1 ויהי אחרי מות שׁאול ודוד שׁב מהכות את העמלק וישׁב דוד בצקלג ימים שׁנים׃2 ויהי ביום השׁלישׁי והנה אישׁ בא מן המחנה מעם שׁאול ובגדיו קרעים ואדמה על ראשׁו ויהי בבאו אל דוד ויפל ארצה וישׁתחו׃3 ויאמר לו דוד אי מזה תבוא ויאמר אליו ממחנה ישׂראל נמלטתי׃4 ויאמר אליו דוד מה היה הדבר הגד נא לי ויאמר אשׁר נס העם מן המלחמה וגם הרבה נפל מן העם וימתו וגם שׁאול ויהונתן בנו מתו׃5 ויאמר דוד אל הנער המגיד לו איך ידעת כי מת שׁאול ויהונתן בנו׃6 ויאמר הנער המגיד לו נקרא נקריתי בהר הגלבע והנה שׁאול נשׁען על חניתו והנה הרכב ובעלי הפרשׁים הדבקהו׃7 ויפן אחריו ויראני ויקרא אלי ואמר הנני׃8 ויאמר לי מי אתה ויאמר אליו עמלקי אנכי׃9 ויאמר אלי עמד נא עלי ומתתני כי אחזני השׁבץ כי כל עוד נפשׁי׃10 ואעמד עליו ואמתתהו כי ידעתי כי לא יחיה אחרי נפלו ואקח הנזר אשׁר על ראשׁו ואצעדה אשׁר על זרעו ואביאם אל אדני הנה׃11 ויחזק דוד בבגדו ויקרעם וגם כל האנשׁים אשׁר אתו׃12 ויספדו ויבכו ויצמו עד הערב על שׁאול ועל יהונתן בנו ועל עם יהוה ועל בית ישׂראל כי נפלו בחרב׃13 ויאמר דוד אל הנער המגיד לו אי מזה אתה ויאמר בן אישׁ גר עמלקי אנכי׃14 ויאמר אליו דוד איך לא יראת לשׁלח ידך לשׁחת את משׁיח יהוה׃15 ויקרא דוד לאחד מהנערים ויאמר גשׁ פגע בו ויכהו וימת׃16 ויאמר אליו דוד דמיך על ראשׁך כי פיך ענה בך לאמר אנכי מתתי את משׁיח יהוה׃17 ויקנן דוד את הקינה הזאת על שׁאול ועל יהונתן בנו׃18 ויאמר ללמד בני יהודה קשׁת הנה כתובה על ספר הישׁר׃19 הצבי ישׂראל על במותיך חלל איך נפלו גבורים׃20 אל תגידו בגת אל תבשׂרו בחוצת אשׁקלון פן תשׂמחנה בנות פלשׁתים פן תעלזנה בנות הערלים׃21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃22 מדם חללים מחלב גבורים קשׁת יהונתן לא נשׂוג אחור וחרב שׁאול לא תשׁוב ריקם׃23 שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃24 בנות ישׂראל אל שׁאול בכינה המלבשׁכם שׁני עם עדנים המעלה עדי זהב על לבושׁכן׃25 איך נפלו גברים בתוך המלחמה יהונתן על במותיך חלל׃26 צר לי עליך אחי יהונתן נעמת לי מאד נפלאתה אהבתך לי מאהבת נשׁים׃27 איך נפלו גבורים ויאבדו כלי מלחמה׃
2 Samuel 1 Cross References - HOT
Genesis 9:5-6
Genesis 14:7
7 וישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר׃
Genesis 22:4
4 ביום השׁלישׁי וישׂא אברהם את עיניו וירא את המקום מרחק׃
Genesis 37:7-10
7 והנה אנחנו מאלמים אלמים בתוך השׂדה והנה קמה אלמתי וגם נצבה והנה תסבינה אלמתיכם ותשׁתחוין לאלמתי׃8 ויאמרו לו אחיו המלך תמלך עלינו אם משׁול תמשׁל בנו ויוספו עוד שׂנא אתו על חלמתיו ועל דבריו׃9 ויחלם עוד חלום אחר ויספר אתו לאחיו ויאמר הנה חלמתי חלום עוד והנה השׁמשׁ והירח ואחד עשׂר כוכבים משׁתחוים׃10 ויספר אל אביו ואל אחיו ויגער בו אביו ויאמר לו מה החלום הזה אשׁר חלמת הבוא נבוא אני ואמך ואחיך להשׁתחות לך ארצה׃
