1 Kings 17:4 Cross References - HOT

4 והיה מהנחל תשׁתה ואת הערבים צויתי לכלכלך שׁם׃

Numbers 20:8

8 קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם׃

1 Kings 17:9

9 קום לך צרפתה אשׁר לצידון וישׁבת שׁם הנה צויתי שׁם אשׁה אלמנה לכלכלך׃

1 Kings 19:5-8

5 וישׁכב ויישׁן תחת רתם אחד והנה זה מלאך נגע בו ויאמר לו קום אכול׃6 ויבט והנה מראשׁתיו עגת רצפים וצפחת מים ויאכל וישׁת וישׁב וישׁכב׃7 וישׁב מלאך יהוה שׁנית ויגע בו ויאמר קום אכל כי רב ממך הדרך׃8 ויקם ויאכל וישׁתה וילך בכח האכילה ההיא ארבעים יום וארבעים לילה עד הר האלהים חרב׃

Job 34:29

29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃

Job 38:8-13

8 ויסך בדלתים ים בגיחו מרחם יצא׃9 בשׂומי ענן לבשׁו וערפל חתלתו׃10 ואשׁבר עליו חקי ואשׂים בריח ודלתים׃11 ואמר עד פה תבוא ולא תסיף ופא ישׁית בגאון גליך׃12 המימיך צוית בקר ידעתה שׁחר מקמו׃13 לאחז בכנפות הארץ וינערו רשׁעים ממנה׃

Job 38:41

41 מי יכין לערב צידו כי ילדו אל אל ישׁועו יתעו לבלי אכל׃

Psalms 33:8-9

8 ייראו מיהוה כל הארץ ממנו יגורו כל ישׁבי תבל׃9 כי הוא אמר ויהי הוא צוה ויעמד׃

Psalms 147:9

9 נותן לבהמה לחמה לבני ערב אשׁר יקראו׃

Amos 9:3-4

3 ואם יחבאו בראשׁ הכרמל משׁם אחפשׂ ולקחתים ואם יסתרו מנגד עיני בקרקע הים משׁם אצוה את הנחשׁ ונשׁכם׃4 ואם ילכו בשׁבי לפני איביהם משׁם אצוה את החרב והרגתם ושׂמתי עיני עליהם לרעה ולא לטובה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.