1 בראשׁית ברא אלהים את השׁמים ואת הארץ׃2 והארץ היתה תהו ובהו וחשׁך על פני תהום ורוח אלהים מרחפת על פני המים׃3 ויאמר אלהים יהי אור ויהי אור׃4 וירא אלהים את האור כי טוב ויבדל אלהים בין האור ובין החשׁך׃5 ויקרא אלהים לאור יום ולחשׁך קרא לילה ויהי ערב ויהי בקר יום אחד׃6 ויאמר אלהים יהי רקיע בתוך המים ויהי מבדיל בין מים למים׃7 ויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן׃8 ויקרא אלהים לרקיע שׁמים ויהי ערב ויהי בקר יום שׁני׃9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃10 ויקרא אלהים ליבשׁה ארץ ולמקוה המים קרא ימים וירא אלהים כי טוב׃11 ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן׃12 ותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב׃13 ויהי ערב ויהי בקר יום שׁלישׁי׃14 ויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים׃15 והיו למאורת ברקיע השׁמים להאיר על הארץ ויהי כן׃16 ויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים׃17 ויתן אתם אלהים ברקיע השׁמים להאיר על הארץ׃18 ולמשׁל ביום ובלילה ולהבדיל בין האור ובין החשׁך וירא אלהים כי טוב׃19 ויהי ערב ויהי בקר יום רביעי׃20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃21 ויברא אלהים את התנינם הגדלים ואת כל נפשׁ החיה הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב׃22 ויברך אתם אלהים לאמר פרו ורבו ומלאו את המים בימים והעוף ירב בארץ׃23 ויהי ערב ויהי בקר יום חמישׁי׃24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃26 ויאמר אלהים נעשׂה אדם בצלמנו כדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ׃27 ויברא אלהים את האדם בצלמו בצלם אלהים ברא אתו זכר ונקבה ברא אתם׃28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃29 ויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה׃30 ולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן׃31 וירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי׃
Genesis Cross References - HOT
Exodus 20:11
11 כי שׁשׁת ימים עשׂה יהוה את השׁמים ואת הארץ את הים ואת כל אשׁר בם וינח ביום השׁביעי על כן ברך יהוה את יום השׁבת ויקדשׁהו׃
Exodus 31:18
18 ויתן אל משׁה ככלתו לדבר אתו בהר סיני שׁני לחת העדת לחת אבן כתבים באצבע אלהים׃
1 Chronicles 16:26
26 כי כל אלהי העמים אלילים ויהוה שׁמים עשׂה׃
Nehemiah 9:6
6 אתה הוא יהוה לבדך את עשׂית את השׁמים שׁמי השׁמים וכל צבאם הארץ וכל אשׁר עליה הימים וכל אשׁר בהם ואתה מחיה את כלם וצבא השׁמים לך משׁתחוים׃
Job 26:13
13 ברוחו שׁמים שׁפרה חללה ידו נחשׁ בריח׃
Job 38:4
4 איפה היית ביסדי ארץ הגד אם ידעת בינה׃
Psalms 8:3
