן אדני הוא לכם אות הנה העלמה הרה וילדת בן וקראת שׁמו עמנו אל׃
Isaiah 11:1-10
1 ויצא חטר מגזע ישׁי ונצר משׁרשׁיו יפרה׃2 ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃3 והריחו ביראת יהוה ולא למראה עיניו ישׁפוט ולא למשׁמע אזניו יוכיח׃4 ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃5 והיה צדק אזור מתניו והאמונה אזור חלציו׃6 וגר זאב עם כבשׂ ונמר עם גדי ירבץ ועגל וכפיר ומריא יחדו ונער קטן נהג׃7 ופרה ודב תרעינה יחדו ירבצו ילדיהן ואריה כבקר יאכל תבן׃8 ושׁעשׁע יונק על חר פתן ועל מאורת צפעוני גמול ידו הדה׃9 לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃10 והיה ביום ההוא שׁרשׁ ישׁי אשׁר עמד לנס עמים אליו גוים ידרשׁו והיתה מנחתו כבוד׃
Jeremiah 23:5-6
Lamentations 3:31-32
2 Chronicles 12:2-9
2 ויהי בשׁנה החמישׁית למלך רחבעם עלה שׁישׁק מלך מצרים על ירושׁלם כי מעלו ביהוה׃3 באלף ומאתים רכב ובשׁשׁים אלף פרשׁים ואין מספר לעם אשׁר באו עמו ממצרים לובים סכיים וכושׁים׃4 וילכד את ערי המצרות אשׁר ליהודה ויבא עד ירושׁלם׃5 ושׁמעיה הנביא בא אל רחבעם ושׂרי יהודה אשׁר נאספו אל ירושׁלם מפני שׁישׁק ויאמר להם כה אמר יהוה אתם עזבתם אתי ואף אני עזבתי אתכם ביד שׁישׁק׃6 ויכנעו שׂרי ישׂראל והמלך ויאמרו צדיק יהוה׃7 ובראות יהוה כי נכנעו היה דבר יהוה אל שׁמעיה לאמר נכנעו לא אשׁחיתם ונתתי להם כמעט לפליטה ולא תתך חמתי בירושׁלם ביד שׁישׁק׃8 כי יהיו לו לעבדים וידעו עבודתי ועבודת ממלכות הארצות׃9 ויעל שׁישׁק מלך מצרים על ירושׁלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשׁר עשׂה שׁלמה׃
2 Chronicles 16:10
10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃
Proverbs 21:30
30 אין חכמה ואין תבונה ואין עצה לנגד יהוה׃
Isaiah 14:24-27
Isaiah 46:10
10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃
Lamentations 3:37
37 מי זה אמר ותהי אדני לא צוה׃
2 Chronicles 9:29-31
1 Kings 2:11
11 והימים אשׁר מלך דוד על ישׂראל ארבעים שׁנה בחברון מלך שׁבע שׁנים ובירושׁלם מלך שׁלשׁים ושׁלשׁ שׁנים׃
Deuteronomy 31:16
16 ויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבני והפר את בריתי אשׁר כרתי אתו׃
1 Kings 1:21
21 והיה כשׁכב אדני המלך עם אבתיו והייתי אני ובני שׁלמה חטאים׃
1 Kings 14:20-21
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
1 Kings 15:8
8 וישׁכב אבים עם אבתיו ויקברו אתו בעיר דוד וימלך אסא בנו תחתיו׃
1 Kings 15:24
24 וישׁכב אסא עם אבתיו ויקבר עם אבתיו בעיר דוד אביו וימלך יהושׁפט בנו תחתיו׃
1 Kings 16:6
6 וישׁכב בעשׁא עם אבתיו ויקבר בתרצה וימלך אלה בנו תחתיו׃
2 Kings 16:20
20 וישׁכב אחז עם אבתיו ויקבר עם אבתיו בעיר דוד וימלך חזקיהו בנו תחתיו׃
2 Kings 20:21
21 וישׁכב חזקיהו עם אבתיו וימלך מנשׁה בנו תחתיו׃
2 Kings 21:18
18 וישׁכב מנשׁה עם אבתיו ויקבר בגן ביתו בגן עזא וימלך אמון בנו תחתיו׃
2 Kings 21:26
26 ויקבר אתו בקברתו בגן עזא וימלך יאשׁיהו בנו תחתיו׃
1 Chronicles 3:10
10 ובן שׁלמה רחבעם אביה בנו אסא בנו יהושׁפט בנו׃
2 Chronicles 9:31
31 וישׁכב שׁלמה עם אבתיו ויקברהו בעיר דויד אביו וימלך רחבעם בנו תחתיו׃
2 Chronicles 13:7
7 ויקבצו עליו אנשׁים רקים בני בליעל ויתאמצו על רחבעם בן שׁלמה ורחבעם היה נער ורך לבב ולא התחזק לפניהם׃
2 Chronicles 21:20
20 בן שׁלשׁים ושׁתים היה במלכו ושׁמונה שׁנים מלך בירושׁלם וילך בלא חמדה ויקברהו בעיר דויד ולא בקברות המלכים׃
2 Chronicles 26:23
23 וישׁכב עזיהו עם אבתיו ויקברו אתו עם אבתיו בשׂדה הקבורה אשׁר למלכים כי אמרו מצורע הוא וימלך יותם בנו תחתיו׃
2 Chronicles 28:27
27 וישׁכב אחז עם אבתיו ויקברהו בעיר בירושׁלם כי לא הביאהו לקברי מלכי ישׂראל וימלך יחזקיהו בנו תחתיו׃
Jeremiah 22:19
19 קבורת חמור יקבר סחוב והשׁלך מהלאה לשׁערי ירושׁלם׃