Exodus 14 Cross References HOT

¹ וידבר יהוה אל משׁה לאמר׃² דבר אל בני ישׂראל וישׁבו ויחנו לפני פי החירת בין מגדל ובין הים לפני בעל צפן נכחו תחנו על הים׃³ ואמר פרעה לבני ישׂראל נבכים הם בארץ סגר עליהם המדבר׃⁴ וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃⁵ ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשׂינו כי שׁלחנו את ישׂראל מעבדנו׃⁶ ויאסר את רכבו ואת עמו לקח עמו׃⁷ ויקח שׁשׁ מאות רכב בחור וכל רכב מצרים ושׁלשׁם על כלו׃⁸ ויחזק יהוה את לב פרעה מלך מצרים וירדף אחרי בני ישׂראל ובני ישׂראל יצאים ביד רמה׃⁹ וירדפו מצרים אחריהם וישׂיגו אותם חנים על הים כל סוס רכב פרעה ופרשׁיו וחילו על פי החירת לפני בעל צפן׃¹⁰ ופרעה הקריב וישׂאו בני ישׂראל את עיניהם והנה מצרים נסע אחריהם וייראו מאד ויצעקו בני ישׂראל אל יהוה׃¹¹ ויאמרו אל משׁה המבלי אין קברים במצרים לקחתנו למות במדבר מה זאת עשׂית לנו להוציאנו ממצרים׃¹² הלא זה הדבר אשׁר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר׃¹³ ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃¹⁴ יהוה ילחם לכם ואתם תחרשׁון׃¹⁵ ויאמר יהוה אל משׁה מה תצעק אלי דבר אל בני ישׂראל ויסעו׃¹⁶ ואתה הרם את מטך ונטה את ידך על הים ובקעהו ויבאו בני ישׂראל בתוך הים ביבשׁה׃¹⁷ ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃¹⁸ וידעו מצרים כי אני יהוה בהכבדי בפרעה ברכבו ובפרשׁיו׃¹⁹ ויסע מלאך האלהים ההלך לפני מחנה ישׂראל וילך מאחריהם ויסע עמוד הענן מפניהם ויעמד מאחריהם׃²⁰ ויבא בין מחנה מצרים ובין מחנה ישׂראל ויהי הענן והחשׁך ויאר את הלילה ולא קרב זה אל זה כל הלילה׃²¹ ויט משׁה את ידו על הים ויולך יהוה את הים ברוח קדים עזה כל הלילה וישׂם את הים לחרבה ויבקעו המים׃²² ויבאו בני ישׂראל בתוך הים ביבשׁה והמים להם חומה מימינם ומשׂמאלם׃²³ וירדפו מצרים ויבאו אחריהם כל סוס פרעה רכבו ופרשׁיו אל תוך הים׃²⁴ ויהי באשׁמרת הבקר וישׁקף יהוה אל מחנה מצרים בעמוד אשׁ וענן ויהם את מחנה מצרים׃²⁵ ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃²⁶ ויאמר יהוה אל משׁה נטה את ידך על הים וישׁבו המים על מצרים על רכבו ועל פרשׁיו׃²⁷ ויט משׁה את ידו על הים וישׁב הים לפנות בקר לאיתנו ומצרים נסים לקראתו וינער יהוה את מצרים בתוך הים׃²⁸ וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד׃²⁹ ובני ישׂראל הלכו ביבשׁה בתוך הים והמים להם חמה מימינם ומשׂמאלם׃³⁰ ויושׁע יהוה ביום ההוא את ישׂראל מיד מצרים וירא ישׂראל את מצרים מת על שׂפת הים׃³¹ וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃

Exodus 12:1

¹ ויאמר יהוה אל משׁה ואל אהרן בארץ מצרים לאמר׃

Exodus 13:1

Exodus 13:17-18

¹⁷ ויהי בשׁלח פרעה את העם ולא נחם אלהים דרך ארץ פלשׁתים כי קרוב הוא כי אמר אלהים פן ינחם העם בראתם מלחמה ושׁבו מצרימה׃¹⁸ ויסב אלהים את העם דרך המדבר ים סוף וחמשׁים עלו בני ישׂראל מארץ מצרים׃

Exodus 14:9

⁹ וירדפו מצרים אחריהם וישׂיגו אותם חנים על הים כל סוס רכב פרעה ופרשׁיו וחילו על פי החירת לפני בעל צפן׃

Numbers 33:7-8

⁷ ויסעו מאתם וישׁב על פי החירת אשׁר על פני בעל צפון ויחנו לפני מגדל׃⁸ ויסעו מפני החירת ויעברו בתוך הים המדברה וילכו דרך שׁלשׁת ימים במדבר אתם ויחנו במרה׃

Jeremiah 44:1

¹ הדבר אשׁר היה אל ירמיהו אל כל היהודים הישׁבים בארץ מצרים הישׁבים במגדל ובתחפנחס ובנף ובארץ פתרוס לאמר׃

Jeremiah 46:14

¹⁴ הגידו במצרים והשׁמיעו במגדול והשׁמיעו בנף ובתחפנחס אמרו התיצב והכן לך כי אכלה חרב סביביך׃

Ezekiel 29:10

¹⁰ לכן הנני אליך ואל יאריך ונתתי את ארץ מצרים לחרבות חרב שׁממה ממגדל סונה ועד גבול כושׁ׃

Exodus 7:3-4

³ ואני אקשׁה את לב פרעה והרביתי את אתתי ואת מופתי בארץ מצרים׃⁴ ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃

Deuteronomy 31:21

²¹ והיה כי תמצאן אתו רעות רבות וצרות וענתה השׁירה הזאת לפניו לעד כי לא תשׁכח מפי זרעו כי ידעתי את יצרו אשׁר הוא עשׂה היום בטרם אביאנו אל הארץ אשׁר נשׁבעתי׃

Judges 16:2

² לעזתים לאמר בא שׁמשׁון הנה ויסבו ויארבו לו כל הלילה בשׁער העיר ויתחרשׁו כל הלילה לאמר עד אור הבקר והרגנהו׃

1 Samuel 23:7

⁷ ויגד לשׁאול כי בא דוד קעילה ויאמר שׁאול נכר אתו אלהים בידי כי נסגר לבוא בעיר דלתים ובריח׃

1 Samuel 23:23

²³ וראו ודעו מכל המחבאים אשׁר יתחבא שׁם ושׁבתם אלי אל נכון והלכתי אתכם והיה אם ישׁנו בארץ וחפשׂתי אתו בכל אלפי יהודה׃

