2 Samuel 2 Cross References - HOT

¹ ויהי אחרי כן וישׁאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃² ויעל שׁם דוד וגם שׁתי נשׁיו אחינעם היזרעלית ואביגיל אשׁת נבל הכרמלי׃³ ואנשׁיו אשׁר עמו העלה דוד אישׁ וביתו וישׁבו בערי חברון׃⁴ ויבאו אנשׁי יהודה וימשׁחו שׁם את דוד למלך על בית יהודה ויגדו לדוד לאמר אנשׁי יבישׁ גלעד אשׁר קברו את שׁאול׃⁵ וישׁלח דוד מלאכים אל אנשׁי יבישׁ גלעד ויאמר אליהם ברכים אתם ליהוה אשׁר עשׂיתם החסד הזה עם אדניכם עם שׁאול ותקברו אתו׃⁶ ועתה יעשׂ יהוה עמכם חסד ואמת וגם אנכי אעשׂה אתכם הטובה הזאת אשׁר עשׂיתם הדבר הזה׃⁷ ועתה תחזקנה ידיכם והיו לבני חיל כי מת אדניכם שׁאול וגם אתי משׁחו בית יהודה למלך עליהם׃⁸ ואבנר בן נר שׂר צבא אשׁר לשׁאול לקח את אישׁ בשׁת בן שׁאול ויעברהו מחנים׃⁹ וימלכהו אל הגלעד ואל האשׁורי ואל יזרעאל ועל אפרים ועל בנימן ועל ישׂראל כלה׃¹⁰ בן ארבעים שׁנה אישׁ בשׁת בן שׁאול במלכו על ישׂראל ושׁתים שׁנים מלך אך בית יהודה היו אחרי דוד׃¹¹ ויהי מספר הימים אשׁר היה דוד מלך בחברון על בית יהודה שׁבע שׁנים ושׁשׁה חדשׁים׃¹² ויצא אבנר בן נר ועבדי אישׁ בשׁת בן שׁאול ממחנים גבעונה׃¹³ ויואב בן צרויה ועבדי דוד יצאו ויפגשׁום על ברכת גבעון יחדו וישׁבו אלה על הברכה מזה ואלה על הברכה מזה׃¹⁴ ויאמר אבנר אל יואב יקומו נא הנערים וישׂחקו לפנינו ויאמר יואב יקמו׃¹⁵ ויקמו ויעברו במספר שׁנים עשׂר לבנימן ולאישׁ בשׁת בן שׁאול ושׁנים עשׂר מעבדי דוד׃¹⁶ ויחזקו אישׁ בראשׁ רעהו וחרבו בצד רעהו ויפלו יחדו ויקרא למקום ההוא חלקת הצרים אשׁר בגבעון׃¹⁷ ותהי המלחמה קשׁה עד מאד ביום ההוא וינגף אבנר ואנשׁי ישׂראל לפני עבדי דוד׃¹⁸ ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃¹⁹ וירדף עשׂהאל אחרי אבנר ולא נטה ללכת על הימין ועל השׂמאול מאחרי אבנר׃²⁰ ויפן אבנר אחריו ויאמר האתה זה עשׂהאל ויאמר אנכי׃²¹ ויאמר לו אבנר נטה לך על ימינך או על שׂמאלך ואחז לך אחד מהנערים וקח לך את חלצתו ולא אבה עשׂהאל לסור מאחריו׃²² ויסף עוד אבנר לאמר אל עשׂהאל סור לך מאחרי למה אככה ארצה ואיך אשׂא פני אל יואב אחיך׃²³ וימאן לסור ויכהו אבנר באחרי החנית אל החמשׁ ותצא החנית מאחריו ויפל שׁם וימת תחתו ויהי כל הבא אל המקום אשׁר נפל שׁם עשׂהאל וימת ויעמדו׃²⁴ וירדפו יואב ואבישׁי אחרי אבנר והשׁמשׁ באה והמה באו עד גבעת אמה אשׁר על פני גיח דרך מדבר גבעון׃²⁵ ויתקבצו בני בנימן אחרי אבנר ויהיו לאגדה אחת ויעמדו על ראשׁ גבעה אחת׃²⁶ ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשׁוב מאחרי אחיהם׃²⁷ ויאמר יואב חי האלהים כי לולא דברת כי אז מהבקר נעלה העם אישׁ מאחרי אחיו׃²⁸ ויתקע יואב בשׁופר ויעמדו כל העם ולא ירדפו עוד אחרי ישׂראל ולא יספו עוד להלחם׃²⁹ ואבנר ואנשׁיו הלכו בערבה כל הלילה ההוא ויעברו את הירדן וילכו כל הבתרון ויבאו מחנים׃³⁰ ויואב שׁב מאחרי אבנר ויקבץ את כל העם ויפקדו מעבדי דוד תשׁעה עשׂר אישׁ ועשׂהאל׃³¹ ועבדי דוד הכו מבנימן ובאנשׁי אבנר שׁלשׁ מאות ושׁשׁים אישׁ מתו׃³² וישׂאו את עשׂהאל ויקברהו בקבר אביו אשׁר בית לחם וילכו כל הלילה יואב ואנשׁיו ויאר להם בחברון׃