Genesis 37:29
29 וישׁב ראובן אל הבור והנה אין יוסף בבור ויקרע את בגדיו׃
Genesis 37:34
34 ויקרע יעקב שׂמלתיו וישׂם שׂק במתניו ויתאבל על בנו ימים רבים׃
Genesis 43:28
28 ויאמרו שׁלום לעבדך לאבינו עודנו חי ויקדו וישׁתחו׃
Genesis 49:8
8 יהודה אתה יודוך אחיך ידך בערף איביך ישׁתחוו לך בני אביך׃
Genesis 50:11
11 וירא יושׁב הארץ הכנעני את האבל בגרן האטד ויאמרו אבל כבד זה למצרים על כן קרא שׁמה אבל מצרים אשׁר בעבר הירדן׃
Exodus 15:20-21
Exodus 17:8-16
8 ויבא עמלק וילחם עם ישׂראל ברפידם׃9 ויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי׃10 ויעשׂ יהושׁע כאשׁר אמר לו משׁה להלחם בעמלק ומשׁה אהרן וחור עלו ראשׁ הגבעה׃11 והיה כאשׁר ירים משׁה ידו וגבר ישׂראל וכאשׁר יניח ידו וגבר עמלק׃12 וידי משׁה כבדים ויקחו אבן וישׂימו תחתיו וישׁב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השׁמשׁ׃13 ויחלשׁ יהושׁע את עמלק ואת עמו לפי חרב׃14 ויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים׃15 ויבן משׁה מזבח ויקרא שׁמו יהוה נסי׃16 ויאמר כי יד על כס יה מלחמה ליהוה בעמלק מדר דר׃
Leviticus 20:9
9 כי אישׁ אישׁ אשׁר יקלל את אביו ואת אמו מות יומת אביו ואמו קלל דמיו׃
Leviticus 20:11-13
Leviticus 20:16
16 ואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם׃
Leviticus 20:27
27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Numbers 12:8
8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃
Numbers 24:20
20 וירא את עמלק וישׂא משׁלו ויאמר ראשׁית גוים עמלק ואחריתו עדי אבד׃
Deuteronomy 4:7-8
Deuteronomy 4:10
10 יום אשׁר עמדת לפני יהוה אלהיך בחרב באמר יהוה אלי הקהל לי את העם ואשׁמעם את דברי אשׁר ילמדון ליראה אתי כל הימים אשׁר הם חיים על האדמה ואת בניהם ילמדון׃
Deuteronomy 19:10
10 ולא ישׁפך דם נקי בקרב ארצך אשׁר יהוה אלהיך נתן לך נחלה והיה עליך דמים׃
Deuteronomy 25:17-19
Deuteronomy 28:49
49 ישׂא יהוה עליך גוי מרחק מקצה הארץ כאשׁר ידאה הנשׁר גוי אשׁר לא תשׁמע לשׁנו׃
Deuteronomy 32:26-27
Deuteronomy 32:42
42 אשׁכיר חצי מדם וחרבי תאכל בשׂר מדם חלל ושׁביה מראשׁ פרעות אויב׃
Joshua 2:19
19 והיה כל אשׁר יצא מדלתי ביתך החוצה דמו בראשׁו ואנחנו נקים וכל אשׁר יהיה אתך בבית דמו בראשׁנו אם יד תהיה׃
Joshua 7:6
6 ויקרע יהושׁע שׂמלתיו ויפל על פניו ארצה לפני ארון יהוה עד הערב הוא וזקני ישׂראל ויעלו עפר על ראשׁם׃
Joshua 10:13
13 וידם השׁמשׁ וירח עמד עד יקם גוי איביו הלא היא כתובה על ספר הישׁר ויעמד השׁמשׁ בחצי השׁמים ולא אץ לבוא כיום תמים׃
Judges 1:7
7 ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃
Judges 5:18
18 זבלון עם חרף נפשׁו למות ונפתלי על מרומי שׂדה׃
Judges 5:23
23 אורו מרוז אמר מלאך יהוה ארו ארור ישׁביה כי לא באו לעזרת יהוה לעזרת יהוה בגבורים׃
