1 ובשׁנת שׁמנה עשׂרה למלך ירבעם בן נבט מלך אבים על יהודה׃2 שׁלשׁ שׁנים מלך בירושׁלם ושׁם אמו מעכה בת אבישׁלום׃3 וילך בכל חטאות אביו אשׁר עשׂה לפניו ולא היה לבבו שׁלם עם יהוה אלהיו כלבב דוד אביו׃4 כי למען דוד נתן יהוה אלהיו לו ניר בירושׁלם להקים את בנו אחריו ולהעמיד את ירושׁלם׃5 אשׁר עשׂה דוד את הישׁר בעיני יהוה ולא סר מכל אשׁר צוהו כל ימי חייו רק בדבר אוריה החתי׃6 ומלחמה היתה בין רחבעם ובין ירבעם כל ימי חייו׃7 ויתר דברי אבים וכל אשׁר עשׂה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃8 וישׁכב אבים עם אבתיו ויקברו אתו בעיר דוד וימלך אסא בנו תחתיו׃9 ובשׁנת עשׂרים לירבעם מלך ישׂראל מלך אסא מלך יהודה׃10 וארבעים ואחת שׁנה מלך בירושׁלם ושׁם אמו מעכה בת אבישׁלום׃11 ויעשׂ אסא הישׁר בעיני יהוה כדוד אביו׃12 ויעבר הקדשׁים מן הארץ ויסר את כל הגללים אשׁר עשׂו אבתיו׃13 וגם את מעכה אמו ויסרה מגבירה אשׁר עשׂתה מפלצת לאשׁרה ויכרת אסא את מפלצתה וישׂרף בנחל קדרון׃14 והבמות לא סרו רק לבב אסא היה שׁלם עם יהוה כל ימיו׃15 ויבא את קדשׁי אביו וקדשׁו בית יהוה כסף וזהב וכלים׃16 ומלחמה היתה בין אסא ובין בעשׁא מלך ישׂראל כל ימיהם׃17 ויעל בעשׁא מלך ישׂראל על יהודה ויבן את הרמה לבלתי תת יצא ובא לאסא מלך יהודה׃18 ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישׁלחם המלך אסא אל בן הדד בן טברמן בן חזיון מלך ארם הישׁב בדמשׂק לאמר׃19 ברית ביני ובינך בין אבי ובין אביך הנה שׁלחתי לך שׁחד כסף וזהב לך הפרה את בריתך את בעשׁא מלך ישׂראל ויעלה מעלי׃20 וישׁמע בן הדד אל המלך אסא וישׁלח את שׂרי החילים אשׁר לו על ערי ישׂראל ויך את עיון ואת דן ואת אבל בית מעכה ואת כל כנרות על כל ארץ נפתלי׃21 ויהי כשׁמע בעשׁא ויחדל מבנות את הרמה וישׁב בתרצה׃22 והמלך אסא השׁמיע את כל יהודה אין נקי וישׂאו את אבני הרמה ואת עציה אשׁר בנה בעשׁא ויבן בם המלך אסא את גבע בנימן ואת המצפה׃23 ויתר כל דברי אסא וכל גבורתו וכל אשׁר עשׂה והערים אשׁר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃24 וישׁכב אסא עם אבתיו ויקבר עם אבתיו בעיר דוד אביו וימלך יהושׁפט בנו תחתיו׃25 ונדב בן ירבעם מלך על ישׂראל בשׁנת שׁתים לאסא מלך יהודה וימלך על ישׂראל שׁנתים׃26 ויעשׂ הרע בעיני יהוה וילך בדרך אביו ובחטאתו אשׁר החטיא את ישׂראל׃27 ויקשׁר עליו בעשׁא בן אחיה לבית ישׂשכר ויכהו בעשׁא בגבתון אשׁר לפלשׁתים ונדב וכל ישׂראל צרים על גבתון׃28 וימתהו בעשׁא בשׁנת שׁלשׁ לאסא מלך יהודה וימלך תחתיו׃29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃30 על חטאות ירבעם אשׁר חטא ואשׁר החטיא את ישׂראל בכעסו אשׁר הכעיס את יהוה אלהי ישׂראל׃31 ויתר דברי נדב וכל אשׁר עשׂה הלא הם כתובים על ספר דברי הימים למלכי ישׂראל׃32 ומלחמה היתה בין אסא ובין בעשׁא מלך ישׂראל כל ימיהם׃33 בשׁנת שׁלשׁ לאסא מלך יהודה מלך בעשׁא בן אחיה על כל ישׂראל בתרצה עשׂרים וארבע שׁנה׃34 ויעשׂ הרע בעיני יהוה וילך בדרך ירבעם ובחטאתו אשׁר החטיא את ישׂראל׃
1 Kings 15 Cross References - HOT
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
2 Chronicles 13:1-22
1 בשׁנת שׁמונה עשׂרה למלך ירבעם וימלך אביה על יהודה׃2 שׁלושׁ שׁנים מלך בירושׁלם ושׁם אמו מיכיהו בת אוריאל מן גבעה ומלחמה היתה בין אביה ובין ירבעם׃3 ויאסר אביה את המלחמה בחיל גבורי מלחמה ארבע מאות אלף אישׁ בחור וירבעם ערך עמו מלחמה בשׁמונה מאות אלף אישׁ בחור גבור חיל׃4 ויקם אביה מעל להר צמרים אשׁר בהר אפרים ויאמר שׁמעוני ירבעם וכל ישׂראל׃5 הלא לכם לדעת כי יהוה אלהי ישׂראל נתן ממלכה לדויד על ישׂראל לעולם לו ולבניו ברית מלח׃6 ויקם ירבעם בן נבט עבד שׁלמה בן דויד וימרד על אדניו׃7 ויקבצו עליו אנשׁים רקים בני