8 ויבא המלאך ויגד לו לאמר הביאו ראשׁי בני המלך ויאמר שׂימו אתם שׁני צברים פתח השׁער עד הבקר׃
2 Kings 10:8 Cross References - HOT
Deuteronomy 21:23
23 לא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשׁר יהוה אלהיך נתן לך נחלה׃
2 Samuel 11:18-21
18 וישׁלח יואב ויגד לדוד את כל דברי המלחמה׃19 ויצו את המלאך לאמר ככלותך את כל דברי המלחמה לדבר אל המלך׃20 והיה אם תעלה חמת המלך ואמר לך מדוע נגשׁתם אל העיר להלחם הלוא ידעתם את אשׁר ירו מעל החומה׃21 מי הכה את אבימלך בן ירבשׁת הלוא אשׁה השׁליכה עליו פלח רכב מעל החומה וימת בתבץ למה נגשׁתם אל החומה ואמרת גם עבדך אוריה החתי מת׃
1 Kings 21:14
14 וישׁלחו אל איזבל לאמר סקל נבות וימת׃