1 בימים ההם חלה חזקיהו למות ויבא אליו ישׁעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃2 ויסב את פניו אל הקיר ויתפלל אל יהוה לאמר׃3 אנה יהוה זכר נא את אשׁר התהלכתי לפניך באמת ובלבב שׁלם והטוב בעיניך עשׂיתי ויבך חזקיהו בכי גדול׃4 ויהי ישׁעיהו לא יצא העיר התיכנה ודבר יהוה היה אליו לאמר׃5 שׁוב ואמרת אל חזקיהו נגיד עמי כה אמר יהוה אלהי דוד אביך שׁמעתי את תפלתך ראיתי את דמעתך הנני רפא לך ביום השׁלישׁי תעלה בית יהוה׃6 והספתי על ימיך חמשׁ עשׂרה שׁנה ומכף מלך אשׁור אצילך ואת העיר הזאת וגנותי על העיר הזאת למעני ולמען דוד עבדי׃7 ויאמר ישׁעיהו קחו דבלת תאנים ויקחו וישׂימו על השׁחין ויחי׃8 ויאמר חזקיהו אל ישׁעיהו מה אות כי ירפא יהוה לי ועליתי ביום השׁלישׁי בית יהוה׃9 ויאמר ישׁעיהו זה לך האות מאת יהוה כי יעשׂה יהוה את הדבר אשׁר דבר הלך הצל עשׂר מעלות אם ישׁוב עשׂר מעלות׃10 ויאמר יחזקיהו נקל לצל לנטות עשׂר מעלות לא כי ישׁוב הצל אחרנית עשׂר מעלות׃11 ויקרא ישׁעיהו הנביא אל יהוה וישׁב את הצל במעלות אשׁר ירדה במעלות אחז אחרנית עשׂר מעלות׃12 בעת ההיא שׁלח בראדך בלאדן בן בלאדן מלך בבל ספרים ומנחה אל חזקיהו כי שׁמע כי חלה חזקיהו׃13 וישׁמע עליהם חזקיהו ויראם את כל בית נכתה את הכסף ואת הזהב ואת הבשׂמים ואת שׁמן הטוב ואת בית כליו ואת כל אשׁר נמצא באוצרתיו לא היה דבר אשׁר לא הראם חזקיהו בביתו ובכל ממשׁלתו׃14 ויבא ישׁעיהו הנביא אל המלך חזקיהו ויאמר אליו מה אמרו האנשׁים האלה ומאין יבאו אליך ויאמר חזקיהו מארץ רחוקה באו מבבל׃15 ויאמר מה ראו בביתך ויאמר חזקיהו את כל אשׁר בביתי ראו לא היה דבר אשׁר לא הראיתם באצרתי׃16 ויאמר ישׁעיהו אל חזקיהו שׁמע דבר יהוה׃17 הנה ימים באים ונשׂא כל אשׁר בביתך ואשׁר אצרו אבתיך עד היום הזה בבלה לא יותר דבר אמר יהוה׃18 ומבניך אשׁר יצאו ממך אשׁר תוליד יקח והיו סריסים בהיכל מלך בבל׃19 ויאמר חזקיהו אל ישׁעיהו טוב דבר יהוה אשׁר דברת ויאמר הלוא אם שׁלום ואמת יהיה בימי׃20 ויתר דברי חזקיהו וכל גבורתו ואשׁר עשׂה את הברכה ואת התעלה ויבא את המים העירה הלא הם כתובים על ספר דברי הימים למלכי יהודה׃21 וישׁכב חזקיהו עם אבתיו וימלך מנשׁה בנו תחתיו׃
2 Kings 20 Cross References - HOT
2 Samuel 17:23
23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
2 Kings 19:2
2 וישׁלח את אליקים אשׁר על הבית ושׁבנא הספר ואת זקני הכהנים מתכסים בשׂקים אל ישׁעיהו הנביא בן אמוץ׃
2 Kings 19:20
20 וישׁלח ישׁעיהו בן אמוץ אל חזקיהו לאמר כה אמר יהוה אלהי ישׂראל אשׁר התפללת אלי אל סנחרב מלך אשׁור שׁמעתי׃
2 Chronicles 32:24-26
Isaiah 38:1-22