3 (8:4) כי אראה שׁמיך מעשׂי אצבעתיך ירח וכוכבים אשׁר כוננתה׃
Psalms 33:6
6 בדבר יהוה שׁמים נעשׂו וברוח פיו כל צבאם׃
Psalms 33:9
9 כי הוא אמר ויהי הוא צוה ויעמד׃
Psalms 89:11-12
Psalms 90:2
2 בטרם הרים ילדו ותחולל ארץ ותבל ומעולם עד עולם אתה אל׃
Psalms 96:5
5 כי כל אלהי העמים אלילים ויהוה שׁמים עשׂה׃
Psalms 102:25
25 (102:26) לפנים הארץ יסדת ומעשׂה ידיך שׁמים׃
Psalms 104:24
24 מה רבו מעשׂיך יהוה כלם בחכמה עשׂית מלאה הארץ קנינך׃
Psalms 104:30
30 תשׁלח רוחך יבראון ותחדשׁ פני אדמה׃
Psalms 115:15
15 ברוכים אתם ליהוה עשׂה שׁמים וארץ׃
Psalms 121:2
2 עזרי מעם יהוה עשׂה שׁמים וארץ׃
Psalms 124:8
8 עזרנו בשׁם יהוה עשׂה שׁמים וארץ׃
Psalms 134:3
3 יברכך יהוה מציון עשׂה שׁמים וארץ׃
Psalms 136:5
5 לעשׂה השׁמים בתבונה כי לעולם חסדו׃
Psalms 146:6
6 עשׂה שׁמים וארץ את הים ואת כל אשׁר בם השׁמר אמת לעולם׃
Psalms 148:4-5
Proverbs 3:19
19 יהוה בחכמה יסד ארץ כונן שׁמים בתבונה׃
Proverbs 8:22-30
22 יהוה קנני ראשׁית דרכו קדם מפעליו מאז׃23 מעולם נסכתי מראשׁ מקדמי ארץ׃24 באין תהמות חוללתי באין מעינות נכבדי מים׃25 בטרם הרים הטבעו לפני גבעות חוללתי׃26 עד לא עשׂה ארץ וחוצות וראשׁ עפרות תבל׃27 בהכינו שׁמים שׁם אני בחוקו חוג על פני תהום׃28 באמצו שׁחקים ממעל בעזוז עינות תהום׃29 בשׂומו לים חקו ומים לא יעברו פיו בחוקו מוסדי ארץ׃30 ואהיה אצלו אמון ואהיה שׁעשׁעים יום יום משׂחקת לפניו בכל עת׃
Proverbs 16:4
4 כל פעל יהוה למענהו וגם רשׁע ליום רעה׃
Ecclesiastes 12:1
1 וזכר את בוראיך בימי בחורתיך עד אשׁר לא יבאו ימי הרעה והגיעו שׁנים אשׁר תאמר אין לי בהם חפץ׃
Isaiah 37:16
16 יהוה צבאות אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃
Isaiah 40:26
26 שׂאו מרום עיניכם וראו מי ברא אלה המוציא במספר צבאם לכלם בשׁם יקרא מרב אונים ואמיץ כח אישׁ לא נעדר׃
Isaiah 40:28
28 הלוא ידעת אם לא שׁמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃
Isaiah 42:5
5 כה אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים׃
Isaiah 44:24
24 כה אמר יהוה גאלך ויצרך מבטן אנכי יהוה עשׂה כל נטה שׁמים לבדי רקע הארץ מי אתי׃
Isaiah 45:18
18 כי כה אמר יהוה בורא השׁמים הוא האלהים יצר הארץ ועשׂה הוא כוננה לא תהו בראה לשׁבת יצרה אני יהוה ואין עוד׃
Isaiah 51:13
13 ותשׁכח יהוה עשׂך נוטה שׁמים ויסד ארץ ותפחד תמיד כל היום מפני חמת המציק כאשׁר כונן להשׁחית ואיה חמת המציק׃
Isaiah 51:16
16 ואשׂים דברי בפיך ובצל ידי כסיתיך לנטע שׁמים וליסד ארץ ולאמר לציון עמי אתה׃
Isaiah 65:17
17 כי הנני בורא שׁמים חדשׁים וארץ חדשׁה ולא תזכרנה הראשׁנות ולא תעלינה על לב׃