בליעל ויתאמצו על רחבעם בן שׁלמה ורחבעם היה נער ורך לבב ולא התחזק לפניהם׃8 ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשׁר עשׂה לכם ירבעם לאלהים׃9 הלא הדחתם את כהני יהוה את בני אהרן והלוים ותעשׂו לכם כהנים כעמי הארצות כל הבא למלא ידו בפר בן בקר ואילם שׁבעה והיה כהן ללא אלהים׃10 ואנחנו יהוה אלהינו ולא עזבנהו וכהנים משׁרתים ליהוה בני אהרן והלוים במלאכת׃11 ומקטרים ליהוה עלות בבקר בבקר ובערב בערב וקטרת סמים ומערכת לחם על השׁלחן הטהור ומנורת הזהב ונרתיה לבער בערב בערב כי שׁמרים אנחנו את משׁמרת יהוה אלהינו ואתם עזבתם אתו׃12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃13 וירבעם הסב את המארב לבוא מאחריהם ויהיו לפני יהודה והמארב מאחריהם׃14 ויפנו יהודה והנה להם המלחמה פנים ואחור ויצעקו ליהוה והכהנים מחצצרים בחצצרות׃15 ויריעו אישׁ יהודה ויהי בהריע אישׁ יהודה והאלהים נגף את ירבעם וכל ישׂראל לפני אביה ויהודה׃16 וינוסו בני ישׂראל מפני יהודה ויתנם אלהים בידם׃17 ויכו בהם אביה ועמו מכה רבה ויפלו חללים מישׂראל חמשׁ מאות אלף אישׁ בחור׃18 ויכנעו בני ישׂראל בעת ההיא ויאמצו בני יהודה כי נשׁענו על יהוה אלהי אבותיהם׃19 וירדף אביה אחרי ירבעם וילכד ממנו ערים את בית אל ואת בנותיה ואת ישׁנה ואת בנותיה ואת עפרון ובנתיה׃20 ולא עצר כח ירבעם עוד בימי אביהו ויגפהו יהוה וימת׃21 ויתחזק אביהו וישׂא לו נשׁים ארבע עשׂרה ויולד עשׂרים ושׁנים בנים ושׁשׁ עשׂרה בנות׃22 ויתר דברי אביה ודרכיו ודבריו כתובים במדרשׁ הנביא עדו׃
1 Kings 15:13
13 וגם את מעכה אמו ויסרה מגבירה אשׁר עשׂתה מפלצת לאשׁרה ויכרת אסא את מפלצתה וישׂרף בנחל קדרון׃
2 Chronicles 11:20-22
2 Chronicles 13:2
2 שׁלושׁ שׁנים מלך בירושׁלם ושׁם אמו מיכיהו בת אוריאל מן גבעה ומלחמה היתה בין אביה ובין ירבעם׃
1 Kings 3:14
14 ואם תלך בדרכי לשׁמר חקי ומצותי כאשׁר הלך דויד אביך והארכתי את ימיך׃
1 Kings 11:4
4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃
1 Kings 11:33
33 יען אשׁר עזבוני וישׁתחוו לעשׁתרת אלהי צדנין לכמושׁ אלהי מואב ולמלכם אלהי בני עמון ולא הלכו בדרכי לעשׂות הישׁר בעיני וחקתי ומשׁפטי כדוד אביו׃
1 Kings 14:21-22
2 Kings 20:3
3 אנה יהוה זכר נא את אשׁר התהלכתי לפניך באמת ובלבב שׁלם והטוב בעיניך עשׂיתי ויבך חזקיהו בכי גדול׃
2 Chronicles 25:2
2 ויעשׂ הישׁר בעיני יהוה רק לא בלבב שׁלם׃
2 Chronicles 31:20-21
Psalms 119:80
80 יהי לבי תמים בחקיך למען לא אבושׁ׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 19:29
29 ויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט׃
Genesis 26:5
5 עקב אשׁר שׁמע אברהם בקלי וישׁמר משׁמרתי מצותי חקותי ותורתי׃
Deuteronomy 4:37
37 ותחת כי אהב את אבתיך ויבחר בזרעו אחריו ויוצאך בפניו בכחו הגדל ממצרים׃
2 Samuel 7:12-16
12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃13 הוא יבנה בית לשׁמי וכננתי את כסא ממלכתו עד עולם׃14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃15 וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃16 ונאמן ביתך וממלכתך עד עולם לפניך כסאך יהיה נכון עד עולם׃
2 Samuel 21:17
17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃
1 Kings 11:12
12 אך בימיך לא אעשׂנה למען דוד אביך מיד בנך אקרענה׃
1 Kings 11:32
32 והשׁבט האחד יהיה לו למען עבדי דוד ולמען ירושׁלם העיר אשׁר בחרתי בה מכל שׁבטי ישׂראל׃
1 Kings 11:36
36 ולבנו אתן שׁבט אחד למען היות ניר לדויד עבדי כל הימים לפני בירושׁלם העיר אשׁר בחרתי לי לשׂום שׁמי שׁם׃
2 Chronicles 21:7
7 ולא אבה יהוה להשׁחית את בית דויד למען הברית אשׁר כרת לדויד וכאשׁר אמר לתת לו ניר ולבניו כל הימים׃
Psalms 18:28
28 (18:29) כי אתה תאיר נרי יהוה אלהי יגיה חשׁכי׃
Psalms 87:5
5 ולציון יאמר אישׁ ואישׁ ילד בה והוא יכוננה עליון׃
Psalms 132:17
17 שׁם אצמיח קרן לדוד ערכתי נר למשׁיחי׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 14:32
32 ומה יענה מלאכי גוי כי יהוה יסד ציון ובה יחסו עניי עמו׃
Isaiah 37:35
35 וגנותי על העיר הזאת להושׁיעה למעני ולמען דוד עבדי׃
Isaiah 62:7
7 ואל תתנו דמי לו עד יכונן ועד ישׂים את ירושׁלם תהלה בארץ׃
Jeremiah 33:2
2 כה אמר יהוה עשׂה יהוה יוצר אותה להכינה יהוה שׁמו׃
Jeremiah 33:20-26
20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃23 ויהי דבר יהוה אל ירמיהו לאמר׃24 הלוא ראית מה העם הזה דברו לאמר שׁתי המשׁפחות אשׁר בחר יהוה בהם וימאסם ואת עמי ינאצון מהיות עוד גוי לפניהם׃25 כה אמר יהוה אם לא בריתי יומם ולילה חקות שׁמים וארץ לא שׂמתי׃26 גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃
Micah 4:1-2
2 Samuel 11:3-4
2 Samuel 11:15-17
2 Samuel 12:9-10
1 Kings 9:4
4 ואתה אם תלך לפני כאשׁר הלך דוד אביך בתם לבב ובישׁר לעשׂות ככל אשׁר צויתיך חקי ומשׁפטי תשׁמר׃
1 Kings 14:8
8 ואקרע את הממלכה מבית דוד ואתנה לך ולא היית כעבדי דוד אשׁר שׁמר מצותי ואשׁר הלך אחרי בכל לבבו לעשׂות רק הישׁר בעיני׃
1 Kings 15:3
3 וילך בכל חטאות אביו אשׁר עשׂה לפניו ולא היה לבבו שׁלם עם יהוה אלהיו כלבב דוד אביו׃
2 Kings 22:2
2 ויעשׂ הישׁר בעיני יהוה וילך בכל דרך דוד אביו ולא סר ימין ושׂמאול׃
2 Chronicles 34:2
2 ויעשׂ הישׁר בעיני יהוה וילך בדרכי דויד אביו ולא סר ימין ושׂמאול׃
Psalms 51:1
1 למנצח מזמור לדוד׃ (51:2) בבוא אליו נתן הנביא כאשׁר בא אל בת\'ceשׁבע׃ (51:3) חנני אלהים כחסדך כרב רחמיך מחה פשׁעי׃
Psalms 119:6
6 אז לא אבושׁ בהביטי אל כל מצותיך׃
1 Kings 14:30
30 ומלחמה היתה בין רחבעם ובין ירבעם כל הימים׃
1 Kings 14:29
29 ויתר דברי רחבעם וכל אשׁר עשׂה הלא המה כתובים על ספר דברי הימים למלכי יהודה׃
1 Kings 14:1
1 בעת ההיא חלה אביה בן ירבעם׃
1 Chronicles 3:9
9 כל בני דויד מלבד בני פילגשׁים ותמר אחותם׃
2 Chronicles 14:1
1 (13:23) וישׁכב אביה עם אבתיו ויקברו אתו בעיר דויד וימלך אסא בנו תחתיו בימיו שׁקטה הארץ עשׂר שׁנים׃
1 Kings 15:2
2 שׁלשׁ שׁנים מלך בירושׁלם ושׁם אמו מעכה בת אבישׁלום׃
2 Chronicles 11:20-21
2 Chronicles 14:2
2 (14:1) ויעשׂ אסא הטוב והישׁר בעיני יהוה אלהיו׃
2 Chronicles 14:11
11 (14:10) ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשׁענו ובשׁמך באנו על ההמון הזה יהוה אלהינו אתה אל יעצר עמך אנושׁ׃
2 Chronicles 15:17
17 והבמות לא סרו מישׂראל רק לבב אסא היה שׁלם כל ימיו׃
2 Chronicles 16:7-10
7 ובעת ההיא בא חנני הראה אל אסא מלך יהודה ויאמר אליו בהשׁענך על מלך ארם ולא נשׁענת על יהוה אלהיך על כן נמלט חיל מלך ארם מידך׃8 הלא הכושׁים והלובים היו לחיל לרב לרכב ולפרשׁים להרבה מאד ובהשׁענך על יהוה נתנם בידך׃9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃
1 Kings 11:7-8
1 Kings 14:23-24
1 Kings 22:46
46 (22:47) ויתר הקדשׁ אשׁר נשׁאר בימי אסא אביו בער מן הארץ׃
2 Chronicles 14:2-5
Ezekiel 20:18-19
Zechariah 1:2-6
2 קצף יהוה על אבותיכם קצף׃3 ואמרת אלהם כה אמר יהוה צבאות שׁובו אלי נאם יהוה צבאות ואשׁוב אליכם אמר יהוה צבאות׃4 אל תהיו כאבתיכם אשׁר קראו אליהם הנביאים הראשׁנים לאמר כה אמר יהוה צבאות שׁובו נא מדרכיכם הרעים ומעליליכם הרעים ולא שׁמעו ולא הקשׁיבו אלי נאם יהוה׃5 אבותיכם איה הם והנבאים הלעולם יחיו׃6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
Exodus 32:20
20 ויקח את העגל אשׁר עשׂו וישׂרף באשׁ ויטחן עד אשׁר דק ויזר על פני המים וישׁק את בני ישׂראל׃