Psalms 3:2

² (3:3) רבים אמרים לנפשׁי אין ישׁועתה לו באלהים סלה׃

Psalms 71:11

¹¹ לאמר אלהים עזבו רדפו ותפשׂוהו כי אין מציל׃

Psalms 139:2

² אתה ידעת שׁבתי וקומי בנתה לרעי מרחוק׃

Psalms 139:4

Jeremiah 20:10-11

¹⁰ כי שׁמעתי דבת רבים מגור מסביב הגידו ונגידנו כל אנושׁ שׁלומי שׁמרי צלעי אולי יפתה ונוכלה לו ונקחה נקמתנו ממנו׃¹¹ ויהוה אותי כגבור עריץ על כן רדפי יכשׁלו ולא יכלו בשׁו מאד כי לא השׂכילו כלמת עולם לא תשׁכח׃

Ezekiel 38:10-11

¹⁰ כה אמר אדני יהוה והיה ביום ההוא יעלו דברים על לבבך וחשׁבת מחשׁבת רעה׃¹¹ ואמרת אעלה על ארץ פרזות אבוא השׁקטים ישׁבי לבטח כלם ישׁבים באין חומה ובריח ודלתים אין׃

Ezekiel 38:17

¹⁷ כה אמר אדני יהוה האתה הוא אשׁר דברתי בימים קדמונים ביד עבדי נביאי ישׂראל הנבאים בימים ההם שׁנים להביא אתך עליהם׃

Exodus 4:21-31

²¹ ויאמר יהוה אל משׁה בלכתך לשׁוב מצרימה ראה כל המפתים אשׁר שׂמתי בידך ועשׂיתם לפני פרעה ואני אחזק את לבו ולא ישׁלח את העם׃²² ואמרת אל פרעה כה אמר יהוה בני בכרי ישׂראל׃²³ ואמר אליך שׁלח את בני ויעבדני ותמאן לשׁלחו הנה אנכי הרג את בנך בכרך׃²⁴ ויהי בדרך במלון ויפגשׁהו יהוה ויבקשׁ המיתו׃²⁵ ותקח צפרה צר ותכרת את ערלת בנה ותגע לרגליו ותאמר כי חתן דמים אתה׃²⁶ וירף ממנו אז אמרה חתן דמים למולת׃²⁷ ויאמר יהוה אל אהרן לך לקראת משׁה המדברה וילך ויפגשׁהו בהר האלהים וישׁק׃²⁸ ויגד משׁה לאהרן את כל דברי יהוה אשׁר שׁלחו ואת כל האתת אשׁר צוהו׃²⁹ וילך משׁה ואהרן ויאספו את כל זקני בני ישׂראל׃³⁰ וידבר אהרן את כל הדברים אשׁר דבר יהוה אל משׁה ויעשׂ האתת לעיני העם׃³¹ ויאמן העם וישׁמעו כי פקד יהוה את בני ישׂראל וכי ראה את ענים ויקדו וישׁתחוו׃

Exodus 7:3

³ ואני אקשׁה את לב פרעה והרביתי את אתתי ואת מופתי בארץ מצרים׃

Exodus 7:5

⁵ וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃

Exodus 7:13-14

¹³ ויחזק לב פרעה ולא שׁמע אלהם כאשׁר דבר יהוה׃¹⁴ ויאמר יהוה אל משׁה כבד לב פרעה מאן לשׁלח העם׃

Exodus 7:17

¹⁷ כה אמר יהוה בזאת תדע כי אני יהוה הנה אנכי מכה במטה אשׁר בידי על המים אשׁר ביאר ונהפכו לדם׃

Exodus 9:16

¹⁶ ואולם בעבור זאת העמדתיך בעבור הראתך את כחי ולמען ספר שׁמי בכל הארץ׃

Exodus 14:8

⁸ ויחזק יהוה את לב פרעה מלך מצרים וירדף אחרי בני ישׂראל ובני ישׂראל יצאים ביד רמה׃

Exodus 14:17-18

¹⁷ ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃¹⁸ וידעו מצרים כי אני יהוה בהכבדי בפרעה ברכבו ובפרשׁיו׃

Exodus 15:10-11

¹⁰ נשׁפת ברוחך כסמו ים צללו כעופרת במים אדירים׃¹¹ מי כמכה באלם יהוה מי כמכה נאדר בקדשׁ נורא תהלת עשׂה פלא׃

Exodus 15:14-16

¹⁴ שׁמעו עמים ירגזון חיל אחז ישׁבי פלשׁת׃¹⁵ אז נבהלו אלופי אדום אילי מואב יאחזמו רעד נמגו כל ישׁבי כנען׃¹⁶ תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

Exodus 18:11

¹¹ עתה ידעתי כי גדול יהוה מכל האלהים כי בדבר אשׁר זדו עליהם׃

Nehemiah 9:10

¹⁰ ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃

Isaiah 2:11-12

¹¹ עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃¹² כי יום ליהוה צבאות על כל גאה ורם ועל כל נשׂא ושׁפל׃

Ezekiel 20:9

⁹ ואעשׂ למען שׁמי לבלתי החל לעיני הגוים אשׁר המה בתוכם אשׁר נודעתי אליהם לעיניהם להוציאם מארץ מצרים׃

Ezekiel 28:22

²² ואמרת כה אמר אדני יהוה הנני עליך צידון ונכבדתי בתוכך וידעו כי אני יהוה בעשׂותי בה שׁפטים ונקדשׁתי׃

Ezekiel 39:13

¹³ וקברו כל עם הארץ והיה להם לשׁם יום הכבדי נאם אדני יהוה׃

Daniel 4:30-37

³⁰ (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃³¹ (4:28) עוד מלתא בפם מלכא קל מן שׁמיא נפל לך אמרין נבוכדנצר מלכא מלכותה עדת מנך׃³² (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃³³ (4:30) בה שׁעתא מלתא ספת על נבוכדנצר ומן אנשׁא טריד ועשׂבא כתורין יאכל ומטל שׁמיא גשׁמה יצטבע עד די שׂערה כנשׁרין רבה וטפרוהי כצפרין׃³⁴ (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃³⁵ (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃³⁶ (4:33) בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת׃³⁷ (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃

Exodus 12:33

³³ ותחזק מצרים על העם למהר לשׁלחם מן הארץ כי אמרו כלנו מתים׃

Psalms 105:25

Jeremiah 34:10-17

¹⁰ וישׁמעו כל השׂרים וכל העם אשׁר באו בברית לשׁלח אישׁ את עבדו ואישׁ את שׁפחתו חפשׁים לבלתי עבד בם עוד וישׁמעו וישׁלחו׃¹¹ וישׁובו אחרי כן וישׁבו את העבדים ואת השׁפחות אשׁר שׁלחו חפשׁים ויכבישׁום לעבדים ולשׁפחות׃¹² ויהי דבר יהוה אל ירמיהו מאת יהוה לאמר׃¹³ כה אמר יהוה אלהי ישׂראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃¹⁴ מקץ שׁבע שׁנים תשׁלחו אישׁ את אחיו העברי אשׁר ימכר לך ועבדך שׁשׁ שׁנים ושׁלחתו חפשׁי מעמך ולא שׁמעו אבותיכם אלי ולא הטו את אזנם׃¹⁵ ותשׁבו אתם היום ותעשׂו את הישׁר בעיני לקרא דרור אישׁ לרעהו ותכרתו ברית לפני בבית אשׁר נקרא שׁמי עליו׃¹⁶ ותשׁבו ותחללו את שׁמי ותשׁבו אישׁ את עבדו ואישׁ את שׁפחתו אשׁר שׁלחתם חפשׁים לנפשׁם ותכבשׁו אתם להיות לכם לעבדים ולשׁפחות׃¹⁷ לכן כה אמר יהוה אתם לא שׁמעתם אלי לקרא דרור אישׁ לאחיו ואישׁ לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃

Exodus 14:23

²³ וירדפו מצרים ויבאו אחריהם כל סוס פרעה רכבו ופרשׁיו אל תוך הים׃

Exodus 15:4

⁴ מרכבת פרעה וחילו ירה בים ומבחר שׁלשׁיו טבעו בים סוף׃

Joshua 17:16-18

¹⁶ ויאמרו בני יוסף לא ימצא לנו ההר ורכב ברזל בכל הכנעני הישׁב בארץ העמק לאשׁר בבית שׁאן ובנותיה ולאשׁר בעמק יזרעאל׃¹⁷ ויאמר יהושׁע אל בית יוסף לאפרים ולמנשׁה לאמר עם רב אתה וכח גדול לך לא יהיה לך גורל אחד׃¹⁸ כי הר יהיה לך כי יער הוא ובראתו והיה לך תצאתיו כי תורישׁ את הכנעני כי רכב ברזל לו כי חזק הוא׃

Judges 4:3

³ ויצעקו בני ישׂראל אל יהוה כי תשׁע מאות רכב ברזל לו והוא לחץ את בני ישׂראל בחזקה עשׂרים שׁנה׃

Judges 4:15

¹⁵ ויהם יהוה את סיסרא ואת כל הרכב ואת כל המחנה לפי חרב לפני ברק וירד סיסרא מעל המרכבה וינס ברגליו׃

Psalms 20:7

⁷ (20:8) אלה ברכב ואלה בסוסים ואנחנו בשׁם יהוה אלהינו נזכיר׃

Psalms 68:17

¹⁷ (68:18) רכב אלהים רבתים אלפי שׁנאן אדני בם סיני בקדשׁ׃

Isaiah 37:24

²⁴ ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשׁיו ואבוא מרום קצו יער כרמלו׃

Exodus 6:1

¹ ויאמר יהוה אל משׁה עתה תראה אשׁר אעשׂה לפרעה כי ביד חזקה ישׁלחם וביד חזקה יגרשׁם מארצו׃

Exodus 13:9

⁹ והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃

Exodus 13:16

¹⁶ והיה לאות על ידכה ולטוטפת בין עיניך כי בחזק יד הוציאנו יהוה ממצרים׃

Exodus 13:18

¹⁸ ויסב אלהים את העם דרך המדבר ים סוף וחמשׁים עלו בני ישׂראל מארץ מצרים׃

Exodus 14:4

⁴ וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃

Numbers 33:3

³ ויסעו מרעמסס בחדשׁ הראשׁון בחמשׁה עשׂר יום לחדשׁ הראשׁון ממחרת הפסח יצאו בני ישׂראל ביד רמה לעיני כל מצרים׃

Deuteronomy 26:8

⁸ ויוצאנו יהוה ממצרים ביד חזקה ובזרע נטויה ובמרא גדל ובאתות ובמפתים׃

Deuteronomy 32:27

²⁷ לולי כעס אויב אגור פן ינכרו צרימו פן יאמרו ידנו רמה ולא יהוה פעל כל זאת׃

Psalms 86:13

¹³ כי חסדך גדול עלי והצלת נפשׁי משׁאול תחתיה׃

Exodus 14:2

² דבר אל בני ישׂראל וישׁבו ויחנו לפני פי החירת בין מגדל ובין הים לפני בעל צפן נכחו תחנו על הים׃

Exodus 15:9

⁹ אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃

Joshua 24:6

⁶ ואוציא את אבותיכם ממצרים ותבאו הימה וירדפו מצרים אחרי אבותיכם ברכב ובפרשׁים ים סוף׃⁷ ויצעקו אל יהוה וישׂם מאפל ביניכם ובין המצרים ויבא עליו את הים ויכסהו ותראינה עיניכם את אשׁר עשׂיתי במצרים ותשׁבו במדבר ימים רבים׃

2 Chronicles 18:31

³¹ ויהי כראות שׂרי הרכב את יהושׁפט והמה אמרו מלך ישׂראל הוא ויסבו עליו להלחם ויזעק יהושׁפט ויהוה עזרו ויסיתם אלהים ממנו׃

Nehemiah 9:9

⁹ ותרא את עני אבתינו במצרים ואת זעקתם שׁמעת על ים סוף׃

Psalms 34:17

¹⁷ (34:18) צעקו ויהוה שׁמע ומכל צרותם הצילם׃

Psalms 53:5

⁵ (53:6) שׁם פחדו פחד לא היה פחד כי אלהים פזר עצמות חנך הבשׁתה כי אלהים מאסם׃

Psalms 106:44

Psalms 107:6

⁶ ויצעקו אל יהוה בצר להם ממצוקותיהם יצילם׃

Psalms 107:13

¹³ ויזעקו אל יהוה בצר להם ממצקותיהם יושׁיעם׃

Psalms 107:19

¹⁹ ויזעקו אל יהוה בצר להם ממצקותיהם יושׁיעם׃

Psalms 107:28

²⁸ ויצעקו אל יהוה בצר להם וממצוקתיהם יוציאם׃

Isaiah 7:2

² ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח׃

Isaiah 8:12-13

¹² לא תאמרון קשׁר לכל אשׁר יאמר העם הזה קשׁר ואת מוראו לא תיראו ולא תעריצו׃¹³ את יהוה צבאות אתו תקדישׁו והוא מוראכם והוא מערצכם׃

Isaiah 26:16

Isaiah 51:12-13

¹² אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃¹³ ותשׁכח יהוה עשׂך נוטה שׁמים ויסד ארץ ותפחד תמיד כל היום מפני חמת המציק כאשׁר כונן להשׁחית ואיה חמת המציק׃