1 בימים ההם חלה חזקיהו למות ויבוא אליו ישׁעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃2 ויסב חזקיהו פניו אל הקיר ויתפלל אל יהוה׃3 ויאמר אנה יהוה זכר נא את אשׁר התהלכתי לפניך באמת ובלב שׁלם והטוב בעיניך עשׂיתי ויבך חזקיהו בכי גדול׃4 ויהי דבר יהוה אל ישׁעיהו לאמר׃5 הלוך ואמרת אל חזקיהו כה אמר יהוה אלהי דוד אביך שׁמעתי את תפלתך ראיתי את דמעתך הנני יוסף על ימיך חמשׁ עשׂרה שׁנה׃6 ומכף מלך אשׁור אצילך ואת העיר הזאת וגנותי על העיר הזאת׃7 וזה לך האות מאת יהוה אשׁר יעשׂה יהוה את הדבר הזה אשׁר דבר׃8 הנני משׁיב את צל המעלות אשׁר ירדה במעלות אחז בשׁמשׁ אחרנית עשׂר מעלות ותשׁב השׁמשׁ עשׂר מעלות במעלות אשׁר ירדה׃9 מכתב לחזקיהו מלך יהודה בחלתו ויחי מחליו׃10 אני אמרתי בדמי ימי אלכה בשׁערי שׁאול פקדתי יתר שׁנותי׃11 אמרתי לא אראה יה יה בארץ החיים לא אביט אדם עוד עם יושׁבי חדל׃12 דורי נסע ונגלה מני כאהל רעי קפדתי כארג חיי מדלה יבצעני מיום עד לילה תשׁלימני׃13 שׁויתי עד בקר כארי כן ישׁבר כל עצמותי מיום עד לילה תשׁלימני׃14 כסוס עגור כן אצפצף אהגה כיונה דלו עיני למרום אדני עשׁקה לי ערבני׃15 מה אדבר ואמר לי והוא עשׂה אדדה כל שׁנותי על מר נפשׁי׃16 אדני עליהם יחיו ולכל בהן חיי רוחי ותחלימני והחיני׃17 הנה לשׁלום מר לי מר ואתה חשׁקת נפשׁי משׁחת בלי כי השׁלכת אחרי גוך כל חטאי׃18 כי לא שׁאול תודך מות יהללך לא ישׂברו יורדי בור אל אמתך׃19 חי חי הוא יודך כמוני היום אב לבנים יודיע אל אמתך׃20 יהוה להושׁיעני ונגנותי ננגן כל ימי חיינו על בית יהוה׃21 ויאמר ישׁעיהו ישׂאו דבלת תאנים וימרחו על השׁחין ויחי׃22 ויאמר חזקיהו מה אות כי אעלה בית יהוה׃
Jeremiah 18:7-10
Jonah 3:4-10
4 ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃5 ויאמינו אנשׁי נינוה באלהים ויקראו צום וילבשׁו שׂקים מגדולם ועד קטנם׃6 ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃7 ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃8 ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃9 מי יודע ישׁוב ונחם האלהים ושׁב מחרון אפו ולא נאבד׃10 וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃
1 Kings 8:30
30 ושׁמעת אל תחנת עבדך ועמך ישׂראל אשׁר יתפללו אל המקום הזה ואתה תשׁמע אל מקום שׁבתך אל השׁמים ושׁמעת וסלחת׃
Psalms 50:15
15 וקראני ביום צרה אחלצך ותכבדני׃
Isaiah 38:2-3
Genesis 5:22
22 ויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות׃
Genesis 5:24
24 ויתהלך חנוך את האלהים ואיננו כי לקח אתו אלהים׃
Genesis 8:1
1 ויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים׃
Genesis 17:1
1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃
2 Samuel 12:21-22
1 Kings 2:4
4 למען יקים יהוה את דברו אשׁר דבר עלי לאמר אם ישׁמרו בניך את דרכם ללכת לפני באמת בכל לבבם ובכל נפשׁם לאמר לא יכרת לך אישׁ מעל כסא ישׂראל׃
1 Kings 3:6
6 ויאמר שׁלמה אתה עשׂית עם עבדך דוד אבי חסד גדול כאשׁר הלך לפניך באמת ובצדקה ובישׁרת לבב עמך ותשׁמר לו את החסד הגדול הזה ותתן לו בן ישׁב על כסאו כיום הזה׃