Leviticus 26:30
30 והשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם׃
Deuteronomy 7:5
5 כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃
Deuteronomy 9:21
21 ואת חטאתכם אשׁר עשׂיתם את העגל לקחתי ואשׂרף אתו באשׁ ואכת אתו טחון היטב עד אשׁר דק לעפר ואשׁלך את עפרו אל הנחל הירד מן ההר׃
Deuteronomy 13:6-11
6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃7 (13:8) מאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ׃8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃9 (13:10) כי הרג תהרגנו ידך תהיה בו בראשׁונה להמיתו ויד כל העם באחרנה׃10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃11 (13:12) וכל ישׂראל ישׁמעו ויראון ולא יוספו לעשׂות כדבר הרע הזה בקרבך׃
Deuteronomy 33:9
9 האמר לאביו ולאמו לא ראיתיו ואת אחיו לא הכיר ואת בנו לא ידע כי שׁמרו אמרתך ובריתך ינצרו׃
Joshua 6:24
24 והעיר שׂרפו באשׁ וכל אשׁר בה רק הכסף והזהב וכלי הנחשׁת והברזל נתנו אוצר בית יהוה׃
2 Samuel 15:23
23 וכל הארץ בוכים קול גדול וכל העם עברים והמלך עבר בנחל קדרון וכל העם עברים על פני דרך את המדבר׃
1 Kings 15:10
10 וארבעים ואחת שׁנה מלך בירושׁלם ושׁם אמו מעכה בת אבישׁלום׃
2 Kings 18:4
4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃
2 Kings 23:6
6 ויצא את האשׁרה מבית יהוה מחוץ לירושׁלם אל נחל קדרון וישׂרף אתה בנחל קדרון וידק לעפר וישׁלך את עפרה על קבר בני העם׃
2 Kings 23:12-15
12 ואת המזבחות אשׁר על הגג עלית אחז אשׁר עשׂו מלכי יהודה ואת המזבחות אשׁר עשׂה מנשׁה בשׁתי חצרות בית יהוה נתץ המלך וירץ משׁם והשׁליך את עפרם אל נחל קדרון׃13 ואת הבמות אשׁר על פני ירושׁלם אשׁר מימין להר המשׁחית אשׁר בנה שׁלמה מלך ישׂראל לעשׁתרת שׁקץ צידנים ולכמושׁ שׁקץ מואב ולמלכם תועבת בני עמון טמא המלך׃14 ושׁבר את המצבות ויכרת את האשׁרים וימלא את מקומם עצמות אדם׃15 וגם את המזבח אשׁר בבית אל הבמה אשׁר עשׂה ירבעם בן נבט אשׁר החטיא את ישׂראל גם את המזבח ההוא ואת הבמה נתץ וישׂרף את הבמה הדק לעפר ושׂרף אשׁרה׃
2 Chronicles 15:15-19
15 וישׂמחו כל יהודה על השׁבועה כי בכל לבבם נשׁבעו ובכל רצונם בקשׁהו וימצא להם וינח יהוה להם מסביב׃16 וגם מעכה אם אסא המלך הסירה מגבירה אשׁר עשׂתה לאשׁרה מפלצת ויכרת אסא את מפלצתה וידק וישׂרף בנחל קדרון׃17 והבמות לא סרו מישׂראל רק לבב אסא היה שׁלם כל ימיו׃18 ויבא את קדשׁי אביו וקדשׁיו בית האלהים כסף וזהב וכלים׃19 ומלחמה לא היתה עד שׁנת שׁלשׁים וחמשׁ למלכות אסא׃
2 Chronicles 34:4
4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃
Zechariah 13:3
3 והיה כי ינבא אישׁ עוד ואמרו אליו אביו ואמו ילדיו לא תחיה כי שׁקר דברת בשׁם יהוה ודקרהו אביהו ואמו ילדיו בהנבאו׃
1 Kings 8:61
61 והיה לבבכם שׁלם עם יהוה אלהינו ללכת בחקיו ולשׁמר מצותיו כיום הזה׃
1 Kings 22:43
43 וילך בכל דרך אסא אביו לא סר ממנו לעשׂות הישׁר בעיני יהוה׃ (22:44) אך הבמות לא סרו עוד העם מזבחים ומקטרים בבמות
2 Kings 12:3
3 (12:4) רק הבמות לא סרו עוד העם מזבחים ומקטרים בבמות׃
2 Kings 14:4
4 רק הבמות לא סרו עוד העם מזבחים ומקטרים בבמות׃
2 Kings 15:4
4 רק הבמות לא סרו עוד העם מזבחים ומקטרים בבמות׃
2 Chronicles 14:3
3 (14:2) ויסר את מזבחות הנכר והבמות וישׁבר את המצבות ויגדע את האשׁרים׃
2 Chronicles 14:5
5 (14:4) ויסר מכל ערי יהודה את הבמות ואת החמנים ותשׁקט הממלכה לפניו׃
2 Chronicles 15:17-18
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
1 Kings 7:51
51 ותשׁלם כל המלאכה אשׁר עשׂה המלך שׁלמה בית יהוה ויבא שׁלמה את קדשׁי דוד אביו את הכסף ואת הזהב ואת הכלים נתן באצרות בית יהוה׃
