14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃
1 Kings 14:14 Cross References - HOT
1 Kings 15:27-29
Ecclesiastes 8:11
11 אשׁר אין נעשׂה פתגם מעשׂה הרעה מהרה על כן מלא לב בני האדם בהם לעשׂות רע׃
Ezekiel 7:2-7
2 ואתה בן אדם כה אמר אדני יהוה לאדמת ישׂראל קץ בא הקץ על ארבעת כנפות הארץ׃3 עתה הקץ עליך ושׁלחתי אפי בך ושׁפטתיך כדרכיך ונתתי עליך את כל תועבתיך׃4 ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃5 כה אמר אדני יהוה רעה אחת רעה הנה באה׃6 קץ בא בא הקץ הקיץ אליך הנה באה׃7 באה הצפירה אליך יושׁב הארץ בא העת קרוב היום מהומה ולא הד הרים׃
Ezekiel 12:22-28
22 בן אדם מה המשׁל הזה לכם על אדמת ישׂראל לאמר יארכו הימים ואבד כל חזון׃23 לכן אמר אליהם כה אמר אדני יהוה השׁבתי את המשׁל הזה ולא ימשׁלו אתו עוד בישׂראל כי אם דבר אליהם קרבו הימים ודבר כל חזון׃24 כי לא יהיה עוד כל חזון שׁוא ומקסם חלק בתוך בית ישׂראל׃25 כי אני יהוה אדבר את אשׁר אדבר דבר ויעשׂה לא תמשׁך עוד כי בימיכם בית המרי אדבר דבר ועשׂיתיו נאם אדני יהוה׃26 ויהי דבר יהוה אלי לאמר׃27 בן אדם הנה בית ישׂראל אמרים החזון אשׁר הוא חזה לימים רבים ולעתים רחוקות הוא נבא׃28 לכן אמר אליהם כה אמר אדני יהוה לא תמשׁך עוד כל דברי אשׁר אדבר דבר ויעשׂה נאם אדני יהוה׃