Jeremiah 22:23

²³ ישׁבתי בלבנון מקננתי בארזים מה נחנת בבא לך חבלים חיל כילדה׃

Genesis 43:6

⁶ ויאמר ישׂראל למה הרעתם לי להגיד לאישׁ העוד לכם אח׃

Exodus 5:22

²² וישׁב משׁה אל יהוה ויאמר אדני למה הרעתה לעם הזה למה זה שׁלחתני׃

Exodus 15:23-24

²³ ויבאו מרתה ולא יכלו לשׁתת מים ממרה כי מרים הם על כן קרא שׁמה מרה׃²⁴ וילנו העם על משׁה לאמר מה נשׁתה׃

Exodus 16:2-3

² וילינו כל עדת בני ישׂראל על משׁה ועל אהרן במדבר׃³ ויאמרו אלהם בני ישׂראל מי יתן מותנו ביד יהוה בארץ מצרים בשׁבתנו על סיר הבשׂר באכלנו לחם לשׂבע כי הוצאתם אתנו אל המדבר הזה להמית את כל הקהל הזה ברעב׃

Exodus 17:2-3

² וירב העם עם משׁה ויאמרו תנו לנו מים ונשׁתה ויאמר להם משׁה מה תריבון עמדי מה תנסון את יהוה׃³ ויצמא שׁם העם למים וילן העם על משׁה ויאמר למה זה העליתנו ממצרים להמית אתי ואת בני ואת מקני בצמא׃

Numbers 11:1

¹ ויהי העם כמתאננים רע באזני יהוה וישׁמע יהוה ויחר אפו ותבער בם אשׁ יהוה ותאכל בקצה המחנה׃

Numbers 11:15

¹⁵ ואם ככה את עשׂה לי הרגני נא הרג אם מצאתי חן בעיניך ואל אראה ברעתי׃

Numbers 14:1-4

¹ ותשׂא כל העדה ויתנו את קולם ויבכו העם בלילה ההוא׃² וילנו על משׁה ועל אהרן כל בני ישׂראל ויאמרו אלהם כל העדה לו מתנו בארץ מצרים או במדבר הזה לו מתנו׃³ ולמה יהוה מביא אתנו אל הארץ הזאת לנפל בחרב נשׁינו וטפנו יהיו לבז הלוא טוב לנו שׁוב מצרימה׃⁴ ויאמרו אישׁ אל אחיו נתנה ראשׁ ונשׁובה מצרימה׃

Numbers 16:41

⁴¹ (17:6) וילנו כל עדת בני ישׂראל ממחרת על משׁה ועל אהרן לאמר אתם המתם את עם יהוה׃

Psalms 106:7-8

⁷ אבותינו במצרים לא השׂכילו נפלאותיך לא זכרו את רב חסדיך וימרו על ים בים סוף׃⁸ ויושׁיעם למען שׁמו להודיע את גבורתו׃

Exodus 3:9

⁹ ועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם׃

Exodus 5:21

²¹ ויאמרו אלהם ירא יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידם להרגנו׃

Exodus 6:9

⁹ וידבר משׁה כן אל בני ישׂראל ולא שׁמעו אל משׁה מקצר רוח ומעבדה קשׁה׃

Hosea 4:17

Jonah 4:3

³ ועתה יהוה קח נא את נפשׁי ממני כי טוב מותי מחיי׃

Jonah 4:8

⁸ ויהי כזרח השׁמשׁ וימן אלהים רוח קדים חרישׁית ותך השׁמשׁ על ראשׁ יונה ויתעלף וישׁאל את נפשׁו למות ויאמר טוב מותי מחיי׃

Genesis 15:1

¹ אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃

Genesis 49:18

Exodus 14:30

³⁰ ויושׁע יהוה ביום ההוא את ישׂראל מיד מצרים וירא ישׂראל את מצרים מת על שׂפת הים׃

Exodus 15:1-27

¹ אז ישׁיר משׁה ובני ישׂראל את השׁירה הזאת ליהוה ויאמרו לאמר אשׁירה ליהוה כי גאה גאה סוס ורכבו רמה בים׃² עזי וזמרת יה ויהי לי לישׁועה זה אלי ואנוהו אלהי אבי וארממנהו׃³ יהוה אישׁ מלחמה יהוה שׁמו׃⁴ מרכבת פרעה וחילו ירה בים ומבחר שׁלשׁיו טבעו בים סוף׃⁵ תהמת יכסימו ירדו במצולת כמו אבן׃⁶ ימינך יהוה נאדרי בכח ימינך יהוה תרעץ אויב׃⁷ וברב גאונך תהרס קמיך תשׁלח חרנך יאכלמו כקשׁ׃⁸ וברוח אפיך נערמו מים נצבו כמו נד נזלים קפאו תהמת בלב ים׃⁹ אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃¹⁰ נשׁפת ברוחך כסמו ים צללו כעופרת במים אדירים׃¹¹ מי כמכה באלם יהוה מי כמכה נאדר בקדשׁ נורא תהלת עשׂה פלא׃¹² נטית ימינך תבלעמו ארץ׃¹³ נחית בחסדך עם זו גאלת נהלת בעזך אל נוה קדשׁך׃¹⁴ שׁמעו עמים ירגזון חיל אחז ישׁבי פלשׁת׃¹⁵ אז נבהלו אלופי אדום אילי מואב יאחזמו רעד נמגו כל ישׁבי כנען׃¹⁶ תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃¹⁷ תבאמו ותטעמו בהר נחלתך מכון לשׁבתך פעלת יהוה מקדשׁ אדני כוננו ידיך׃¹⁸ יהוה ימלך לעלם ועד׃¹⁹ כי בא סוס פרעה ברכבו ובפרשׁיו בים וישׁב יהוה עלהם את מי הים ובני ישׂראל הלכו ביבשׁה בתוך הים׃²⁰ ותקח מרים הנביאה אחות אהרן את התף בידה ותצאן כל הנשׁים אחריה בתפים ובמחלת׃²¹ ותען להם מרים שׁירו ליהוה כי גאה גאה סוס ורכבו רמה בים׃²² ויסע משׁה את ישׂראל מים סוף ויצאו אל מדבר שׁור וילכו שׁלשׁת ימים במדבר ולא מצאו מים׃²³ ויבאו מרתה ולא יכלו לשׁתת מים ממרה כי מרים הם על כן קרא שׁמה מרה׃²⁴ וילנו העם על משׁה לאמר מה נשׁתה׃²⁵ ויצעק אל יהוה ויורהו יהוה עץ וישׁלך אל המים וימתקו המים שׁם שׂם לו חק ומשׁפט ושׁם נסהו׃²⁶ ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃²⁷ ויבאו אילמה ושׁם שׁתים עשׂרה עינת מים ושׁבעים תמרים ויחנו שׁם על המים׃

