2 Samuel 21:15 Cross References - HOT

15 ותהי עוד מלחמה לפלשׁתים את ישׂראל וירד דוד ועבדיו עמו וילחמו את פלשׁתים ויעף דוד׃

Joshua 14:10-11

10 ועתה הנה החיה יהוה אותי כאשׁר דבר זה ארבעים וחמשׁ שׁנה מאז דבר יהוה את הדבר הזה אל משׁה אשׁר הלך ישׂראל במדבר ועתה הנה אנכי היום בן חמשׁ ושׁמונים שׁנה׃11 עודני היום חזק כאשׁר ביום שׁלח אותי משׁה ככחי אז וככחי עתה למלחמה ולצאת ולבוא׃

2 Samuel 5:17

17 וישׁמעו פלשׁתים כי משׁחו את דוד למלך על ישׂראל ויעלו כל פלשׁתים לבקשׁ את דוד וישׁמע דוד וירד אל המצודה׃

2 Samuel 5:22

22 ויספו עוד פלשׁתים לעלות וינטשׁו בעמק רפאים׃

2 Samuel 5:25

25 ויעשׂ דוד כן כאשׁר צוהו יהוה ויך את פלשׁתים מגבע עד באך גזר׃

1 Chronicles 20:4

4 ויהי אחריכן ותעמד מלחמה בגזר עם פלשׁתים אז הכה סבכי החשׁתי את ספי מילדי הרפאים ויכנעו׃

Psalms 71:9

9 אל תשׁליכני לעת זקנה ככלות כחי אל תעזבני׃

Psalms 71:18

18 וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃

Psalms 73:26

26 כלה שׁארי ולבבי צור לבבי וחלקי אלהים לעולם׃

Ecclesiastes 12:3

3 ביום שׁיזעו שׁמרי הבית והתעותו אנשׁי החיל ובטלו הטחנות כי מעטו וחשׁכו הראות בארבות׃

Isaiah 40:28-30

28 הלוא ידעת אם לא שׁמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃29 נתן ליעף כח ולאין אונים עצמה ירבה׃30 ויעפו נערים ויגעו ובחורים כשׁול יכשׁלו׃

Jeremiah 9:23-24

23 (9:22) כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשׁיר בעשׁרו׃24 (9:23) כי אם בזאת יתהלל המתהלל השׂכל וידע אותי כי אני יהוה עשׂה חסד משׁפט וצדקה בארץ כי באלה חפצתי נאם יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.