Judges 5:30
30 הלא ימצאו יחלקו שׁלל רחם רחמתים לראשׁ גבר שׁלל צבעים לסיסרא שׁלל צבעים רקמה צבע רקמתים לצוארי שׁלל׃
Judges 8:20
20 ויאמר ליתר בכורו קום הרג אותם ולא שׁלף הנער חרבו כי ירא כי עודנו נער׃
Judges 9:24
24 לבוא חמס שׁבעים בני ירבעל ודמם לשׂום על אבימלך אחיהם אשׁר הרג אותם ועל בעלי שׁכם אשׁר חזקו את ידיו להרג את אחיו׃
Judges 9:54
54 ויקרא מהרה אל הנער נשׂא כליו ויאמר לו שׁלף חרבך ומותתני פן יאמרו לי אשׁה הרגתהו וידקרהו נערו וימת׃
Judges 11:34
34 ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃
Judges 14:18
Judges 16:23-24
Ruth 2:3
3 ותלך ותבוא ותלקט בשׂדה אחרי הקצרים ויקר מקרה חלקת השׂדה לבעז אשׁר ממשׁפחת אלימלך׃
1 Samuel 4:12
12 וירץ אישׁ בנימן מהמערכה ויבא שׁלה ביום ההוא ומדיו קרעים ואדמה על ראשׁו׃
1 Samuel 4:16
16 ויאמר האישׁ אל עלי אנכי הבא מן המערכה ואני מן המערכה נסתי היום ויאמר מה היה הדבר בני׃
1 Samuel 6:9
9 וראיתם אם דרך גבולו יעלה בית שׁמשׁ הוא עשׂה לנו את הרעה הגדולה הזאת ואם לא וידענו כי לא ידו נגעה בנו מקרה הוא היה׃
1 Samuel 10:1
1 ויקח שׁמואל את פך השׁמן ויצק על ראשׁו וישׁקהו ויאמר הלוא כי משׁחך יהוה על נחלתו לנגיד׃
1 Samuel 14:6-14
6 ויאמר יהונתן אל הנער נשׂא כליו לכה ונעברה אל מצב הערלים האלה אולי יעשׂה יהוה לנו כי אין ליהוה מעצור להושׁיע ברב או במעט׃7 ויאמר לו נשׂא כליו עשׂה כל אשׁר בלבבך נטה לך הנני עמך כלבבך׃8 ויאמר יהונתן הנה אנחנו עברים אל האנשׁים ונגלינו אליהם׃9 אם כה יאמרו אלינו דמו עד הגיענו אליכם ועמדנו תחתינו ולא נעלה אליהם׃10 ואם כה יאמרו עלו עלינו ועלינו כי נתנם יהוה בידנו וזה לנו האות׃11 ויגלו שׁניהם אל מצב פלשׁתים ויאמרו פלשׁתים הנה עברים יצאים מן החרים אשׁר התחבאו שׁם׃12 ויענו אנשׁי המצבה את יונתן ואת נשׂא כליו ויאמרו עלו אלינו ונודיעה אתכם דבר ויאמר יונתן אל נשׂא כליו עלה אחרי כי נתנם יהוה ביד ישׂראל׃13 ויעל יונתן על ידיו ועל רגליו ונשׂא כליו אחריו ויפלו לפני יונתן ונשׂא כליו ממותת אחריו׃
1 Samuel 14:13-15
1 Samuel 14:14-15
1 Samuel 15:3
3 עתה לך והכיתה את עמלק והחרמתם את כל אשׁר לו ולא תחמל עליו והמתה מאישׁ עד אשׁה מעלל ועד יונק משׁור ועד שׂה מגמל ועד חמור׃
1 Samuel 17:26
26 ויאמר דוד אל האנשׁים העמדים עמו לאמר מה יעשׂה לאישׁ אשׁר יכה את הפלשׁתי הלז והסיר חרפה מעל ישׂראל כי מי הפלשׁתי הערל הזה כי חרף מערכות אלהים חיים׃
1 Samuel 17:36
36 גם את הארי גם הדוב הכה עבדך והיה הפלשׁתי הערל הזה כאחד מהם כי חרף מערכת אלהים חיים׃
1 Samuel 18:1
1 ויהי ככלתו לדבר אל שׁאול ונפשׁ יהונתן נקשׁרה בנפשׁ דוד ויאהבו יהונתן כנפשׁו׃
1 Samuel 18:1-4
1 Samuel 18:4-4
4 ויתפשׁט יהונתן את המעיל אשׁר עליו ויתנהו לדוד ומדיו ועד חרבו ועד קשׁתו ועד חגרו׃
1 Samuel 18:6