Jeremiah 10:12
12 עשׂה ארץ בכחו מכין תבל בחכמתו ובתבונתו נטה שׁמים׃
Jeremiah 32:17
17 אהה אדני יהוה הנה אתה עשׂית את השׁמים ואת הארץ בכחך הגדול ובזרעך הנטויה לא יפלא ממך כל דבר׃
Jeremiah 51:15
15 עשׂה ארץ בכחו מכין תבל בחכמתו ובתבונתו נטה שׁמים׃
Zechariah 12:1
1 משׂא דבר יהוה על ישׂראל נאם יהוה נטה שׁמים ויסד ארץ ויצר רוח אדם בקרבו׃
Job 26:7
7 נטה צפון על תהו תלה ארץ על בלי מה׃
Job 26:14
14 הן אלה קצות דרכו ומה שׁמץ דבר נשׁמע בו ורעם גבורתו מי יתבונן׃
Isaiah 40:12-14
Jeremiah 4:23
23 ראיתי את הארץ והנה תהו ובהו ואל השׁמים ואין אורם׃
Nahum 2:10
10 (2:11) בוקה ומבוקה ומבלקה ולב נמס ופק ברכים וחלחלה בכל מתנים ופני כלם קבצו פארור׃
Job 36:30
30 הן פרשׂ עליו אורו ושׁרשׁי הים כסה׃
Job 38:19
19 אי זה הדרך ישׁכן אור וחשׁך אי זה מקמו׃
Psalms 97:11
11 אור זרע לצדיק ולישׁרי לב שׂמחה׃
Psalms 104:2
2 עטה אור כשׂלמה נוטה שׁמים כיריעה׃
Psalms 118:27
27 אל יהוה ויאר לנו אסרו חג בעבתים עד קרנות המזבח׃
Psalms 148:5
5 יהללו את שׁם יהוה כי הוא צוה ונבראו׃
Isaiah 45:7
7 יוצר אור ובורא חשׁך עשׂה שׁלום ובורא רע אני יהוה עשׂה כל אלה׃
Isaiah 60:19
19 לא יהיה לך עוד השׁמשׁ לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃
Genesis 1:10
10 ויקרא אלהים ליבשׁה ארץ ולמקוה המים קרא ימים וירא אלהים כי טוב׃
Genesis 1:12
12 ותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב׃
Genesis 1:18
18 ולמשׁל ביום ובלילה ולהבדיל בין האור ובין החשׁך וירא אלהים כי טוב׃
Genesis 1:25
25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃
Genesis 1:31
31 וירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי׃
Ecclesiastes 2:13
13 וראיתי אני שׁישׁ יתרון לחכמה מן הסכלות כיתרון האור מן החשׁך׃
Ecclesiastes 11:7
7 ומתוק האור וטוב לעינים לראות את השׁמשׁ׃
Genesis 1:8
8 ויקרא אלהים לרקיע שׁמים ויהי ערב ויהי בקר יום שׁני׃
Genesis 1:13
13 ויהי ערב ויהי בקר יום שׁלישׁי׃
Genesis 1:19
19 ויהי ערב ויהי בקר יום רביעי׃
Genesis 1:23
23 ויהי ערב ויהי בקר יום חמישׁי׃
Genesis 8:22
22 עד כל ימי הארץ זרע וקציר וקר וחם וקיץ וחרף ויום ולילה לא ישׁבתו׃
Psalms 19:2
2 (19:3) יום ליום יביע אמר ולילה ללילה יחוה דעת׃
Psalms 74:16
16 לך יום אף לך לילה אתה הכינות מאור ושׁמשׁ׃
Psalms 104:20
20 תשׁת חשׁך ויהי לילה בו תרמשׂ כל חיתו יער׃
Jeremiah 33:20
20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃
Genesis 1:14
14 ויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים׃
Genesis 1:20
20 ויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים׃
