1 כי יקח אישׁ אשׁה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושׁלחה מביתו׃
Deuteronomy 24:1 Cross References - HOT
Exodus 21:10
10 אם אחרת יקח לו שׁארה כסותה וענתה לא יגרע׃
Deuteronomy 21:15
15 כי תהיין לאישׁ שׁתי נשׁים האחת אהובה והאחת שׂנואה וילדו לו בנים האהובה והשׂנואה והיה הבן הבכר לשׂניאה׃
Deuteronomy 22:13
13 כי יקח אישׁ אשׁה ובא אליה ושׂנאה׃
Deuteronomy 22:19
19 וענשׁו אתו מאה כסף ונתנו לאבי הנערה כי הוציא שׁם רע על בתולת ישׂראל ולו תהיה לאשׁה לא יוכל לשׁלחה כל ימיו׃
Deuteronomy 22:29
29 ונתן האישׁ השׁכב עמה לאבי הנער חמשׁים כסף ולו תהיה לאשׁה תחת אשׁר ענה לא יוכל שׁלחה כל ימיו׃
Deuteronomy 24:3
3 ושׂנאה האישׁ האחרון וכתב לה ספר כריתת ונתן בידה ושׁלחה מביתו או כי ימות האישׁ האחרון אשׁר לקחה לו לאשׁה׃
Isaiah 50:1
1 כה אמר יהוה אי זה ספר כריתות אמכם אשׁר שׁלחתיה או מי מנושׁי אשׁר מכרתי אתכם לו הן בעונתיכם נמכרתם ובפשׁעיכם שׁלחה אמכם׃
Jeremiah 3:8
8 וארא כי על כל אדות אשׁר נאפה משׁבה ישׂראל שׁלחתיה ואתן את ספר כריתתיה אליה ולא יראה בגדה יהודה אחותה ותלך ותזן גם היא׃
Malachi 2:16
16 כי שׂנא שׁלח אמר יהוה אלהי ישׂראל וכסה חמס על לבושׁו אמר יהוה צבאות ונשׁמרתם ברוחכם ולא תבגדו׃