6 ויהי בבואם בשׁוב דוד מהכות את הפלשׁתי ותצאנה הנשׁים מכל ערי ישׂראל לשׁור והמחלות לקראת שׁאול המלך בתפים בשׂמחה ובשׁלשׁים׃
1 Samuel 19:2
2 ויגד יהונתן לדוד לאמר מבקשׁ שׁאול אבי להמיתך ועתה השׁמר נא בבקר וישׁבת בסתר ונחבאת׃
1 Samuel 20:2
2 ויאמר לו חלילה לא תמות הנה לו עשׁה אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת׃
1 Samuel 20:17
17 ויוסף יהונתן להשׁביע את דוד באהבתו אתו כי אהבת נפשׁו אהבו׃
1 Samuel 20:41
41 הנער בא ודוד קם מאצל הנגב ויפל לאפיו ארצה וישׁתחו שׁלשׁ פעמים וישׁקו אישׁ את רעהו ויבכו אישׁ את רעהו עד דוד הגדיל׃
1 Samuel 22:12
12 ויאמר שׁאול שׁמע נא בן אחיטוב ויאמר הנני אדני׃
1 Samuel 22:17-18
1 Samuel 22:18-18
18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שׁמנים וחמשׁה אישׁ נשׂא אפוד בד׃
1 Samuel 23:16
16 ויקם יהונתן בן שׁאול וילך אל דוד חרשׁה ויחזק את ידו באלהים׃
1 Samuel 24:6
6 (24:7) ויאמר לאנשׁיו חלילה לי מיהוה אם אעשׂה את הדבר הזה לאדני למשׁיח יהוה לשׁלח ידי בו כי משׁיח יהוה הוא׃
1 Samuel 25:23
23 ותרא אביגיל את דוד ותמהר ותרד מעל החמור ותפל לאפי דוד על פניה ותשׁתחו ארץ׃
1 Samuel 26:9
9 ויאמר דוד אל אבישׁי אל תשׁחיתהו כי מי שׁלח ידו במשׁיח יהוה ונקה׃
1 Samuel 27:6
6 ויתן לו אכישׁ ביום ההוא את צקלג לכן היתה צקלג למלכי יהודה עד היום הזה׃
1 Samuel 27:8
8 ויעל דוד ואנשׁיו ויפשׁטו אל הגשׁורי והגרזי והעמלקי כי הנה ישׁבות הארץ אשׁר מעולם בואך שׁורה ועד ארץ מצרים׃
1 Samuel 28:4
4 ויקבצו פלשׁתים ויבאו ויחנו בשׁונם ויקבץ שׁאול את כל ישׂראל ויחנו בגלבע׃
1 Samuel 30:1
1 ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃
1 Samuel 30:13
13 ויאמר לו דוד למי אתה ואי מזה אתה ויאמר נער מצרי אנכי עבד לאישׁ עמלקי ויעזבני אדני כי חליתי היום שׁלשׁה׃
1 Samuel 30:17-26
17 ויכם דוד מהנשׁף ועד הערב למחרתם ולא נמלט מהם אישׁ כי אם ארבע מאות אישׁ נער אשׁר רכבו על הגמלים וינסו׃
1 Samuel 30:17
17 ויכם דוד מהנשׁף ועד הערב למחרתם ולא נמלט מהם אישׁ כי אם ארבע מאות אישׁ נער אשׁר רכבו על הגמלים וינסו׃18 ויצל דוד את כל אשׁר לקחו עמלק ואת שׁתי נשׁיו הציל דוד׃19 ולא נעדר להם מן הקטן ועד הגדול ועד בנים ובנות ומשׁלל ועד כל אשׁר לקחו להם הכל השׁיב דוד׃20 ויקח דוד את כל הצאן והבקר נהגו לפני המקנה ההוא ויאמרו זה שׁלל דוד׃21 ויבא דוד אל מאתים האנשׁים אשׁר פגרו מלכת אחרי דוד וישׁיבם בנחל הבשׂור ויצאו לקראת דוד ולקראת העם אשׁר אתו ויגשׁ דוד את העם וישׁאל להם לשׁלום׃22 ויען כל אישׁ רע ובליעל מהאנשׁים אשׁר הלכו עם דוד ויאמרו יען אשׁר לא הלכו עמי לא נתן להם מהשׁלל אשׁר הצלנו כי אם אישׁ את אשׁתו ואת בניו וינהגו וילכו׃23 ויאמר דוד לא תעשׂו כן אחי את אשׁר נתן יהוה לנו וישׁמר אתנו ויתן את הגדוד הבא עלינו בידנו׃24 ומי ישׁמע לכם לדבר הזה כי כחלק הירד במלחמה וכחלק הישׁב על הכלים יחדו יחלקו׃25 ויהי מהיום ההוא ומעלה וישׂמה לחק ולמשׁפט לישׂראל עד היום הזה׃26 ויבא דוד אל צקלג וישׁלח מהשׁלל לזקני יהודה לרעהו לאמר הנה לכם ברכה משׁלל איבי יהוה׃