Numbers 14:9

⁹ אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם׃

Deuteronomy 20:3

³ ואמר אלהם שׁמע ישׂראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם׃

2 Kings 6:16

¹⁶ ויאמר אל תירא כי רבים אשׁר אתנו מאשׁר אותם׃

1 Chronicles 11:14

¹⁴ ויתיצבו בתוך החלקה ויצילוה ויכו את פלשׁתים ויושׁע יהוה תשׁועה גדולה׃

2 Chronicles 20:15

¹⁵ ויאמר הקשׁיבו כל יהודה וישׁבי ירושׁלם והמלך יהושׁפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים׃

2 Chronicles 20:17

¹⁷ לא לכם להלחם בזאת התיצבו עמדו וראו את ישׁועת יהוה עמכם יהודה וירושׁלם אל תיראו ואל תחתו מחר צאו לפניהם ויהוה עמכם׃

Psalms 3:8

⁸ (3:9) ליהוה הישׁועה על עמך ברכתך סלה׃

Psalms 27:1-2

¹ לדוד יהוה אורי וישׁעי ממי אירא יהוה מעוז חיי ממי אפחד׃² בקרב עלי מרעים לאכל את בשׂרי צרי ואיבי לי המה כשׁלו ונפלו׃

Psalms 46:1-3

¹ למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃² (46:3) על כן לא נירא בהמיר ארץ ובמוט הרים בלב ימים׃³ (46:4) יהמו יחמרו מימיו ירעשׁו הרים בגאותו סלה׃

Isaiah 26:3

Isaiah 30:15

¹⁵ כי כה אמר אדני יהוה קדושׁ ישׂראל בשׁובה ונחת תושׁעון בהשׁקט ובבטחה תהיה גבורתכם ולא אביתם׃

Isaiah 35:4

⁴ אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃

Isaiah 41:10-14

¹⁰ אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃¹¹ הן יבשׁו ויכלמו כל הנחרים בך יהיו כאין ויאבדו אנשׁי ריבך׃¹² תבקשׁם ולא תמצאם אנשׁי מצתך יהיו כאין וכאפס אנשׁי מלחמתך׃¹³ כי אני יהוה אלהיך מחזיק ימינך האמר לך אל תירא אני עזרתיך׃¹⁴ אל תיראי תולעת יעקב מתי ישׂראל אני עזרתיך נאם יהוה וגאלך קדושׁ ישׂראל׃

Isaiah 43:11

¹¹ אנכי אנכי יהוה ואין מבלעדי מושׁיע׃

Jeremiah 3:23

²³ אכן לשׁקר מגבעות המון הרים אכן ביהוה אלהינו תשׁועת ישׂראל׃

Lamentations 3:26

Hosea 13:4

⁴ ואנכי יהוה אלהיך מארץ מצרים ואלהים זולתי לא תדע ומושׁיע אין בלתי׃

Hosea 13:9

Habakkuk 3:8

⁸ הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישׁועה׃

Habakkuk 3:13

¹³ יצאת לישׁע עמך לישׁע את משׁיחך מחצת ראשׁ מבית רשׁע ערות יסוד עד צואר סלה׃

Exodus 14:25

²⁵ ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃

Exodus 15:3

Deuteronomy 1:30

³⁰ יהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם׃

Deuteronomy 3:22

²² לא תיראום כי יהוה אלהיכם הוא הנלחם׃

Deuteronomy 20:4

⁴ כי יהוה אלהיכם ההלך עמכם להלחם לכם עם איביכם להושׁיע אתכם׃

Joshua 10:10

¹⁰ ויהמם יהוה לפני ישׂראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃

Joshua 10:14

¹⁴ ולא היה כיום ההוא לפניו ואחריו לשׁמע יהוה בקול אישׁ כי יהוה נלחם לישׂראל׃

Joshua 10:42

⁴² ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃

Joshua 23:3

³ ואתם ראיתם את כל אשׁר עשׂה יהוה אלהיכם לכל הגוים האלה מפניכם כי יהוה אלהיכם הוא הנלחם׃

Joshua 23:10

¹⁰ אישׁ אחד מכם ירדף אלף כי יהוה אלהיכם הוא הנלחם לכם כאשׁר דבר׃

Judges 5:20

²⁰ מן שׁמים נלחמו הכוכבים ממסלותם נלחמו עם סיסרא׃

2 Chronicles 20:29

²⁹ ויהי פחד אלהים על כל ממלכות הארצות בשׁמעם כי נלחם יהוה עם אויבי ישׂראל׃

Nehemiah 4:20

²⁰ (4:14) במקום אשׁר תשׁמעו את קול השׁופר שׁמה תקבצו אלינו אלהינו ילחם׃

Psalms 50:3

³ יבא אלהינו ואל יחרשׁ אשׁ לפניו תאכל וסביביו נשׂערה מאד׃

Psalms 83:1

¹ שׁיר מזמור לאסף׃ (83:2) אלהים אל דמי לך אל תחרשׁ ואל תשׁקט אל׃

Isaiah 31:4-5

⁴ כי כה אמר יהוה אלי כאשׁר יהגה האריה והכפיר על טרפו אשׁר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃⁵ כצפרים עפות כן יגן יהוה צבאות על ירושׁלם גנון והציל פסח והמליט׃

Exodus 17:4

⁴ ויצעק משׁה אל יהוה לאמר מה אעשׂה לעם הזה עוד מעט וסקלני׃

Joshua 7:10

¹⁰ ויאמר יהוה אל יהושׁע קם לך למה זה אתה נפל על פניך׃

Ezra 10:4-5

⁴ קום כי עליך הדבר ואנחנו עמך חזק ועשׂה׃⁵ ויקם עזרא וישׁבע את שׂרי הכהנים הלוים וכל ישׂראל לעשׂות כדבר הזה וישׁבעו׃

Exodus 4:2

² ויאמר אליו יהוה מזה בידך ויאמר מטה׃

Exodus 4:17

¹⁷ ואת המטה הזה תקח בידך אשׁר תעשׂה בו את האתת׃

Exodus 4:20

²⁰ ויקח משׁה את אשׁתו ואת בניו וירכבם על החמר וישׁב ארצה מצרים ויקח משׁה את מטה האלהים בידו׃

Exodus 7:9

⁹ כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃

Exodus 7:19

¹⁹ ויאמר יהוה אל משׁה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם ויהיו דם והיה דם בכל ארץ מצרים ובעצים ובאבנים׃