1 Chronicles 26:26-28
2 Chronicles 14:13
13 (14:12) וירדפם אסא והעם אשׁר עמו עד לגרר ויפל מכושׁים לאין להם מחיה כי נשׁברו לפני יהוה ולפני מחנהו וישׂאו שׁלל הרבה מאד׃
2 Chronicles 15:18
18 ויבא את קדשׁי אביו וקדשׁיו בית האלהים כסף וזהב וכלים׃
1 Kings 15:6-7
1 Kings 15:32
32 ומלחמה היתה בין אסא ובין בעשׁא מלך ישׂראל כל ימיהם׃
2 Chronicles 16:1-6
1 בשׁנת שׁלשׁים ושׁשׁ למלכות אסא עלה בעשׁא מלך ישׂראל על יהודה ויבן את הרמה לבלתי תת יוצא ובא לאסא מלך יהודה׃2 ויצא אסא כסף וזהב מאצרות בית יהוה ובית המלך וישׁלח אל בן הדד מלך ארם היושׁב בדרמשׂק לאמר׃3 ברית ביני ובינך ובין אבי ובין אביך הנה שׁלחתי לך כסף וזהב לך הפר בריתך את בעשׁא מלך ישׂראל ויעלה מעלי׃4 וישׁמע בן הדד אל המלך אסא וישׁלח את שׂרי החילים אשׁר לו אל ערי ישׂראל ויכו את עיון ואת דן ואת אבל מים ואת כל מסכנות ערי נפתלי׃5 ויהי כשׁמע בעשׁא ויחדל מבנות את הרמה וישׁבת את מלאכתו׃6 ואסא המלך לקח את כל יהודה וישׂאו את אבני הרמה ואת עציה אשׁר בנה בעשׁא ויבן בהם את גבע ואת המצפה׃
Joshua 18:25
25 גבעון והרמה ובארות׃
1 Samuel 15:34
34 וילך שׁמואל הרמתה ושׁאול עלה אל ביתו גבעת שׁאול׃
1 Kings 12:27
27 אם יעלה העם הזה לעשׂות זבחים בבית יהוה בירושׁלם ושׁב לב העם הזה אל אדניהם אל רחבעם מלך יהודה והרגני ושׁבו אל רחבעם מלך יהודה׃
1 Kings 15:21-22
1 Kings 15:27
27 ויקשׁר עליו בעשׁא בן אחיה לבית ישׂשכר ויכהו בעשׁא בגבתון אשׁר לפלשׁתים ונדב וכל ישׂראל צרים על גבתון׃
2 Chronicles 11:13-17
13 והכהנים והלוים אשׁר בכל ישׂראל התיצבו עליו מכל גבולם׃14 כי עזבו הלוים את מגרשׁיהם ואחזתם וילכו ליהודה ולירושׁלם כי הזניחם ירבעם ובניו מכהן ליהוה׃15 ויעמד לו כהנים לבמות ולשׂעירים ולעגלים אשׁר עשׂה׃16 ואחריהם מכל שׁבטי ישׂראל הנתנים את לבבם לבקשׁ את יהוה אלהי ישׂראל באו ירושׁלם לזבוח ליהוה אלהי אבותיהם׃17 ויחזקו את מלכות יהודה ויאמצו את רחבעם בן שׁלמה לשׁנים שׁלושׁ כי הלכו בדרך דויד ושׁלמה לשׁנים שׁלושׁ׃
Jeremiah 31:15
15 כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃
Genesis 14:15
15 ויחלק עליהם לילה הוא ועבדיו ויכם וירדפם עד חובה אשׁר משׂמאל לדמשׂק׃
Genesis 15:2
2 ויאמר אברם אדני יהוה מה תתן לי ואנכי הולך ערירי ובן משׁק ביתי הוא דמשׂק אליעזר׃
1 Kings 11:23-24
1 Kings 14:26
26 ויקח את אצרות בית יהוה ואת אוצרות בית המלך ואת הכל לקח ויקח את כל מגני הזהב אשׁר עשׂה שׁלמה׃
1 Kings 15:15
15 ויבא את קדשׁי אביו וקדשׁו בית יהוה כסף וזהב וכלים׃
1 Kings 20:1-5
1 ובן הדד מלך ארם קבץ את כל חילו ושׁלשׁים ושׁנים מלך אתו וסוס ורכב ויעל ויצר על שׁמרון וילחם׃2 וישׁלח מלאכים אל אחאב מלך ישׂראל העירה׃3 ויאמר לו כה אמר בן\'ceהדד כספך וזהבך לי\'ceהוא ונשׁיך ובניך הטובים לי\'ceהם׃4 ויען מלך ישׂראל ויאמר כדברך אדני המלך לך אני וכל אשׁר׃5 וישׁבו המלאכים ויאמרו כה אמר בן הדד לאמר כי שׁלחתי אליך לאמר כספך וזהבך ונשׁיך ובניך לי תתן׃
1 Kings 20:33-34
2 Kings 8:7-15
7 ויבא אלישׁע דמשׂק ובן הדד מלך ארם חלה ויגד לו לאמר בא אישׁ האלהים עד הנה׃8 ויאמר המלך אל חזהאל קח בידך מנחה ולך לקראת אישׁ האלהים ודרשׁת את יהוה מאותו לאמר האחיה מחלי זה׃9 וילך חזאל לקראתו ויקח מנחה בידו וכל טוב דמשׂק משׂא ארבעים גמל ויבא ויעמד לפניו ויאמר בנך בן הדד מלך ארם שׁלחני אליך לאמר האחיה מחלי זה׃10 ויאמר אליו אלישׁע לך אמר לא חיה תחיה והראני יהוה כי מות ימות׃11 ויעמד את פניו וישׂם עד בשׁ ויבך אישׁ האלהים׃12 ויאמר חזאל מדוע אדני בכה ויאמר כי ידעתי את אשׁר תעשׂה לבני ישׂראל רעה מבצריהם תשׁלח באשׁ ובחריהם בחרב תהרג ועלליהם תרטשׁ והרתיהם תבקע׃13 ויאמר חזהאל כי מה עבדך הכלב כי יעשׂה הדבר הגדול הזה ויאמר אלישׁע הראני יהוה אתך מלך על ארם׃14 וילך מאת אלישׁע ויבא אל אדניו ויאמר לו מה אמר לך אלישׁע ויאמר אמר לי חיה תחיה׃15 ויהי ממחרת ויקח המכבר ויטבל במים ויפרשׂ על פניו וימת וימלך חזהאל תחתיו׃