1 Samuel 31:1-6
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃
1 Samuel 31:1-7
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃
1 Samuel 31:1
1 ופלשׁתים נלחמים בישׂראל וינסו אנשׁי ישׂראל מפני פלשׁתים ויפלו חללים בהר הגלבע׃
1 Samuel 31:1-5
1 Samuel 31:2-7
2 וידבקו פלשׁתים את שׁאול ואת בניו ויכו פלשׁתים את יהונתן ואת אבינדב ואת מלכי שׁוע בני שׁאול׃
1 Samuel 31:2-5
1 Samuel 31:3-7
3 ותכבד המלחמה אל שׁאול וימצאהו המורים אנשׁים בקשׁת ויחל מאד מהמורים׃
1 Samuel 31:3-5
1 Samuel 31:4-7
4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃
1 Samuel 31:4-5
4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃
1 Samuel 31:4
1 Samuel 31:5-7
5 וירא נשׂא כליו כי מת שׁאול ויפל גם הוא על חרבו וימת עמו׃
1 Samuel 31:5-5
1 Samuel 31:6-6
6 וימת שׁאול ושׁלשׁת בניו ונשׂא כליו גם כל אנשׁיו ביום ההוא יחדו׃
1 Samuel 31:6-7
1 Samuel 31:8-9
2 Samuel 1:8
8 ויאמר לי מי אתה ויאמר אליו עמלקי אנכי׃
2 Samuel 1:10
10 ואעמד עליו ואמתתהו כי ידעתי כי לא יחיה אחרי נפלו ואקח הנזר אשׁר על ראשׁו ואצעדה אשׁר על זרעו ואביאם אל אדני הנה׃
2 Samuel 1:19
19 הצבי ישׂראל על במותיך חלל איך נפלו גבורים׃
2 Samuel 1:21
21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃
2 Samuel 1:23
23 שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃
2 Samuel 1:25
25 איך נפלו גברים בתוך המלחמה יהונתן על במותיך חלל׃
2 Samuel 1:27
27 איך נפלו גבורים ויאבדו כלי מלחמה׃
2 Samuel 2:18
18 ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃
2 Samuel 3:28-29
2 Samuel 3:31
31 ויאמר דוד אל יואב ואל כל העם אשׁר אתו קרעו בגדיכם וחגרו שׂקים וספדו לפני אבנר והמלך דוד הלך אחרי המטה׃
2 Samuel 3:35
35 ויבא כל העם להברות את דוד לחם בעוד היום וישׁבע דוד לאמר כה יעשׂה לי אלהים וכה יסיף כי אם לפני בוא השׁמשׁ אטעם לחם או כל מאומה׃
2 Samuel 4:10
10 כי המגיד לי לאמר הנה מת שׁאול והוא היה כמבשׂר בעיניו ואחזה בו ואהרגהו בצקלג אשׁר לתתי לו בשׂרה׃
2 Samuel 4:10-12
10 כי המגיד לי לאמר הנה מת שׁאול והוא היה כמבשׂר בעיניו ואחזה בו ואהרגהו בצקלג אשׁר לתתי לו בשׂרה׃11 אף כי אנשׁים רשׁעים הרגו את אישׁ צדיק בביתו על משׁכבו ועתה הלוא אבקשׁ את דמו מידכם ובערתי אתכם מן הארץ׃12 ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראשׁ אישׁ בשׁת לקחו ויקברו בקבר אבנר בחברון׃
2 Samuel 9:6
6 ויבא מפיבשׁת בן יהונתן בן שׁאול אל דוד ויפל על פניו וישׁתחו ויאמר דוד מפיבשׁת ויאמר הנה עבדך׃