1 Kings 8:61
61 והיה לבבכם שׁלם עם יהוה אלהינו ללכת בחקיו ולשׁמר מצותיו כיום הזה׃
1 Kings 11:4
4 ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃
1 Kings 15:14
14 והבמות לא סרו רק לבב אסא היה שׁלם עם יהוה כל ימיו׃
2 Kings 18:3-6
3 ויעשׂ הישׁר בעיני יהוה ככל אשׁר עשׂה דוד אביו׃4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃5 ביהוה אלהי ישׂראל בטח ואחריו לא היה כמהו בכל מלכי יהודה ואשׁר היו לפניו׃6 וידבק ביהוה לא סר מאחריו וישׁמר מצותיו אשׁר צוה יהוה את משׁה׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
2 Chronicles 31:20-21
Nehemiah 5:19
19 זכרה לי אלהי לטובה כל אשׁר עשׂיתי על העם הזה׃
Nehemiah 13:14
14 זכרה לי אלהי על זאת ואל תמח חסדי אשׁר עשׂיתי בבית אלהי ובמשׁמריו׃
Nehemiah 13:22
22 ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃
Nehemiah 13:31
31 ולקרבן העצים בעתים מזמנות ולבכורים זכרה לי אלהי לטובה׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Job 1:8
8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Psalms 6:6
6 (6:7) יגעתי באנחתי אשׂחה בכל לילה מטתי בדמעתי ערשׂי אמסה׃
Psalms 25:7
7 חטאות נעורי ופשׁעי אל תזכר כחסדך זכר לי אתה למען טובך יהוה׃
Psalms 32:2
2 אשׁרי אדם לא יחשׁב יהוה לו עון ואין ברוחו רמיה׃
Psalms 89:47
47 (89:48) זכר אני מה חלד על מה שׁוא בראת כל בני אדם׃
Psalms 89:50
50 (89:51) זכר אדני חרפת עבדיך שׂאתי בחיקי כל רבים עמים׃
Psalms 102:9
9 (102:10) כי אפר כלחם אכלתי ושׁקוי בבכי מסכתי׃
Psalms 119:49
49 זכר דבר לעבדך על אשׁר יחלתני׃
Psalms 145:18
18 קרוב יהוה לכל קראיו לכל אשׁר יקראהו באמת׃
Isaiah 38:14
14 כסוס עגור כן אצפצף אהגה כיונה דלו עיני למרום אדני עשׁקה לי ערבני׃
Isaiah 63:11
11 ויזכר ימי עולם משׁה עמו איה המעלם מים את רעי צאנו איה השׂם בקרבו את רוח קדשׁו׃
Jeremiah 4:2
2 ונשׁבעת חי יהוה באמת במשׁפט ובצדקה והתברכו בו גוים ובו יתהללו׃
1 Kings 7:8
8 וביתו אשׁר ישׁב שׁם חצר האחרת מבית לאולם כמעשׂה הזה היה ובית יעשׂה לבת פרעה אשׁר לקח שׁלמה כאולם הזה׃
2 Kings 22:14
14 וילך חלקיהו הכהן ואחיקם ועכבור ושׁפן ועשׂיה אל חלדה הנביאה אשׁת שׁלם בן תקוה בן חרחס שׁמר הבגדים והיא ישׁבת בירושׁלם במשׁנה וידברו אליה׃
Exodus 15:26
26 ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Joshua 5:14-15
1 Samuel 9:16
16 כעת מחר אשׁלח אליך אישׁ מארץ בנימן ומשׁחתו לנגיד על עמי ישׂראל והושׁיע את עמי מיד פלשׁתים כי ראיתי את עמי כי באה צעקתו אלי׃
1 Samuel 10:1
1 ויקח שׁמואל את פך השׁמן ויצק על ראשׁו וישׁקהו ויאמר הלוא כי משׁחך יהוה על נחלתו לנגיד׃
2 Samuel 5:2
2 גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃
2 Samuel 7:3-5