Exodus 14:21-22

²¹ ויט משׁה את ידו על הים ויולך יהוה את הים ברוח קדים עזה כל הלילה וישׂם את הים לחרבה ויבקעו המים׃²² ויבאו בני ישׂראל בתוך הים ביבשׁה והמים להם חומה מימינם ומשׂמאלם׃

Exodus 14:26

²⁶ ויאמר יהוה אל משׁה נטה את ידך על הים וישׁבו המים על מצרים על רכבו ועל פרשׁיו׃

Numbers 20:8-9

⁸ קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם׃⁹ ויקח משׁה את המטה מלפני יהוה כאשׁר צוהו׃

Numbers 20:11

¹¹ וירם משׁה את ידו ויך את הסלע במטהו פעמים ויצאו מים רבים ותשׁת העדה ובעירם׃

Isaiah 10:26

²⁶ ועורר עליו יהוה צבאות שׁוט כמכת מדין בצור עורב ומטהו על הים ונשׂאו בדרך מצרים׃

Genesis 6:17

¹⁷ ואני הנני מביא את המבול מים על הארץ לשׁחת כל בשׂר אשׁר בו רוח חיים מתחת השׁמים כל אשׁר בארץ יגוע׃

Genesis 9:9

⁹ ואני הנני מקים את בריתי אתכם ואת זרעכם אחריכם׃

Exodus 4:23

²³ ואמר אליך שׁלח את בני ויעבדני ותמאן לשׁלחו הנה אנכי הרג את בנך בכרך׃

Leviticus 26:28

²⁸ והלכתי עמכם בחמת קרי ויסרתי אתכם אף אני שׁבע על חטאתיכם׃

Deuteronomy 32:39

³⁹ ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

Isaiah 48:15

¹⁵ אני אני דברתי אף קראתיו הביאתיו והצליח דרכו׃

Isaiah 51:12

¹² אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃

Jeremiah 23:39

³⁹ לכן הנני ונשׁיתי אתכם נשׁא ונטשׁתי אתכם ואת העיר אשׁר נתתי לכם ולאבותיכם מעל פני׃

Ezekiel 5:8

⁸ לכן כה אמר אדני יהוה הנני עליך גם אני ועשׂיתי בתוכך משׁפטים לעיני הגוים׃

Ezekiel 6:3

³ ואמרת הרי ישׂראל שׁמעו דבר אדני יהוה כה אמר אדני יהוה להרים ולגבעות לאפיקים ולגאית הנני אני מביא עליכם חרב ואבדתי במותיכם׃

Ezekiel 34:11

¹¹ כי כה אמר אדני יהוה הנני אני ודרשׁתי את צאני ובקרתים׃

Ezekiel 34:20

²⁰ לכן כה אמר אדני יהוה אליהם הנני אני ושׁפטתי בין שׂה בריה ובין שׂה רזה׃

Hosea 5:14

¹⁴ כי אנכי כשׁחל לאפרים וככפיר לבית יהודה אני אני אטרף ואלך אשׂא ואין מציל׃

Exodus 13:21-22

²¹ ויהוה הלך לפניהם יומם בעמוד ענן לנחתם הדרך ולילה בעמוד אשׁ להאיר להם ללכת יומם ולילה׃²² לא ימישׁ עמוד הענן יומם ועמוד האשׁ לילה לפני העם׃

Exodus 14:24

²⁴ ויהי באשׁמרת הבקר וישׁקף יהוה אל מחנה מצרים בעמוד אשׁ וענן ויהם את מחנה מצרים׃

Exodus 23:20-21

²⁰ הנה אנכי שׁלח מלאך לפניך לשׁמרך בדרך ולהביאך אל המקום אשׁר הכנתי׃²¹ השׁמר מפניו ושׁמע בקלו אל תמר בו כי לא ישׂא לפשׁעכם כי שׁמי בקרבו׃

Exodus 32:34

³⁴ ועתה לך נחה את העם אל אשׁר דברתי לך הנה מלאכי ילך לפניך וביום פקדי ופקדתי עלהם חטאתם׃

Numbers 20:16

¹⁶ ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃

Isaiah 63:9

⁹ בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃

Psalms 18:11

¹¹ (18:12) ישׁת חשׁך סתרו סביבותיו סכתו חשׁכת מים עבי שׁחקים׃

Proverbs 4:18-19

¹⁸ וארח צדיקים כאור נגה הולך ואור עד נכון היום׃¹⁹ דרך רשׁעים כאפלה לא ידעו במה יכשׁלו׃

Isaiah 8:14

¹⁴ והיה למקדשׁ ולאבן נגף ולצור מכשׁול לשׁני בתי ישׂראל לפח ולמוקשׁ ליושׁב ירושׁלם׃

Exodus 14:16

¹⁶ ואתה הרם את מטך ונטה את ידך על הים ובקעהו ויבאו בני ישׂראל בתוך הים ביבשׁה׃

Exodus 15:8

⁸ וברוח אפיך נערמו מים נצבו כמו נד נזלים קפאו תהמת בלב ים׃

Joshua 3:13-16

¹³ והיה כנוח כפות רגלי הכהנים נשׂאי ארון יהוה אדון כל הארץ במי הירדן מי הירדן יכרתון המים הירדים מלמעלה ויעמדו נד אחד׃¹⁴ ויהי בנסע העם מאהליהם לעבר את הירדן והכהנים נשׂאי הארון הברית לפני העם׃¹⁵ וכבוא נשׂאי הארון עד הירדן ורגלי הכהנים נשׂאי הארון נטבלו בקצה המים והירדן מלא על כל גדותיו כל ימי קציר׃¹⁶ ויעמדו המים הירדים מלמעלה קמו נד אחד הרחק מאד באדם העיר אשׁר מצד צרתן והירדים על ים הערבה ים המלח תמו נכרתו והעם עברו נגד יריחו׃

Joshua 4:23

²³ אשׁר הובישׁ יהוה אלהיכם את מי הירדן מפניכם עד עברכם כאשׁר עשׂה יהוה אלהיכם לים סוף אשׁר הובישׁ מפנינו עד עברנו׃

Nehemiah 9:11

¹¹ והים בקעת לפניהם ויעברו בתוך הים ביבשׁה ואת רדפיהם השׁלכת במצולת כמו אבן במים עזים׃