2 Samuel 12:30
30 ויקח את עטרת מלכם מעל ראשׁו ומשׁקלה ככר זהב ואבן יקרה ותהי על ראשׁ דוד ושׁלל העיר הוציא הרבה מאד׃
2 Samuel 13:31
31 ויקם המלך ויקרע את בגדיו וישׁכב ארצה וכל עבדיו נצבים קרעי בגדים׃
2 Samuel 14:4
4 ותאמר האשׁה התקעית אל המלך ותפל על אפיה ארצה ותשׁתחו ותאמר הושׁעה המלך׃
2 Samuel 15:32
32 ויהי דוד בא עד הראשׁ אשׁר ישׁתחוה שׁם לאלהים והנה לקראתו חושׁי הארכי קרוע כתנתו ואדמה על ראשׁו׃
2 Samuel 23:20
20 ובניהו בן יהוידע בן אישׁ חי רב פעלים מקבצאל הוא הכה את שׁני אראל מואב והוא ירד והכה את האריה בתוך הבאר ביום השׁלג׃
1 Kings 2:25
25 וישׁלח המלך שׁלמה ביד בניהו בן יהוידע ויפגע בו וימת׃
1 Kings 2:32-33
32 והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃33 ושׁבו דמיהם בראשׁ יואב ובראשׁ זרעו לעלם ולדוד ולזרעו ולביתו ולכסאו יהיה שׁלום עד עולם מעם יהוה׃34 ויעל בניהו בן יהוידע ויפגע בו וימתהו ויקבר בביתו במדבר׃
1 Kings 2:37
37 והיה ביום צאתך ועברת את נחל קדרון ידע תדע כי מות תמות דמך יהיה בראשׁך׃
1 Kings 2:46
46 ויצו המלך את בניהו בן יהוידע ויצא ויפגע בו וימת והממלכה נכונה ביד שׁלמה׃
2 Kings 2:12
12 ואלישׁע ראה והוא מצעק אבי אבי רכב ישׂראל ופרשׁיו ולא ראהו עוד ויחזק בבגדיו ויקרעם לשׁנים קרעים׃
2 Kings 5:25
25 והוא בא ויעמד אל אדניו ויאמר אליו אלישׁע מאן גחזי ויאמר לא הלך עבדך אנה ואנה׃
2 Kings 11:12
12 ויוצא את בן המלך ויתן עליו את הנזר ואת העדות וימלכו אתו וימשׁחהו ויכו כף ויאמרו יחי המלך׃
2 Kings 13:14
14 ואלישׁע חלה את חליו אשׁר ימות בו וירד אליו יואשׁ מלך ישׂראל ויבך על פניו ויאמר אבי אבי רכב ישׂראל ופרשׁיו׃
1 Chronicles 10:1-6
1 ופלשׁתים נלחמו בישׂראל וינס אישׁ ישׂראל מפני פלשׁתים ויפלו חללים בהר גלבע׃
1 Chronicles 10:1
1 ופלשׁתים נלחמו בישׂראל וינס אישׁ ישׂראל מפני פלשׁתים ויפלו חללים בהר גלבע׃2 וידבקו פלשׁתים אחרי שׁאול ואחרי בניו ויכו פלשׁתים את יונתן ואת אבינדב ואת מלכי שׁוע בני שׁאול׃3 ותכבד המלחמה על שׁאול וימצאהו המורים בקשׁת ויחל מן היורים׃4 ויאמר שׁאול אל נשׂא כליו שׁלף חרבך ודקרני בה פן יבאו הערלים האלה והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃5 וירא נשׂא כליו כי מת שׁאול ויפל גם הוא על החרב וימת׃6 וימת שׁאול ושׁלשׁת בניו וכל ביתו יחדו מתו׃
1 Chronicles 10:8
8 ויהי ממחרת ויבאו פלשׁתים לפשׁט את החללים וימצאו את שׁאול ואת בניו נפלים בהר גלבע׃
1 Chronicles 12:8
8 (12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃
2 Chronicles 35:25
25 ויקונן ירמיהו על יאשׁיהו ויאמרו כל השׁרים והשׁרות בקינותיהם על יאשׁיהו עד היום ויתנום לחק על ישׂראל והנם כתובים על הקינות׃
Esther 4:16
16 לך כנוס את כל היהודים הנמצאים בשׁושׁן וצומו עלי ואל תאכלו ואל תשׁתו שׁלשׁת ימים לילה ויום גם אני ונערתי אצום כן ובכן אבוא אל המלך אשׁר לא כדת וכאשׁר אבדתי אבדתי׃