2 Kings 12:18
18 (12:19) ויקח יהואשׁ מלך יהודה את כל הקדשׁים אשׁר הקדישׁו יהושׁפט ויהורם ואחזיהו אבתיו מלכי יהודה ואת קדשׁיו ואת כל הזהב הנמצא באצרות בית יהוה ובית המלך וישׁלח לחזאל מלך ארם ויעל מעל ירושׁלם׃
2 Kings 18:15-16
Jeremiah 49:27
27 והצתי אשׁ בחומת דמשׂק ואכלה ארמנות בן הדד׃
Amos 1:4
4 ושׁלחתי אשׁ בבית חזאל ואכלה ארמנות בן הדד׃
2 Samuel 21:2
2 ויקרא המלך לגבענים ויאמר אליהם והגבענים לא מבני ישׂראל המה כי אם מיתר האמרי ובני ישׂראל נשׁבעו להם ויבקשׁ שׁאול להכתם בקנאתו לבני ישׂראל ויהודה׃
2 Chronicles 16:3
3 ברית ביני ובינך ובין אבי ובין אביך הנה שׁלחתי לך כסף וזהב לך הפר בריתך את בעשׁא מלך ישׂראל ויעלה מעלי׃
2 Chronicles 16:7
7 ובעת ההיא בא חנני הראה אל אסא מלך יהודה ויאמר אליו בהשׁענך על מלך ארם ולא נשׁענת על יהוה אלהיך על כן נמלט חיל מלך ארם מידך׃
2 Chronicles 19:2
2 ויצא אל פניו יהוא בן חנני החזה ויאמר אל המלך יהושׁפט הלרשׁע לעזר ולשׂנאי יהוה תאהב ובזאת עליך קצף מלפני יהוה׃
Isaiah 31:1
1 הוי הירדים מצרים לעזרה על סוסים ישׁענו ויבטחו על רכב כי רב ועל פרשׁים כי עצמו מאד ולא שׁעו על קדושׁ ישׂראל ואת יהוה לא דרשׁו׃
Ezekiel 17:13-16
13 ויקח מזרע המלוכה ויכרת אתו ברית ויבא אתו באלה ואת אילי הארץ לקח׃14 להיות ממלכה שׁפלה לבלתי התנשׂא לשׁמר את בריתו לעמדה׃15 וימרד בו לשׁלח מלאכיו מצרים לתת לו סוסים ועם רב היצלח הימלט העשׂה אלה והפר ברית ונמלט׃16 חי אני נאם אדני יהוה אם לא במקום המלך הממליך אתו אשׁר בזה את אלתו ואשׁר הפר את בריתו אתו בתוך בבל ימות׃
Genesis 14:14
14 וישׁמע אברם כי נשׁבה אחיו וירק את חניכיו ילידי ביתו שׁמנה עשׂר ושׁלשׁ מאות וירדף עד דן׃
Joshua 11:2
2 ואל המלכים אשׁר מצפון בהר ובערבה נגב כנרות ובשׁפלה ובנפות דור מים׃
Joshua 12:3
3 והערבה עד ים כנרות מזרחה ועד ים הערבה ים המלח מזרחה דרך בית הישׁמות ומתימן תחת אשׁדות הפסגה׃
Judges 18:29
29 ויקראו שׁם העיר דן בשׁם דן אביהם אשׁר יולד לישׂראל ואולם לישׁ שׁם העיר לראשׁנה׃
2 Samuel 20:14-15
1 Kings 12:29
29 וישׂם את האחד בבית אל ואת האחד נתן בדן׃
2 Kings 15:29
29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃
1 Kings 14:17
17 ותקם אשׁת ירבעם ותלך ותבא תרצתה היא באה בסף הבית והנער מת׃
1 Kings 15:17
17 ויעל בעשׁא מלך ישׂראל על יהודה ויבן את הרמה לבלתי תת יצא ובא לאסא מלך יהודה׃
1 Kings 16:15-18
15 בשׁנת עשׂרים ושׁבע שׁנה לאסא מלך יהודה מלך זמרי שׁבעת ימים בתרצה והעם חנים על גבתון אשׁר לפלשׁתים׃16 וישׁמע העם החנים לאמר קשׁר זמרי וגם הכה את המלך וימלכו כל ישׂראל את עמרי שׂר צבא על ישׂראל ביום ההוא במחנה׃17 ויעלה עמרי וכל ישׂראל עמו מגבתון ויצרו על תרצה׃18 ויהי כראות זמרי כי נלכדה העיר ויבא אל ארמון בית המלך וישׂרף עליו את בית מלך באשׁ וימת׃
2 Chronicles 16:5
5 ויהי כשׁמע בעשׁא ויחדל מבנות את הרמה וישׁבת את מלאכתו׃
Song of Songs 6:4
4 יפה את רעיתי כתרצה נאוה כירושׁלם אימה כנדגלות׃
Joshua 18:24
24 וכפר העמני והעפני וגבע ערים שׁתים עשׂרה וחצריהן׃
Joshua 18:26
26 והמצפה והכפירה והמצה׃
Joshua 21:17
17 וממטה בנימן את גבעון ואת מגרשׁה את גבע ואת מגרשׁה׃
1 Samuel 7:5
5 ויאמר שׁמואל קבצו את כל ישׂראל המצפתה ואתפלל בעדכם אל יהוה׃
2 Chronicles 16:6
6 ואסא המלך לקח את כל יהודה וישׂאו את אבני הרמה ואת עציה אשׁר בנה בעשׁא ויבן בהם את גבע ואת המצפה׃