Genesis 15:1

¹ אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃

Genesis 30:13

¹³ ותאמר לאה באשׁרי כי אשׁרוני בנות ותקרא את שׁמו אשׁר׃

Genesis 32:2

² (32:3) ויאמר יעקב כאשׁר ראם מחנה אלהים זה ויקרא שׁם המקום ההוא מחנים׃

Genesis 49:8-10

⁸ יהודה אתה יודוך אחיך ידך בערף איביך ישׁתחוו לך בני אביך׃⁹ גור אריה יהודה מטרף בני עלית כרע רבץ כאריה וכלביא מי יקימנו׃¹⁰ לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃

Exodus 34:6

⁶ ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

Numbers 1:40

⁴⁰ לבני אשׁר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃

Numbers 13:22

²² ויעלו בנגב ויבא עד חברון ושׁם אחימן שׁשׁי ותלמי ילידי הענק וחברון שׁבע שׁנים נבנתה לפני צען מצרים׃

Numbers 27:21

²¹ ולפני אלעזר הכהן יעמד ושׁאל לו במשׁפט האורים לפני יהוה על פיו יצאו ועל פיו יבאו הוא וכל בני ישׂראל אתו וכל העדה׃

Numbers 32:1-42

¹ ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃² ויבאו בני גד ובני ראובן ויאמרו אל משׁה ואל אלעזר הכהן ואל נשׂיאי העדה לאמר׃³ עטרות ודיבן ויעזר ונמרה וחשׁבון ואלעלה ושׂבם ונבו ובען׃⁴ הארץ אשׁר הכה יהוה לפני עדת ישׂראל ארץ מקנה הוא ולעבדיך מקנה׃⁵ ויאמרו אם מצאנו חן בעיניך יתן את הארץ הזאת לעבדיך לאחזה אל תעברנו את הירדן׃⁶ ויאמר משׁה לבני גד ולבני ראובן האחיכם יבאו למלחמה ואתם תשׁבו פה׃⁷ ולמה תנואון את לב בני ישׂראל מעבר אל הארץ אשׁר נתן להם יהוה׃⁸ כה עשׂו אבתיכם בשׁלחי אתם מקדשׁ ברנע לראות את הארץ׃⁹ ויעלו עד נחל אשׁכול ויראו את הארץ ויניאו את לב בני ישׂראל לבלתי בא אל הארץ אשׁר נתן להם יהוה׃¹⁰ ויחר אף יהוה ביום ההוא וישׁבע לאמר׃¹¹ אם יראו האנשׁים העלים ממצרים מבן עשׂרים שׁנה ומעלה את האדמה אשׁר נשׁבעתי לאברהם ליצחק וליעקב כי לא מלאו אחרי׃¹² בלתי כלב בן יפנה הקנזי ויהושׁע בן נון כי מלאו אחרי יהוה׃¹³ ויחר אף יהוה בישׂראל וינעם במדבר ארבעים שׁנה עד תם כל הדור העשׂה הרע בעיני יהוה׃¹⁴ והנה קמתם תחת אבתיכם תרבות אנשׁים חטאים לספות עוד על חרון אף יהוה אל ישׂראל׃¹⁵ כי תשׁובן מאחריו ויסף עוד להניחו במדבר ושׁחתם לכל העם הזה׃¹⁶ ויגשׁו אליו ויאמרו גדרת צאן נבנה למקננו פה וערים לטפנו׃¹⁷ ואנחנו נחלץ חשׁים לפני בני ישׂראל עד אשׁר אם הביאנם אל מקומם וישׁב טפנו בערי המבצר מפני ישׁבי הארץ׃¹⁸ לא נשׁוב אל בתינו עד התנחל בני ישׂראל אישׁ נחלתו׃¹⁹ כי לא ננחל אתם מעבר לירדן והלאה כי באה נחלתנו אלינו מעבר הירדן מזרחה׃²⁰ ויאמר אליהם משׁה אם תעשׂון את הדבר הזה אם תחלצו לפני יהוה למלחמה׃²¹ ועבר לכם כל חלוץ את הירדן לפני יהוה עד הורישׁו את איביו מפניו׃²² ונכבשׁה הארץ לפני יהוה ואחר תשׁבו והייתם נקים מיהוה ומישׂראל והיתה הארץ הזאת לכם לאחזה לפני יהוה׃²³ ואם לא תעשׂון כן הנה חטאתם ליהוה ודעו חטאתכם אשׁר תמצא אתכם׃²⁴ בנו לכם ערים לטפכם וגדרת לצנאכם והיצא מפיכם תעשׂו׃²⁵ ויאמר בני גד ובני ראובן אל משׁה לאמר עבדיך יעשׂו כאשׁר אדני מצוה׃²⁶ טפנו נשׁינו מקננו וכל בהמתנו יהיו שׁם בערי הגלעד׃²⁷ ועבדיך יעברו כל חלוץ צבא לפני יהוה למלחמה כאשׁר אדני דבר׃²⁸ ויצו להם משׁה את אלעזר הכהן ואת יהושׁע בן נון ואת ראשׁי אבות המטות לבני ישׂראל׃²⁹ ויאמר משׁה אלהם אם יעברו בני גד ובני ראובן אתכם את הירדן כל חלוץ למלחמה לפני יהוה ונכבשׁה הארץ לפניכם ונתתם להם את ארץ הגלעד לאחזה׃³⁰ ואם לא יעברו חלוצים אתכם ונאחזו בתככם בארץ כנען׃³¹ ויענו בני גד ובני ראובן לאמר את אשׁר דבר יהוה אל עבדיך כן נעשׂה׃³² נחנו נעבר חלוצים לפני יהוה ארץ כנען ואתנו אחזת נחלתנו מעבר לירדן׃³³ ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃³⁴ ויבנו בני גד את דיבן ואת עטרת ואת ערער׃³⁵ ואת עטרת שׁופן ואת יעזר ויגבהה׃³⁶ ואת בית נמרה ואת בית הרן ערי מבצר וגדרת צאן׃³⁷ ובני ראובן בנו את חשׁבון ואת אלעלא ואת קריתים׃³⁸ ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃³⁹ וילכו בני מכיר בן מנשׁה גלעדה וילכדה ויורשׁ את האמרי אשׁר׃⁴⁰ ויתן משׁה את הגלעד למכיר בן מנשׁה וישׁב׃⁴¹ ויאיר בן מנשׁה הלך וילכד את חותיהם ויקרא אתהן חות יאיר׃⁴² ונבח הלך וילכד את קנת ואת בנתיה ויקרא לה נבח בשׁמו׃

Joshua 1:7

⁷ רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃

Joshua 9:3

³ וישׁבי גבעון שׁמעו את אשׁר עשׂה יהושׁע ליריחו ולעי׃

Joshua 10:2

² וייראו מאד כי עיר גדולה גבעון כאחת ערי הממלכה וכי היא גדולה מן העי וכל אנשׁיה גברים׃

Joshua 10:4

⁴ עלו אלי ועזרני ונכה את גבעון כי השׁלימה את יהושׁע ואת בני ישׂראל׃

Joshua 10:12

¹² אז ידבר יהושׁע ליהוה ביום תת יהוה את האמרי לפני בני ישׂראל ויאמר לעיני ישׂראל שׁמשׁ בגבעון דום וירח בעמק אילון׃

Joshua 13:8-11

⁸ עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃⁹ מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃¹⁰ וכל ערי סיחון מלך האמרי אשׁר מלך בחשׁבון עד גבול בני עמון׃¹¹ והגלעד וגבול הגשׁורי והמעכתי וכל הר חרמון וכל הבשׁן עד סלכה׃

Joshua 14:13-15

¹³ ויברכהו יהושׁע ויתן את חברון לכלב בן יפנה לנחלה׃¹⁴ על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃¹⁵ ושׁם חברון לפנים קרית ארבע האדם הגדול בענקים הוא והארץ שׁקטה ממלחמה׃