Esther 5:1
1 ויהי ביום השׁלישׁי ותלבשׁ אסתר מלכות ותעמד בחצר בית המלך הפנימית נכח בית המלך והמלך יושׁב על כסא מלכותו בבית המלכות נכח פתח הבית׃
Job 1:15-19
15 ותפל שׁבא ותקחם ואת הנערים הכו לפי חרב ואמלטה רק אני לבדי להגיד׃16 עוד זה מדבר וזה בא ויאמר אשׁ אלהים נפלה מן השׁמים ותבער בצאן ובנערים ותאכלם ואמלטה רק אני לבדי להגיד׃17 עוד זה מדבר וזה בא ויאמר כשׂדים שׂמו שׁלשׁה ראשׁים ויפשׁטו על הגמלים ויקחום ואת הנערים הכו לפי חרב ואמלטה רק אני לבדי להגיד׃18 עד זה מדבר וזה בא ויאמר בניך ובנותיך אכלים ושׁתים יין בבית אחיהם הבכור׃19 והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד׃
Job 3:3-10
3 יאבד יום אולד בו והלילה אמר הרה גבר׃4 היום ההוא יהי חשׁך אל ידרשׁהו אלוה ממעל ואל תופע עליו נהרה׃5 יגאלהו חשׁך וצלמות תשׁכן עליו עננה יבעתהו כמרירי יום׃6 הלילה ההוא יקחהו אפל אל יחד בימי שׁנה במספר ירחים אל יבא׃7 הנה הלילה ההוא יהי גלמוד אל תבא רננה׃8 יקבהו אררי יום העתידים ערר לויתן׃9 יחשׁכו כוכבי נשׁפו יקו לאור ואין ואל יראה בעפעפי שׁחר׃10 כי לא סגר דלתי בטני ויסתר עמל מעיני׃
Job 5:12
12 מפר מחשׁבות ערומים ולא תעשׂינה ידיהם תושׁיה׃
Job 9:26
26 חלפו עם אניות אבה כנשׁר יטושׂ עלי אכל׃
Job 15:6
6 ירשׁיעך פיך ולא אני ושׂפתיך יענו׃
Psalms 35:13-14
Psalms 46:9
9 (46:10) משׁבית מלחמות עד קצה הארץ קשׁת ישׁבר וקצץ חנית עגלות ישׂרף באשׁ׃
Psalms 66:3
3 אמרו לאלהים מה נורא מעשׂיך ברב עזך יכחשׁו לך איביך׃
Psalms 68:12
12 (68:13) מלכי צבאות ידדון ידדון ונות בית תחלק שׁלל׃
Psalms 105:15
15 אל תגעו במשׁיחי ולנביאי אל תרעו׃
Proverbs 6:2
2 נוקשׁת באמרי פיך נלכדת באמרי פיך׃
Proverbs 11:18
18 רשׁע עשׂה פעלת שׁקר וזרע צדקה שׂכר אמת׃
Proverbs 14:15
15 פתי יאמין לכל דבר וערום יבין לאשׁרו׃
Proverbs 24:17
17 בנפל אויביך אל תשׂמח ובכשׁלו אל יגל לבך׃
Proverbs 25:2
2 כבד אלהים הסתר דבר וכבד מלכים חקר דבר׃
Proverbs 30:30
30 לישׁ גבור בבהמה ולא ישׁוב מפני כל׃
Proverbs 31:21
21 לא תירא לביתה משׁלג כי כל ביתה לבשׁ שׁנים׃
Isaiah 3:16-26
16 ויאמר יהוה יען כי גבהו בנות ציון ותלכנה נטוות גרון ומשׂקרות עינים הלוך וטפף תלכנה וברגליהם תעכסנה׃17 ושׂפח אדני קדקד בנות ציון ויהוה פתהן יערה׃18 ביום ההוא יסיר אדני את תפארת העכסים והשׁביסים והשׂהרנים׃19 הנטיפות והשׁירות והרעלות׃20 הפארים והצעדות והקשׁרים ובתי הנפשׁ והלחשׁים׃21 הטבעות ונזמי האף׃22 המחלצות והמעטפות והמטפחות והחריטים׃23 והגלינים והסדינים והצניפות והרדידים׃24 והיה תחת בשׂם מק יהיה ותחת חגורה נקפה ותחת מעשׂה מקשׁה קרחה ותחת פתיגיל מחגרת שׂק כי תחת יפי׃25 מתיך בחרב יפלו וגבורתך במלחמה׃26 ואנו ואבלו פתחיה ונקתה לארץ תשׁב׃
Isaiah 4:2