Jeremiah 40:6
6 ויבא ירמיהו אל גדליה בן אחיקם המצפתה וישׁב אתו בתוך העם הנשׁארים בארץ׃
Jeremiah 40:10
10 ואני הנני ישׁב במצפה לעמד לפני הכשׂדים אשׁר יבאו אלינו ואתם אספו יין וקיץ ושׁמן ושׂמו בכליכם ושׁבו בעריכם אשׁר תפשׂתם׃
1 Kings 14:29-31
1 Kings 15:7-8
2 Chronicles 16:11-14
11 והנה דברי אסא הראשׁונים והאחרונים הנם כתובים על ספר המלכים ליהודה וישׂראל׃12 ויחלא אסא בשׁנת שׁלושׁים ותשׁע למלכותו ברגליו עד למעלה חליו וגם בחליו לא דרשׁ את יהוה כי ברפאים׃13 וישׁכב אסא עם אבתיו וימת בשׁנת ארבעים ואחת למלכו׃14 ויקברהו בקברתיו אשׁר כרה לו בעיר דויד וישׁכיבהו במשׁכב אשׁר מלא בשׂמים וזנים מרקחים במרקחת מעשׂה וישׂרפו לו שׂרפה גדולה עד למאד׃
Psalms 90:10
10 ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃
1 Kings 22:41-43
2 Chronicles 17:1-9
1 וימלך יהושׁפט בנו תחתיו ויתחזק על ישׂראל׃2 ויתן חיל בכל ערי יהודה הבצרות ויתן נציבים בארץ יהודה ובערי אפרים אשׁר לכד אסא אביו׃3 ויהי יהוה עם יהושׁפט כי הלך בדרכי דויד אביו הראשׁנים ולא דרשׁ לבעלים׃4 כי לאלהי אביו דרשׁ ובמצותיו הלך ולא כמעשׂה ישׂראל׃5 ויכן יהוה את הממלכה בידו ויתנו כל יהודה מנחה ליהושׁפט ויהי לו עשׁר וכבוד לרב׃6 ויגבה לבו בדרכי יהוה ועוד הסיר את הבמות ואת האשׁרים מיהודה׃7 ובשׁנת שׁלושׁ למלכו שׁלח לשׂריו לבן חיל ולעבדיה ולזכריה ולנתנאל ולמיכיהו ללמד בערי יהודה׃8 ועמהם הלוים שׁמעיהו ונתניהו וזבדיהו ועשׂהאל ושׁמרימות ויהונתן ואדניהו וטוביהו וטוב אדוניה הלוים ועמהם אלישׁמע ויהורם הכהנים׃9 וילמדו ביהודה ועמהם ספר תורת יהוה ויסבו בכל ערי יהודה וילמדו בעם׃
1 Kings 14:12
12 ואת קומי לכי לביתך בבאה רגליך העירה ומת הילד׃
1 Kings 14:20
20 והימים אשׁר מלך ירבעם עשׂרים ושׁתים שׁנה וישׁכב עם אבתיו וימלך נדב בנו תחתיו׃
Genesis 20:9
9 ויקרא אבימלך לאברהם ויאמר לו מה עשׂית לנו ומה חטאתי לך כי הבאת עלי ועל ממלכתי חטאה גדלה מעשׂים אשׁר לא יעשׂו עשׂית עמדי׃
Exodus 32:21
21 ויאמר משׁה אל אהרן מה עשׂה לך העם הזה כי הבאת עליו חטאה גדלה׃
1 Samuel 2:24
24 אל בני כי לוא טובה השׁמעה אשׁר אנכי שׁמע מעברים עם יהוה׃
1 Kings 12:28-33
28 ויועץ המלך ויעשׂ שׁני עגלי זהב ויאמר אלהם רב לכם מעלות ירושׁלם הנה אלהיך ישׂראל אשׁר העלוך מארץ מצרים׃29 וישׂם את האחד בבית אל ואת האחד נתן בדן׃30 ויהי הדבר הזה לחטאת וילכו העם לפני האחד עד דן׃31 ויעשׂ את בית במות ויעשׂ כהנים מקצות העם אשׁר לא היו מבני לוי׃32 ויעשׂ ירבעם חג בחדשׁ השׁמיני בחמשׁה עשׂר יום לחדשׁ כחג אשׁר ביהודה ויעל על המזבח כן עשׂה בבית אל לזבח לעגלים אשׁר עשׂה והעמיד בבית אל את כהני הבמות אשׁר עשׂה׃33 ויעל על המזבח אשׁר עשׂה בבית אל בחמשׁה עשׂר יום בחדשׁ השׁמיני בחדשׁ אשׁר בדא מלבד ויעשׂ חג לבני ישׂראל ויעל על המזבח להקטיר׃
1 Kings 13:33-34
1 Kings 14:16
16 ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃
1 Kings 15:30
30 על חטאות ירבעם אשׁר חטא ואשׁר החטיא את ישׂראל בכעסו אשׁר הכעיס את יהוה אלהי ישׂראל׃
1 Kings 15:34
34 ויעשׂ הרע בעיני יהוה וילך בדרך ירבעם ובחטאתו אשׁר החטיא את ישׂראל׃
1 Kings 16:7
7 וגם ביד יהוא בן חנני הנביא דבר יהוה היה אל בעשׁא ואל ביתו ועל כל הרעה אשׁר עשׂה בעיני יהוה להכעיסו במעשׂה ידיו להיות כבית ירבעם ועל אשׁר הכה אתו׃
1 Kings 16:19
19 על חטאתו אשׁר חטא לעשׂות הרע בעיני יהוה ללכת בדרך ירבעם ובחטאתו אשׁר עשׂה להחטיא את ישׂראל׃
1 Kings 16:25-26
1 Kings 16:30
30 ויעשׂ אחאב בן עמרי הרע בעיני יהוה מכל אשׁר לפניו׃
1 Kings 21:22
22 ונתתי את ביתך כבית ירבעם בן נבט וכבית בעשׁא בן אחיה אל הכעס אשׁר הכעסת ותחטא את ישׂראל׃
1 Kings 22:52