Genesis 7:11-12
Job 26:7-8
Job 37:11
11 אף ברי יטריח עב יפיץ ענן אורו׃
Job 37:18
18 תרקיע עמו לשׁחקים חזקים כראי מוצק׃
Job 38:22-26
Psalms 19:1
1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃
Psalms 136:5-6
Psalms 148:4
4 הללוהו שׁמי השׁמים והמים אשׁר מעל השׁמים׃
Psalms 150:1
1 הללו יה הללו אל בקדשׁו הללוהו ברקיע עזו׃
Ecclesiastes 11:3
3 אם ימלאו העבים גשׁם על הארץ יריקו ואם יפול עץ בדרום ואם בצפון מקום שׁיפול העץ שׁם יהוא׃
Jeremiah 10:10
10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃
Jeremiah 10:12-13
Genesis 1:9
9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃
Genesis 1:11
11 ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן׃
Genesis 1:15
15 והיו למאורת ברקיע השׁמים להאיר על הארץ ויהי כן׃
Genesis 1:24
24 ויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן׃
Job 26:8
8 צרר מים בעביו ולא נבקע ענן תחתם׃
Job 38:8-11
Psalms 104:10
10 המשׁלח מעינים בנחלים בין הרים יהלכון׃
Proverbs 8:28-29
Genesis 1:5
5 ויקרא אלהים לאור יום ולחשׁך קרא לילה ויהי ערב ויהי בקר יום אחד׃
Genesis 5:2
2 זכר ונקבה בראם ויברך אתם ויקרא את שׁמם אדם ביום הבראם׃
Job 26:10
10 חק חג על פני מים עד תכלית אור עם חשׁך׃
Psalms 24:1-2
Psalms 33:7
7 כנס כנד מי הים נתן באצרות תהומות׃
Psalms 95:5
5 אשׁר לו הים והוא עשׂהו ויבשׁת ידיו יצרו׃
Psalms 104:3
3 המקרה במים עליותיו השׂם עבים רכובו המהלך על כנפי רוח׃
Psalms 104:5-9
Ecclesiastes 1:7
7 כל הנחלים הלכים אל הים והים איננו מלא אל מקום שׁהנחלים הלכים שׁם הם שׁבים ללכת׃
Jeremiah 5:22
22 האותי לא תיראו נאם יהוה אם מפני לא תחילו אשׁר שׂמתי חול גבול לים חק עולם ולא יעברנהו ויתגעשׁו ולא יוכלו והמו גליו ולא יעברנהו׃
Jonah 1:9
9 ויאמר אליהם עברי אנכי ואת יהוה אלהי השׁמים אני ירא אשׁר עשׂה את הים ואת היבשׁה׃
Genesis 1:4
4 וירא אלהים את האור כי טוב ויבדל אלהים בין האור ובין החשׁך׃
Deuteronomy 32:4
4 הצור תמים פעלו כי כל דרכיו משׁפט אל אמונה ואין עול צדיק וישׁר הוא׃
Psalms 104:31
31 יהי כבוד יהוה לעולם ישׂמח יהוה במעשׂיו׃
Genesis 1:29
29 ויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה׃
Genesis 2:5
5 וכל שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה׃
Genesis 2:9
9 ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע׃
Genesis 2:16
16 ויצו יהוה אלהים על האדם לאמר מכל עץ הגן אכל תאכל׃
Job 28:5
5 ארץ ממנה יצא לחם ותחתיה נהפך כמו אשׁ׃
Psalms 1:3
3 והיה כעץ שׁתול על פלגי מים אשׁר פריו יתן בעתו ועלהו לא יבול וכל אשׁר יעשׂה יצליח׃
