1 Kings 3:15 Cross References - HOT

¹⁵ ויקץ שׁלמה והנה חלום ויבוא ירושׁלם ויעמד לפני ארון ברית אדני ויעל עלות ויעשׂ שׁלמים ויעשׂ משׁתה לכל עבדיו׃

Genesis 31:54

⁵⁴ ויזבח יעקב זבח בהר ויקרא לאחיו לאכל לחם ויאכלו לחם וילינו בהר׃

Genesis 40:20

²⁰ ויהי ביום השׁלישׁי יום הלדת את פרעה ויעשׂ משׁתה לכל עבדיו וישׂא את ראשׁ שׂר המשׁקים ואת ראשׁ שׂר האפים בתוך עבדיו׃

Genesis 41:7

⁷ ותבלענה השׁבלים הדקות את שׁבע השׁבלים הבריאות והמלאות וייקץ פרעה והנה חלום׃

¹ ואם זבח שׁלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה׃² וסמך ידו על ראשׁ קרבנו ושׁחטו פתח אהל מועד וזרקו בני אהרן הכהנים את הדם על המזבח סביב׃³ והקריב מזבח השׁלמים אשׁה ליהוה את החלב המכסה את הקרב ואת כל החלב אשׁר על הקרב׃⁴ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכליות יסירנה׃⁵ והקטירו אתו בני אהרן המזבחה על העלה אשׁר על העצים אשׁר על האשׁ אשׁה ריח ניחח ליהוה׃⁶ ואם מן הצאן קרבנו לזבח שׁלמים ליהוה זכר או נקבה תמים יקריבנו׃⁷ אם כשׂב הוא מקריב את קרבנו והקריב אתו לפני יהוה׃⁸ וסמך את ידו על ראשׁ קרבנו ושׁחט אתו לפני אהל מועד וזרקו בני אהרן את דמו על המזבח סביב׃⁹ והקריב מזבח השׁלמים אשׁה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשׁר על הקרב׃¹⁰ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹¹ והקטירו הכהן המזבחה לחם אשׁה ליהוה׃¹² ואם עז קרבנו והקריבו לפני יהוה׃¹³ וסמך את ידו על ראשׁו ושׁחט אתו לפני אהל מועד וזרקו בני אהרן את דמו על המזבח סביב׃¹⁴ והקריב ממנו קרבנו אשׁה ליהוה את החלב המכסה את הקרב ואת כל החלב אשׁר על הקרב׃¹⁵ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹⁶ והקטירם הכהן המזבחה לחם אשׁה לריח ניחח כל חלב ליהוה׃¹⁷ חקת עולם לדרתיכם בכל מושׁבתיכם כל חלב וכל דם לא תאכלו׃

Leviticus 7:11-19

¹¹ וזאת תורת זבח השׁלמים אשׁר יקריב ליהוה׃¹² אם על תודה יקריבנו והקריב על זבח התודה חלות מצות בלולת בשׁמן ורקיקי מצות משׁחים בשׁמן וסלת מרבכת חלת בלולת בשׁמן׃¹³ על חלת לחם חמץ יקריב קרבנו על זבח תודת שׁלמיו׃¹⁴ והקריב ממנו אחד מכל קרבן תרומה ליהוה לכהן הזרק את דם השׁלמים לו יהיה׃¹⁵ ובשׂר זבח תודת שׁלמיו ביום קרבנו יאכל לא יניח ממנו עד בקר׃¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃¹⁷ והנותר מבשׂר הזבח ביום השׁלישׁי באשׁ ישׂרף׃¹⁸ ואם האכל יאכל מבשׂר זבח שׁלמיו ביום השׁלישׁי לא ירצה המקריב אתו לא יחשׁב לו פגול יהיה והנפשׁ האכלת ממנו עונה תשׂא׃¹⁹ והבשׂר אשׁר יגע בכל טמא לא יאכל באשׁ ישׂרף והבשׂר כל טהור יאכל בשׂר׃

2 Samuel 6:17-19

¹⁷ ויבאו את ארון יהוה ויצגו אתו במקומו בתוך האהל אשׁר נטה לו דוד ויעל דוד עלות לפני יהוה ושׁלמים׃¹⁸ ויכל דוד מהעלות העולה והשׁלמים ויברך את העם בשׁם יהוה צבאות׃¹⁹ ויחלק לכל העם לכל המון ישׂראל למאישׁ ועד אשׁה לאישׁ חלת לחם אחת ואשׁפר אחד ואשׁישׁה אחת וילך כל העם אישׁ לביתו׃

1 Kings 8:63

⁶³ ויזבח שׁלמה את זבח השׁלמים אשׁר זבח ליהוה בקר עשׂרים ושׁנים אלף וצאן מאה ועשׂרים אלף ויחנכו את בית יהוה המלך וכל בני ישׂראל׃

1 Kings 8:65

⁶⁵ ויעשׂ שׁלמה בעת ההיא את החג וכל ישׂראל עמו קהל גדול מלבוא חמת עד נחל מצרים לפני יהוה אלהינו שׁבעת ימים ושׁבעת ימים ארבעה עשׂר יום׃

1 Chronicles 16:1-2

¹ ויביאו את ארון האלהים ויציגו אתו בתוך האהל אשׁר נטה לו דויד ויקריבו עלות ושׁלמים לפני האלהים׃² ויכל דויד מהעלות העלה והשׁלמים ויברך את העם בשׁם יהוה׃

2 Chronicles 7:5

⁵ ויזבח המלך שׁלמה את זבח הבקר עשׂרים ושׁנים אלף וצאן מאה ועשׂרים אלף ויחנכו את בית האלהים המלך וכל העם׃

2 Chronicles 7:7-10

⁷ ויקדשׁ שׁלמה את תוך החצר אשׁר לפני בית יהוה כי עשׂה שׁם העלות ואת חלבי השׁלמים כי מזבח הנחשׁת אשׁר עשׂה שׁלמה לא יכול להכיל את העלה ואת המנחה ואת החלבים׃⁸ ויעשׂ שׁלמה את החג בעת ההיא שׁבעת ימים וכל ישׂראל עמו קהל גדול מאד מלבוא חמת עד נחל מצרים׃⁹ ויעשׂו ביום השׁמיני עצרת כי חנכת המזבח עשׂו שׁבעת ימים והחג שׁבעת ימים׃¹⁰ וביום עשׂרים ושׁלשׁה לחדשׁ השׁביעי שׁלח את העם לאהליהם שׂמחים וטובי לב על הטובה אשׁר עשׂה יהוה לדויד ולשׁלמה ולישׂראל עמו׃

2 Chronicles 30:22-26

²² וידבר יחזקיהו על לב כל הלוים המשׂכילים שׂכל טוב ליהוה ויאכלו את המועד שׁבעת הימים מזבחים זבחי שׁלמים ומתודים ליהוה אלהי אבותיהם׃²³ ויועצו כל הקהל לעשׂות שׁבעת ימים אחרים ויעשׂו שׁבעת ימים שׂמחה׃²⁴ כי חזקיהו מלך יהודה הרים לקהל אלף פרים ושׁבעת אלפים צאן והשׂרים הרימו לקהל פרים אלף וצאן עשׂרת אלפים ויתקדשׁו כהנים לרב׃²⁵ וישׂמחו כל קהל יהודה והכהנים והלוים וכל הקהל הבאים מישׂראל והגרים הבאים מארץ ישׂראל והיושׁבים ביהודה׃²⁶ ותהי שׂמחה גדולה בירושׁלם כי מימי שׁלמה בן דויד מלך ישׂראל לא כזאת בירושׁלם׃