2 Kings 20:7-8
1 Chronicles 17:2-4
2 Chronicles 13:12
12 והנה עמנו בראשׁ האלהים וכהניו וחצצרות התרועה להריע עליכם בני ישׂראל אל תלחמו עם יהוה אלהי אבתיכם כי לא תצליחו׃
2 Chronicles 34:3
3 ובשׁמונה שׁנים למלכו והוא עודנו נער החל לדרושׁ לאלהי דויד אביו ובשׁתים עשׂרה שׁנה החל לטהר את יהודה וירושׁלם מן הבמות והאשׁרים והפסלים והמסכות׃
Job 33:19-26
19 והוכח במכאוב על משׁכבו וריב עצמיו אתן׃20 וזהמתו חיתו לחם ונפשׁו מאכל תאוה׃21 יכל בשׂרו מראי ושׁפי עצמותיו לא ראו׃22 ותקרב לשׁחת נפשׁו וחיתו לממתים׃23 אם ישׁ עליו מלאך מליץ אחד מני אלף להגיד לאדם ישׁרו׃24 ויחננו ויאמר פדעהו מרדת שׁחת מצאתי כפר׃25 רטפשׁ בשׂרו מנער ישׁוב לימי עלומיו׃26 יעתר אל אלוה וירצהו וירא פניו בתרועה וישׁב לאנושׁ צדקתו׃
Psalms 39:12
12 (39:13) שׁמעה תפלתי יהוה ושׁועתי האזינה אל דמעתי אל תחרשׁ כי גר אנכי עמך תושׁב ככל אבותי׃
Psalms 56:8
8 (56:9) נדי ספרתה אתה שׂימה דמעתי בנאדך הלא בספרתך׃
Psalms 65:2
2 (65:3) שׁמע תפלה עדיך כל בשׂר יבאו׃
Psalms 66:13-15
Psalms 66:19-20
Psalms 116:12-14
Psalms 118:17-19
Psalms 126:5
5 הזרעים בדמעה ברנה יקצרו׃
Psalms 147:3
3 הרפא לשׁבורי לב ומחבשׁ לעצבותם׃
Isaiah 38:5
5 הלוך ואמרת אל חזקיהו כה אמר יהוה אלהי דוד אביך שׁמעתי את תפלתך ראיתי את דמעתך הנני יוסף על ימיך חמשׁ עשׂרה שׁנה׃
Isaiah 38:22
22 ויאמר חזקיהו מה אות כי אעלה בית יהוה׃
Isaiah 55:3
3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃
2 Kings 19:34
34 וגנותי אל העיר הזאת להושׁיעה למעני ולמען דוד עבדי׃
2 Chronicles 32:22
22 ויושׁע יהוה את יחזקיהו ואת ישׁבי ירושׁלם מיד סנחריב מלך אשׁור ומיד כל וינהלם מסביב׃
Psalms 116:15
15 יקר בעיני יהוה המותה לחסידיו׃
Isaiah 10:24
24 לכן כה אמר אדני יהוה צבאות אל תירא עמי ישׁב ציון מאשׁור בשׁבט יככה ומטהו ישׂא עליך בדרך מצרים׃
2 Kings 2:20-22
2 Kings 4:41
41 ויאמר וקחו קמח וישׁלך אל הסיר ויאמר צק לעם ויאכלו ולא היה דבר רע בסיר׃
Isaiah 38:21
21 ויאמר ישׁעיהו ישׂאו דבלת תאנים וימרחו על השׁחין ויחי׃
Judges 6:17
17 ויאמר אליו אם נא מצאתי חן בעיניך ועשׂית לי אות שׁאתה מדבר עמי׃
Judges 6:37-40
37 הנה אנכי מציג את גזת הצמר בגרן אם טל יהיה על הגזה לבדה ועל כל הארץ חרב וידעתי כי תושׁיע בידי את ישׂראל כאשׁר דברת׃38 ויהי כן וישׁכם ממחרת ויזר את הגזה וימץ טל מן הגזה מלוא הספל מים׃39 ויאמר גדעון אל האלהים אל יחר אפך בי ואדברה אך הפעם אנסה נא רק הפעם בגזה יהי נא חרב אל הגזה לבדה ועל כל הארץ יהיה טל׃40 ויעשׂ אלהים כן בלילה ההוא ויהי חרב אל הגזה לבדה ועל כל הארץ היה טל׃
2 Kings 19:29
29 וזה לך האות אכול השׁנה ספיח ובשׁנה השׁנית סחישׁ ובשׁנה השׁלישׁית זרעו וקצרו ונטעו כרמים ואכלו פרים׃
2 Kings 20:5