2 ביום ההוא יהיה צמח יהוה לצבי ולכבוד ופרי הארץ לגאון ולתפארת לפליטת ישׂראל׃
Isaiah 5:6
6 ואשׁיתהו בתה לא יזמר ולא יעדר ועלה שׁמיר ושׁית ועל העבים אצוה מהמטיר עליו מטר׃
Isaiah 6:8
8 ואשׁמע את קול אדני אמר את מי אשׁלח ומי ילך לנו ואמר הנני שׁלחני׃
Isaiah 21:5
5 ערך השׁלחן צפה הצפית אכול שׁתה קומו השׂרים משׁחו מגן׃
Isaiah 34:6-7
Isaiah 53:2
2 ויעל כיונק לפניו וכשׁרשׁ מארץ ציה לא תאר לו ולא הדר ונראהו ולא מראה ונחמדהו׃
Isaiah 65:1
1 נדרשׁתי ללוא שׁאלו נמצאתי ללא בקשׁני אמרתי הנני הנני אל גוי לא קרא בשׁמי׃
Jeremiah 2:32
32 התשׁכח בתולה עדיה כלה קשׁריה ועמי שׁכחוני ימים אין מספר׃
Jeremiah 4:13
13 הנה כעננים יעלה וכסופה מרכבותיו קלו מנשׁרים סוסיו אוי לנו כי שׁדדנו׃
Jeremiah 9:1
1 (8:23) מי יתן ראשׁי מים ועיני מקור דמעה ואבכה יומם ולילה את חללי בת עמי׃
Jeremiah 9:17-21
17 (9:16) כה אמר יהוה צבאות התבוננו וקראו למקוננות ותבואינה ואל החכמות שׁלחו ותבואנה׃18 (9:17) ותמהרנה ותשׂנה עלינו נהי ותרדנה עינינו דמעה ועפעפינו יזלו מים׃19 (9:18) כי קול נהי נשׁמע מציון איך שׁדדנו בשׁנו מאד כי עזבנו ארץ כי השׁליכו משׁכנותינו׃20 (9:19) כי שׁמענה נשׁים דבר יהוה ותקח אזנכם דבר פיו ולמדנה בנותיכם נהי ואשׁה רעותה קינה׃21 (9:20) כי עלה מות בחלונינו בא בארמנותינו להכרית עולל מחוץ בחורים מרחבות׃
Jeremiah 20:14-16
Lamentations 2:1
1 איכה יעיב באפו אדני את בת ציון השׁליך משׁמים ארץ תפארת ישׂראל ולא זכר הדם רגליו ביום אפו׃
Lamentations 4:19
19 קלים היו רדפינו מנשׁרי שׁמים על ההרים דלקנו במדבר ארבו׃
Lamentations 5:16
16 נפלה עטרת ראשׁנו אוי נא לנו כי חטאנו׃
Ezekiel 16:27
27 והנה נטיתי ידי עליך ואגרע חקך ואתנך בנפשׁ שׂנאותיך בנות פלשׁתים הנכלמות מדרכך זמה׃
Ezekiel 16:57
57 בטרם תגלה רעתך כמו עת חרפת בנות ארם וכל סביבותיה בנות פלשׁתים השׁאטות אותך מסביב׃
Ezekiel 18:13
13 בנשׁך נתן ותרבית לקח וחי לא יחיה את כל התועבות האלה עשׂה מות יומת דמיו בו יהיה׃
Ezekiel 31:15
15 כה אמר אדני יהוה ביום רדתו שׁאולה האבלתי כסתי עליו את תהום ואמנע נהרותיה ויכלאו מים רבים ואקדר עליו לבנון וכל עצי השׂדה עליו עלפה׃
Ezekiel 33:5
5 את קול השׁופר שׁמע ולא נזהר דמו בו יהיה והוא נזהר נפשׁו מלט׃
Ezekiel 39:9-10
Hosea 6:2
2 יחינו מימים ביום השׁלישׁי יקמנו ונחיה לפניו׃
Joel 1:9
9 הכרת מנחה ונסך מבית יהוה אבלו הכהנים משׁרתי יהוה׃
Joel 2:13
Amos 6:6
6 השׁתים במזרקי יין וראשׁית שׁמנים ימשׁחו ולא נחלו על שׁבר יוסף׃
Micah 1:10
10 בגת אל תגידו בכו אל תבכו בבית לעפרה עפר התפלשׁתי׃
Zechariah 11:7
7 וארעה את צאן ההרגה לכן עניי הצאן ואקח לי שׁני מקלות לאחד קראתי נעם ולאחד קראתי חבלים וארעה את הצאן׃
Zechariah 11:10
10 ואקח את מקלי את נעם ואגדע אתו להפיר את בריתי אשׁר כרתי את כל העמים׃