52 (22:53) ויעשׂ הרע בעיני יהוה וילך בדרך אביו ובדרך אמו ובדרך ירבעם בן נבט אשׁר החטיא את ישׂראל׃
2 Kings 3:3
3 רק בחטאות ירבעם בן נבט אשׁר החטיא את ישׂראל דבק לא סר ממנה׃
2 Kings 21:11
11 יען אשׁר עשׂה מנשׁה מלך יהודה התעבות האלה הרע מכל אשׁר עשׂו האמרי אשׁר לפניו ויחטא גם את יהודה בגלוליו׃
2 Kings 23:15
15 וגם את המזבח אשׁר בבית אל הבמה אשׁר עשׂה ירבעם בן נבט אשׁר החטיא את ישׂראל גם את המזבח ההוא ואת הבמה נתץ וישׂרף את הבמה הדק לעפר ושׂרף אשׁרה׃
Jeremiah 32:35
35 ויבנו את במות הבעל אשׁר בגיא בן הנם להעביר את בניהם ואת בנותיהם למלך אשׁר לא צויתים ולא עלתה על לבי לעשׂות התועבה הזאת למען החטי את יהודה׃
Joshua 19:44
44 ואלתקה וגבתון ובעלת׃
Joshua 21:23
23 וממטה דן את אלתקא ואת מגרשׁה את גבתון ואת מגרשׁה׃
1 Kings 14:14
14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃
1 Kings 15:16-17
1 Kings 16:9
9 ויקשׁר עליו עבדו זמרי שׂר מחצית הרכב והוא בתרצה שׁתה שׁכור בית ארצא אשׁר על הבית בתרצה׃
1 Kings 16:15
15 בשׁנת עשׂרים ושׁבע שׁנה לאסא מלך יהודה מלך זמרי שׁבעת ימים בתרצה והעם חנים על גבתון אשׁר לפלשׁתים׃
1 Kings 16:17
17 ויעלה עמרי וכל ישׂראל עמו מגבתון ויצרו על תרצה׃
2 Kings 12:20
20 (12:21) ויקמו עבדיו ויקשׁרו קשׁר ויכו את יואשׁ בית מלא היורד סלא׃
Deuteronomy 32:35
35 לי נקם ושׁלם לעת תמוט רגלם כי קרוב יום אידם וחשׁ עתדת׃
1 Kings 14:9-16
9 ותרע לעשׂות מכל אשׁר היו לפניך ותלך ותעשׂה לך אלהים אחרים ומסכות להכעיסני ואתי השׁלכת אחרי גוך׃10 לכן הנני מביא רעה אל בית ירבעם והכרתי לירבעם משׁתין בקיר עצור ועזוב בישׂראל ובערתי אחרי בית ירבעם כאשׁר יבער הגלל עד תמו׃11 המת לירבעם בעיר יאכלו הכלבים והמת בשׂדה יאכלו עוף השׁמים כי יהוה דבר׃12 ואת קומי לכי לביתך בבאה רגליך העירה ומת הילד׃13 וספדו לו כל ישׂראל וקברו אתו כי זה לבדו יבא לירבעם אל קבר יען נמצא בו דבר טוב אל יהוה אלהי ישׂראל בבית ירבעם׃14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃15 והכה יהוה את ישׂראל כאשׁר ינוד הקנה במים ונתשׁ את ישׂראל מעל האדמה הטובה הזאת אשׁר נתן לאבותיהם וזרם מעבר לנהר יען אשׁר עשׂו את אשׁריהם מכעיסים את יהוה׃16 ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃
2 Kings 9:7-10
2 Kings 9:36-37
2 Kings 10:10-11
2 Kings 10:31
31 ויהוא לא שׁמר ללכת בתורת יהוה אלהי ישׂראל בכל לבבו לא סר מעל חטאות ירבעם אשׁר החטיא את ישׂראל׃
2 Kings 19:25
25 הלא שׁמעת למרחוק אתה עשׂיתי למימי קדם ויצרתיה עתה הביאתיה ותהי להשׁות גלים נצים ערים בצרות׃
1 Kings 14:22
22 ויעשׂ יהודה הרע בעיני יהוה ויקנאו אתו מכל אשׁר עשׂו אבתם בחטאתם אשׁר חטאו׃
1 Kings 15:26
26 ויעשׂ הרע בעיני יהוה וילך בדרך אביו ובחטאתו אשׁר החטיא את ישׂראל׃
1 Kings 14:19
19 ויתר דברי ירבעם אשׁר נלחם ואשׁר מלך הנם כתובים על ספר דברי הימים למלכי ישׂראל׃
1 Kings 16:5
5 ויתר דברי בעשׁא ואשׁר עשׂה וגבורתו הלא הם כתובים על ספר דברי הימים למלכי ישׂראל׃
1 Kings 16:14
14 ויתר דברי אלה וכל אשׁר עשׂה הלוא הם כתובים על ספר דברי הימים למלכי ישׂראל׃
1 Kings 16:20
20 ויתר דברי זמרי וקשׁרו אשׁר קשׁר הלא הם כתובים על ספר דברי הימים למלכי ישׂראל׃
1 Kings 16:27
27 ויתר דברי עמרי אשׁר עשׂה וגבורתו אשׁר עשׂה הלא הם כתובים על ספר דברי הימים למלכי ישׂראל׃
1 Kings 15:16
16 ומלחמה היתה בין אסא ובין בעשׁא מלך ישׂראל כל ימיהם׃
1 Kings 16:8
8 בשׁנת עשׂרים ושׁשׁ שׁנה לאסא מלך יהודה מלך אלה בן בעשׁא על ישׂראל בתרצה שׁנתים׃
1 Kings 12:28-29
Isaiah 1:4
4 הוי גוי חטא עם כבד עון זרע מרעים בנים משׁחיתים עזבו את יהוה נאצו את קדושׁ ישׂראל נזרו אחור׃