5 שׁוב ואמרת אל חזקיהו נגיד עמי כה אמר יהוה אלהי דוד אביך שׁמעתי את תפלתך ראיתי את דמעתך הנני רפא לך ביום השׁלישׁי תעלה בית יהוה׃
Isaiah 7:11
11 שׁאל לך אות מעם יהוה אלהיך העמק שׁאלה או הגבה למעלה׃
Isaiah 7:14
14 לכן יתן אדני הוא לכם אות הנה העלמה הרה וילדת בן וקראת שׁמו עמנו אל׃
Hosea 6:2
2 יחינו מימים ביום השׁלישׁי יקמנו ונחיה לפניו׃
Isaiah 38:7-8
2 Kings 2:10
10 ויאמר הקשׁית לשׁאול אם תראה אתי לקח מאתך יהי לך כן ואם אין לא יהיה׃
2 Kings 3:18
18 ונקל זאת בעיני יהוה ונתן את מואב בידכם׃
Isaiah 49:6
6 ויאמר נקל מהיותך לי עבד להקים את שׁבטי יעקב ונצירי ישׂראל להשׁיב ונתתיך לאור גוים להיות ישׁועתי עד קצה הארץ׃
Exodus 14:15
15 ויאמר יהוה אל משׁה מה תצעק אלי דבר אל בני ישׂראל ויסעו׃
Joshua 10:12-14
1 Kings 17:20-21
1 Kings 18:36-38
36 ויהי בעלות המנחה ויגשׁ אליהו הנביא ויאמר יהוה אלהי אברהם יצחק וישׂראל היום יודע כי אתה אלהים בישׂראל ואני עבדך ובדבריך עשׂיתי את כל הדברים האלה׃37 ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃38 ותפל אשׁ יהוה ותאכל את העלה ואת העצים ואת האבנים ואת העפר ואת המים אשׁר בתעלה לחכה׃
2 Chronicles 32:24
24 בימים ההם חלה יחזקיהו עד למות ויתפלל אל יהוה ויאמר לו ומופת נתן׃
2 Chronicles 32:31
31 וכן במליצי שׂרי בבל המשׁלחים עליו לדרשׁ המופת אשׁר היה בארץ עזבו האלהים לנסותו לדעת כל בלבבו׃
Isaiah 38:8
8 הנני משׁיב את צל המעלות אשׁר ירדה במעלות אחז בשׁמשׁ אחרנית עשׂר מעלות ותשׁב השׁמשׁ עשׂר מעלות במעלות אשׁר ירדה׃
Genesis 10:10
10 ותהי ראשׁית ממלכתו בבל וארך ואכד וכלנה בארץ שׁנער׃
Genesis 11:9
9 על כן קרא שׁמה בבל כי שׁם בלל יהוה שׂפת כל הארץ ומשׁם הפיצם יהוה על פני כל הארץ׃
2 Samuel 8:10
10 וישׁלח תעי את יורם בנו אל המלך דוד לשׁאל לו לשׁלום ולברכו על אשׁר נלחם בהדדעזר ויכהו כי אישׁ מלחמות תעי היה הדדעזר ובידו היו כלי כסף וכלי זהב וכלי נחשׁת׃
2 Samuel 10:2
2 ויאמר דוד אעשׂה חסד עם חנון בן נחשׁ כאשׁר עשׂה אביו עמדי חסד וישׁלח דוד לנחמו ביד עבדיו אל אביו ויבאו עבדי דוד ארץ בני עמון׃
Isaiah 13:1
1 משׂא בבל אשׁר חזה ישׁעיהו בן אמוץ׃
Isaiah 13:19
19 והיתה בבל צבי ממלכות תפארת גאון כשׂדים כמהפכת אלהים את סדם ואת עמרה׃
Isaiah 14:4
4 ונשׂאת המשׁל הזה על מלך בבל ואמרת איך שׁבת נגשׂ שׁבתה מדהבה׃
Isaiah 39:1-8
1 בעת ההוא שׁלח מרדך בלאדן בן בלאדן מלך בבל ספרים ומנחה אל חזקיהו וישׁמע כי חלה ויחזק׃2 וישׂמח עליהם חזקיהו ויראם את בית נכתה את הכסף ואת הזהב ואת הבשׂמים ואת השׁמן הטוב ואת כל בית כליו ואת כל אשׁר נמצא באצרתיו לא היה דבר אשׁר לא הראם חזקיהו בביתו ובכל ממשׁלתו׃3 ויבא ישׁעיהו הנביא אל המלך חזקיהו ויאמר אליו מה אמרו האנשׁים האלה ומאין יבאו אליך ויאמר חזקיהו מארץ רחוקה באו אלי מבבל׃4 ויאמר מה ראו בביתך ויאמר חזקיהו את כל אשׁר בביתי ראו לא היה דבר אשׁר לא הראיתים באוצרתי׃5 ויאמר ישׁעיהו אל חזקיהו שׁמע דבר יהוה צבאות׃6 הנה ימים באים ונשׂא כל אשׁר בביתך ואשׁר אצרו אבתיך עד היום הזה בבל לא יותר דבר אמר יהוה׃7 ומבניך אשׁר יצאו ממך אשׁר תוליד יקחו והיו סריסים בהיכל מלך בבל׃8 ויאמר חזקיהו אל ישׁעיהו טוב דבר יהוה אשׁר דברת ויאמר כי יהיה שׁלום ואמת בימי׃