Psalms 65:9-13
Psalms 104:14-17
Psalms 147:8
8 המכסה שׁמים בעבים המכין לארץ מטר המצמיח הרים חציר׃
Jeremiah 17:8
8 והיה כעץ שׁתול על מים ועל יובל ישׁלח שׁרשׁיו ולא ירא כי יבא חם והיה עלהו רענן ובשׁנת בצרת לא ידאג ולא ימישׁ מעשׂות פרי׃
Isaiah 55:10-11
Isaiah 61:11
11 כי כארץ תוציא צמחה וכגנה זרועיה תצמיח כן אדני יהוה יצמיח צדקה ותהלה נגד כל הגוים׃
Genesis 9:13
13 את קשׁתי נתתי בענן והיתה לאות ברית ביני ובין הארץ׃
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
Job 3:9
9 יחשׁכו כוכבי נשׁפו יקו לאור ואין ואל יראה בעפעפי שׁחר׃
Job 25:3
3 הישׁ מספר לגדודיו ועל מי לא יקום אורהו׃
Job 25:5
5 הן עד ירח ולא יאהיל וכוכבים לא זכו בעיניו׃
Job 38:12-14
Job 38:31-32
Psalms 8:3-4
Psalms 19:1-6
1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃2 (19:3) יום ליום יביע אמר ולילה ללילה יחוה דעת׃3 (19:4) אין אמר ואין דברים בלי נשׁמע קולם׃4 (19:5) בכל הארץ יצא קום ובקצה תבל מליהם לשׁמשׁ שׂם אהל׃5 (19:6) והוא כחתן יצא מחפתו ישׂישׂ כגבור לרוץ ארח׃6 (19:7) מקצה השׁמים מוצאו ותקופתו על קצותם ואין נסתר מחמתו׃
Psalms 74:16-17
Psalms 81:3
3 (81:4) תקעו בחדשׁ שׁופר בכסה ליום חגנו׃
Psalms 104:19-20
Psalms 119:91
91 למשׁפטיך עמדו היום כי הכל עבדיך׃
Psalms 136:7-9
Psalms 148:3
3 הללוהו שׁמשׁ וירח הללוהו כל כוכבי אור׃
Psalms 148:6
6 ויעמידם לעד לעולם חק נתן ולא יעבור׃
Jeremiah 10:2
2 כה אמר יהוה אל דרך הגוים אל תלמדו ומאתות השׁמים אל תחתו כי יחתו הגוים מהמה׃
Jeremiah 31:35
35 כה אמר יהוה נתן שׁמשׁ לאור יומם חקת ירח וכוכבים לאור לילה רגע הים ויהמו גליו יהוה צבאות שׁמו׃
Jeremiah 33:25
25 כה אמר יהוה אם לא בריתי יומם ולילה חקות שׁמים וארץ לא שׂמתי׃
Ezekiel 32:7-8
Ezekiel 46:1
1 כה אמר אדני יהוה שׁער החצר הפנימית הפנה קדים יהיה סגור שׁשׁת ימי המעשׂה וביום השׁבת יפתח וביום החדשׁ יפתח׃
Ezekiel 46:6
6 וביום החדשׁ פר בן בקר תמימם ושׁשׁת כבשׂם ואיל תמימם יהיו׃
Joel 2:10
10 לפניו רגזה ארץ רעשׁו שׁמים שׁמשׁ וירח קדרו וכוכבים אספו נגהם׃
Joel 2:30-31
Joel 3:15
15 (4:15) שׁמשׁ וירח קדרו וכוכבים אספו נגהם׃
Amos 5:8
8 עשׂה כימה וכסיל והפך לבקר צלמות ויום לילה החשׁיך הקורא למי הים וישׁפכם על פני הארץ יהוה שׁמו׃
Amos 8:9
9 והיה ביום ההוא נאם אדני יהוה והבאתי השׁמשׁ בצהרים והחשׁכתי לארץ ביום אור׃
Joshua 10:12-14
Job 31:26
26 אם אראה אור כי יהל וירח יקר הלך׃
Job 38:7
7 ברן יחד כוכבי בקר ויריעו כל בני אלהים׃
Psalms 19:6
6 (19:7) מקצה השׁמים מוצאו ותקופתו על קצותם ואין נסתר מחמתו׃
Isaiah 13:10