Job 26:12

Psalms 66:6

⁶ הפך ים ליבשׁה בנהר יעברו ברגל שׁם נשׂמחה׃

Psalms 74:13

¹³ אתה פוררת בעזך ים שׁברת ראשׁי תנינים על המים׃

Psalms 78:13

Psalms 106:7-10

⁷ אבותינו במצרים לא השׂכילו נפלאותיך לא זכרו את רב חסדיך וימרו על ים בים סוף׃⁸ ויושׁיעם למען שׁמו להודיע את גבורתו׃⁹ ויגער בים סוף ויחרב ויוליכם בתהמות כמדבר׃¹⁰ ויושׁיעם מיד שׂונא ויגאלם מיד אויב׃

Psalms 114:3-5

³ הים ראה וינס הירדן יסב לאחור׃⁴ ההרים רקדו כאילים גבעות כבני צאן׃⁵ מה לך הים כי תנוס הירדן תסב לאחור׃

Psalms 136:13

Isaiah 51:10

¹⁰ הלוא את היא המחרבת ים מי תהום רבה השׂמה מעמקי ים דרך לעבר גאולים׃

Isaiah 51:15

¹⁵ ואנכי יהוה אלהיך רגע הים ויהמו גליו יהוה צבאות שׁמו׃

Isaiah 63:12

¹² מוליך לימין משׁה זרוע תפארתו בוקע מים מפניהם לעשׂות לו שׁם עולם׃

Exodus 14:29

²⁹ ובני ישׂראל הלכו ביבשׁה בתוך הים והמים להם חמה מימינם ומשׂמאלם׃

Exodus 15:19

¹⁹ כי בא סוס פרעה ברכבו ובפרשׁיו בים וישׁב יהוה עלהם את מי הים ובני ישׂראל הלכו ביבשׁה בתוך הים׃

Numbers 33:8

⁸ ויסעו מפני החירת ויעברו בתוך הים המדברה וילכו דרך שׁלשׁת ימים במדבר אתם ויחנו במרה׃

Isaiah 63:13

¹³ מוליכם בתהמות כסוס במדבר לא יכשׁלו׃

Habakkuk 3:8-10

⁸ הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישׁועה׃⁹ עריה תעור קשׁתך שׁבעות מטות אמר סלה נהרות תבקע ארץ׃¹⁰ ראוך יחילו הרים זרם מים עבר נתן תהום קולו רום ידיהו נשׂא׃

Zechariah 2:5

⁵ (2:9) ואני אהיה לה נאם יהוה חומת אשׁ סביב ולכבוד אהיה בתוכה׃

Exodus 14:17

¹⁷ ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשׁיו׃

1 Kings 22:20

²⁰ ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה׃

Ecclesiastes 9:3

³ זה רע בכל אשׁר נעשׂה תחת השׁמשׁ כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

Isaiah 14:24-27

²⁴ נשׁבע יהוה צבאות לאמר אם לא כאשׁר דמיתי כן היתה וכאשׁר יעצתי היא תקום׃²⁵ לשׁבר אשׁור בארצי ועל הרי אבוסנו וסר מעליהם עלו וסבלו מעל שׁכמו יסור׃²⁶ זאת העצה היעוצה על כל הארץ וזאת היד הנטויה על כל הגוים׃²⁷ כי יהוה צבאות יעץ ומי יפר וידו הנטויה ומי ישׁיבנה׃

Exodus 13:21

²¹ ויהוה הלך לפניהם יומם בעמוד ענן לנחתם הדרך ולילה בעמוד אשׁ להאיר להם ללכת יומם ולילה׃

Exodus 14:19-20

¹⁹ ויסע מלאך האלהים ההלך לפני מחנה ישׂראל וילך מאחריהם ויסע עמוד הענן מפניהם ויעמד מאחריהם׃²⁰ ויבא בין מחנה מצרים ובין מחנה ישׂראל ויהי הענן והחשׁך ויאר את הלילה ולא קרב זה אל זה כל הלילה׃

1 Samuel 11:11

¹¹ ויהי ממחרת וישׂם שׁאול את העם שׁלשׁה ראשׁים ויבאו בתוך המחנה באשׁמרת הבקר ויכו את עמון עד חם היום ויהי הנשׁארים ויפצו ולא נשׁארו בם שׁנים יחד׃

Job 22:13

Job 23:15-16

¹⁵ על כן מפניו אבהל אתבונן ואפחד ממנו׃¹⁶ ואל הרך לבי ושׁדי הבהילני׃

Job 34:20

²⁰ רגע ימתו וחצות לילה יגעשׁו עם ויעברו ויסירו אביר לא ביד׃

Job 34:29

²⁹ והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃

Job 40:12

¹² ראה כל גאה הכניעהו והדך רשׁעים תחתם׃

Psalms 18:13-14

¹³ (18:14) וירעם בשׁמים יהוה ועליון יתן קלו ברד וגחלי אשׁ׃¹⁴ (18:15) וישׁלח חציו ויפיצם וברקים רב ויהמם׃

Psalms 48:5

⁵ (48:6) המה ראו כן תמהו נבהלו נחפזו׃

Psalms 77:16-19

¹⁶ (77:17) ראוך מים אלהים ראוך מים יחילו אף ירגזו תהמות׃¹⁷ (77:18) זרמו מים עבות קול נתנו שׁחקים אף חצציך יתהלכו׃¹⁸ (77:19) קול רעמך בגלגל האירו ברקים תבל רגזה ותרעשׁ הארץ׃¹⁹ (77:20) בים דרכך ושׁביליך במים רבים ועקבותיך לא נדעו׃

Psalms 104:32

³² המביט לארץ ותרעד יגע בהרים ויעשׁנו׃

Exodus 14:14

1 Samuel 4:7-8

⁷ ויראו הפלשׁתים כי אמרו בא אלהים אל המחנה ויאמרו אוי לנו כי לא היתה כזאת אתמול שׁלשׁם׃⁸ אוי לנו מי יצילנו מיד האלהים האדירים האלה אלה הם האלהים המכים את מצרים בכל מכה במדבר׃

Job 11:20

²⁰ ועיני רשׁעים תכלינה ומנוס אבד מנהם ותקותם מפח נפשׁ׃

Job 20:24

Job 27:22

²² וישׁלך עליו ולא יחמל מידו ברוח יברח׃

Psalms 46:9

⁹ (46:10) משׁבית מלחמות עד קצה הארץ קשׁת ישׁבר וקצץ חנית עגלות ישׂרף באשׁ׃

Psalms 68:12

¹² (68:13) מלכי צבאות ידדון ידדון ונות בית תחלק שׁלל׃

Psalms 76:6

⁶ (76:7) מגערתך אלהי יעקב נרדם ורכב וסוס׃

Jeremiah 51:21

²¹ ונפצתי בך סוס ורכבו ונפצתי בך רכב ורכבו׃

Amos 1:14

¹⁴ והצתי אשׁ בחומת רבה ואכלה ארמנותיה בתרועה ביום מלחמה בסער ביום סופה׃

Amos 5:19

¹⁹ כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃

Amos 9:1

¹ ראיתי את אדני נצב על המזבח ויאמר הך הכפתור וירעשׁו הספים ובצעם בראשׁ כלם ואחריתם בחרב אהרג לא ינוס להם נס ולא ימלט להם פליט׃

