1 Samuel 25:13 Cross References - HOT

13 ויאמר דוד לאנשׁיו חגרו אישׁ את חרבו ויחגרו אישׁ את חרבו ויחגר גם דוד את חרבו ויעלו אחרי דוד כארבע מאות אישׁ ומאתים ישׁבו על הכלים׃

Joshua 9:14

14 ויקחו האנשׁים מצידם ואת פי יהוה לא שׁאלו׃

1 Samuel 23:13

13 ויקם דוד ואנשׁיו כשׁשׁ מאות אישׁ ויצאו מקעלה ויתהלכו באשׁר יתהלכו ולשׁאול הגד כי נמלט דוד מקעילה ויחדל לצאת׃

1 Samuel 24:5-6

5 (24:6) ויהי אחרי כן ויך לב דוד אתו על אשׁר כרת את כנף אשׁר לשׁאול׃6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃

1 Samuel 30:9-10

9 וילך דוד הוא ושׁשׁ מאות אישׁ אשׁר אתו ויבאו עד נחל הבשׂור והנותרים עמדו׃10 וירדף דוד הוא וארבע מאות אישׁ ויעמדו מאתים אישׁ אשׁר פגרו מעבר את נחל הבשׂור׃

1 Samuel 30:21-24

21 ויבא דוד אל מאתים האנשׁים אשׁר פגרו מלכת אחרי דוד וישׁיבם בנחל הבשׂור ויצאו לקראת דוד ולקראת העם אשׁר אתו ויגשׁ דוד את העם וישׁאל להם לשׁלום׃22 ויען כל אישׁ רע ובליעל מהאנשׁים אשׁר הלכו עם דוד ויאמרו יען אשׁר לא הלכו עמי לא נתן להם מהשׁלל אשׁר הצלנו כי אם אישׁ את אשׁתו ואת בניו וינהגו וילכו׃23 ויאמר דוד לא תעשׂו כן אחי את אשׁר נתן יהוה לנו וישׁמר אתנו ויתן את הגדוד הבא עלינו בידנו׃24 ומי ישׁמע לכם לדבר הזה כי כחלק הירד במלחמה וכחלק הישׁב על הכלים יחדו יחלקו׃

Proverbs 14:29

29 ארך אפים רב תבונה וקצר רוח מרים אולת׃

Proverbs 16:32

32 טוב ארך אפים מגבור ומשׁל ברוחו מלכד עיר׃

Proverbs 19:2

2 גם בלא דעת נפשׁ לא טוב ואץ ברגלים חוטא׃

Proverbs 19:11

11 שׂכל אדם האריך אפו ותפארתו עבר על פשׁע׃

Proverbs 25:8

8 אל תצא לרב מהר פן מה תעשׂה באחריתה בהכלים אתך רעך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.