10 כי כוכבי השׁמים וכסיליהם לא יהלו אורם חשׁך השׁמשׁ בצאתו וירח לא יגיה אורו׃
Isaiah 24:23
23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃
Habakkuk 3:11
11 שׁמשׁ ירח עמד זבלה לאור חציך יהלכו לנגה ברק חניתך׃
Job 38:12
12 המימיך צוית בקר ידעתה שׁחר מקמו׃
Psalms 8:1
1 למנצח על הגתית מזמור לדוד׃ (8:2) יהוה אדנינו מה אדיר שׁמך בכל הארץ אשׁר תנה הודך על השׁמים׃
Genesis 1:7
7 ויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן׃
Genesis 1:22
22 ויברך אתם אלהים לאמר פרו ורבו ומלאו את המים בימים והעוף ירב בארץ׃
Genesis 1:30
30 ולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן׃
Genesis 2:19
19 ויצר יהוה אלהים מן האדמה כל חית השׂדה ואת כל עוף השׁמים ויבא אל האדם לראות מה יקרא לו וכל אשׁר יקרא לו האדם נפשׁ חיה הוא שׁמו׃
Genesis 8:17
17 כל החיה אשׁר אתך מכל בשׂר בעוף ובבהמה ובכל הרמשׂ הרמשׂ על הארץ הוצא אתך ושׁרצו בארץ ופרו ורבו על הארץ׃
1 Kings 4:33
33 (5:13) וידבר על העצים מן הארז אשׁר בלבנון ועד האזוב אשׁר יצא בקיר וידבר על הבהמה ועל העוף ועל הרמשׂ ועל הדגים׃
Psalms 104:24-25
Psalms 148:10
10 החיה וכל בהמה רמשׂ וצפור כנף׃
Ecclesiastes 2:21
21 כי ישׁ אדם שׁעמלו בחכמה ובדעת ובכשׁרון ולאדם שׁלא עמל בו יתננו חלקו גם זה הבל ורעה רבה׃
Genesis 6:20
20 מהעוף למינהו ומן הבהמה למינה מכל רמשׂ האדמה למינהו שׁנים מכל יבאו אליך להחיות׃
Genesis 7:14
14 המה וכל החיה למינה וכל הבהמה למינה וכל הרמשׂ הרמשׂ על הארץ למינהו וכל העוף למינהו כל צפור כל כנף׃
Genesis 8:19
19 כל החיה כל הרמשׂ וכל העוף כל רומשׂ על הארץ למשׁפחתיהם יצאו מן התבה׃
Genesis 9:7
7 ואתם פרו ורבו שׁרצו בארץ ורבו׃
Exodus 1:7
7 ובני ישׂראל פרו וישׁרצו וירבו ויעצמו במאד מאד ותמלא הארץ אתם׃
Exodus 8:3
3 (7:28) ושׁרץ היאר צפרדעים ועלו ובאו בביתך ובחדר משׁכבך ועל מטתך ובבית עבדיך ובעמך ובתנוריך ובמשׁארותיך׃
Job 7:12
12 הים אני אם תנין כי תשׂים עלי משׁמר׃
Job 26:5
5 הרפאים יחוללו מתחת מים ושׁכניהם׃
Psalms 104:24-26
Ezekiel 32:2
2 בן אדם שׂא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃
Jonah 1:17
17 (2:1) וימן יהוה דג גדול לבלע את יונה ויהי יונה במעי הדג שׁלשׁה ימים ושׁלשׁה לילות׃
Jonah 2:10
10 (2:11) ויאמר יהוה לדג ויקא את יונה אל היבשׁה׃
Genesis 1:28
28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃
Genesis 9:1
1 ויברך אלהים את נח ואת בניו ויאמר להם פרו ורבו ומלאו את הארץ׃
Genesis 30:27
27 ויאמר אליו לבן אם נא מצאתי חן בעיניך נחשׁתי ויברכני יהוה בגללך׃
Genesis 30:30
30 כי מעט אשׁר היה לך לפני ויפרץ לרב ויברך יהוה אתך לרגלי ועתה מתי אעשׂה גם אנכי לביתי׃