1 Kings 10:2
2 ותבא ירושׁלמה בחיל כבד מאד גמלים נשׂאים בשׂמים וזהב רב מאד ואבן יקרה ותבא אל שׁלמה ותדבר אליו את כל אשׁר היה עם לבבה׃
1 Kings 10:10
10 ותתן למלך מאה ועשׂרים ככר זהב ובשׂמים הרבה מאד ואבן יקרה לא בא כבשׂם ההוא עוד לרב אשׁר נתנה מלכת שׁבא למלך שׁלמה׃
1 Kings 10:15
15 לבד מאנשׁי התרים ומסחר הרכלים וכל מלכי הערב ופחות הארץ׃
1 Kings 10:25
25 והמה מבאים אישׁ מנחתו כלי כסף וכלי זהב ושׂלמות ונשׁק ובשׂמים סוסים ופרדים דבר שׁנה בשׁנה׃
2 Chronicles 32:25-27
Proverbs 23:5
5 התעוף עיניך בו ואיננו כי עשׂה יעשׂה לו כנפים כנשׁר ועיף השׁמים׃
Ecclesiastes 7:20
20 כי אדם אין צדיק בארץ אשׁר יעשׂה טוב ולא יחטא׃
Isaiah 39:2
2 וישׂמח עליהם חזקיהו ויראם את בית נכתה את הכסף ואת הזהב ואת הבשׂמים ואת השׁמן הטוב ואת כל בית כליו ואת כל אשׁר נמצא באצרתיו לא היה דבר אשׁר לא הראם חזקיהו בביתו ובכל ממשׁלתו׃
Deuteronomy 28:49
49 ישׂא יהוה עליך גוי מרחק מקצה הארץ כאשׁר ידאה הנשׁר גוי אשׁר לא תשׁמע לשׁנו׃
Joshua 9:6
6 וילכו אל יהושׁע אל המחנה הגלגל ויאמרו אליו ואל אישׁ ישׂראל מארץ רחוקה באנו ועתה כרתו לנו ברית׃
Joshua 9:9
9 ויאמרו אליו מארץ רחוקה מאד באו עבדיך לשׁם יהוה אלהיך כי שׁמענו שׁמעו ואת כל אשׁר עשׂה במצרים׃
2 Samuel 12:7-15
7 ויאמר נתן אל דוד אתה האישׁ כה אמר יהוה אלהי ישׂראל אנכי משׁחתיך למלך על ישׂראל ואנכי הצלתיך מיד שׁאול׃8 ואתנה לך את בית אדניך ואת נשׁי אדניך בחיקך ואתנה לך את בית ישׂראל ויהודה ואם מעט ואספה לך כהנה וכהנה׃9 מדוע בזית את דבר יהוה לעשׂות הרע בעינו את אוריה החתי הכית בחרב ואת אשׁתו לקחת לך לאשׁה ואתו הרגת בחרב בני עמון׃10 ועתה לא תסור חרב מביתך עד עולם עקב כי בזתני ותקח את אשׁת אוריה החתי להיות לך לאשׁה׃11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃12 כי אתה עשׂית בסתר ואני אעשׂה את הדבר הזה נגד כל ישׂראל ונגד השׁמשׁ׃13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃14 אפס כי נאץ נאצת את איבי יהוה בדבר הזה גם הבן הילוד לך מות ימות׃15 וילך נתן אל ביתו ויגף יהוה את הילד אשׁר ילדה אשׁת אוריה לדוד ויאנשׁ׃
2 Kings 5:25-26
2 Chronicles 16:7-10
7 ובעת ההיא בא חנני הראה אל אסא מלך יהודה ויאמר אליו בהשׁענך על מלך ארם ולא נשׁענת על יהוה אלהיך על כן נמלט חיל מלך ארם מידך׃8 הלא הכושׁים והלובים היו לחיל לרב לרכב ולפרשׁים להרבה מאד ובהשׁענך על יהוה נתנם בידך׃9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃
2 Chronicles 25:7-9
2 Chronicles 25:15-16
Psalms 141:5
5 יהלמני צדיק חסד ויוכיחני שׁמן ראשׁ אל יני ראשׁי כי עוד ותפלתי ברעותיהם׃
Proverbs 25:12
12 נזם זהב וחלי כתם מוכיח חכם על אזן שׁמעת׃
Isaiah 13:5
5 באים מארץ מרחק מקצה השׁמים יהוה וכלי זעמו לחבל כל הארץ׃
Jeremiah 26:18-19
Amos 7:12-13
Joshua 7:19
19 ויאמר יהושׁע אל עכן בני שׂים נא כבוד ליהוה אלהי ישׂראל ותן לו תודה והגד נא לי מה עשׂית אל תכחד ממני׃
2 Kings 20:13
13 וישׁמע עליהם חזקיהו ויראם את כל בית נכתה את הכסף ואת הזהב ואת הבשׂמים ואת שׁמן הטוב ואת בית כליו ואת כל אשׁר נמצא באוצרתיו לא היה דבר אשׁר לא הראם חזקיהו בביתו ובכל ממשׁלתו׃
Job 31:33
33 אם כסיתי כאדם פשׁעי לטמון בחבי עוני׃
Proverbs 28:13
13 מכסה פשׁעיו לא יצליח ומודה ועזב ירחם׃
1 Kings 22:19
19 ויאמר לכן שׁמע דבר יהוה ראיתי את יהוה ישׁב על כסאו וכל צבא השׁמים עמד עליו מימינו ומשׂמאלו׃
2 Kings 7:1
1 ויאמר אלישׁע שׁמעו דבר יהוה כה אמר יהוה כעת מחר סאה סלת בשׁקל וסאתים שׂערים בשׁקל בשׁער שׁמרון׃
Isaiah 1:10
10 שׁמעו דבר יהוה קציני סדם האזינו תורת אלהינו עם עמרה׃
Amos 7:16
16 ועתה שׁמע דבר יהוה אתה אמר לא תנבא על ישׂראל ולא תטיף על בית ישׂחק׃
Leviticus 26:19
19 ושׁברתי את גאון עזכם ונתתי את שׁמיכם כברזל ואת ארצכם כנחשׁה׃
2 Kings 24:13
13 ויוצא משׁם את כל אוצרות בית יהוה ואוצרות בית המלך ויקצץ את כל כלי הזהב אשׁר עשׂה שׁלמה מלך ישׂראל בהיכל יהוה כאשׁר דבר יהוה׃
2 Kings 25:13-15
2 Chronicles 36:10
10 ולתשׁובת השׁנה שׁלח המלך נבוכדנאצר ויבאהו בבלה עם כלי חמדת בית יהוה וימלך את צדקיהו אחיו על יהודה וירושׁלם׃
2 Chronicles 36:18
18 וכל כלי בית האלהים הגדלים והקטנים ואצרות בית יהוה ואצרות המלך ושׂריו הכל הביא בבל׃
Jeremiah 27:21-22
Jeremiah 52:17-19
17 ואת עמודי הנחשׁת אשׁר לבית יהוה ואת המכנות ואת ים הנחשׁת אשׁר בבית יהוה שׁברו כשׂדים וישׂאו את כל נחשׁתם בבלה׃18 ואת הסרות ואת היעים ואת המזמרות ואת המזרקת ואת הכפות ואת כל כלי הנחשׁת אשׁר ישׁרתו בהם לקחו׃19 ואת הספים ואת המחתות ואת המזרקות ואת הסירות ואת המנרות ואת הכפות ואת המנקיות אשׁר זהב זהב ואשׁר כסף כסף לקח רב טבחים׃
2 Kings 24:12
12 ויצא יהויכין מלך יהודה על מלך בבל הוא ואמו ועבדיו ושׂריו וסריסיו ויקח אתו מלך בבל בשׁנת שׁמנה למלכו׃
2 Kings 25:6
6 ויתפשׂו את המלך ויעלו אתו אל מלך בבל רבלתה וידברו אתו משׁפט׃
2 Chronicles 33:11
11 ויבא יהוה עליהם את שׂרי הצבא אשׁר למלך אשׁור וילכדו את מנשׁה בחחים ויאסרהו בנחשׁתים ויוליכהו בבלה׃
Daniel 1:3
3 ויאמר המלך לאשׁפנז רב סריסיו להביא מבני ישׂראל ומזרע המלוכה ומן הפרתמים׃
Leviticus 10:3
3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃
1 Samuel 3:18