Joshua 18:25

²⁵ גבעון והרמה ובארות׃

Joshua 19:18

¹⁸ ויהי גבולם יזרעאלה והכסולת ושׁונם׃

Joshua 21:11-12

¹¹ ויתנו להם את קרית ארבע אבי הענוק היא חברון בהר יהודה ואת מגרשׁה סביבתיה׃¹² ואת שׂדה העיר ואת חצריה נתנו לכלב בן יפנה באחזתו׃

Joshua 23:6

⁶ וחזקתם מאד לשׁמר ולעשׂות את כל הכתוב בספר תורת משׁה לבלתי סור ממנו ימין ושׂמאול׃

Judges 1:1

¹ ויהי אחרי מות יהושׁע וישׁאלו בני ישׂראל ביהוה לאמר מי יעלה לנו אל הכנעני בתחלה להלחם׃

Judges 1:32

³² וישׁב האשׁרי בקרב הכנעני ישׁבי הארץ כי לא הורישׁו׃

Judges 14:19

¹⁹ ותצלח עליו רוח יהוה וירד אשׁקלון ויך מהם שׁלשׁים אישׁ ויקח את חליצותם ויתן החליפות למגידי החידה ויחר אפו ויעל בית אביהו׃

Ruth 1:8

⁸ ותאמר נעמי לשׁתי כלתיה לכנה שׁבנה אשׁה לבית אמה יעשׂה יהוה עמכם חסד כאשׁר עשׂיתם עם המתים ועמדי׃

Ruth 2:20

²⁰ ותאמר נעמי לכלתה ברוך הוא ליהוה אשׁר לא עזב חסדו את החיים ואת המתים ותאמר לה נעמי קרוב לנו האישׁ מגאלנו הוא׃

Ruth 3:10

¹⁰ ויאמר ברוכה את ליהוה בתי היטבת חסדך האחרון מן הראשׁון לבלתי לכת אחרי הבחורים אם דל ואם עשׁיר׃

1 Samuel 4:9

⁹ התחזקו והיו לאנשׁים פלשׁתים פן תעבדו לעברים כאשׁר עבדו לכם והייתם לאנשׁים ונלחמתם׃

1 Samuel 14:50

⁵⁰ ושׁם אשׁת שׁאול אחינעם בת אחימעץ ושׁם שׂר צבאו אבינר בן נר דוד שׁאול׃

1 Samuel 16:13

¹³ ויקח שׁמואל את קרן השׁמן וימשׁח אתו בקרב אחיו ותצלח רוח יהוה אל דוד מהיום ההוא ומעלה ויקם שׁמואל וילך הרמתה׃

1 Samuel 17:55

⁵⁵ וכראות שׁאול את דוד יצא לקראת הפלשׁתי אמר אל אבנר שׂר הצבא בן מי זה הנער אבנר ויאמר אבנר חי נפשׁך המלך אם ידעתי׃

1 Samuel 17:58

⁵⁸ ויאמר אליו שׁאול בן מי אתה הנער ויאמר דוד בן עבדך ישׁי בית הלחמי׃

1 Samuel 22:2

² ויתקבצו אליו כל אישׁ מצוק וכל אישׁ אשׁר לו נשׁא וכל אישׁ מר נפשׁ ויהי עליהם לשׂר ויהיו עמו כארבע מאות אישׁ׃

1 Samuel 23:2

² וישׁאל דוד ביהוה לאמר האלך והכיתי בפלשׁתים האלה ויאמר יהוה אל דוד לך והכית בפלשׁתים והושׁעת את קעילה׃

1 Samuel 23:4

⁴ ויוסף עוד דוד לשׁאל ביהוה ויענהו יהוה ויאמר קום רד קעילה כי אני נתן את פלשׁתים בידך׃

1 Samuel 23:9-12

⁹ וידע דוד כי עליו שׁאול מחרישׁ הרעה ויאמר אל אביתר הכהן הגישׁה האפוד׃¹⁰ ויאמר דוד יהוה אלהי ישׂראל שׁמע שׁמע עבדך כי מבקשׁ שׁאול לבוא אל קעילה לשׁחת לעיר בעבורי׃¹¹ היסגרני בעלי קעילה בידו הירד שׁאול כאשׁר שׁמע עבדך יהוה אלהי ישׂראל הגד נא לעבדך ויאמר יהוה ירד׃¹² ויאמר דוד היסגרו בעלי קעילה אתי ואת אנשׁי ביד שׁאול ויאמר יהוה יסגירו׃