Genesis 35:11
11 ויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו׃
Leviticus 26:9
9 ופניתי אליכם והפריתי אתכם והרביתי אתכם והקימתי את בריתי אתכם׃
Job 40:15
15 הנה נא בהמות אשׁר עשׂיתי עמך חציר כבקר יאכל׃
Job 42:12
12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃
Psalms 107:31
31 יודו ליהוה חסדו ונפלאותיו לבני אדם׃
Psalms 107:38
38 ויברכם וירבו מאד ובהמתם לא ימעיט׃
Psalms 128:3
3 אשׁתך כגפן פריה בירכתי ביתך בניך כשׁתלי זיתים סביב לשׁלחנך׃
Psalms 144:13-14
Proverbs 10:22
22 ברכת יהוה היא תעשׁיר ולא יוסף עצב עמה׃
Job 38:39-40
Job 39:1
1 הידעת עת לדת יעלי סלע חלל אילות תשׁמר׃
Job 39:5
5 מי שׁלח פרא חפשׁי ומסרות ערוד מי פתח׃
Job 39:9
9 היאבה רים עבדך אם ילין על אבוסך׃
Job 39:19
19 התתן לסוס גבורה התלבישׁ צוארו רעמה׃
Psalms 50:9-10
Psalms 104:18
18 הרים הגבהים ליעלים סלעים מחסה לשׁפנים׃
Psalms 104:23
23 יצא אדם לפעלו ולעבדתו עדי ערב׃
Genesis 2:19-20
Job 12:8-10
Jeremiah 27:5
5 אנכי עשׂיתי את הארץ את האדם ואת הבהמה אשׁר על פני הארץ בכחי הגדול ובזרועי הנטויה ונתתיה לאשׁר ישׁר בעיני׃
Genesis 3:22
22 ויאמר יהוה אלהים הן האדם היה כאחד ממנו לדעת טוב ורע ועתה פן ישׁלח ידו ולקח גם מעץ החיים ואכל וחי לעלם׃
Genesis 5:1
1 זה ספר תולדת אדם ביום ברא אלהים אדם בדמות אלהים עשׂה אתו׃
Genesis 9:2-4
Genesis 9:6
6 שׁפך דם האדם באדם דמו ישׁפך כי בצלם אלהים עשׂה את האדם׃
Genesis 11:7
7 הבה נרדה ונבלה שׁם שׂפתם אשׁר לא ישׁמעו אישׁ שׂפת רעהו׃
Job 5:23
23 כי עם אבני השׂדה בריתך וחית השׂדה השׁלמה׃
Job 35:10
10 ולא אמר איה אלוה עשׂי נתן זמרות בלילה׃
Psalms 8:4-8
Psalms 100:3
3 דעו כי יהוה הוא אלהים הוא עשׂנו ולא אנחנו עמו וצאן מרעיתו׃
Psalms 104:20-24
Psalms 149:2
2 ישׂמח ישׂראל בעשׂיו בני ציון יגילו במלכם׃
Ecclesiastes 7:29
29 לבד ראה זה מצאתי אשׁר עשׂה האלהים את האדם ישׁר והמה בקשׁו חשׁבנות רבים׃
Isaiah 6:8
8 ואשׁמע את קול אדני אמר את מי אשׁלח ומי ילך לנו ואמר הנני שׁלחני׃
Isaiah 64:8
8 (64:7) ועתה יהוה אבינו אתה אנחנו החמר ואתה יצרנו ומעשׂה ידך כלנו׃
Jeremiah 27:6
6 ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השׂדה נתתי לו לעבדו׃
Genesis 2:18
18 ויאמר יהוה אלהים לא טוב היות האדם לבדו אעשׂה לו עזר כנגדו׃
Genesis 2:21-25
21 ויפל יהוה אלהים תרדמה על האדם ויישׁן ויקח אחת מצלעתיו ויסגר בשׂר תחתנה׃22 ויבן יהוה אלהים את הצלע אשׁר לקח מן האדם לאשׁה ויבאה אל האדם׃23 ויאמר האדם זאת הפעם עצם מעצמי ובשׂר מבשׂרי לזאת יקרא אשׁה כי מאישׁ לקחה זאת׃24 על כן יעזב אישׁ את אביו ואת אמו ודבק באשׁתו והיו לבשׂר אחד׃25 ויהיו שׁניהם ערומים האדם ואשׁתו ולא יתבשׁשׁו׃