18 ויגד לו שׁמואל את כל הדברים ולא כחד ממנו ויאמר יהוה הוא הטוב בעינו יעשׂה׃
Esther 9:30
30 וישׁלח ספרים אל כל היהודים אל שׁבע ועשׂרים ומאה מדינה מלכות אחשׁורושׁ דברי שׁלום ואמת׃
Job 1:21
21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃
Psalms 39:9
9 (39:10) נאלמתי לא אפתח פי כי אתה עשׂית׃
Jeremiah 33:6
6 הנני מעלה לה ארכה ומרפא ורפאתים וגליתי להם עתרת שׁלום ואמת׃
Lamentations 3:22
22 חסדי יהוה כי לא תמנו כי לא כלו רחמיו׃
Lamentations 3:39
39 מה יתאונן אדם חי גבר על חטאו׃
Zechariah 8:19
19 כה אמר יהוה צבאות צום הרביעי וצום החמישׁי וצום השׁביעי וצום העשׂירי יהיה לבית יהודה לשׂשׂון ולשׂמחה ולמעדים טובים והאמת והשׁלום אהבו׃
1 Kings 14:19
19 ויתר דברי ירבעם אשׁר נלחם ואשׁר מלך הנם כתובים על ספר דברי הימים למלכי ישׂראל׃
1 Kings 15:7
7 ויתר דברי אבים וכל אשׁר עשׂה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃
1 Kings 15:23
23 ויתר כל דברי אסא וכל גבורתו וכל אשׁר עשׂה והערים אשׁר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃
2 Kings 8:23
23 ויתר דברי יורם וכל אשׁר עשׂה הלוא הם כתובים על ספר דברי הימים למלכי יהודה׃
2 Kings 15:6
6 ויתר דברי עזריהו וכל אשׁר עשׂה הלא הם כתובים על ספר דברי הימים למלכי יהודה׃
2 Kings 15:26
26 ויתר דברי פקחיה וכל אשׁר עשׂה הנם כתובים על ספר דברי הימים למלכי ישׂראל׃
2 Kings 16:19
19 ויתר דברי אחז אשׁר עשׂה הלא הם כתובים על ספר דברי הימים למלכי יהודה׃
2 Chronicles 32:4
4 ויקבצו עם רב ויסתמו את כל המעינות ואת הנחל השׁוטף בתוך הארץ לאמר למה יבואו מלכי אשׁור ומצאו מים רבים׃
2 Chronicles 32:30
30 והוא יחזקיהו סתם את מוצא מימי גיחון העליון ויישׁרם למטה מערבה לעיר דויד ויצלח יחזקיהו בכל מעשׂהו׃
2 Chronicles 32:32
32 ויתר דברי יחזקיהו וחסדיו הנם כתובים בחזון ישׁעיהו בן אמוץ הנביא על ספר מלכי יהודה וישׂראל׃
Nehemiah 3:16
16 אחריו החזיק נחמיה בן עזבוק שׂר חצי פלך בית צור עד נגד קברי דויד ועד הברכה העשׂויה ועד בית הגברים׃
Isaiah 22:9-11
1 Kings 2:10
10 וישׁכב דוד עם אבתיו ויקבר בעיר דוד׃
1 Kings 11:43
43 וישׁכב שׁלמה עם אבתיו ויקבר בעיר דוד אביו וימלך רחבעם בנו תחתיו׃
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
2 Kings 21:1
1 בן שׁתים עשׂרה שׁנה מנשׁה במלכו וחמשׁים וחמשׁ שׁנה מלך בירושׁלם ושׁם אמו חפצי בה׃
2 Kings 21:18
18 וישׁכב מנשׁה עם אבתיו ויקבר בגן ביתו בגן עזא וימלך אמון בנו תחתיו׃
2 Chronicles 26:23
23 וישׁכב עזיהו עם אבתיו ויקברו אתו עם אבתיו בשׂדה הקבורה אשׁר למלכים כי אמרו מצורע הוא וימלך יותם בנו תחתיו׃
2 Chronicles 32:33
33 וישׁכב יחזקיהו עם אבתיו ויקברהו במעלה קברי בני דויד וכבוד עשׂו לו במותו כל יהודה וישׁבי ירושׁלם וימלך מנשׁה בנו תחתיו׃