1 Samuel 23:21

²¹ ויאמר שׁאול ברוכים אתם ליהוה כי חמלתם עלי׃

1 Samuel 24:19

¹⁹ (24:20) וכי ימצא אישׁ את איבו ושׁלחו בדרך טובה ויהוה ישׁלמך טובה תחת היום הזה אשׁר עשׂיתה׃

1 Samuel 25:26

²⁶ ועתה אדני חי יהוה וחי נפשׁך אשׁר מנעך יהוה מבוא בדמים והושׁע ידך לך ועתה יהיו כנבל איביך והמבקשׁים אל אדני רעה׃

1 Samuel 25:32-33

³² ויאמר דוד לאביגל ברוך יהוה אלהי ישׂראל אשׁר שׁלחך היום הזה לקראתי׃³³ וברוך טעמך וברוכה את אשׁר כלתני היום הזה מבוא בדמים והשׁע ידי׃

1 Samuel 25:42-43

⁴² ותמהר ותקם אביגיל ותרכב על החמור וחמשׁ נערתיה ההלכות לרגלה ותלך אחרי מלאכי דוד ותהי לו לאשׁה׃⁴³ ואת אחינעם לקח דוד מיזרעאל ותהיין גם שׁתיהן לו לנשׁים׃

1 Samuel 26:6

⁶ ויען דוד ויאמר אל אחימלך החתי ואל אבישׁי בן צרויה אחי יואב לאמר מי ירד אתי אל שׁאול אל המחנה ויאמר אבישׁי אני ארד עמך׃

1 Samuel 26:14

¹⁴ ויקרא דוד אל העם ואל אבנר בן נר לאמר הלוא תענה אבנר ויען אבנר ויאמר מי אתה קראת אל המלך׃

1 Samuel 27:2-3

² ויקם דוד ויעבר הוא ושׁשׁ מאות אישׁ אשׁר עמו אל אכישׁ בן מעוך מלך גת׃³ וישׁב דוד עם אכישׁ בגת הוא ואנשׁיו אישׁ וביתו דוד ושׁתי נשׁיו אחינעם היזרעאלית ואביגיל אשׁת נבל הכרמלית׃

1 Samuel 30:1

¹ ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃

1 Samuel 30:5

⁵ ושׁתי נשׁי דוד נשׁבו אחינעם היזרעלית ואביגיל אשׁת נבל הכרמלי׃

1 Samuel 30:7-8

⁷ ויאמר דוד אל אביתר הכהן בן אחימלך הגישׁה נא לי האפד ויגשׁ אביתר את האפד אל דוד׃⁸ וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃⁹ וילך דוד הוא ושׁשׁ מאות אישׁ אשׁר אתו ויבאו עד נחל הבשׂור והנותרים עמדו׃¹⁰ וירדף דוד הוא וארבע מאות אישׁ ויעמדו מאתים אישׁ אשׁר פגרו מעבר את נחל הבשׂור׃

1 Samuel 30:31

³¹ ולאשׁר בחברון ולכל המקמות אשׁר התהלך שׁם דוד הוא ואנשׁיו׃

1 Samuel 31:7

⁷ ויראו אנשׁי ישׂראל אשׁר בעבר העמק ואשׁר בעבר הירדן כי נסו אנשׁי ישׂראל וכי מתו שׁאול ובניו ויעזבו את הערים וינסו ויבאו פלשׁתים וישׁבו׃

1 Samuel 31:11-13

¹¹ וישׁמעו אליו ישׁבי יבישׁ גלעד את אשׁר עשׂו פלשׁתים לשׁאול׃¹² ויקומו כל אישׁ חיל וילכו כל הלילה ויקחו את גוית שׁאול ואת גוית בניו מחומת בית שׁן ויבאו יבשׁה וישׂרפו אתם שׁם׃

1 Samuel 31:12

¹² ויקומו כל אישׁ חיל וילכו כל הלילה ויקחו את גוית שׁאול ואת גוית בניו מחומת בית שׁן ויבאו יבשׁה וישׂרפו אתם שׁם׃¹³ ויקחו את עצמתיהם ויקברו תחת האשׁל ביבשׁה ויצמו שׁבעת ימים׃