Genesis 5:1-2
Psalms 139:14
14 אודך על כי נוראות נפליתי נפלאים מעשׂיך ונפשׁי ידעת מאד׃
Isaiah 43:7
7 כל הנקרא בשׁמי ולכבודי בראתיו יצרתיו אף עשׂיתיו׃
Malachi 2:15
15 ולא אחד עשׂה ושׁאר רוח לו ומה האחד מבקשׁ זרע אלהים ונשׁמרתם ברוחכם ובאשׁת נעוריך אל יבגד׃
Genesis 17:16
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Genesis 17:20
20 ולישׁמעאל שׁמעתיך הנה ברכתי אתו והפריתי אתו והרביתי אתו במאד מאד שׁנים עשׂר נשׂיאם יוליד ונתתיו לגוי גדול׃
Genesis 22:17-18
Genesis 24:60
60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃
Genesis 26:3-4
Genesis 26:24
24 וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃
Genesis 33:5
5 וישׂא את עיניו וירא את הנשׁים ואת הילדים ויאמר מי אלה לך ויאמר הילדים אשׁר חנן אלהים את עבדך׃
Genesis 49:25
25 מאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם׃
1 Chronicles 4:10
10 ויקרא יעבץ לאלהי ישׂראל לאמר אם ברך תברכני והרבית את גבולי והיתה ידך עמי ועשׂית מרעה לבלתי עצבי ויבא אלהים את אשׁר שׁאל׃
1 Chronicles 26:5
5 עמיאל השׁשׁי ישׂשכר השׁביעי פעלתי השׁמיני כי ברכו אלהים׃
Psalms 69:34
34 (69:35) יהללוהו שׁמים וארץ ימים וכל רמשׂ׃
Psalms 127:1-5
Psalms 128:3-4
Genesis 9:3
3 כל רמשׂ אשׁר הוא חי לכם יהיה לאכלה כירק עשׂב נתתי לכם את כל׃
Job 36:31
31 כי בם ידין עמים יתן אכל למכביר׃
Psalms 24:1
1 לדוד מזמור ליהוה הארץ ומלואה תבל וישׁבי׃
Psalms 104:14-15
Psalms 104:27-28
Psalms 111:5
5 טרף נתן ליראיו יזכר לעולם בריתו׃
Psalms 115:16
16 השׁמים שׁמים ליהוה והארץ נתן לבני אדם׃
Psalms 136:25
25 נתן לחם לכל בשׂר כי לעולם חסדו׃
Psalms 145:15-16
Psalms 146:7
7 עשׂה משׁפט לעשׁוקים נתן לחם לרעבים יהוה מתיר אסורים׃
Psalms 147:9
9 נותן לבהמה לחמה לבני ערב אשׁר יקראו׃
Isaiah 33:16
16 הוא מרומים ישׁכן מצדות סלעים משׂגבו לחמו נתן מימיו נאמנים׃
Hosea 2:8
8 (2:10) והיא לא ידעה כי אנכי נתתי לה הדגן והתירושׁ והיצהר וכסף הרביתי לה וזהב עשׂו לבעל׃
Job 38:39-41
Job 39:4
4 יחלמו בניהם ירבו בבר יצאו ולא שׁבו׃
Job 39:8
8 יתור הרים מרעהו ואחר כל ירוק ידרושׁ׃
Job 39:30
30 ואפרחו יעלעו דם ובאשׁר חללים שׁם הוא׃
Job 40:20
20 כי בול הרים ישׂאו לו וכל חית השׂדה ישׂחקו שׁם׃
Psalms 104:14
14 מצמיח חציר לבהמה ועשׂב לעבדת האדם להוציא לחם מן הארץ׃
Genesis 2:2
2 ויכל אלהים ביום השׁביעי מלאכתו אשׁר עשׂה וישׁבת ביום השׁביעי מכל מלאכתו אשׁר עשׂה׃
Psalms 19:1-2
Lamentations 3:38
38 מפי עליון לא תצא הרעות והטוב׃