Exodus 1:22

²² ויצו פרעה לכל עמו לאמר כל הבן הילוד היארה תשׁליכהו וכל הבת תחיון׃

Exodus 8:5

⁵ (8:1) ויאמר יהוה אל משׁה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים׃

Judges 1:6-7

⁶ וינס אדני בזק וירדפו אחריו ויאחזו אתו ויקצצו את בהנות ידיו ורגליו׃⁷ ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃

Exodus 15:1-21

Deuteronomy 11:4

⁴ ואשׁר עשׂה לחיל מצרים לסוסיו ולרכבו אשׁר הציף את מי ים סוף על פניהם ברדפם אחריכם ויאבדם יהוה עד היום הזה׃

Joshua 4:18

¹⁸ ויהי בעלות הכהנים נשׂאי ארון ברית יהוה מתוך הירדן נתקו כפות רגלי הכהנים אל החרבה וישׁבו מי הירדן למקומם וילכו כתמול שׁלשׁום על כל גדותיו׃

Judges 5:20-21

²⁰ מן שׁמים נלחמו הכוכבים ממסלותם נלחמו עם סיסרא׃²¹ נחל קישׁון גרפם נחל קדומים נחל קישׁון תדרכי נפשׁי עז׃

Psalms 78:53

⁵³ וינחם לבטח ולא פחדו ואת אויביהם כסה הים׃

Exodus 14:13

¹³ ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃

Exodus 15:10

¹⁰ נשׁפת ברוחך כסמו ים צללו כעופרת במים אדירים׃

2 Chronicles 20:24

²⁴ ויהודה בא על המצפה למדבר ויפנו אל ההמון והנם פגרים נפלים ארצה ואין פליטה׃

Psalms 106:9-11

⁹ ויגער בים סוף ויחרב ויוליכם בתהמות כמדבר׃¹⁰ ויושׁיעם מיד שׂונא ויגאלם מיד אויב׃¹¹ ויכסו מים צריהם אחד מהם לא נותר׃

Psalms 136:15

¹⁵ ונער פרעה וחילו בים סוף כי לעולם חסדו׃

Exodus 14:22

²² ויבאו בני ישׂראל בתוך הים ביבשׁה והמים להם חומה מימינם ומשׂמאלם׃

Joshua 3:16

¹⁶ ויעמדו המים הירדים מלמעלה קמו נד אחד הרחק מאד באדם העיר אשׁר מצד צרתן והירדים על ים הערבה ים המלח תמו נכרתו והעם עברו נגד יריחו׃

Job 38:8-11

⁸ ויסך בדלתים ים בגיחו מרחם יצא׃⁹ בשׂומי ענן לבשׁו וערפל חתלתו׃¹⁰ ואשׁבר עליו חקי ואשׂים בריח ודלתים׃¹¹ ואמר עד פה תבוא ולא תסיף ופא ישׁית בגאון גליך׃

Psalms 66:6-7

⁶ הפך ים ליבשׁה בנהר יעברו ברגל שׁם נשׂמחה׃⁷ משׁל בגבורתו עולם עיניו בגוים תצפינה הסוררים אל ירימו למו סלה׃

Psalms 77:19-20

¹⁹ (77:20) בים דרכך ושׁביליך במים רבים ועקבותיך לא נדעו׃²⁰ (77:21) נחית כצאן עמך ביד משׁה ואהרן׃

Psalms 78:52-53

⁵² ויסע כצאן עמו וינהגם כעדר במדבר׃⁵³ וינחם לבטח ולא פחדו ואת אויביהם כסה הים׃

Isaiah 43:2

² כי תעבר במים אתך אני ובנהרות לא ישׁטפוך כי תלך במו אשׁ לא תכוה ולהבה לא תבער׃

Isaiah 51:13

¹³ ותשׁכח יהוה עשׂך נוטה שׁמים ויסד ארץ ותפחד תמיד כל היום מפני חמת המציק כאשׁר כונן להשׁחית ואיה חמת המציק׃

Isaiah 63:12-13

¹² מוליך לימין משׁה זרוע תפארתו בוקע מים מפניהם לעשׂות לו שׁם עולם׃¹³ מוליכם בתהמות כסוס במדבר לא יכשׁלו׃

1 Samuel 14:23

²³ ויושׁע יהוה ביום ההוא את ישׂראל והמלחמה עברה את בית און׃

2 Chronicles 32:22

²² ויושׁע יהוה את יחזקיהו ואת ישׁבי ירושׁלם מיד סנחריב מלך אשׁור ומיד כל וינהלם מסביב׃

Psalms 58:10

¹⁰ (58:11) ישׂמח צדיק כי חזה נקם פעמיו ירחץ בדם הרשׁע׃

Psalms 59:10

¹⁰ (59:11) אלהי חסדו יקדמני אלהים יראני בשׁררי׃

Psalms 91:8

Psalms 92:9-11

⁹ (92:10) כי הנה איביך יהוה כי הנה איביך יאבדו יתפרדו כל פעלי און׃¹⁰ (92:11) ותרם כראים קרני בלתי בשׁמן רענן׃¹¹ (92:12) ותבט עיני בשׁורי בקמים עלי מרעים תשׁמענה אזני׃

Psalms 106:8

⁸ ויושׁיעם למען שׁמו להודיע את גבורתו׃

Psalms 106:10

¹⁰ ויושׁיעם מיד שׂונא ויגאלם מיד אויב׃

Exodus 4:31

³¹ ויאמן העם וישׁמעו כי פקד יהוה את בני ישׂראל וכי ראה את ענים ויקדו וישׁתחוו׃

Exodus 19:9

⁹ ויאמר יהוה אל משׁה הנה אנכי בא אליך בעב הענן בעבור ישׁמע העם בדברי עמך וגם בך יאמינו לעולם ויגד משׁה את דברי העם אל יהוה׃

1 Samuel 12:18

¹⁸ ויקרא שׁמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שׁמואל׃

2 Chronicles 20:20

²⁰ וישׁכימו בבקר ויצאו למדבר תקוע ובצאתם עמד יהושׁפט ויאמר שׁמעוני יהודה וישׁבי ירושׁלם האמינו ביהוה אלהיכם ותאמנו האמינו בנביאיו והצליחו׃