2 Samuel 1:23

²³ שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃

2 Samuel 2:7

⁷ ועתה תחזקנה ידיכם והיו לבני חיל כי מת אדניכם שׁאול וגם אתי משׁחו בית יהודה למלך עליהם׃⁸ ואבנר בן נר שׂר צבא אשׁר לשׁאול לקח את אישׁ בשׁת בן שׁאול ויעברהו מחנים׃

2 Samuel 2:11

¹¹ ויהי מספר הימים אשׁר היה דוד מלך בחברון על בית יהודה שׁבע שׁנים ושׁשׁה חדשׁים׃

2 Samuel 2:14

¹⁴ ויאמר אבנר אל יואב יקומו נא הנערים וישׂחקו לפנינו ויאמר יואב יקמו׃

2 Samuel 2:16

¹⁶ ויחזקו אישׁ בראשׁ רעהו וחרבו בצד רעהו ויפלו יחדו ויקרא למקום ההוא חלקת הצרים אשׁר בגבעון׃¹⁷ ותהי המלחמה קשׁה עד מאד ביום ההוא וינגף אבנר ואנשׁי ישׂראל לפני עבדי דוד׃¹⁸ ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃

2 Samuel 2:21

²¹ ויאמר לו אבנר נטה לך על ימינך או על שׂמאלך ואחז לך אחד מהנערים וקח לך את חלצתו ולא אבה עשׂהאל לסור מאחריו׃

2 Samuel 2:26-27

²⁶ ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשׁוב מאחרי אחיהם׃²⁷ ויאמר יואב חי האלהים כי לולא דברת כי אז מהבקר נעלה העם אישׁ מאחרי אחיו׃

2 Samuel 3:1

¹ ותהי המלחמה ארכה בין בית שׁאול ובין בית דוד ודוד הלך וחזק ובית שׁאול הלכים ודלים׃

2 Samuel 3:7-8

⁷ ולשׁאול פלגשׁ ושׁמה רצפה בת איה ויאמר אל אבנר מדוע באתה אל פילגשׁ אבי׃⁸ ויחר לאבנר מאד על דברי אישׁ בשׁת ויאמר הראשׁ כלב אנכי אשׁר ליהודה היום אעשׂה חסד עם בית שׁאול אביך אל אחיו ואל מרעהו ולא המציתך ביד דוד ותפקד עלי עון האשׁה היום׃

2 Samuel 3:27

²⁷ וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃

2 Samuel 4:5-6

⁵ וילכו בני רמון הבארתי רכב ובענה ויבאו כחם היום אל בית אישׁ בשׁת והוא שׁכב את משׁכב הצהרים׃⁶ והנה באו עד תוך הבית לקחי חטים ויכהו אל החמשׁ ורכב ובענה אחיו נמלטו׃

2 Samuel 4:6

⁶ והנה באו עד תוך הבית לקחי חטים ויכהו אל החמשׁ ורכב ובענה אחיו נמלטו׃

2 Samuel 5:1-3

¹ ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃

2 Samuel 5:1

¹ ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃² גם אתמול גם שׁלשׁום בהיות שׁאול מלך עלינו אתה הייתה מוציא והמבי את ישׂראל ויאמר יהוה לך אתה תרעה את עמי את ישׂראל ואתה תהיה לנגיד על ישׂראל׃³ ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃

2 Samuel 5:3

³ ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃⁴ בן שׁלשׁים שׁנה דוד במלכו ארבעים שׁנה מלך׃⁵ בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃

2 Samuel 5:5-5

⁵ בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃⁶ וילך המלך ואנשׁיו ירושׁלם אל היבסי יושׁב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃

2 Samuel 5:17

¹⁷ וישׁמעו פלשׁתים כי משׁחו את דוד למלך על ישׂראל ויעלו כל פלשׁתים לבקשׁ את דוד וישׁמע דוד וירד אל המצודה׃

2 Samuel 5:19

¹⁹ וישׁאל דוד ביהוה לאמר האעלה אל פלשׁתים התתנם בידי ויאמר יהוה אל דוד עלה כי נתן אתן את הפלשׁתים בידך׃

