30 ואתה תשׁמע מן השׁמים מכון שׁבתך וסלחת ונתתה לאישׁ ככל דרכיו אשׁר תדע את לבבו כי אתה לבדך ידעת את לבב בני האדם׃
2 Chronicles 6:30 Cross References - HOT
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
1 Kings 8:39
39 ואתה תשׁמע השׁמים מכון שׁבתך וסלחת ועשׂית ונתת לאישׁ ככל דרכיו אשׁר תדע את לבבו כי אתה ידעת לבדך את לבב כל בני האדם׃
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
1 Chronicles 29:17
17 וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃
Psalms 11:4-5
Psalms 18:20-26
20 (18:21) יגמלני יהוה כצדקי כבר ידי ישׁיב׃21 (18:22) כי שׁמרתי דרכי יהוה ולא רשׁעתי מאלהי׃22 (18:23) כי כל משׁפטיו לנגדי וחקתיו לא אסיר מני׃23 (18:24) ואהי תמים עמו ואשׁתמר מעוני׃24 (18:25) וישׁב יהוה לי כצדקי כבר ידי לנגד עיניו׃25 (18:26) עם חסיד תתחסד עם גבר תמים תתמם׃26 (18:27) עם נבר תתברר ועם עקשׁ תתפתל׃
Psalms 62:12
12 (62:13) ולך אדני חסד כי אתה תשׁלם לאישׁ כמעשׂהו׃
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Ezekiel 18:30
30 לכן אישׁ כדרכיו אשׁפט אתכם בית ישׂראל נאם אדני יהוה שׁובו והשׁיבו מכל פשׁעיכם ולא יהיה לכם למכשׁול עון׃