2 Samuel 5:23

²³ וישׁאל דוד ביהוה ויאמר לא תעלה הסב אל אחריהם ובאת להם ממול בכאים׃

2 Samuel 8:16

¹⁶ ויואב בן צרויה על הצבא ויהושׁפט בן אחילוד מזכיר׃

2 Samuel 9:3

³ ויאמר המלך האפס עוד אישׁ לבית שׁאול ואעשׂה עמו חסד אלהים ויאמר ציבא אל המלך עוד בן ליהונתן נכה רגלים׃

2 Samuel 9:7

⁷ ויאמר לו דוד אל תירא כי עשׂה אעשׂה עמך חסד בעבור יהונתן אביך והשׁבתי לך את כל שׂדה שׁאול אביך ואתה תאכל לחם על שׁלחני תמיד׃

2 Samuel 10:2

² ויאמר דוד אעשׂה חסד עם חנון בן נחשׁ כאשׁר עשׂה אביו עמדי חסד וישׁלח דוד לנחמו ביד עבדיו אל אביו ויבאו עבדי דוד ארץ בני עמון׃

2 Samuel 10:12

¹² חזק ונתחזק בעד עמנו ובעד ערי אלהינו ויהוה יעשׂה הטוב בעיניו׃

2 Samuel 11:25

²⁵ ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃

2 Samuel 15:7

⁷ ויהי מקץ ארבעים שׁנה ויאמר אבשׁלום אל המלך אלכה נא ואשׁלם את נדרי אשׁר נדרתי ליהוה בחברון׃

2 Samuel 15:20

²⁰ תמול בואך והיום אנועך עמנו ללכת ואני הולך על אשׁר אני הולך שׁוב והשׁב את אחיך עמך חסד ואמת׃

2 Samuel 17:14

¹⁴ ויאמר אבשׁלום וכל אישׁ ישׂראל טובה עצת חושׁי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשׁלום את הרעה׃

2 Samuel 17:26-27

²⁶ ויחן ישׂראל ואבשׁלם ארץ הגלעד׃²⁷ ויהי כבוא דוד מחנימה ושׁבי בן נחשׁ מרבת בני עמון ומכיר בן עמיאל מלא דבר וברזלי הגלעדי מרגלים׃

2 Samuel 19:11

¹¹ (19:12) והמלך דוד שׁלח אל צדוק ואל אביתר הכהנים לאמר דברו אל זקני יהודה לאמר למה תהיו אחרנים להשׁיב את המלך אל ביתו ודבר כל ישׂראל בא אל המלך אל ביתו׃

2 Samuel 19:42

⁴² (19:43) ויען כל אישׁ יהודה על אישׁ ישׂראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשׂאת נשׂא׃

2 Samuel 20:10

¹⁰ ועמשׂא לא נשׁמר בחרב אשׁר ביד יואב ויכהו בה אל החמשׁ וישׁפך מעיו ארצה ולא שׁנה לו וימת ויואב ואבישׁי אחיו רדף אחרי שׁבע בן בכרי׃

2 Samuel 20:12-13

¹² ועמשׂא מתגלל בדם בתוך המסלה וירא האישׁ כי עמד כל העם ויסב את עמשׂא מן המסלה השׂדה וישׁלך עליו בגד כאשׁר ראה כל הבא עליו ועמד׃¹³ כאשׁר הגה מן המסלה עבר כל אישׁ אחרי יואב לרדף אחרי שׁבע בן בכרי׃

2 Samuel 20:23

²³ ויואב אל כל הצבא ישׂראל ובניה בן יהוידע על הכרי ועל הפלתי׃

1 Kings 1:7

⁷ ויהיו דבריו עם יואב בן צרויה ועם אביתר הכהן ויעזרו אחרי אדניה׃

1 Kings 2:11

¹¹ והימים אשׁר מלך דוד על ישׂראל ארבעים שׁנה בחברון מלך שׁבע שׁנים ובירושׁלם מלך שׁלשׁים ושׁלשׁ שׁנים׃

1 Kings 2:28-35

²⁸ והשׁמעה באה עד יואב כי יואב נטה אחרי אדניה ואחרי אבשׁלום לא נטה וינס יואב אל אהל יהוה ויחזק בקרנות המזבח׃²⁹ ויגד למלך שׁלמה כי נס יואב אל אהל יהוה והנה אצל המזבח וישׁלח שׁלמה את בניהו בן יהוידע לאמר לך פגע׃³⁰ ויבא בניהו אל אהל יהוה ויאמר אליו כה אמר המלך צא ויאמר לא כי פה אמות וישׁב בניהו את המלך דבר לאמר כה דבר יואב וכה ענני׃³¹ ויאמר לו המלך עשׂה כאשׁר דבר ופגע בו וקברתו והסירת דמי חנם אשׁר שׁפך יואב מעלי ומעל בית אבי׃³² והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃³³ ושׁבו דמיהם בראשׁ יואב ובראשׁ זרעו לעלם ולדוד ולזרעו ולביתו ולכסאו יהיה שׁלום עד עולם מעם יהוה׃³⁴ ויעל בניהו בן יהוידע ויפגע בו וימתהו ויקבר בביתו במדבר׃³⁵ ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃

1 Kings 20:11

¹¹ ויען מלך ישׂראל ויאמר דברו אל יתהלל חגר כמפתח׃

2 Kings 14:10-12

¹⁰ הכה הכית את אדום ונשׂאך לבך הכבד ושׁב בביתך ולמה תתגרה ברעה ונפלתה אתה ויהודה עמך׃¹¹ ולא שׁמע אמציהו ויעל יהואשׁ מלך ישׂראל ויתראו פנים הוא ואמציהו מלך יהודה בבית שׁמשׁ אשׁר ליהודה׃¹² וינגף יהודה לפני ישׂראל וינסו אישׁ לאהלו׃

2 Kings 22:2

² ויעשׂ הישׁר בעיני יהוה וילך בכל דרך דוד אביו ולא סר ימין ושׂמאול׃

1 Chronicles 2:13-16

¹³ ואישׁי הוליד את בכרו את אליאב ואבינדב השׁני ושׁמעא השׁלישׁי׃¹⁴ נתנאל הרביעי רדי החמישׁי׃¹⁵ אצם השׁשׁי דויד השׁבעי׃¹⁶ ואחיתיהם צרויה ואביגיל ובני צרויה אבשׁי ויואב ועשׂה אל שׁלשׁה׃

1 Chronicles 2:16-16

¹⁶ ואחיתיהם צרויה ואביגיל ובני צרויה אבשׁי ויואב ועשׂה אל שׁלשׁה׃

1 Chronicles 3:4

⁴ שׁשׁה נולד לו בחברון וימלך שׁם שׁבע שׁנים ושׁשׁה חדשׁים ושׁלשׁים ושׁלושׁ שׁנה מלך בירושׁלם׃

1 Chronicles 8:33

³³ ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃

1 Chronicles 9:39

³⁹ ונר הוליד את קישׁ וקישׁ הוליד את שׁאול ושׁאול הוליד את יהונתן ואת מלכי שׁוע ואת אבינדב ואת אשׁבעל׃

1 Chronicles 11:3

³ ויבאו כל זקני ישׂראל אל המלך חברונה ויכרת להם דויד ברית בחברון לפני יהוה וימשׁחו את דויד למלך על ישׂראל כדבר יהוה ביד שׁמואל׃

1 Chronicles 11:6

⁶ ויאמר דויד כל מכה יבוסי בראשׁונה יהיה לראשׁ ולשׂר ויעל בראשׁונה יואב בן צרויה ויהי לראשׁ׃

1 Chronicles 11:26

²⁶ וגבורי החילים עשׂה אל אחי יואב אלחנן בן דודו מבית לחם׃

1 Chronicles 12:1-7

¹ ואלה הבאים אל דויד לציקלג עוד עצור מפני שׁאול בן קישׁ והמה בגבורים עזרי המלחמה׃² נשׁקי קשׁת מימינים ומשׂמאלים באבנים ובחצים בקשׁת מאחי שׁאול מבנימן׃³ הראשׁ אחיעזר ויואשׁ בני השׁמעה הגבעתי ויזואל ופלט בני עזמות וברכה ויהוא הענתתי׃⁴ וישׁמעיה הגבעוני גבור בשׁלשׁים ועל השׁלשׁים׃ (12:5) וירמיה ויחזיאל ויוחנן ויוזבד הגדרתי׃⁵ (12:6) אלעוזי וירימות ובעליה ושׁמריהו ושׁפטיהו החריפי׃⁶ (12:7) אלקנה וישׁיהו ועזראל ויועזר וישׁבעם הקרחים׃⁷ (12:8) ויועאלה וזבדיה בני ירחם מן הגדור׃⁸ (12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